ទីតាំង៖ នៅសាលសន្និបាត ២០២១ ជាន់ទី២ នៃទីស្តីការ ក្រសួង ដ.ន.ស.។ សូមលោកលោកស្រីដែលមានឈ្មោះក្នុងបញ្ជីជូនភ្ជាប់មកជាមួយអញ្ជើញមកទទួលបណ្ណកម្មសិទ្ធិ ដោយបំពេញលក្ខខណ្ឌដូចខាងក្រោម៖

១.អតិថិជនដែលជាម្ចាស់កម្មសិទ្ធិត្រូវអញ្ជើញមកដោយផ្ទាល់។ ក្នុងករណីជាទ្រព្យរួមប្តីប្រពន្ធ សូមអញ្ជើញមកទាំងពីរនាក់ប្តីនិងប្រពន្ធ។

២.សូមយកមកជាមួយនូវច្បាប់ដើមនៃអត្តសញ្ញាណបណ្ណ ឬសំបុត្រកំណើតឬសៀវភៅគ្រួសារ។

៣.សម្រាប់អតិថិជនដែលមានឈ្មោះទទួលវិញ្ញាបនបត្រសម្គាល់ម្ចាស់អចលនវត្ថុប៉ុន្តែនៅជំពាក់ឯកសាររណប សូមយកឯកសារទាំងនោះមកប្រគល់ជូនមន្ត្រី ដើម្បីក្រសួងប្រគល់វិញ្ញាបនបត្រសម្គាល់ម្ចាស់អចលនវត្ថុជូន។

ក្រសួងរៀបចំដែនដី នៅថ្ងៃទី២៣ ខែកញ្ញា ក៏បានចេញសេចក្តីប្រកាសព័ត៌មាន ជូនសាធារណជនឲ្យបានជ្រាបផងដែរថា ដើម្បីប្រមូលថវិការសម្រាប់ទ្រទ្រង់ដល់ដំណើរការដោះស្រាយជូនអតិថិជនដែលបានទិញផ្ទះ និងដីឡូត៍ក្នុងគម្រោងបុរី ឡេង ណាវ៉ាត្រា គ្រុប ឯ.ក ដែលមានទីតាំងស្ថិតនៅភូមិអន្លង់ស្លែង និងភូមិជ្រែមួយរយ ឃុំសំបួរមាស ស្រុកមុខកំពូល ខេត្តកណ្តាល ក្រសួង ដ.ន.ស បានអនុញ្ញាតឲ្យក្រុមហ៊ុន ដាក់លក់ឡៃឡុងដីឡូត៍ដែលនៅទំនេរចំនួន ១២៩១ក្បាលដី ក្នុងគម្រោង ឡេង ណាវ៉ាត្រា ដែលមានទីតាំងស្ថិតនៅភូមិខ្នារ ឃុំខ្នារសណ្តាយស្រុកបន្ទាយស្រី ខេត្តសៀមរាប។

សូមជម្រាបថា កាលពីពេលថ្មីៗប៉ុន្មានថ្ងៃកន្លងទៅនេះ អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ឡេង ណាវ៉ាត្រា គ្រុប បានប្រកាសលក់ដីឡៃឡុងបញ្ចុះ ៧៥% ដោយបើកលក់ដំណាក់កាលទី១ ចាប់ពីថ្ងៃទី២៦-២៧ ខែកញ្ញា ឆ្នាំ២០២៦ តម្លៃត្រឹមតែចាប់ពី ៩៥០ដុល្លារប៉ុណ្ណោះ ក្នុងមួយឡូត៍ (៥×២០ម) ដែលមានទីតាំងនៅគម្រោង បុរី ឡេង ណាវ៉ាត្រា ស្រុកបន្ទាយស្រី។ អ្នកឧកញ៉ា បានគូសបញ្ជាក់ថា ដីគឺមានការអនុញ្ញាតពីក្រសួងរៀបចំដែនដី ហើយថវិកាដែលបងប្អូនបង់គឺបង់ចូលគណនីរបស់ក្រសួង នៅទីតាំងលក់ផ្ទាល់តែម្ដង៕

The post ក្រសួងរៀបចំដែនដី នឹងរៀបចំ “ពិធីប្រគល់វិញ្ញាបនបត្រសម្គាល់ម្ចាស់អចលនវត្ថុ ជូនអតិថិជនដែលបានបង់ប្រាក់គ្រប់ចំនួន ១០០% សរុបចំនួន ៥៣២បណ្ណ ជាដំណាក់កាលទី១” នៅគម្រោង ឡេង ណាវ៉ាត្រា ព្រះប្រសប់ appeared first on .

ក្រុមហ៊ុន បានឱ្យដឹងថា ក្នុងកំឡុងពេល ចាប់ពីខែមករា ដល់ខែសីហា ឆ្នាំ២០២៦ដដែល ការនាំចូលសរុបក៏បានកើនឡើងផងដែរ ដោយ សម្រេចបាន ២.១៦០ លានដុល្លារអាមេរិក បើប្រៀបធៀបនឹង ១.៣៤២ លានដុល្លារអាមេរិក ក្នុងអំឡុងពេលដូចគ្នាក្នុងឆ្នាំ ២០២៥ ដែលត្រូវជាការកើនឡើង ៦១%។

គិតត្រឹមខែសីហា ឆ្នាំ២០២៦នេះ ចំនួនបុគ្គលិកកម្មករសរុបដែលកំពុងបម្រើការងារនៅក្នុងតំបន់សេដ្ឋកិច្ចពិសេសទាំង ពីរខាងលើ បានកើនឡើងដល់ ៦៣.៣៤៤នាក់ បើប្រៀបធៀបនឹង ៥៤.១៩៥នាក់ គិតត្រឹមខែសីហា ឆ្នាំ២០២៥ កន្លងទៅ ដែល តំណាងឱ្យការកើនឡើង ១៧%។

ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក ដែលជាអ្នកអភិវឌ្ឍ និងគ្រប់គ្រង តំបន់សេដ្ឋកិច្ចពិសេស RGPPSEZ និង RGKSEZ បានបន្តបង្ហាញពីកំណើនយ៉ាងរឹងមាំ លើការផ្តល់ឱកាសការងារ តម្លៃនៃការនាំចូល និងការនាំចេញ ក្នុងអំឡុងពេល ៨ខែដំបូងនៃឆ្នាំ២០២៦នេះ ដែលបង្ហាញកាន់តែ ច្បាស់ពីតួនាទីយ៉ាងសំខាន់នៃតំបន់សេដ្ឋកិច្ចពិសេសទាំងពីរ ក្នុងការគាំទ្រដល់ការអភិវឌ្ឍវិស័យឧស្សាហកម្ម និងកំណើន សេដ្ឋកិច្ចរបស់កម្ពុជា។

ការបន្តកើនឡើងនៃចំនួនការងារ និងកំណើននៃសកម្មភាពទាំងការនាំចូល និងនាំចេញនេះ ឆ្លុះបញ្ចាំងពីការរីកចម្រើន នៃសកម្មភាពផលិតកម្ម និងការពង្រីកប្រតិបត្តិការរបស់ក្រុមហ៊ុននានានៅក្នុងតំបន់សេដ្ឋកិច្ចពិសេសទាំងពីរ។ លទ្ធផលនាំចេញ ដ៏រឹងមាំនេះ ក៏បានបង្ហាញបន្ថែមទៀតដែរ អំពីការចូលរួមចំណែករបស់ក្រុមហ៊ុនទាំងអស់នៅក្នុងតំបន់ ចំពោះពាណិជ្ជកម្ម អន្តរជាតិរបស់កម្ពុជា និងការធ្វើសមាហរណកម្មទៅក្នុងខ្សែច្រវាក់ផ្គត់ផ្គង់ក្នុងតំបន់ និងសកលលោក។

ថ្លែងអំពីលទ្ធផលការងារនេះ អ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃក្រុមហ៊ុន រ៉ូយ៉ាល់ គ្រុប និងជាប្រធាន ក្រុមប្រឹក្សាភិបាល នៃក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក មានប្រសាសន៍ថា៖ “កំណើន​ជារឿយៗនៃតួលេខបុគ្គលិកកម្មករ ការនាំចូល និងការនាំចេញនៅ តំបន់សេដ្ឋកិច្ចពិសេស RGPPSEZ និង RGKSEZ បង្ហាញពីភាពធន់នៃវិនិយោគិនរបស់យើង និងភាពរឹងមាំនៃវិស័យ ឧស្សាហកម្មរបស់កម្ពុជា។ យើងខ្ញុំមានសេចក្តីសោមនស្សរីករាយ ដែលបានឃើញក្រុមហ៊ុននានា នៅ ក្នុងតំបន់សេដ្ឋកិច្ចពិសេសរបស់យើង បន្តពង្រីកប្រតិបត្តិការរបស់ពួកគេ និងចូលរួមចំណែក ដល់ការ បង្កើតការងារថ្មីៗ និងសកម្មភាពសេដ្ឋកិច្ចបន្ថែមទៀត។ យើងខ្ញុំនៅតែបន្តប្តេជ្ញាចិត្តក្នុងការគាំទ្រដល់ វិនិយោគិនរបស់យើង ដោយផ្តល់ជូននូវហេដ្ឋារចនាសម្ព័ន្ធដែលគួរឱ្យទុកចិត្ត សេវាកម្មមានគុណភាព និងបរិយាកាសធុរកិច្ចដ៏ល្អប្រសើរ ដែលជួយឱ្យពួកគេអាចរីកចម្រើនដោយចីរភាពនៅកម្ពុជា។”

ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក ក៏សូមសម្តែងនូវការកោតសរសើរ និងការដឹងគុណដ៏ជ្រាល ជ្រៅចំពោះ ការដឹកនាំ និងការគាំទ្រជារៀងរហូតមកពីសំណាក់ រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ កិច្ចខិតខំប្រឹងប្រែង ទាំងឡាយរបស់រាជរដ្ឋាភិបាល ក្នុងការពង្រឹងបរិយាកាសវិនិយោគ អភិវឌ្ឍហេដ្ឋារចនាសម្ព័ន្ធ ជំរុញឧស្សាហូបនីយកម្ម និងប្រយុទ្ធប្រឆាំងនឹងការឆបោកតាមប្រព័ន្ធអនឡាញ បានរួមចំណែកដល់ការបង្កើតបរិយាកាសដែលមានសុវត្ថិភាព និង អំណោយផល កាន់តែប្រសើរសម្រាប់ធុរកិច្ច និងការវិនិយោគ។ RGPPSEZ សូមស្វាគមន៍ចំពោះកិច្ចខិតខំប្រឹងប្រែងទាំងនេះ ក៏ដូចជាការរៀបចំ សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធអនឡាញ  នៅរាជធានីភ្នំពេញ នាថ្ងៃទី ២៣–២៤ ខែកញ្ញា ឆ្នាំ២០២៦ ដែលជាជំហានដ៏សំខាន់ក្នុងការពង្រឹងសន្តិសុខ កិច្ចសហប្រតិបត្តិការអន្តរជាតិ និងកេរ្តិ៍ឈ្មោះរបស់ កម្ពុជា ក្នុងនាមជាគោលដៅវិនិយោគដែលមានសុវត្ថិភាព និងគួរឱ្យទុកចិត្ត។

