មិនធម្មតា! គ្រាន់តែខេត្តមួយនៅក្នុងប្រទេសចិន មានទំហំ GDP ធំជាង ប្រទេសកូរ៉េខាងត្បូងទាំងមូលទៅទៀត

អន្តរជាតិ

វាជារឿងគួរឱ្យភ្ញាក់ផ្អើលមួយ បន្ទាប់ពីសេដ្ឋកិច្ចរបស់ខេត្តក្វាងទុង ដែលស្ថិតនៅភាគខាងត្បូងរបស់ប្រទេសចិន បានវ៉ាច់ដាច់ប្រទេសកូរ៉េខាងត្បូងទាំងមូល  ដែលមានទំហំផលិតផលក្នុងស្រុកសរុប (GDP)  ធំជាង ជាលើកដំបូង ក្នុងឆ្នាំ ២០២១ ហើយខេត្តនេះ ក៏បានជាប់ចំណាត់ថ្នាក់លេខ ១០ ក្នុងចំណោមប្រទេសធំៗ នៅលើពិភពលោកទៀតផង ។ យ៉ាងណានេះបើយោងតាមការចុះផ្សាយពីសារព័ត៌មាន South China Morning Post កាលពីម្សិលមិញ ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

គួរឱ្យដឹងផងដែរថា កាលពី ២០២១ GDP របស់ខេត្តខ្វាងទុង (Guangdong) បានកត់ត្រាអំពីកំណើន GDP របស់ខ្លួនដល់ទៅ ៨%  បើធៀបនឹងឆ្នាំមុនៗ ដែលឈានដល់តម្លៃប្រមាណ ១២,៤ ទ្រីលានយន់ ឬ ១,៩៥ ទ្រីលានដុល្លារ  ដោយផ្អែកទៅលើអត្រាប្តូរប្រាក់ប្រចាំឆ្នាំ ជាមធ្យម ។

ជាក់ស្តែងចំនួននេះមានន័យថា GDP របស់ខេត្តខ្វាងទុង គឺមានទំហំធំជាង បើប្រៀបជាមួយ GDP របស់ប្រទេសកូរ៉េខាងត្បូង ដែលមានចំនួនប្រមាណ ១,៨២ ទ្រីលានដុល្លារ និងទាបជាង GDP របស់ប្រទេសកាណាដាបន្តិច ដែលមានចំនួនប្រមាណ ២ ទ្រីលានដុល្លារ ។ យ៉ាងនេះបើផ្នែកទៅលើទិន្នន័យបានពីមូលនិធិរូបិយវត្ថុអន្តរជាតិ ។

យ៉ាងណា ចំនួននេះគឺបានកើតឡើងបន្ទាប់ពីប្រទេសចិន បានប្រកាសកាលពីសប្តាហ៍មុនថា ខ្លួនបានទទួលកំណើនសេដ្ឋកិច្ច ៨,១% នៅក្នុងឆ្នាំ ២០២១ ​ដែលខ្ពស់ជាងគោលដៅរបស់រដ្ឋាភិបាលរហូតដល់ទៅ ៦% ។

សូមបញ្ជាក់ផងដែរថា ក្វាងទុង គឺជាខេត្តដែលមាន GDP ខ្ពស់ជាងគេបំផុត នៅក្នុងចំណោមខេត្តផ្សេងទៀតរបស់ប្រទេសចិនទាំងមូល ហើយខេត្តនេះអាចទាយយកអត្ថប្រយោជន៍ជាច្រើន ពីទីតាំងភូមិសាស្រ្តអំណោយផលរបស់ខ្លួន ជាមួយនឹងទីតាំង ដែលស្ថិតនៅជិតទីក្រុងហុងកុង ដើម្បីប្រែក្លាយខ្លួនទៅជាតំបន់ឈានមុខគេ សម្រាប់ការកែច្នៃបច្ចេកវិទ្យា នៅក្នុងប្រទេសចិន ហើយខេត្តនេះ បានក្លាយជាមជ្ឈមណ្ឌលពាណិជ្ជកម្មសកលផងដែរ ៕

ប្រភព: News -on- 24

376 Shares