បុរី ហ្គោលដេន ផាក របស់ឧកញ៉ា តេង ហឿង ចុះ MOU ជាមួយក្រុមហ៊ុនសេវាកម្មកម្ចាត់សត្វល្អិត

ជុំវិញ​ឧកញ៉ា

កាលថ្ងៃទី១៣ ខែកក្កដា ឆ្នាំ២០២២ បុរី ហ្គោលដេន ផាក របស់ឧកញ៉ា តេង ហឿង បានធ្វើពិធីចុះ​ហត្ថលេខា​លើកិច្ចព្រមព្រៀងដៃគូសហប្រតិបត្តិការ លើសេវាកម្មកម្ចាត់សត្វល្អិតកម្រិតខ្ពស់ស្តង់ដារអាមេរិក ជាមួយក្រុមហ៊ុនចតុមុខ ផេស សិវ៉ីស ឯ.ក (ORKIN) ដែលជាក្រុមហ៊ុនមានជំនាញក្នុងការផ្តល់នូវសេវាកម្ម​កម្ចាត់សត្វ​ល្អិត មានបទពិសោធន៍ច្រើនទសវត្ស ស្តង់ដាពីសហរដ្ឋអាមេរិក ដើម្បីថែរក្សាគ្រប់លំនៅឋាន របស់​អតិថិជននៅបុរី ហ្គោលដេន ផាក។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ក្នុងកិច្ចសហប្រត្តិបត្តិការនេះ ជាការរួមចំណែកលើកកម្ពស់ បន្ថែមសុខមាលភាព និងបន្ថែមទំនុកចិត្តដល់​លោក​អ្នកដែលរស់នៅក្នុងបុរី ហ្គោលដេន ផាក។ សូមបញ្ជាក់ថា ក្រុមហ៊ុនចតុមុខ ផេស សិវ៉ីស ឯ.ក បាននាំយកយីហោ និងសេវាកម្មដ៏ល្អរបស់អ័រគីន (ORKIN) មកកម្ពុជា តាំងពីឆ្នាំ២០១៦ ដែលក្រុមហ៊ុន​នេះ មានម្ចាស់ភាគហ៊ុនចំនួន ៤នាក់ ហើយក្នុងនោះ​ក៏​មាន​ភាគហ៊ុន​របស់​ឧកញ៉ា ឃន ឈុនដារ៉ា មួយចំណែកផង​ដែរ។

បុរី ហ្គោលដេន ផាកគម្រោង ដឹណេតឆឺរ៉ល​ ជាគម្រោងអភិវឌ្ឍលំនៅឋានបែបសហគមន៍ធម្មជាតិ​បៃតង​មួយ ដែលសាង់សង់នៅលើផ្ទៃដីសរុប ៦០ ហិកតា មានឧទ្យានធម្មជាតិដ៏ធំទំហំ ៤,៥ ហិកតា និងមាន​ទន្លេ​អមសងខាង ប្រៀបបាននឹងតំបន់រីសត ស្ថិតនៅក្នុងតំបន់សក្តានុពលសេដ្ឋកិច្ចខ្លាំងជាប់ផ្លូវជាតិ ៦A។ បច្ចុប្បន្ននេះ បុរី ហ្គោលដេន ផាក កំពុងមានភាពលេចធ្លោក្នុងតំបន់ជ្រោយចង្វារ និងត្រូវបានគាំទ្រយ៉ាងខ្លាំង ពីសំណាក់អតិថិជនទៅលើប្រភេទផ្ទះប្រណិតៗដូចជា វីឡាឃីង វីឡាឃ្វីន វីឡាព្រីន វីឡាភ្លោះ វីឡាកូនកាត់ និងហូមអហ្វីស ដែលពេញនិយម និងទាន់សម័យសម្រាប់ការវិនិយោគ និងការរស់នៅ៕


​​