កំណើននៃតួលេខដែលបានកត់ត្រាកន្លងមក ក្នុងតំបន់សេដ្ឋកិច្ចពិសេស RGPPSEZ និង RGKSEZ ក្នុងអំឡុងពេល ៨ខែដំបូងនៃឆ្នាំ២០២៦នេះ ឆ្លុះបញ្ចាំងពីការរីកដុះដាលនៃសកម្មភាពឧស្សាហកម្មនៅក្នុងតំបន់ទាំងពីរ និងការចូលរួមចំណែក ជាបន្តបន្ទាប់ដល់ការបង្កើតការងារ វិស័យផលិតកម្ម និងពាណិជ្ជកម្មអន្តរជាតិរបស់កម្ពុជា។ តំបន់សេដ្ឋកិច្ចពិសេសទាំងពីរ នៅតែបន្តប្តេជ្ញាចិត្តក្នុងការគាំទ្រដល់វិនិយោគិន និងលើកកម្ពស់បរិយាកាសដែលអំណោយផលដល់ការអភិវឌ្ឍឧស្សាហកម្ម ប្រកបដោយចីរភាព។

សូមជម្រាបថា រ៉ូយ៉ាល់ គ្រុប គឺជាក្រុមហ៊ុនគ្រប់គ្រងការវិនិយោគជាយុទ្ធសាស្ត្ររបស់កម្ពុជា ដែលត្រូវបានទទួលស្គាល់ថាជាក្រុមហ៊ុន អាជីវកម្មដែលមានថាមពល និងចម្រុះបំផុតរបស់ប្រទេស។ ជាមួយនឹងចំណាប់អារម្មណ៍នៅក្នុងឧស្សាហកម្មជាច្រើនរួមមាន ធនាគារ និងហិរញ្ញវត្ថុ ធានារ៉ាប់រង ការវិនិយោគ ទូរគមនាគមន៍ ថាមពល ការដឹកជញ្ជូន ប្រព័ន្ធផ្សព្វផ្សាយ និងការកម្សាន្ត សណ្ឋាគារ និងរមណីយដ្ឋាន ការអប់រំ ការអភិវឌ្ឍអចលនទ្រព្យ ការជួញដូរនាំចេញនាំចូល និងតំបន់សេដ្ឋកិច្ចពិសេស៕

The post តំបន់សេដ្ឋកិច្ចពិសេស រ៉ូយ៉ាល់ គ្រុប របស់អ្នកឧកញ៉ា គិត ម៉េង នាំចេញដល់ ១.៩០៧ លានដុល្លារ រយៈពេល៨ខែ ឆ្នាំ២០២៦ កើនឡើង ៤៥% ធៀបនឹងឆ្នាំមុន appeared first on .

សំបកកង់ឡានថ្មី CROSSLEADER CU7000 ត្រូវបានផលិតឡើងជាមួយការរចនាស្មាសំបកកង់ធំជាងមុន ដែល​ជួយ​បង្កើនកម្លាំងចាប់ស្អិតបានល្អ នៅពេលបត់បែនក្នុងល្បឿនលឿន។ ឆ្អឹងជំនីរនៅផ្នែកកណ្តាលត្រូវបាន​ពង្រឹង​បន្ថែម ដើម្បីបង្កើនប្រសិទ្ធភាពនៃការបញ្ជា និងគ្រប់គ្រងសំបកកង់ឱ្យកាន់តែប្រសើរឡើង។ CROSSLEADER CU7000 | 235/50ZR18 មានលក្ខណៈពិសេសដូចជា៖ បញ្ជា និងគ្រប់គ្រងចង្កូតបានល្អ, មានផាសុកភាព​ពេល​បើកបរ និងមានស្តង់ដារសុវត្ថិភាពខ្ពស់។

សម្រាប់លោក លោកស្រី ចង់ក្លាយជាដៃគូចែកចាយ CROSSLEADER សូមទំនាក់ទំនង៖

Hotline: 098522578

Inbox RBR ដើម្បីសាកសួរអំពី តម្លៃ Wholesale លក្ខខណ្ឌចែកចាយ

CROSSLEADER — លក់ជូននូវសុវត្ថិភាព និងទំនុកចិត្តជូនដល់ប្រជាជនខ្មែរគ្រប់ៗរូប!

សំបកកង់ឡានខ្មែរម៉ាក Crossleader ត្រូវបានផលិតដោយរោងចក្រ Newbustar ដែលជារោងចក្រទី២ មានទីតាំងនៅខេត្តក្រចេះ ដោយប្រើប្រាស់ជ័រកៅស៊ូខ្មែរ ១០០% ជាមួយនឹងគុណភាពស្តង់ដា​នាំចេញទៅកាន់​ប្រទេសមហាអំណាច សហរដ្ឋអាមេរិក។ រោងចក្រនេះ បានចំណាយលើទុនវិយោគប្រមាណ ១៤០លានដុល្លារ និងមានសមត្ថភាពអាចផលិតបានចំនួន ៨,៥លានកង់ឡាន ក្នុងរយៈពេលមួយឆ្នាំ។

សូមជម្រាបថា RBR Cambodia ជាក្រុមហ៊ុនកូនខ្មែរ ហើយបានទទួលសិទ្ធចែកចាយសំបកកង់ខ្មែរ CROSSLEADER ពិសេសគឺប្រើជ័រកៅស៊ូខ្មែរសុទ្ធ ១០០% ដែលមានរោងចក្រស្ថិតនៅខេត្តក្រចេះ នៅក្នុងប្រទេស​កម្ពុជា។ RBR បានត្រៀមរួចជាស្រេចក្នុងការផ្គត់ផ្គង់ទាំងគុណភាពនៃសំបកកង់ និងសំបកកង់ខ្មែរ Crossleader លក់ជូននូវសុវត្ថិភាព និងទំនុកចិត្តជូនប្រជាពលរដ្ឋខ្មែរគ្រប់ៗរូប។ រោងចក្រ Newbustar ក៏សូមអរគុណ​បងប្អូនខ្មែរដែលចូលរួមគាំទ្រសំបកកង់ Crossleader ដើម្បីឱ្យកម្ពុជារីកចម្រើនគ្រប់វិស័យ៕

The post Crossleader ណែនាំសំបកកង់ឡានខ្មែរថ្មី CU7000 ជាប្រភេទ Premium appeared first on .

