រដ្ឋាភិបាលឥណ្ឌូណេស៊ី បាននិយាយថា កិច្ចសហការកាន់តែជិតស្និទ្ធក្នុងវិស័យបច្ចេកវិទ្យានុយក្លេអ៊ែរ គឺជាផ្នែកមួយនៃយុទ្ធសាស្ត្ររបស់ខ្លួនដើម្បីសម្រេចបាននូវភាពគ្រប់គ្រាន់ដោយខ្លួនឯងផ្នែកថាមពលជាតិ ក្នុងរយៈពេលបីឆ្នាំខាងមុខ។

រដ្ឋាភិបាលបានសង្កត់ធ្ងន់ទៀតថា ការរុករកបច្ចេកវិទ្យាថាមពលដែលមានសុវត្ថិភាព រួមទាំងថាមពលនុយក្លេអ៊ែរ ត្រូវតែអមដោយការផ្ទេរបច្ចេកវិទ្យា ការបណ្តុះបណ្តាលកម្លាំងពលកម្ម និងការអនុលោមតាមស្តង់ដារសុវត្ថិភាពអន្តរជាតិខ្ពស់បំផុត។

គួរជម្រាបជូនថា ប្រទេសក្នុងតំបន់អាស៊ីអាគ្នេយ៍មួយនេះ បច្ចុប្បន្នកំពុងចរចាជាមួយសាជីវកម្មនុយក្លេអ៊ែររដ្ឋ Rosatom របស់រុស្ស៊ី លើគម្រោងអភិវឌ្ឍរោងចក្រថាមពលនុយក្លេអ៊ែរអណ្តែតទឹក នៅក្នុងប្រទេសរបស់ខ្លួន។ បច្ចេកវិទ្យានេះ ត្រូវបានគេមើលឃើញថាជាដំណោះស្រាយដែលសមស្រប និងមានប្រសិទ្ធភាពជាងរោងចក្រថាមពលនុយក្លេអ៊ែរនៅលើដី៕​

The post ឥណ្ឌូណេស៊ី ចាប់ផ្តើមជំរុញកិច្ចសហប្រតិបត្តិការថាមពលនុយក្លេអ៊ែរជាមួយរុស្ស៊ី appeared first on .

សហរដ្ឋអាមេរិកបានប្រកាសពីកិច្ចព្រមព្រៀងបណ្តោះអាសន្នមួយដើម្បីបញ្ចប់សង្គ្រាមអ៊ីរ៉ង់ ដែលរួមមានការបើកច្រកសមុទ្រឡើងវិញរបស់អ៊ីរ៉ង់ និងសហរដ្ឋអាមេរិកលុបចោលការបិទផ្លូវទឹករបស់ខ្លួនលើអ៊ីរ៉ង់ ដែលអាចនាំមកនូវការបញ្ចប់នៃការរំខានដល់ការផ្គត់ផ្គង់ប្រេងដ៏ធំបំផុតក្នុងប្រវត្តិសាស្ត្រ។

យោងតាម IEA បានរាយការណ៍ផងដែរថា សង្គ្រាមនៅមជ្ឈិមបូព៌ា ក្នុងពេលកន្លងមនេះ ត្រូវបានប៉ាន់ប្រមាណថាបានរារាំងទិន្នផលប្រេងសរុបជាង ១៤ លានបារ៉ែលក្នុងមួយថ្ងៃ (bpd)។

ប៉ុន្តែទោះជាយ៉ាងណាក៏ដោយ បន្ទាប់ពីជម្លោះនេះ ត្រូវបានដោះស្រាយ IEA បានបង្ហាញថា នៅឆ្នាំ២០២៧ ទីផ្សារប្រេងសកលនឹងមានការផ្គត់ផ្គង់ច្រើនលើស នៅឆ្នាំក្រោយ ដោយសារការផ្គត់ផ្គង់ត្រូវបានកំណត់ថានឹងកើនឡើងដល់ ៨ លានបារ៉ែលក្នុងមួយថ្ងៃ ខណៈពេលដែលតម្រូវការកើនឡើង ២ លានបារ៉ែលក្នុងមួយថ្ងៃ។

IEA បាននិយាយទៀតថា លំហូរប្រេងឆ្លងកាត់ច្រកសមុទ្រ Hormuz បានកើនឡើងរួចហើយនៅដើមខែមិថុនា ដោយសារតែការកើនឡើងនៃការផ្ទេរពីកប៉ាល់មួយទៅកប៉ាល់មួយនៅឈូងសមុទ្រអូម៉ង់ ដែលជួយជំរុញលំហូរសរុបនៅមជ្ឈិមបូព៌ាដល់ប្រហែល ១២ លានបារ៉ែលក្នុងមួយថ្ងៃ ពីកម្រិតទាបបំផុតនៅខែឧសភា ដែលមានចំនួនត្រឹមតែ ៩,៦ លានបារ៉ែលក្នុងមួយថ្ងៃ។

ប៉ុន្តែក្នុងនោះដែរ ការរឹតបន្តឹងនយោបាយ និងប្រតិបត្តិការ រួមទាំងការដោះមីនក្នុងសមុទ្រដែលប្រើរយៈពេលយូរ និងការរៀបចំការដឹកជញ្ជូនដែលមិនទាន់ដោះស្រាយ បានបន្សល់ទុកហានិភ័យអវិជ្ជមានដល់ទស្សនវិស័យនៃការងើបឡើងវិញចំពោះផលិតកម្ម និងការនាំចេញប្រេង នៅមជ្ឈិមបូព៌ា។ នេះបើយោងតាមការបញ្ជាក់បន្ថែមរបស់ ​IEA៕​

The post IEA ថាប្រេងនឹងកើនឡើងច្រើនហូរហៀរនៅឆ្នាំក្រោយ បន្ទាប់ពីច្រកសមុទ្រ Hormuz បើកឡើងវិញ appeared first on .

