Deutche Bank៖ បើ​រុស្ស៊ី​ផ្ដាច់​ការ​នាំចូល​ហ្គាស អាល្លឺម៉ង់​មាន​តែ​ប្រើ​វិធី​បុរាណ​ដើម្បី​កម្ដៅ​ខ្លួន

អន្តរជាតិ

យោង​តាម​របាយការណ៍​សរសេរ​ផ្ទាល់​ដោយ​ធនាគារ Deutche Bank កាលពី​ថ្ងៃអង្គារ​បាន​ឲ្យ​ដឹង​ថា ប្រជាជន​អាល្លឺម៉ង់​ប្រហែល​ជា​ត្រូវ​បង្កាត់​អុស​ដើម្បី​កម្ដៅ​ខ្លួន​នៅ​រដូវរងា បើសិន​ជា​រុស្ស៊ី​ផ្ដាច់​ការ​នាំចូល​ហ្គាស​មក​សហភាព​អឺរ៉ុប។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ប្រភព​ដដែល​បាន​បន្ថែម​ទៀត​ថា ការ​ប្រើប្រាស់​ហ្គាស​នៅ​អាល្លឺម៉ង់​នឹង​មាន​ទាប​ជាង​ ១០% នៃ​ការ​ប្រើប្រាស់​កាលពី​ឆ្នាំ ២០២១ ដោយសារ​ប្រជាជន​ចេះ​សន្សំសំចៃ ដ្បិត​តម្លៃ​នៃ​ហ្គាស​ក៏​មាន​ការ​កើនឡើង​ផង​ដែរ។

ក្រៅពី​អុស ក៏​នៅ​មាន​មធ្យោបាយ​ផ្សេងៗ​ទៀត​ដែល​អាច​ប្រើ​សម្រាប់​រក្សា​សីតុណ្ហភាព​នៅ​រដូវរងា​បាន​ផងដែរ​ដូចជា ការ​ដុត​ធ្យូង​ជាដើម។ នេះ​បើតាម​ការ​ចុះផ្សាយ​ពី Markets Insider។

សូមជម្រាបដែរ​ថា មួយ​រយៈ​ចុងក្រោយ​នេះ រុស្ស៊ី​បាន​ចាប់ផ្ដើម​កាត់បន្ថយ​ការ​នាំចេញ​ឧស្ម័ន​ទៅ​កាន់​ប្រទេស​មួយ​ចំនួន​ដូចជា ប៊ុលហ្គារី និង​ប៉ូឡូញ ដោយសារ​បដិសេធ​មិន​ព្រម​បង់ប្រាក់​ជា​រូបិយប័ណ្ណ​រុស្ស៊ី ស្របពេល​សហភាព​អឺរ៉ុប​កំពុង​មាន​ការ​ព្រួយ​បារម្ភ​ពី​ហានិភ័យ​កង្វះខាត​ឥន្ធនៈ​ដែល​អាច​នឹង​កើតមាន​នៅ​ថ្ងៃខាងមុខ​ផង​ដែរ៕