សភាពាណិជ្ជកម្មកម្ពុជា បានឱ្យដឹងថា កិច្ចពិភាក្សានេះមានគោលបំណងប្រមូលធាតុចូលសំខាន់ៗពីវិស័យឯកជន ពាក់ព័ន្ធនឹង កង្វល់ បញ្ហាប្រឈម និងវិស័យអាទិភាព ដើម្បីរួមចំណែកក្នុងការរៀបចំសេចក្តីព្រាង យុទ្ធសាស្ត្រអន្តរកាលដោយរលូនលើវិស័យពាណិជ្ជកម្ម (Smooth Transition Strategy on Trade Sector) សម្រាប់ការចាកចេញរបស់កម្ពុជា ពីចំណាត់ក្រុមប្រទេសអភិវឌ្ឍន៍តិចតួច (LDC Graduation)។

យុទ្ធសាស្ត្រនេះទទួលបានការគាំទ្រពី ក្រសួងពាណិជ្ជកម្ម និងសហការជាមួយ GIZ ក្នុងការវាយតម្លៃលើការផ្លាស់ប្តូរគោលនយោបាយ និងបទប្បញ្ញត្តិ ការចូលទីផ្សារ ផលប៉ះពាល់តាមវិស័យ ឱកាសធ្វើពិពិធកម្មទីផ្សារ និងផលិត​ផល ព្រមទាំងការរៀបចំផែនទីបង្ហាញផ្លូវ និងក្របខណ្ឌតាមដាន និងវាយតម្លៃ។

សភាពាណិជ្ជកម្មកម្ពុជា ក្នុងនាមតំណាងឱ្យវិស័យឯកជន បានបង្ហាញពីការស្វាគមន៍ចំពោះការរៀបចំយុទ្ធសាស្ត្រអន្តរកាលដោយរលូនរបស់កម្ពុជា និងត្រៀមខ្លួនជាស្រេចក្នុងការសហការយ៉ាងជិតស្និទ្ធជាមួយ ក្រសួងពាណិជ្ជកម្ម និងដៃគូអភិវឌ្ឍន៍ ដើម្បីធានាថា យុទ្ធសាស្ត្រនេះឆ្លើយតបទៅនឹងតម្រូវការជាក់ស្តែងរបស់អាជីវកម្មកម្ពុជា ជាពិសេសសហគ្រាសធុនតូច និងមធ្យម។

សភាពាណិជ្ជកម្មកម្ពុជាជឿជាក់ថា កិច្ចសហការរវាងរាជរដ្ឋាភិបាល និងវិស័យឯកជន ជាការពង្រឹងសមត្ថភាព និងការបន្តគាំទ្រដល់ការចូលទីផ្សារ នឹងមានសារៈសំខាន់ក្នុងការធានាឱ្យដំណើរការផ្លាស់ប្តូររបស់កម្ពុជា ពីចំណាត់ក្រុមប្រទេសអភិវឌ្ឍន៍តិចតួច (LDC Graduation) ប្រព្រឹត្តទៅដោយរលូន ប្រកបដោយភាពធន់ និងចីរភាព។

The post អ្នកឧកញ៉ា ឧកញ៉ាៗតំណាងសភាពាណិជ្ជកម្មកម្ពុជា ចូលរួមកិច្ចពិភាក្សារៀបចំសេចក្តីព្រាងយុទ្ធសាស្ត្រអន្តរកាល លើវិស័យពាណិជ្ជកម្ម សម្រាប់ការចាកចេញរបស់កម្ពុជា ពីចំណាត់ក្រុមប្រទេសអភិវឌ្ឍន៍តិចតួច appeared first on .

ក្នុងរយៈពេលជាង៣ទសវត្សរ៍នៃការអនុវត្តរដ្ឋធម្មនុញ្ញ ក្រោមម្លប់នៃសុខសន្តិភាព ស្ថិរភាព និងឯកភាពជាតិ ព្រះរាជាណាចក្រកម្ពុជា បានសម្រេចនូវសមិទ្ធផលសំខាន់ៗលើគ្រប់វិស័យ ជាពិសេសក្នុងការការពារ «ជាតិ សាសនា ព្រះមហាក្សត្រ» ការពង្រឹងឯករាជ្យ អធិបតេយ្យជាតិ និងបូរណភាពទឹកដី ព្រមទាំងការថែរក្សា និងលើកតម្កើងអរិយធម៌ និងមរតកវប្បធម៌ជាតិដ៏រុងរឿង។

ទន្ទឹមនឹងនេះ រដ្ឋធម្មនុញ្ញបានដើរតួនាទីជាគ្រឹះច្បាប់កំពូល ក្នុងការធានានូវរបបរាជានិយមអាស្រ័យរដ្ឋធម្មនុញ្ញ លទ្ធិប្រជាធិបតេយ្យសេរីពហុបក្ស ការគោរពសិទ្ធិ និងសេរីភាពជាមូលដ្ឋានរបស់ប្រជាពលរដ្ឋ ការពង្រឹងនីតិរដ្ឋ ព្រមទាំងការរក្សាស្ថិរភាពសង្គម ដែលជាមូលដ្ឋានដ៏សំខាន់សម្រាប់ការអភិវឌ្ឍប្រទេសជាតិប្រកបដោយចីរភាព។

