កាលពីពេលថ្មីៗនេះ មហាសេដ្ឋី Roman Abramovich ទើបនឹងទទួលបានសញ្ជាតិព័រទុយហ្គាល់ ហើយលោកក៏បានក្លាយជាមហាសេដ្ឋីមានបំផុតប្រចាំប្រទេសមួយនេះដោយស្វ័យប្រវត្តិជាមួយទ្រព្យសម្បត្តិប្រមាណ ១៤,៥ ពាន់លានដុល្លារ។
ម្ចាស់ក្លឹបបាល់ទាត់ Chelsea បានទិញកាដូសម្រាប់ខ្លួនឯង ដែលកាដូមួយនេះគឺជាយន្តហោះផ្ទាល់ខ្លួនថ្លៃបំផុតលើលោក ម៉ូដែល Boeing 787-8 Dreamliner ដែលមានតម្លៃប្រមាណខ្ទង់ ៣០០ លានដុល្លារ។
យន្តហោះដ៏ទំនើបមួយនេះ ក៏បំំពាក់គ្រឿងសង្ហារិមថ្លៃមិនធម្មតាដែរ គឺប្រមាណជាង ១០២ លានដុល្លារ ដែលភាគច្រើនគ្រឿងតុបតែងទាំងអស់គឺជ្រើសដោយផ្ទាល់ពីមហាសេដ្ឋីរូបនេះ។
ដោយសារតែយន្តហោះមួយនេះជាប្រភេទ Boeing 787 ដូច្នេះវាមានទំហំធំ តែដោយសារវាជាប្រភេទយន្តហោះផ្ទាល់ខ្លួន ទើបកៅអីសរុបនៃយន្តហោះមានតែ ៥០ ប៉ុណ្ណោះ ដោយក្នុងនោះ ១០ កៅអីសម្រាប់អង្គរក្ស ១០ កៅអីសម្រាប់អ្នកបម្រើការលើយន្តហោះ និង ៣០ កៅអីសម្រាប់ភ្ញៀវ។
ក្រៅពីជាម្ចាស់យន្តហោះផ្ទាល់ខ្លួនថ្លៃបំផុតលើលោក Abramovich ក៏ជាសេដ្ឋីចូលចិត្តប្រមូលទិញយានយន្តផ្ទាល់ខ្លួនថ្លៃៗដូចជា នាវាផ្ទាល់ខ្លួនតម្លៃ ១,២ ពាន់លានដុល្លារ យន្តហោះផ្ទាល់ខ្លួនតម្លៃ ៨០ លានដុល្លារ និងរថយន្តទំនើបៗសរុបជាង ២២ លានដុល្លារផងដែរ៕
ប្រភព: luxurylaunches
