ប្រធានស​ហ​ព័ន្ធ៖ ដាក់​ផែន​ការ​បង្កើន​នាំចេញអង្ករទៅ​កាន់ទីផ្សារ​ហុងកុង​ឲ្យបាន​៣ម៉ឺន​តោន ​ក្នុងឆ្នាំ ២០២០នេះ

ជុំវិញ​ឧកញ៉ា

ប្រធានសហព័ន្ធស្រូវអង្ករកម្ពុជា បានឲ្យដឹងថា ការនាំចេញអង្ករទៅកាន់​ទីផ្សារ​ថ្មីហុងកុងកើនឡើងយ៉ាងខ្លាំងសំរេចបានជាង ៦,៦០០ តោន ក្នងរយះពេល ២ខែ ដើមឆ្នាំ២០២០។ ហុងកុងនាំចូលពីកម្ពុជាប្រហែល ១២,០០០ តោន ក្នុងឆ្នាំ២០១៩ ។ នេះបើតាមការឲ្យដឹងពីប្រធានសហព័ន្ធស្រូវអង្ករកម្ពុជា លោក ឧកញ៉ា សុង សារ៉ន នៅថ្ងៃទី៣ ខែ មីនា ឆ្នាំ២០២០នេះ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោក ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជាបានអោយដឹងទៀត ហុងកុងនាំចូលអង្ករក្នុងមួយឆ្នាំ ប្រហែល ៥០០,០០០ តោន ។ហេតុនេះលោកថា  សហព័ន្ធស្រូវអង្ករកម្ពុជា (Cambodia Rice Federation – CRF) បានដាក់​ចេញផែនការបង្កើននាំចេញអង្ករទៅកាន់ទីផ្សារថ្មីនេះ អោយបាន ៣០,០០០ តោន ក្នុងឆ្នាំ ២០២០ នេះ ។

បើតាមរបាយការណ៍របស់សហព័ន្ធស្រូវអង្ករកម្ពុជា បានបង្ហាញថា នៅរយៈពេល​២ខែដើមឆ្នាំ២០២០នេះ កម្ពុជាបាននាំចេញអង្ករបានជាង១៣ម៉ឺនតោន ​។ សហព័ន្ធស្រូវ​អង្ករបានបញ្ជាក់ទៀតថា រយៈពេល២ខែនេះ អង្ករកម្ពុជានាំចេញទៅចិន បានចំនួន​ជាង៥ម៉ឺនតោន កើនឡើង១១%, នាំចេញទៅអឺរ៉ុប និងអង់គ្លេស ជាង៤ម៉ឺនតោន កើន២៣%, នាំទៅប្រទេសសមាជិកអាស៊ានជាង២.៥ម៉ឺនតោន កើនឡើង៤០%។

សូមជម្រាបថា ប្រទេសកម្ពុជា ទទួលបានចំណូលប្រមាណ៥០០លានដុល្លារអាមេរិក ពីការនាំចេញអង្ករ ក្នុងបរិមាណ៦២ម៉ឺនតោន នៅឆ្នាំ២០១៩៕អទ្ថបទ៖ សិរីការ