ការចូលរួមគោរពរដ្ឋធម្មនុញ្ញរបស់សមាគមឧកញ៉ាកម្ពុជា ក្នុងឱកាសដ៏មានអត្ថន័យនេះ មិនត្រឹមតែជាការចូលរួមរំលឹកខួបនៃការប្រកាសរដ្ឋធម្មនុញ្ញប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីស្មារតីគោរពច្បាប់ ការលើកតម្កើងតម្លៃនៃនីតិរដ្ឋ និងការប្តេជ្ញាចិត្តក្នុងការចូលរួមថែរក្សាសុខសន្តិភាព ស្ថិរភាព និងការអភិវឌ្ឍរបស់ព្រះរាជាណាចក្រកម្ពុជា។

ក្នុងនាមជាតំណាងវិស័យឯកជន សមាគមឧកញ៉ាកម្ពុជា បន្តលើកកម្ពស់ការគោរពរដ្ឋធម្មនុញ្ញ និងច្បាប់ជាធរមាន ព្រមទាំងរួមចំណែកជាមួយរាជរដ្ឋាភិបាល និងស្ថាប័នជាតិពាក់ព័ន្ធ ក្នុងការកសាងសង្គមដែលមាននីតិរដ្ឋ ស្ថិរភាព និងបរិយាកាសអំណោយផលសម្រាប់ការអភិវឌ្ឍសេដ្ឋកិច្ច និងធុរកិច្ចប្រកបដោយចីរភាព។

The post លោកអ្នកឧកញ៉ា លី យ៉ុងផាត់ ដឹកនាំគណៈប្រតិភូសមាគមឧកញ៉ាកម្ពុជា អញ្ជើញដាក់ក្រពុំបិណ្ឌផ្កាឈូកគោរពរដ្ឋធម្មនុញ្ញ ក្នុងឱកាសខួបលើកទី៣៣ ទិវាប្រកាសរដ្ឋធម្មនុញ្ញ appeared first on .

ជាមួយគ្នានេះ លោក លោកស្រី ត្រូវភ្ជាប់មកជាមួយឯកសារដូចខាងក្រោម៖

១.កិច្ចសន្យាលក់ទិញផ្ទះនិង/ឬដីឡូត៍ (ច្បាប់ដើម)

២.វិក្កយបត្របង់ប្រាក់ ឬឯកសារបញ្ជាក់ពីការបង់ប្រាក់ (ច្បាប់ដើមឬច្បាប់ថតចម្លង)

៣.វិញ្ញាបនបត្រសម្គាល់ម្ចាស់អចលនវត្ថុ (ច្បាប់ដើម)

៤.ពាក្យសុំចុះបញ្ជីអំពីការផ្ទេរកម្មសិទ្ធិចំនួន ៣ច្បាប់

៥.លិខិតលក់ផ្តាច់ចំនួន ៣ច្បាប់

៦.ឯកសារពាក់ព័ន្ធនឹងការស្នើសុំចុះបញ្ជីផ្ទេរកម្មសិទ្ធិដូចមានក្នុងឧបសម្ព័ន្ធ។

ក្រសួង បានបញ្ជាក់ផងដែរថា ចំពោះបន្ទុកលើការបង់កម្រៃសេវាសុរិយោដី ពន្ធ និងអាករផ្សេងៗ ជាបន្ទុករបស់លោក លោកស្រី។

សូមជម្រាបថា ក្រសួងរៀបចំដែនដី បាននិងកំពុងដើរតួនាទីយ៉ាងសំខាន់ក្នុងការសម្របសម្រួលដោះស្រាយបញ្ហានានា ដែលកើតឡើងចំពោះអតិថិជននៃ បុរី ឡេង ណាវ៉ាត្រា។ ក្រសួងបានធ្វើការជាមួយបុរី ដើម្បីស្វែងរកដំណោះស្រាយប្រកបដោយស្មារតីឈ្នះ-ឈ្នះ សម្រាប់ភាគីទាំងអស់។ ជាក់ស្តែង ក្រសួងបានជួយសម្របសម្រួលប្លង់ជូនអតិថិជនបុរី ឡេង ណាវ៉ាត្រា ៦អា និងបានអញ្ជើញតំណាងអតិថិជនមកជួបពិភាក្សាអំពីវឌ្ឍនភាពនៃការបំបែកប័ណ្ណផ្ទេរកម្មសិទ្ធិជូនផងដែរ។

The post ក្រសួងរៀបចំដែនដី ប្រកាសទទួលពិនិត្យឯកសារស្នើសុំចុះបញ្ជីផ្ទេរកម្មសិទ្ធិជូនអតិថិជនដែលបានទិញផ្ទះនិងដីឡូត៍ពីក្រុមហ៊ុន ហ្គាឡាក់ស៊ី ណាវ៉ាត្រា គ្រុប ចាប់ពីថ្ងៃទី២៨ ខែកញ្ញា appeared first on .

