ក្រសួងមហាផ្ទៃម៉ាឡេស៊ី ត្រៀមកញ្ចប់ទិដ្ឋាការពិសេសជូនវិនិយោគិនអន្តរជាតិធំៗ

អន្តរជាតិ

ក្រសួងមហាផ្ទៃ​ម៉ាឡេស៊ី នឹង​បញ្ចេញ​កញ្ចប់​ទិដ្ឋាការ​ពិសេស Malaysia Premium Visa Programme ហៅកាត់ PVIP ដើម្បី​អូសទាញ​វិនិយោគិន​អន្តរជាតិ​មក​កាន់​ប្រទេស​នៅ​អាស៊ាន​មួយ​នេះ ខណៈ​រដ្ឋមន្ត្រី​ក្រសួងមហាផ្ទៃ Datuk Seri Hamzah Zainudin បាន​អះអាង​ថា កម្មវិធី​មួយ​នេះ​នឹង​ដំណើរការ​នៅខែតុលា។ នេះ​បើតមា​ការ​ចុះផ្សាយ​ពី Malaymail។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

រដ្ឋមន្ត្រី​ខាងលើ​បាន​អះអាង​ទៀត​ថា PVIP នឹង​សហការ​ជាមួយ​នាយកដ្ឋាន​អន្តោប្រវេសន៍​ ក្នុង​ការ​ផ្ដល់​ជូន​នូវ​សិទ្ធ​ “រស់នៅតាមរយៈការវិនិយោគក្នុងស្រុក” ដែល​នេះ​ជា​កត្តា​ចំបង​មួយ​តម្រូវ​ឲ្យ​វិនិយោគិន​ទាំងអស់​ត្រូវ​មាន​ប្រាក់​តម្កល់​ក្នុង​កុង​ធនាគារ​ក្នុង​ស្រុក​យ៉ាងហោចណាស់ ១ លានរីងហ្គីត ឬ​ជាង ២២ ម៉ឺន​ដុល្លារ។

បន្ថែម​ពី​នោះ​លោក​ក៏​បាន​បញ្ជាក់​ដែរ​ថា កម្មវិធី​ផ្ដល់​ទិដ្ឋាការ​ពិសេស​នេះ​គឺ​នឹង​ធ្វើឡើង​សម្រាប់​ប្រជាជន​ទាំងអស់​មក​ពី​គ្រប់ប្រទេស លើកលែង​តែ​ប្រទេស​អ៊ីស្រាអែល​ និង​ប្រទេស​ដែល​មាន​បញ្ហា​ទំនាក់ទំនង​ទ្វេភាគី​ជាមួយ​ម៉ាឡេស៊ី​ប៉ុណ្ណោះ ដែល​មិនអាច​ទទួល​បាន​ទិដ្ឋាការ​ពិសេស​នេះ៕