សម្តេចម៉ែ ​សព្វព្រះរាជហឫទ័យ​ប្រោស​ព្រះរាជទាន​ព្រះរាជ​ទ្រព្យ​ផ្ទាល់​ដ៏​ឧត្តុង្គឧត្តម ចំនួន ៣​ម៉ឺន​ដុល្លារ​ ដល់មន្ទីរពេទ្យហ្លួងម៉ែ

ជុំវិញ​ឧកញ៉ា

សម្តេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ ស្តេច​សព្វព្រះរាជហឫទ័យ​ប្រោស​ព្រះរាជទាន​ព្រះរាជ​ទ្រព្យ​ផ្ទាល់​ដ៏​ឧត្តុង្គឧត្តម ចំនួន ៣​ម៉ឺន​ដុល្លារ​សហរដ្ឋអាមេរិក ជូន​ដល់​មន្ទីរពេទ្យ​ហ្លួង​ម៉ែ ដែល​បច្ចុប្បន្ន​ជា​កន្លែង​សម្រាប់​ពិនិត្យ​ព្យាបាល​អ្នកជំងឺ​កូ​វីត​១៩ ដើម្បី​ជាការ​ចូលរួមចំណែក​ក្នុងការ​ប្រយុទ្ធប្រឆាំង​ការរីក​រាលដាល​នៃ​ជំងឺ​កូ​វីត​១៩។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ការព្រះរាជទាន​ព្រះរាជ​ទ្រព្យ​ផ្ទាល់​ដ៏​ឧត្តុង្គឧត្តមនេះ មិនមែនជាលើកទីមួយនោះទេ ខណៈកាលអំឡុងខែមីនាឆ្នាំនេះ សម្តេចម៉ែ សព្វព្រះរាជហឫទ័យ​ប្រោសប្រទានព្រះរាជទ្រព្យ ២០ម៉ឺនដុល្លារ ចូលរួមជួយវិភាគទានសម្រាប់រៀបចំមន្ទីរពេទ្យ ហ្លួងម៉ែ ជូនចំពោះរាជរដ្ឋាភិបាលកម្ពុជា ដើម្បីទ្រង់ដល់ដំណើរការទិញយកមន្ទីរពេទ្យ នគរទេព ហើយប្តូរឈ្មោះថាជាមន្ទីរពេទ្យ ហ្លួងម៉ែ វិញ។

គួររម្លឹកថា ​​ប្រមុខ​រដ្ឋាភិបាល​កម្ពុជា បានសម្រេចទិញ​យក​មន្ទីរពេទ្យ «នគរទេព» មកធ្វើជាសម្បត្តិរដ្ឋ និងបម្រើការព្យាបាលអ្នកជំងឺកូវីដ១៩ នឹងប្តូរឈ្មោះជាមន្ទីរពេទ្យ «ហ្លួងម៉ែ»។ ​មន្ទីរពេទ្យ «នគរទេព» មានផ្ទៃដីទំហំ១ហិកតា ៥០អា ដែលមានអគារទំហំ ២៥,០០០ម៉ែត្រការេ កំពស់៥ជាន់ មានប្រព័ន្ធ ទឹក ភ្លើងល្អដែលបំពាក់ដោយប្រព័ន្ធសទ្បា (solar) និងមានម៉ាស៊ីនភ្លើងបំរុងកម្លាំង ៣៥០ KWA បំពាក់ដោយម៉ាស៊ីនផ្លាស់ប្ដូរភ្លើងដោយស្វ័យប្រវត្តិទៀតផង៕