ក្រសួងបានបញ្ជាក់ថា ការដាក់លក់ដីឡូត៍ឡៃឡុងនេះ ជាដីដែលមានទីតាំងពិតប្រាកដ មានវិញ្ញាបនបត្រសម្គាល់ម្ចាស់អចលនវត្ថុ (បណ្ណបំបែកក្បាលដី) រួចរាល់ មិនពាក់ព័ន្ធនឹងតតិយជន និងមិនប៉ះពាល់លើទីតាំងដីឡូត៍ដែលអតិថិជនបានទិញឬដោះដូរកន្លងមកនោះឡើយ។

សម្រាប់រាល់ប្រតិបត្តិការទូទាត់ប្រាក់លក់ទិញដីឡូត៍ខាងលើ ត្រូវធ្វើឡើងតាមគណនីក្រសួងនៅធនាគារកាណាឌីយ៉ា ដែលមានលេខ 001-0008564111 ដូចមានក្នុង QR Code ភ្ជាប់ក្នុងសេចក្តីប្រកាសព័ត៌មាននេះ។

សូមជម្រាបថា កាលពីពេលថ្មីៗប៉ុន្មានថ្ងៃកន្លងទៅនេះ អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ឡេង ណាវ៉ាត្រា គ្រុប បានប្រកាសលក់ដីឡៃឡុងបញ្ចុះ ៧៥% ដោយបើកលក់ដំណាក់កាលទី១ ចាប់ពីថ្ងៃទី២៦-២៧ ខែកញ្ញា ឆ្នាំ២០២៦ តម្លៃត្រឹមតែចាប់ពី ៩៥០ដុល្លារប៉ុណ្ណោះ ក្នុងមួយឡូត៍ (៥×២០ម) ដែលមានទីតាំងនៅគម្រោង បុរី ឡេង ណាវ៉ាត្រា ស្រុកបន្ទាយស្រី។ អ្នកឧកញ៉ា បានគូសបញ្ជាក់ថា ដីគឺមានការអនុញ្ញាតពីក្រសួងរៀបចំដែនដី ហើយថវិកាដែលបងប្អូនបង់គឺបង់ចូលគណនីរបស់ក្រសួង នៅទីតាំងលក់ផ្ទាល់តែម្ដង៕

The post ក្រសួងរៀបចំដែនដី ចេញសេចក្តីប្រកាសព័ត៌មាន អនុញ្ញាតឲ្យក្រុមហ៊ុន បុរី ឡេង ណាវ៉ាត្រា ដាក់លក់ឡៃឡុងដីឡូត៍ ជិត ១,៣០០ក្បាលដី នៅស្រុកបន្ទាយស្រី និងបញ្ជាក់ថាជាដីមានទីតាំងពិតប្រាកដ appeared first on .

«សន្និសីទអន្តរជាតិស្ដីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា កំពុងប្រព្រឹត្តទៅនៅរាជធានីភ្នំពេញ ចាប់ពីថ្ងៃទី២៣ ដល់ថ្ងៃទី២៤ ខែកញ្ញា ឆ្នាំ២០២៦ ក្រោមប្រធានបទ «រួមគ្នាឆ្ពោះទៅកាត់ផ្ដាច់ច្រវាក់ និងបញ្ចប់ការឆបោក តាមប្រព័ន្ធបច្ចេកវិទ្យា» ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្តី នៃព្រះរាជាណាចក្រកម្ពុជា និងដោយមានការគាំទ្រពីដៃគូអន្តរជាតិសំខាន់ៗ គឺបានបង្ហាញពីឆន្ទៈដ៏មុតមាំរបស់រាជ រដ្ឋាភិបាលកម្ពុជា ក្នុងការប្រយុទ្ធប្រឆាំង និងលុបបំបាត់ឧក្រិដ្ឋកម្មឆ្លងដែនប្រភេទនេះ ដែលបង្កគ្រោះថ្នាក់ធ្ងន់ធ្ងរដល់ប្រជា ពលរដ្ឋ ប៉ះពាល់ដល់បរិយាកាសធុរកិច្ច ទំនុកចិត្តរបស់វិនិយោគិន និងកិត្តិនាមជាតិ។

ក្នុងស្មារតីទទួលខុសត្រូវចំពោះសង្គម និងការការពារកិត្តិនាមជាតិ សមាគមឧកញ៉ាកម្ពុជា សូមអំពាវនាវដល់ សមាជិកទាំងអស់ ចូលរួមគាំទ្រសន្និសីទអន្តរជាតិនេះ តាមរយៈទម្រង់សមស្របណាមួយដូចជា៖

១. គាំទ្រគោលនយោបាយនិងវិធានការរបស់រាជរដ្ឋាភិបាលក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។

២. ផ្សព្វផ្សាយព័ត៌មាននិងសារផ្លូវការពាក់ព័ន្ធនឹងសន្និសីទតាមបណ្ដាញទំនាក់ទំនងរបស់ក្រុមហ៊ុនឬស្ថាប័នរៀងៗខ្លួន។

៣. ពង្រឹងអភិបាលកិច្ច និងការត្រួតពិនិត្យផ្ទៃក្នុង ដើម្បីធានាថា អាជីវកម្ម ទីតាំង និងសេវាកម្មរបស់ខ្លួន មិនពាក់ព័ន្ធ នឹងសកម្មភាពឆបោក ឬសកម្មភាពខុសច្បាប់ណាមួយ។

៤. សហការជាមួយអាជ្ញាធរមានសមត្ថកិច្ច ក្នុងការទប់ស្កាត់ និងផ្តល់ព័ត៌មានពាក់ព័ន្ធនឹងសកម្មភាពដែលមាន សញ្ញាសង្ស័យ ស្របតាមច្បាប់ជាធរមាន។

ការចូលរួមរបស់សមាជិកសមាគមឧកញ៉ាកម្ពុជា នឹងបង្ហាញពីស្មារតីសាមគ្គីភាព និងភាពជាដៃគូរបស់វិស័យឯក ជនជាមួយរាជរដ្ឋាភិបាល ក្នុងការការពារប្រជាពលរដ្ឋ លើកកម្ពស់បរិយាកាសធុរកិច្ច និងរក្សាកិត្តិនាមជាតិ។

