Alibaba ត្រៀម​ចុះ​បញ្ជី​ពាណិជ្ជកម្ម​ផ្សារហ៊ុន​ហុងកុង ពង្រីក​វិសាលភាព​ក្រុមហ៊ុន

អន្តរជាតិ

ក្រុមហ៊ុន Alibaba កំពុង​រៀបចំ​ឯកសារ​ដើម្បី​ចុះ​បញ្ជី​ពាណិជ្ជកម្ម​នៅ​ផ្សារហ៊ុន​ហុងកុង ខណៈ​បញ្ជី​ឈ្មោះ​នៅ​ផ្សារហ៊ុន​អាមេរិក​គឺ​នឹង​រក្សា​ដដែល។ នេះ​បើ​តាម​ការ​ចុះផ្សាយ​ពី SHINE។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ប្រភពដដែល​បាន​បន្ថែម​ទៀត​ថា បើ​សិន​ការ​ចុះ​បញ្ជី​អាច​ទទួល​បាន​ជោគជ័យ Alibaba នឹង​ក្លាយជា​ក្រុមហ៊ុន​ចិន​ផ្នែក​បច្ចេកវិទ្យា​មួយ ដែល​មាន​ភាគហ៊ុន​ជួញដូរ ២ ប្រភេទ​នៅ​លើ​ផ្សារហ៊ុន​ហុងកុង។​

តាមពិត​ទៅ Alibaba ធ្លាប់​បាន​ចុះ​បញ្ជី​ជួញដូរ​នៅ​លើ​ផ្សារហ៊ុន​ហុងកុង​កាលពី​ឆ្នាំ ២០១៩ ដោយ​អនុញ្ញាត​ឲ្យ​មាន​ការ​លក់​ភាគហ៊ុន​បន្ទាប់​បន្សំ Secondary Listing ប៉ុន្តែ​ការ​ស្នើ​ថ្មី​នេះ នឹង​អនុញ្ញាត​ឲ្យ​ក្រុមហ៊ុន​យក្ស​នេះ​លក់​ភាគហ៊ុន​មួយ​ប្រភេទ​ទៀត​គឺ ភាគហ៊ុន​បឋម Primary Listing។

ការ​ចុះ​ឈ្មោះ​នេះ​ធ្វើឡើង​ ក្រោយ​ Hong Kong Stock Exchange បាន​ប្រកាស​ច្បាប់ថ្មី​កាលពី​ខែមករា ដែល​អនុញ្ញាត​ឲ្យ​ក្រុមហ៊ុន​ចិន​ទាំងអស់ មាន​សិទ្ធ​បំបែក​ហ៊ុន​លក់​ជា​ ២ ប្រភេទ​បាន​នៅ​ក្នុង​តំបន់។

សូមជម្រាប​ដែរ​ថា Alibaba បាន​បង្ហើប​ឲ្យ​ដឹង​ថា ការ​លក់​ភាគហ៊ុន ២ ប្រភេទ គឺ​ផ្ដល់​ភាពងាយ​ស្រួល​ដល់​អតិថិជន​គ្រប់​គ្នា ពោល Primary Listing នឹង​ធ្វើ​ឲ្យ​អតិថិជន​នៅ​ចិន​កាន់តែ​ងាយស្រួល​ទិញ ខណៈ​ជន​បរទេស​នៅ​តែ​អាច​ទិញ Secondary Listing បាន​ដូចគ្នា៕