អនុប្រធានាធិបតីឥណ្ឌាធ្វើដំណើរមកកម្ពុជា ត្រៀមចូលរួមកិច្ចប្រជុំអាស៊ាន-ឥណ្ឌាលើកទី ៣០

អន្តរជាតិ

នៅថ្ងៃសុក្រនេះ អនុប្រធានាធិបតីឥណ្ឌា Jagdeep Dhankhar បាន​ចាកចេញ​ពី​ប្រទេស​ឥណ្ឌា មកកាន់​ប្រទេស​កម្ពុជា​ដើម្បី​ចូលរួម​កិច្ច​ប្រជុំ​អាស៊ាន-ឥណ្ឌា និង​កិច្ចប្រជុំ​កំពូល​អាស៊ីបូព៌ា​ រយៈពេល ៣ ថ្ងៃ។ នេះ​បើតាម​ការ​ចុះផ្សាយ​ពី BS។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ក្នុង​អំឡុងពេល​ទស្សនកិច្ច​នេះ លោក Dhankhar ក៏​នឹង​ជួប​សំណេះសំណាល​ជាមួយ​នាយករដ្ឋមន្ត្រី​ ហ៊ុន សែន ជជែក​គ្នា​ពី​ជំនួប​ទ្វេភាគី ក៏​ដូចជា​ចូល​ប្រជុំ​ជាមួយ​នឹង​មេដឹកនាំ​មក​ពី​ប្រទេស​ជាច្រើន​ទៀត​ផងដែរ។

គួរ​ជម្រាបដែរ​ថា នេះ​គឺជា​ដំណើរ​ទស្សនកិច្ច​ផ្លូវការ​លើក​ដំបូង​សម្រាប់​លោក Dhankhar ចាប់តាំង​ពី​លោក​ចូល​កាន់​តំណែងជា​អនុប្រធានាធិបតី​ កាលពី​ខែសីហា​ឆ្នាំ​នេះ​។

បន្ថែម​ពីនោះ ប្រធាន​បទ​សម្រាប់​កិច្ចប្រជុំកំពូល​អាស៊ាន-ឥណ្ឌា​លើកទី ៣០ នេះ នឹង​ស្ដី​ពី​ការ​ពង្រឹង​ទំនាក់ទំនង​ពាណិជ្ជកម្ម​ទ្វេភាគី បន្ថែម​ការ​វិនិយោគ​ទៅវិញទៅមក ក៏ដូចជា​បង្ហាញ​ពី​មិត្តភាព​យូរអង្វែង​រវាង​ឥណ្ឌា និង​បណ្ដា​ប្រទេស​នៅ​អាស៊ាន​ផងដែរ៕