មេ​ធំ Telegram ជាប់​ជា​​កំពូល​​មហាសេដ្ឋី​រុស្ស៊ី​កើន​ទ្រព្យ​ច្រើន​បំផុត​ប្រចាំ​ឆ្នាំ ២០២១

អន្តរជាតិ

បណ្ដាញ​ទំនាក់​ទំនង Telegram គឺ​តែង​ទទួល​បាន​ការ​ពេញ​និយម និង​គាំទ្រ​ខ្លាំង​ពី​សំណាក់​អ្នក​ប្រើប្រាស់​ជា​ច្រើន​លាន​នាក់​ រាប់​បញ្ចូល​ទាំង​ប្រជាជន​កម្ពុជា​ផ្ទាល់ ដោយសារ​វា​មាន​លក្ខណៈ​សាមញ្ញ​ស្រួល​ប្រើប្រាស់។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ដោយសារ​មាន​អ្នក​ប្រើប្រាស់​ច្រើន​រាប់​លាន​នាក់​បែបនេះ ទើប​ស្ថាបនិក Pavel Durov បាន​ហក់​ឡើង​មក​កាន់​កំពូល​តារាង​មហាសេដ្ឋី​រុស្ស៊ី​កើន​ទ្រព្យ​ច្រើន​បំផុត​ប្រចាំ​ឆ្នាំ ២០២១ គិត​ត្រឹម​ខែធ្នូ ដោយ​រក​បាន​ដល់​ទៅ ១៣,៨១ ពាន់​លាន​ដុល្លារ​នៅ​ឆ្នាំ​នេះ។

បើ​យោង​តាម​ការ​អះអាង​ពី Forbes បាន​ឲ្យ​ដឹង​ថា Telegram ទើប​នឹង​ដាក់​លក់​មូលបត្រ​ជា​លើកដំបូង​នៅ​ឆ្នាំ ២០២១ និង​រក​បាន​ដល់​ទៅ ១ ពាន់​លាន​ដុល្លារ។ បើ​គិត​ត្រឹម​ថ្ងៃទី ២០ ធ្នូ ទ្រព្យសម្បត្តិ​សរុប​របស់​បុរស​វ័យ ៣៧ ឆ្នាំ​គឺ​មាន​រហូត​ដល់ ១៧,២៤ ពាន់​លាន​ដុល្លារ។

ប្រភព​ដដែល​បន្ថែម​ថា មហាសេដ្ឋី​រុស្ស៊ី​ទាំងអស់​បង្កើន​ទ្រព្យសម្បត្តិ​របស់​ពួកគេ​សរុប ៧៤,៥១​ពាន់​លាន​ដុល្លារ​នៅ​ក្នុងឆ្នាំ ២០២១ ខណៈ​ក្នុង​នោះ​ការ​កើនឡើង​គឺ​កើត​មក​ពី​មហាសេដ្ឋី ៧០ នាក់​ក្នុង​ចំណោម​មហាសេដ្ឋី ១០៤ នាក់​៕

ប្រភព: sputniknews