ឧកញ៉ា គួច ម៉េងលី៖ មែនទែនទៅ អំណាច និងលុយកាក់អាចធ្វើឱ្យយើងបរាជ័យបាន បើយើងមិនចេះប្រើវាក្នុងផ្លូវត្រឹមត្រូវ និងថ្លៃថ្នូ

ជុំវិញ​ឧកញ៉ា

បើអ្នកគ្មានចំណេះជំនាញនិងគ្មានទំនួលខុសត្រូវខ្ពស់ក្នុងកិច្ចការ ដែលអ្នកកំពុងតែទទួលខុសត្រូវទេ នោះអ្នកពុំមែនជាមនុស្សដែលមានតម្លៃសមនឹងធ្វើកិច្ចការនោះឡើយ។ ឃ្លាមួយប្រយោគក្នុងសៀវភៅបណ្តុំទស្សនៈដែលនិពន្ធដោយលោកឧកញ៉ា វេជ្ជបណ្ឌិត គួច ម៉េងលី ស្ថាបនិកក្រុមហ៊ុន ម៉េងលី ជេគួច។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកឧកញ៉ាបន្តថា ត្រូវមានក្រមសីលធម៌ចំពោះតួនាទីរបស់ខ្លួនឯង កុំនិយាយបំផ្លើស បោកប្រាស់គៃបន្លំ ឬបំពារបំពានលើអ្នកដទៃ។ យើងត្រូវតែព្យាយាមធ្វើនូវអ្វីដែលជាទំនួលខុសត្រូវរបស់យើង។ ហើយចាំបាច់ត្រូវតែប្រឹងប្រែងធ្វើវាឱ្យបានប្រសើរតាមតែអាចធ្វើបាន ដោយកុំខ្វល់ពីអ្នកដទៃថាគេធ្វើឬមិនធ្វើ ព្រោះនោះជារឿងរបស់គេ។

បើបានធ្វើជាមេ អ្នកនឹងមិនអាចទទួលបានជោគជ័យឡើយ ប្រសិនបើគ្មានការគោរព ការគាំទ្រ គ្មានទំនុកចិត្ដពីកូនក្រុម និងមិនចេះយល់ពីអារម្មណ៍ ឬទឹកចិត្ដរបស់ក្រុមខ្លួន។ ក្នុងនាមយើងជាមនុស្សចេះដឹង ជាមនុស្សថ្លៃថ្នូរ ជាអ្នកទទួលបានការអប់រំ និងចេះថ្លឹងថ្លែង សូមកុំចេះតែប្រើមាត់ដូចត្រីកំភ្លាញ។ អំណាចលុយកាក់ និងតួនាទីមិនមែនជាគ្រឿងគ្រៅសម្រាប់ដឹកនាំមនុស្សទេ។

លោកឧកញ៉ាបានបញ្ជាក់ថា មែនទែនទៅ អំណាច និងលុយកាក់អាចធ្វើឱ្យយើងបរាជ័យបាន បើយើងមិនចេះប្រើវាក្នុងផ្លូវត្រឹមត្រូវ និងថ្លៃថ្នូ។ កុំស្លូតបូត កុំសុភាព និងកុំទន់ភ្លន់ពេក ព្រោះចរិតទាំងនេះធ្វើឱ្យគេយល់ច្រឡំ ថាជាភាពទន់ខ្សោយរបស់យើង ជាហេតុនាំឱ្យគេជិះជាន់យើងទៅវិញ៕