ឯកឧត្ដម ហ៊ុន ម៉ានី អញ្ជើញទៅចាក់វ៉ាក់សាំង Sinopharm ចិនក្រោយជាសះស្បើយពីជំងឺផ្ដាសាយធំ

សង្គម​និង​សេដ្ឋកិច្ច

បន្ទាប់ពីខកខាន មិនបានចាក់វ៉ាក់សាំងការពារកូវីដ១៩ សីណូហ្វាមរបស់ចិន កាលពីថ្ងៃទី១០ កុម្ភៈ ដោយសារមូលហេតុផ្ដាសាយធំ ឯកឧត្ដម ហ៊ុន ម៉ានី តំណាងរាស្ត្រមណ្ឌលខេត្តកំពង់ស្ពឺ កាលពីថ្ងៃទី០៣ ខែមីនា ២០២១នេះ បានអញ្ជើញទៅទទួលវ៉ាក់សាំងកូវីដ១៩ ស៊ីណូហ្វាមចិនជាថ្មី នៅមន្ទីរពេទ្យកាល់ម៉ែត្រ។ នេះបើតាមការបញ្ជាក់ឱ្យដឹង លើផេកហ្វេសប៊ុកផ្លូវការរបស់ឯឧត្ដម។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ឯកឧត្ដមប្រធានសហភាពសហម្ព័ន្ធយុវជនកម្ពុជា បានបន្តទៀតថា៖«បន្ទាប់ពីបានប្រឹក្សាសុខភាពសារជាថ្មី ជាមួយគ្រូពេទ្យជំនាញ ខ្ញុំទទួលបានការអនុញាតិឲ្យចាក់វ៉ាក់សាំង Sinopharm ដើម្បីការពារជំងឺកូវីដ១៩ ដែលខ្ញុំបានខកខានកាលពី ពីរសប្តាហ៍មុនដោយសារស្ថានភាពនៃជំងឺផ្តាសាយធំ»។

ការអញ្ជើញទៅទទួលវ៉ាក់សាំងរបស់ថ្នាក់ដឹកនាំវ័យក្មេងរូបនេះ ធ្វើឡើងមួយថ្ងៃ បន្ទាប់ពីកម្ពុជាទើបទទួលបាន វ៉ាក់សាំងប្រភេទ Astra Zeneca/SII ពីប្រទេសឥណ្ឌា ចំនួន៣២៤.០០០ដូស កាលពីថ្ងៃទី០២ មីនា ២០២១នេះ៕