តារាចម្រៀង អ៊ីណូ៖ ពិតជាបានខ្ចីលុយចំនួន១ម៉ឺនដុល្លារមែនពីម្ចាស់បំណុល

កម្សាន្ត

កាលពីវេលាម៉ោងប្រមាណជាង៦ល្ងាច ថ្ងៃទី០៦ ខែមិថុនាម្សិលមិញ មានការភ្ញាក់ផ្អើលដល់មហាជន ករណីលោក អ៊ីណូ បានខ្ចីលុយ​គេ​ចំនួន១​ម៉ឺន​ដុល្លារដែលមិនឱ្យថ្លៃដើម និងថ្លៃ​ការ ហើយម្ចាស់បំណុលមកទាដល់ខាងមុខឃ្លាំងលក់រថយន្តម្តុំផ្លូវទៅផ្សាអ៊ីអន២។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បើយោងតាមការរៀបរាប់ពី​ម្ចាស់បំណុលបាន​និយាយថា លោក​ អ៊ីណូ បានខ្ចីលុយចំនួយ១​ម៉ឺន​ដុល្លារ​ខណ:ការប្រាក់​ក្នុង១​ខែគឺ១៥០​ដុល្លារ តែ​តាំងពីខ្ចីមក លោក អ៊ីណូ បាន​ត្រឹមតែ​ឱ្យ​បូក​លុយ​ការ មិនដែលឱ្យលុយទេ ពោលគឺបានឱ្យការបានតែម្ដងគត់ ហើយ​ទាល់តែ​ខ្លួន​ជា​ម្ចាស់បំណុល​សួរ​ទើបឱ្យ​បូក​លុយ​ការប្រាក់​នោះ។

ប្រភពបានបន្តថា រហូតដល់ថ្ងៃចុងក្រោយលោក អ៊ីណូ បានចេញសែកចំនួនទឹកប្រាក់១ម៉ឺនដុល្លារឱ្យភាគីម្ចាស់បំណុលប៉ុន្តែនៅពេលដែលយកទៅបើកនៅធនាគា គឺមិនអាចដកលុយបាន ទើបធ្វើឱ្យម្ចាស់បំណុលខឹងក៏បានសម្រេចមកទារដល់កន្លែងលក់ឃ្លាំងរថយន្ត។

ជុំវិញករណីនេះតារាចម្រៀងលោក អ៊ីណូ បានបញ្ជាក់ថា លោកពិតជាបានខ្ចីលុយចំនួន១ម៉ឺនដុល្លារមែន។ ប៉ុន្តែរឿងដែលថាលោកមិនសង ឬចង់គេចវេសបោកប្រាស់មិនសងនោះ គ្មានទេ ព្រោះកន្លងមកលោកក៏ធ្លាប់បានឆាតទៅ​ប្រាប់​រឿង​សុំ​ពន្យារពេលសងជាដើម។

លោក អ៊ីណូ បញ្ជាក់ថា ដូចមហាជនបានដឹងស្រាប់ហើយ អំឡុងពេលនេះស្ថិតក្នុងដំណាក់កាលនៃជំងឺកូវីដ ទើបមានការពិបាកបង្វិលប្រាក់ ម្យ៉ាងដោយសារតែ លោកក៏ជាប់បង្វិលរឿងដីនៅបាត់ដំបងផងដែរ។ 

ជាមួយគ្នានេះលោក អ៊ីណូ បានបញ្ជាក់បន្ថែមថា នៅ​ម៉ោង​១០​ព្រឹក​ ថ្ងៃ​ទី​០៧ ខែ​មិថុនាឆ្នាំ​២០២១នេះ លោកនឹង​ធ្វើ​ការ​ប្រគល់​ប្រាក់ទាំង​ថ្លៃ​ការ និង​ថ្លៃដើមដល់ភាគីម្ចាស់លុយខាងលើវិញ៕