អតីត Miss Grand Cambodia 2020 បានប្ដឹងបកទៅកាន់ឧកញ៉ា ហេង សៀ វ័យ៥៩ឆ្នាំវិញ ពីបទ «ប៉ុនប៉ងរំលោភសេពសន្ថវៈ» នៅក្នុងរថយន្តត្រង់ចំណុច ម្ដុំផ្សារគីឡូលេខ ៤ ជិតសកលវិទ្យាល័យអាស៊ីអឺរ៉ុប។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
កញ្ញា សុង ឆវ័ន្ត ព្រះរាជអាជ្ញារងអមសាលាដំបូងរាជធានីភ្នំពេញ កាលពីថ្ងៃទី ខែ១១ឧសភា ឆ្នាំ២០២១ បានសម្រេចធ្វើការចោទប្រកាន់ កញ្ញា មាន ពេជ្ររីតា អាយុ២០ឆ្នាំ ជាពិធីការិនីរបស់ស្ថានីយទូរទស្សន៍ MYTV ពីបទ « លួចមានស្ថានទម្ងន់ទោស » (លួចទូរស័ព្ទដៃ ដោយប្រើហិង្សាបណ្តាលឲ្យឧកញ៉ាម្នាក់រងរបួស)។
នៅក្នុងពាក្យបណ្ដឹងធ្វើឡើងនៅថ្ងៃទី១១ ខែឧសភា ដែលមានកម្រាស់៣ទំព័រ បានដាក់ជូនទៅកាន់ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ កញ្ញា មាន ពេជ្ររីតា និស្សិតឆ្នាំទី២ ផ្នែកជំនួញពាណិជ្ជកម្ម បានប្ដឹងបកទៅកាន់លោកឧកញ៉ា ហេង សៀ វ័យ៥៩ឆ្នាំវិញ ពីបទ «ប៉ុនប៉ងរំលោភសេពសន្ថវៈ» នៅក្នុងរថយន្តត្រង់ចំណុច ម្ដុំផ្សារគីឡូលេខ ៤ ជិតសកលវិទ្យាល័យអាស៊ីអឺរ៉ុប។
នៅក្នុងពាក្យប្ដឹងដដែលនោះ កញ្ញា ពេជ្ររីតា បានច្រានចោលទាំងស្រុងនូវការចោទប្រកាន់មកលើរូបកញ្ញា ដោយអះអាងថា កញ្ញាទទួលរងភាពអយុត្តិធម៌ខ្លាំង ចំពោះករណីចោទប្រកាន់ពីបទលួចទូរស័ព្ទនិងបង្ករបួសស្នាមខាងលើ ព្រោះការពិត អ្វីដែលកញ្ញាបានធ្វើនោះ គឺរុញដៃរបស់លោកឧកញ៉ាដែលព្យាយាមបំពានមកលើរូបរាងកាយរបស់កញ្ញាដែលជាស្ត្រីទន់ខ្សោយ ដើម្បីការពារសុវត្ថិភាព ដោយសារតែលោកឧកញ៉ាមានកាំភ្លើងជាប់ខ្លួន ជាពិសេសកញ្ញាគ្រាន់តែចង់រំដោះខ្លួនត្រលប់ទៅផ្ទះវិញប៉ុណ្ណោះ។
នៅក្នុងពាក្យបណ្ដឹងរបស់កញ្ញា ពេជ្ររីតា ដែលដាក់ជូនទៅព្រះរាជ្ញអាជ្ញានោះ បានធ្វើការទាមទារទៅលើ៣ចំណុចដូចជា៖
១./ ប្ដឹងឧកញ៉ា ហេង សៀ ពីបទ «ប៉ុនប៉ងរំលោភសេពសន្ថវៈ» ដោយមានស្ថានទម្ងន់
២./ ទាមទារសំណងជម្ងឺចិត្តចំនួនទឹកប្រាក់ ១០,០០០០ដុល្លារ (ដប់ម៉ឺនដុល្លារអាមេរិក)
៣./ ទាមទារការខាតបង់ និងខូចខាតពេលវេលា និងសេវាផ្លូវច្បាប់ចំនួន ១០,០០០ដុល្លារ (មួយម៉ឺនដុល្លារ)
ពាក្យបណ្តឹងរបស់កញ្ញា មាន ពេជ្ររីតា ទៅកាន់ព្រះរាជអាជ្ញា៖