អាស្រ័យហេតុនេះ សូម លោកអ្នកឧកញ៉ា អ្នកឧកញ៉ា និងឧកញ៉ា ជាសមាជិកសមាគមឧកញ៉ាកម្ពុជាទាំងអស់ មេត្តាចូលរួមគាំទ្រ និងផ្សព្វផ្សាយសារនៃសន្និសីទអន្តរជាតិនេះឱ្យបានផុលផុស ក្នុងស្មារតី «រួមគ្នាឆ្ពោះទៅកាត់ផ្ដាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា»។

The post សមាគមឧកញ៉ាកម្ពុជា អំពាវនាវដល់ លោកអ្នកឧកញ៉ា អ្នកឧកញ៉ា និងឧកញ៉ាជាសមាជិកទាំងអស់ រួមគ្នាគាំទ្រគោលនយោបាយ និងវិធានការដ៏ម៉ឺងម៉ាត់ របស់រាជរដ្ឋាភិបាល ក្នុងការបង្ក្រាបលុបបំបាត់បណ្តាញឆបោកតាមប្រព័ន្ធបច្ចេកវិទ្យា ឱ្យអស់ពីទឹកដីកម្ពុជា appeared first on .

ក្រោមយុទ្ធនាការ «ដឹកជញ្ជូនអន្តរជាតិ ពីប្រទេសចិន» វិរៈ ប៊ុនថាំ ផ្តល់ជូនសេវាដឹកជញ្ជូនទំនិញពីប្រទេសចិន ក្នុងតម្លៃពិសេសត្រឹមតែ ៤,០០០រៀលក្នុងមួយគីឡូ និងចាប់ពី 180$ក្នុងមួយម៉ែត្រគូប ដើម្បីឆ្លើយតបទៅនឹងតម្រូវការរបស់អាជីវករ អ្នកលក់អនឡាញ និងអតិថិជនដែលមានបំណងនាំចូលទំនិញពីប្រទេសចិន។

ដឹកជញ្ជូនរហ័ស សន្សំពេលវេលា និងគាំទ្រការរីកចម្រើនអាជីវកម្មក្នុងស្រុក

តាមរយៈបទពិសោធន៍ជាច្រើនឆ្នាំក្នុងសេវាដឹកជញ្ជូន និងឡូជីស្ទិក ឥឡូវនេះ វិរៈ ប៊ុនថាំ ផ្តល់ជូនជម្រើសដឹកជញ្ជូនរហ័ស សន្សំពេលវេលា និងមានទំនុកចិត្តខ្ពស់ តាមផ្លូវគោក និងផ្លូវអាកាស ដើម្បីឱ្យអតិថិជនអាចជ្រើសរើសសេវាកម្មសមស្របទៅតាមប្រភេទទំនិញ និងតម្រូវការពេលវេលារបស់ខ្លួន។

– ដឹកជញ្ជូនតាមផ្លូវគោកពីប្រទេសចិន៖ រយៈពេលតិចជាង 10 ថ្ងៃ។

– ដឹកជញ្ជូនតាមផ្លូវអាកាសពីប្រទេសចិន៖ រយៈពេលត្រឹមតែ 3 ថ្ងៃប៉ុណ្ណោះ។

ដោយរយៈពេលដឹកជញ្ជូនអាចប្រែប្រួលទៅតាមប្រភេទទំនិញ ទីតាំងដើម និងលក្ខខណ្ឌប្រតិបត្តិការ។ ដឹកជញ្ជូនឥតគិតថ្លៃទូទាំងរាជធានីភ្នំពេញ ដើម្បីបង្កើនភាពងាយស្រួលដល់អតិថិជន វិរៈ ប៊ុនថាំ នឹងផ្តល់ជូនសេវាដឹកជញ្ជូនដោយឥតគិតថ្លៃទូទាំងរាជធានីភ្នំពេញ សម្រាប់ចម្ងាយក្នុងរង្វង់ 10 គីឡូម៉ែត្រ គិតចេញពីឃ្លាំង វិរៈ ប៊ុនថាំ ជ្រោយចង្វារ ខណ្ឌជ្រោយចង្វារ។

អត្ថប្រយោជន៍នេះនឹងជួយកាត់បន្ថយភាពស្មុគស្មាញក្នុងការទទួលទំនិញ និងផ្តល់ភាពងាយស្រួលបន្ថែមសម្រាប់អាជីវករ និងអតិថិជននៅរាជធានីភ្នំពេញ ប្រកបដោយទំនុកចិត្តខ្ពស់។

សេវាកម្មដឹកជញ្ជូនអន្តរជាតិដ៏មានស្តង់ដារ

ក្រៅពីការដឹកជញ្ជូនពីប្រទេសចិន វិរៈ ប៊ុនថាំ ក៏ផ្តល់ជូនសេវាកម្មដឹកជញ្ជូនអន្តរជាតិដ៏ទូលំទូលាយ រួមមាន៖

– ការដឹកជញ្ជូនតាមផ្លូវគោក

– ការដឹកជញ្ជូនតាមផ្លូវសមុទ្រ

– ការដឹកជញ្ជូនតាមផ្លូវអាកាស

– និងឃ្លាំងផ្ទុកទំនិញអន្តរជាតិ

សេវាកម្មទាំងនេះត្រូវបានរៀបចំឡើង ដើម្បីគាំទ្រដល់តម្រូវការដឹកជញ្ជូនរបស់អតិថិជនចាប់ពីការនាំចូលទំនិញ រហូតដល់ការទទួល និងចែកចាយទៅកាន់គោលដៅ ដោយអស់កង្វល់។

