សាលាដំបូងរាជធានីភ្នំពេញ បានសម្រេចបញ្ជូន កញ្ញា មាន ពេជ្ររីតា អាយុ២០ឆ្នាំ ជាពិធីការិនីរបស់ស្ថានីយទូរទស្សន៍ MYTV ទៅពន្ធនាគារហើយ។ នេះបើយោងតាមការបញ្ជាក់ពីលោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានឲ្យដឹងនៅថ្ងៃទី១២ ខែឧសភានេះ។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
លោក ហេង ឡុង បានបញ្ជាក់ថា ការបញ្ជូនកញ្ញា ម៉ូ ដែលឈ្មោះ មាន ពេជ្រវីតា ទៅពន្ធនាគារ យោងតាមដីកាបង្គាប់ឲ្យឃុំខ្លួនលេខ៖ ៣២៣៩ “ប” ដឃដ ចុះថ្ងៃទី១១ ខែឧសភា ឆ្នាំ២០២១ដោយចៅក្រមស៊ើបសួរ លោក កូយ សៅ នៃសាលាដំបូងរាជធានីភ្នំពេញបានបញ្ជូនកញ្ញាម៉ូដែលឈ្មោះ មាន ពេជ្រវីតា ទៅពន្ធនាគារ ឬមណ្ឌលឃុំខ្លួន (ម២)។
រូបភាពបណ្តាញសង្គម
លោកបន្ថែមថា ខ្ញុំបាទក្នុងនាមសមាគមសិល្បករខ្មែរ កំពុងតែធ្វើការជាមួយនឹងមេធាវីស្ម័គ្រចិត្តការពារក្ដីជូនជនរងគ្រោះ។ ខ្ញុំបាទនឹងជូនព័ត៌មានថ្មីដល់បងប្អូនដែលស្រឡាញ់គាំទ្រភាពយុត្តិធម៌សម្រាប់ជនរងគ្រោះ។
សូមបញ្ជាក់ថា កញ្ញា មាន ពេជ្ររីតា អតីត Miss Grand Cambodia 2020 កាលពីថ្ងៃទី១១ខែឧសភាម្សិលមិញ បានប្ដឹងបកទៅកាន់ឧកញ៉ា ហេង សៀ វ័យ៥៩ឆ្នាំវិញ ពីបទ «ប៉ុនប៉ងរំលោភសេពសន្ថវៈ» នៅក្នុងរថយន្តត្រង់ចំណុច ម្ដុំផ្សារគីឡូលេខ ៤ ជិតសកលវិទ្យាល័យអាស៊ីអឺរ៉ុប។
រូបភាពបណ្តាញសង្គម
នៅក្នុងពាក្យប្ដឹង កញ្ញា ពេជ្ររីតា បានច្រានចោលទាំងស្រុងនូវការចោទប្រកាន់មកលើរូបកញ្ញា ដោយអះអាងថា កញ្ញាទទួលរងភាពអយុត្តិធម៌ខ្លាំង ចំពោះករណីចោទប្រកាន់ពីបទលួចទូរស័ព្ទនិងបង្ករបួសស្នាមខាងលើ ព្រោះការពិត អ្វីដែលកញ្ញាបានធ្វើនោះ គឺរុញដៃរបស់លោកឧកញ៉ាដែលព្យាយាមបំពានមកលើរូបរាងកាយរបស់កញ្ញាដែលជាស្ត្រីទន់ខ្សោយ ដើម្បីការពារសុវត្ថិភាព ដោយសារតែលោកឧកញ៉ាមានកាំភ្លើងជាប់ខ្លួន ជាពិសេសកញ្ញាគ្រាន់តែចង់រំដោះខ្លួនត្រលប់ទៅផ្ទះវិញប៉ុណ្ណោះ៕
សូមចុចលីងខាងក្រោម៖