ឧកញ៉ាចំនួន៤រូប ដែលជាស្ថាបនិកក្រុមហ៊ុនចំនួន៤ផ្សេងគ្នា នឹងចូលរួមចែករំលែកគន្លឹះល្អៗ ក្នុង “វេទិកាជំនួបម្ចាស់អាជីវកម្ម និងហ្វ្រេនឆាយ ២០២២” នៅសណ្ឋាគារសុខា ភ្នំពេញ នាថ្ងៃអាទិត្យ ទី២៦ ខែមិថុនា ឆ្នាំ២០២២ ចាប់ពីម៉ោង ៨:០០នាទីព្រឹក ដល់ម៉ោង ៥:០០នាទីល្ងាចចុងសប្តាហ៍នេះ។
ចង់ចាប់ផ្តើមអាជីវកម្មបន្ទាប់ពីសម័យកូវីដ១៩តែមិនដឹងត្រូវធ្វើដូចម្ត៉េច, ត្រូវការទុនដើម្បីចាប់ផ្តើមអាជីវកម្មប៉ុន្តែមិនដឹងត្រូវធ្វើដូចម្ត៉េច, ចង់ទិញសិទ្ធិហ្រ្វេនឆាយ (Franchise) ដើម្បីធ្វើអាជីវកម្ម តែមិនទាន់យល់ច្បាស់អំពីអាជីវកម្មប្រភេទនេះមែនទេ? ចម្លើយទាំងអស់នេះ នឹងមាននៅក្នុង “វេទិកាជំនួបម្ចាស់អាជីវកម្ម និងហ្វ្រេនឆាយ ២០២២” ដែលមានវាគ្មិនអាជីវកម្មល្បីៗដូចជា ឧកញ៉ា ហ៊ួត ជា ស្ថាបនិក HOUT CHEA GROUP, ឧកញ៉ាបណ្ឌិត គីម ហ៊ាង ស្ថាបនិក KW Cambodia, ឧកញ៉ា ភិរម្យ វិចិត្រដារ៉ា ស្ថាបនិក VICHETDARA GROUP, ឧកញ៉ា ប៊ុន រតនា សែម ស្ថាបនិក S-Auto Cambodia, លោក ដួង តារា ស្ថាបនិក MISTERBREW Coffee និងលោក ហែម ហេម៉ា ស្ថាបនិក YEAKSA LAUNDRY។
កម្មវិធីនេះនឹងចូលរួមដោយ ម្ចាស់អជីវកម្ម អ្នកដែលចង់ចាប់ផ្តើមអាជីវកម្ម ម្ចាស់ប្រេនល្បីៗ ម្ចាស់យីហោ ម្ចាស់ហ្វ្រេនឆាយ រោងចក្រ អ្នកផ្គត់ផ្គង់ អ្នកនាំចូលផ្តាច់មុខ អ្នកវិនិយោគ អ្នកផ្តល់ទុន អ្នកអចលនទ្រព្យ អ្នកអភិវឌ្ឃន៍ ម្ចាស់ដេប៉ូទំនិញ អ្នកទិញ អ្នកចាប់អារម្មណ៍ អ្នកលក់ដុំ អ្នកលក់បន្ត អ្នកលក់រាយ ម្ចាស់សហគ្រាស សហគ្រិន បុរី ខុនដូ ម្ចាស់សាខា វិស្វករ វាគ្មិនកិត្តិយស និងអ្នកសម្រេចចិត្តអាជីវកម្ម ចំនួន ១,៥០០ នាក់៕
