Aeon Mall នៅ​វៀតណាម​គ្រោង​សាងសង់​អគារ​ពាណិជ្ជកម្ម​តំបូង ទាក់ទាញ​ភ្ញៀវ​ទេសចរណ៍​អន្តរជាតិ

អន្តរជាតិ

AEON Mall Vietnam មាន​គម្រោង​សាងសង់​អគារ​ពាណិជ្ជកម្ម​​នៅ​ចំ​កណ្ដាល​ទីក្រុង An Van Duong នៃ​ខេត្ត Thua Thien-Hue ដែល​គម្រោង​មួយ​នេះ​នឹង​មាន​ឈ្មោះ​ថា AEON Mall Hue សាងសង់​លើ​ផ្ទៃដី​ទំហំ ៨៦ ០០០ ម៉ែត្រ​ការ៉េ ជាមួយ​ការ​វិនិយោគ ១៧០ លាន​ដុល្លារ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

អាជ្ញាធរ​ប្រចាំ​តំបន់​បាន​អះអាង​មក​ថា គម្រោង​ខាងលើ​គឺ បាន​អនុញ្ញាត​រួចរាល់​កាលពី​ដើមខែ​ឧសភា ហើយ​នឹង​ចាប់ផ្ដើម​សាងសង់​នៅ​ឆ្នាំ ២០២៣ ដើម្បី​ជា​ការ​អបអរ​គម្រប់​ខួប​ទី ៥០ ឆ្នាំ​រវាង​ចំណង​សម្ព័ន្ធ​មិត្ត​វៀតណាម-ជប៉ុន។

ប្រភព​ដដែល​បាន​បន្ថែម​ថា អាជ្ញាធរ​ខេត្ត និង AEON Mall Vietnam បាន​ចុះ​លិខិត​ព្រមព្រៀង​សម្រាប់​ការ​វិនិយោគ​មួយ​នេះ ក្នុង​គោលបំណង​អូសទាញ​ភ្ញៀវ​ទេសចរណ៍ និង​ការ​វិនិយោគ​ពី​ជប៉ុន​មក​ខេត្ត Thua Thien-Hue។

បញ្ជាក់​ដែរ​ថា​ កាលពី​ខែ​មុន​អាជ្ញាធរ​ប្រចាំ​ខេត្ត​ខាងលើ​ក៏​បាន​ជួប​ចរចា​ជាមួយ​រដ្ឋមន្ត្រី​ជប៉ុន Yakabe Yoshinori ក្នុង​ការ​ទាក់ទាញ​វិនិយោគិន​លើ​ផ្នែក​ទេសចរណ៍ ​ពាណិជ្ជកម្ម​ សេវាកម្ម និង​បច្ចេកវិទ្យា​ផ្សេងៗ ស្របពេល​ពួកគេ​ក៏​បាន​ជួប​ជាមួយ​អាមេរិក​ដើម្បី​ពិភាក្សា​ការ​ពង្រីក​តំបន់​សេដ្ឋកិច្ច​បៃតង​នា​ពេល​អនាគត​ផង​ដែរ៕

ប្រភព: Vietnamplus