ប្រមុខការទូតអាមេរិក-ចិន ជួបគ្នាខាងក្រៅសន្និបាត UN តែគ្មានលទ្ធផលជាដុំកំភួន

អន្តរជាតិ

រដ្ឋមន្ត្រីការបរទេសអាមេរិក លោក Antony Blinken និងទីប្រឹក្សារដ្ឋ ជារដ្ឋមន្ត្រីការបរទេសចិន លោក Wang Yi ជួបពិភាក្សាការងារ នៅខាងក្រៅមហាសន្និបាតអង្គការសហប្រជាជាតិ នាទីក្រុងញូវយ៉ក កាលពីថ្ងៃសុក្រម្សិលមិញ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ជំនួបប្រមុខការទូតនៃប្រទេសទាំងពីរ ក្រោយមានការប្រកួតប្រជែង និងភាពតានតឹងទូទាំងពិភពលោកនៅតែបន្តកើតមានរវាងទីក្រុងវ៉ាស៊ីនតោន និងប៉េកាំង។

ក្នុងជំនួបនោះពិភាក្សាអំពីភាពចាំបាច់ក្នុងការរក្សាទំនាក់ទំនងឲ្យបើកចំហ និងគ្រប់គ្រងទំនាក់ទំនងរវាងសហរដ្ឋអាមេរិក និងចិន ជាពិសេសក្នុងអំឡុងពេលមានភាពតានតឹង។

លោក Blinken បានសង្កត់ធ្ងន់លើការប្តេជ្ញាចិត្តរបស់ទីក្រុងវ៉ាស៊ីនតោន ក្នុងការរក្សាសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ ស្របតាមគោលការណ៍ចិនតែមួយ ដែលក្រោមគោលការណ៍នេះ អាមេរិកទទួលស្គាល់តែរដ្ឋាភិបាលចិនប៉ុណ្ណោះ។

ទោះបីជាយ៉ាងណា ភាពតានតឹងរវាងទីក្រុងវ៉ាស៊ីនតោន និងទីក្រុងប៉េកាំង បានកើនឡើងដល់កម្រិតខ្ពស់ថ្មី បន្ទាប់ពីប្រធានសភាអាមេរិក លោកស្រី Nancy Pelosi ទៅបំពេញទស្សនកិច្ចនៅកោះតៃវ៉ាន់ ដែលបង្ហាញពីការមិនគោរពចំពោះការទាមទាររបស់ចិនចំពោះដែនកោះមួយនេះ៕

56 Shares