Elon Musk លក់ភាគហ៊ុន Tesla ជិត ៧ ពាន់លានដុល្លារ ដោយសារក្ដីក្ដាំជាមួយ Twitter

អន្តរជាតិ

ជម្លោះ​ក្ដីក្ដាំ​រវាង​ក្រុមហ៊ុន​បណ្ដាញ​សង្គម Twitter ជាមួយ​នឹង​មហាសេដ្ឋី​មាន​បំផុត​លើ​លោក Elon Musk នៅ​មិនទាន់​ដាច់​ស្រឡះ​នៅ​ឡើយ ពោល​បញ្ហា​កាន់តែ​ជំពាក់ជំពិន​ក្រោយ​​មេធំ Tesla បដិសេធ​មិន​ព្រម​ទិញ​ក្រុមហ៊ុន​ចាបខៀវ​ក្នុង​ទំហំ​ទឹកប្រាក់​ដែល​បាន​សន្យា ៤៤ ពាន់​លាន​ដុល្លារ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ទន្ទឹម​នឹង​នោះ Twitter ក៏​បាន​ធ្វើ​ការ​ប្ដឹង​ទៅកាន់​មហាសេដ្ឋី​ខាងលើ​ឲ្យ​ចេញ​មុខដោះស្រាយ​បញ្ហា​មួយ​នេះ ព្រោះ​បើសិន​ជា​លោក​មិន​ទិញ​ក្រុមហ៊ុន Twitter ក៏​លោក​នៅ​តែ​ត្រូវ​ធ្វើការ​បង់ប្រាក់​ពិន័យ​ផ្សេងៗ​សម្រាប់​កិច្ច​សន្យា​ដែល​បាន​ធ្វើ​ដូចគ្នា។

ដោយឡែក យោង​តាម​ការ​ចុះផ្សាយ​ពី Reuters បាន​ឲ្យ​ដឹង​ថា Elon Musk បាន​លក់​ភាគហ៊ុន​នៃ​ក្រុមហ៊ុន Tesla ប្រមាណ ៦,៩ ពាន់​លាន​ដុល្លារ សម្រាប់​ទប់​តទល់​ក្ដី​ជាមួយ​ក្រុមហ៊ុន Twitter លើ​ផ្លូវច្បាប់។

សូមជម្រាប​ដែរ​ថា យោង​តាម​ទិន្នន័យ​ការលក់​ភាគហ៊ុន​ចុងក្រោយ​បំផុត​បាន​ឲ្យ​ដឹង​ថា មហាសេដ្ឋី​អាមេរិក​លក់​ភាគហ៊ុន ៧,៩២ លាន​ហ៊ុន​ ចន្លោះពី​ថ្ងៃទី ០៥ ដល់ ០៩ សីហា ហើយ​បច្ចុប្បន្ន​លោក​​នៅ​សល់​ហ៊ុន Tesla សរុប​ប្រមាណ ១៥៥,០៤ ហ៊ុន៕