កំណើនសេដ្ឋកិច្ចនៃប្រទេសម៉ាឡេស៊ី បានហក់ឡើងខ្ពស់មិនបំផុតនៅក្នុងឆ្នាំនេះ សម្រាប់ត្រីមាសទី ២ ដែលបានជួយរុញច្រានសេដ្ឋកិច្ចកើនឡើងយ៉ាងឆាប់រហ័ស គឺដោយសារការពង្រីកតម្រូវការក្នុងស្រុក និងការនាំចេញទំនិញជាច្រើន។ នេះបើតាមចុះផ្សាយដោយសារព័ត៌មាន CNBC ។
ស្ថិតិផលិតផលក្នុងស្រុកសរុប GDP ពីខែមេសា ដល់មិថុនា បានបង្ហាញថា មានការកើនឡើង ៨,៩% បើធៀបនឹងឆ្នាំនេះ ខណៈដែលធនាគារកណ្តាលនៃប្រទេសម៉ាឡេស៊ី បានព្យាករ អាចកើនត្រឹម ៦,៧% នៅត្រីមាសទី ២ នេះ។
បើសង្កេតឲ្យមែនទែនទៅ សេដ្ឋកិច្ចនៃប្រទេសម៉ាឡេស៊ី គឺកំពុងដើរលើផ្លូវដ៏រឹងមាំមួយ ជាមួយនឹងការងើបឡើងវិញនៃសេដ្ឋកិច្ចយ៉ាងឆាប់រហ័ស តាំងពីប្រទេសមួយនេះប្រកាសបើកច្រកព្រំដែនឡើងវិញកាលពីខែមេសា។
ដោយឡែក ធនាគារកណ្ដាល Bank Negara Malaysia (BNM) វិញបានព្យាករណ៍ថា កំណើនសេដ្ឋកិច្ចសម្រាប់ឆ្នាំ ២០២២ សរុប អាចនឹងឡើងពីចន្លោះ ៥,៣ ទៅ ៦,៣%៕
