តាំងពីរុស្ស៊ីបើកការឈ្លានពានចូលប្រទេសអ៊ុយក្រែន កាលពីចុងខែកុម្ភៈមកទល់ពេលនេះ គឺបានបង្ហាញថា ប្រទេសទាំង ២ ទទួលរងការខាតបង់រៀងៗខ្លួន ប៉ុន្តែអ៊ុយក្រែនជាជនរងគ្រោះធំជាងគេ។
យោងតាមទិន្នន័យបញ្ចេញដោយមន្ត្រីផ្នែកបរិស្ថានអ៊ុយក្រែនបានទម្លាយថា ការខូចខាតផ្នែកបរិស្ថានដែលបង្កឡើងដោយរុស្ស៊ី គឺមានប្រមាណ ៣៦ ពាន់លានអឺរ៉ូ ឬជាង ៣៥ ពាន់លានដុល្លារអាមេរិក។
មួយក្នុងចំណោមតំបន់ការពារទាំង ៥ នៅអ៊ុយក្រែន គឺមានការខូចខាតស្ទើរទាំងស្រុង ហើយរបាយការណ៍ទាក់ទងនឹងបញ្ហាមួយនេះមានដល់ទៅជាង ២ ០០០ ករណីឯណោះ។ នេះបើតាមការឲ្យដឹងពី CNA។
ដោយឡែក បើតាមការសន្និដ្ឋានពីរដ្ឋាភិបាលអ៊ុយក្រែនបានបង្ហើបថា ទំហំនៃការខូចខាតបរិស្ថានដ៏ធំនេះ រាប់បញ្ចូលទាំងការបំភាយផ្សែងពុលដោយសារភ្លើងសង្គ្រាមប្រមាណ ២៥ ពាន់លានអឺរ៉ុប និង ១១,៤ ពាន់លានអឺរ៉ូទៀត គឺសម្រាប់ប៉ះប៉ូវដល់ផ្ទៃដីដែលរងការប៉ះពាល់ដោយសារសង្គ្រាម៕