បណ្តាញសាខាជិត ១,៥០០ ទីតាំង គ្របដណ្តប់ទូទាំងប្រទេសកម្ពុជា

ជាមួយបណ្តាញសាខាវិរៈ ប៊ុនថាំ ជិត ១,៥០០ ទីតាំង ដែលគ្របដណ្តប់ទូទាំងប្រទេស និងការតភ្ជាប់ទៅកាន់បណ្តាញអន្តរជាតិ វិរៈ ប៊ុនថាំ បន្តពង្រឹងសមត្ថភាពក្នុងការផ្តល់សេវាទទួល និងចែកចាយទំនិញឱ្យកាន់តែមានភាពងាយស្រួល និងទូលំទូលាយ។

តាមរយៈការពង្រីកសេវាដឹកជញ្ជូនអន្តរជាតិពីប្រទេសចិន វិរៈ ប៊ុនថាំ មានគោលបំណងក្លាយជាដៃគូដឹកជញ្ជូនដែលអាជីវករ និងអតិថិជនកម្ពុជាអាចពឹងផ្អែកបាន សម្រាប់ការនាំចូលទំនិញ និងការពង្រីកអាជីវកម្មរបស់ខ្លួន។

តស់ ដឹកជញ្ជូនពីប្រទេសចិន ជាមួយវិរៈ ប៊ុនថាំ ឥឡូវនេះ!

សម្រាប់ព័ត៌មានបន្ថែម និងការសាកសួរអំពីសេវាកម្ម សូមទាក់ទង៖ 098 880 456 | 092 880 456

ឬទាញយកកម្មវិធី VET Express តាម App Store និង Google Play។

អំពីក្រុមហ៊ុន វិរៈ ប៊ុនថាំ

វិរៈ ប៊ុនថាំ គឺជាក្រុមហ៊ុនផ្តល់សេវាដឹកជញ្ជូន និងឡូជីស្ទិក ដែលមានបណ្តាញប្រតិបត្តិការទូលំទូលាយនៅកម្ពុជា និងការតភ្ជាប់ទៅកាន់សេវាដឹកជញ្ជូនអន្តរជាតិ។ ក្រុមហ៊ុនប្តេជ្ញាផ្តល់ជូនដំណោះស្រាយដឹកជញ្ជូនដែលឆ្លើយតបទៅនឹងតម្រូវការរបស់អតិថិជន និងគាំទ្រដល់ការរីកចម្រើននៃអាជីវកម្មនៅកម្ពុជា៕

The post ក្រុមហ៊ុន វិរៈ ប៊ុនថាំ របស់អ្នកឧកញ៉ា បណ្ឌិត សួរ វីរៈ ដាក់ចេញសេវាកម្មដឹកជញ្ជូនអន្តរជាតិពីចិន តម្លៃត្រឹមតែ ៤,០០០រៀល/គីឡូ និងចាប់ពី $180/CBM ដោយទំនុកចិត្ត! appeared first on .

សមាគមឧកញ៉ាកម្ពុជា ក៏សូមស្វាគមន៍ និងគាំទ្រយ៉ាងពេញទំហឹង ចំពោះ “សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» ដែលនឹងប្រព្រឹត្តទៅនៅរាជធានីភ្នំពេញ ចាប់ពីថ្ងៃទី២៣ ដល់ថ្ងៃទី២៤ ខែកញ្ញា ឆ្នាំ២០២៦ ក្រោមប្រធានបទ «រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា» ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ការឆបោកតាមប្រព័ន្ធបច្ចេកវិទ្យា គឺជាឧក្រិដ្ឋកម្មឆ្លងដែនដ៏ធ្ងន់ធ្ងរ ដែលបង្កគ្រោះថ្នាក់ដល់ប្រជាពលរដ្ឋ បំផ្លាញបរិយាកាសធុរកិច្ចស្របច្បាប់ ព្រមទាំងប៉ះពាល់ដល់ទំនុកចិត្តវិនិយោគិននិងកិត្តិនាមជាតិ។ សមាគមឧកញ៉ាកម្ពុជា សូមប្រកាសជំហរ «មិនអធ្យាស្រ័យ» (Zero Tolerance) ចំពោះឧក្រិដ្ឋកម្មប្រភេទនេះ ដោយគ្មានករណីលើកលែងឡើយ។

សមាគមឧកញ៉ាកម្ពុជា សូមជូនពរឱ្យសន្និសីទអន្តរជាតិនេះ ប្រព្រឹត្តទៅប្រកបដោយជោគជ័យបំផុត និងសូមបញ្ជាក់ជាថ្មីនូវការត្រៀមខ្លួនរួចជាស្រេច ក្នុងការចាប់ដៃគ្នាជាមួយរាជរដ្ឋាភិបាលកម្ពុជា អាជ្ញាធរអនុវត្តច្បាប់ និងដៃគូអន្តរជាតិ ដើម្បីការពារប្រជាពលរដ្ឋ ការពារកិត្តិនាមជាតិ និងកសាងអនាគតឌីជីថលដ៏ស្អាតស្អំ សម្រាប់ប្រទេសកម្ពុជា។

The post សមាគមឧកញ៉ាកម្ពុជា ចេញសេចក្តីថ្លែងការណ៍គាំទ្រពេញទំហឹង ចំពោះវិធានការដ៏ម៉ឺងម៉ាត់របស់រាជរដ្ឋាភិបាលកម្ពុជា ក្នុងការបង្ក្រាបលុបបំបាត់ជាដាច់ខាតនូវរាល់ទីតាំង និងបណ្តាញឆបោកតាមប្រព័ន្ធអនឡាញ appeared first on .