ជុំវិញការប្រកាសនេះ ត្រូវបានធ្វើឡើងក្នុងចំណោមយុទ្ធនាការដ៏ខ្លាំងក្លារបស់រដ្ឋបាលលោក ត្រាំ ក្នុងការជំរុញឱ្យមានការផលិតឧបករណ៍ពាក់កណ្តាលសម្រេច និងនាំយកខ្សែច្រវាក់ផលិតកម្មបច្ចេកវិទ្យាកំពូលៗ ត្រឡប់មកកាន់ទឹកដីអាមេរិកវិញ។

ប៉ុន្តែទោះជាយ៉ាងណាក៏ដោយ ទាំងក្រុមហ៊ុន Apple និង Intel មិនបានឆ្លើយតបភ្លាមៗចំពោះសំណើរបស់ទីភ្នាក់ងារសារព័ត៌មាន Reuters ជុំវិញអ្វីដែលលោក ត្រាំ បានលើកឡើងនៅឡើយនោះទេ។

យោងតាមកាសែត Wall Street Journal បានរាយការណ៍កាលពីខែឧសភាថា Intel បានឈានដល់កិច្ចព្រមព្រៀងបឋមមួយដើម្បីផលិតបន្ទះឈីបមួយចំនួនសម្រាប់ Apple បន្ទាប់ពីការពិភាក្សាដែលបានបន្តអស់រយៈពេលជាងមួយឆ្នាំ។

គួរជម្រាបជូនថា កិច្ចព្រមព្រៀងជាមួយ Intel បានជួយ Apple ធ្វើចម្រុះកម្មមូលដ្ឋានផលិតកម្មរបស់ខ្លួន ខណៈពេលដែលក្រុមហ៊ុនខ្នាតយក្សមួយនេះ កំពុងស្វែងរកសមត្ថភាពផលិតបន្ទះឈីបបន្ថែមទៀត។ Apple ពឹងផ្អែកយ៉ាងខ្លាំងទៅលើក្រុមហ៊ុនផលិតបន្ទះឈីបខ្នាតយក្សរបស់តៃវ៉ាន់ TSMC សម្រាប់ការផលិតបន្ទះឈីបកម្រិតខ្ពស់របស់ខ្លួន។ ប៉ុន្តែដោយសារតែមានការរីកចម្រើននៃ AI បានធ្វើឲ្យ Apple ត្រូវស្វែងរកដៃគូថ្មីៗ ដើម្បីបង្កើនសុវត្ថិភាព និងធានាការផ្គត់ផ្គង់របស់ខ្លួន៕​

The post លោក ត្រាំ ថា Apple នឹងធ្វើការជាមួយ Intel ដើម្បីផលិតបន្ទះឈីបនៅលើទឹកដីសហរដ្ឋអាមេរិក appeared first on .

លោក Steven Cheung នាយកទំនាក់ទំនងរបស់ប្រធានាធិបតីអាមេរិក ដូណាល់ ត្រាំ បានបង្ហោះសារមួយនៅលើបណ្តាញសង្គម X នៅថ្ងៃទី១៨ ខែមិថុនា ដោយបង្ហើបថា អាចជាការហោះហើរលើកចុងក្រោយរបស់យន្តហោះមួយគ្រឿង ដែលបម្រើការជា Air Force One បន្ទាប់ពីវាបានវិលត្រឡប់មកពីកិច្ចប្រជុំកំពូល G7 នៅប្រទេសបារាំងវិញ។

ទន្ទឹមនឹងនេះ លោកស្រី Monica Crowley ប្រធានពិធីការសេតវិមានក៏បានបង្ហោះរូបថតយន្តហោះដែលមានពណ៌ស ខៀវនេះ ភ្ជាប់ជាមួយសារមួយថា ៖” ខ្ញុំមានកិត្តិយសដែលបាននៅលើ Air Force One កាលពីយប់មិញ ក្នុងការហោះហើរចុងក្រោយរបស់វា។ វាបានបម្រើប្រធានាធិបតីអស់រយៈពេលជិត ៤០ឆ្នាំមកហើយ ចាប់តាំងពីលោក George H.W. Bush។ វាប្រហែលជាមិនមែនជាយន្តហោះទំនើបបំផុតទេ ប៉ុន្តែវាមានផាសុកភាពណាស់។ រាល់ការហោះហើរជាមួយប្រធានាធិបតី ដូណាល់ ត្រាំ គឺពិសេសមិនគួរឱ្យជឿ។ លាហើយ និងសូមអរគុណ”។

គួរឲ្យដឹងថា “Air Force One” គឺជាការកំណត់ជាផ្លូវការដែលប្រើដោយកងទ័ពអាកាសសហរដ្ឋអាមេរិក ដើម្បីសំដៅទៅលើយន្តហោះណាមួយដែលដឹកប្រធានាធិបតីសហរដ្ឋអាមេរិក ដើម្បីជៀសវាងការភាន់ច្រឡំជាមួយយន្តហោះផ្សេងទៀត។ ពាក្យនេះក៏ត្រូវបានគេប្រើជាទូទៅផងដែរ នៅពេលសំដៅទៅលើយន្តហោះចម្បងរបស់ប្រធានាធិបតី គឺ VC-25A ដែលជាកំណែពិសេសមួយ ដែលត្រូវបានបង្កើតឡើងពីយន្តហោះដឹកអ្នកដំណើរប្រភេទ Boeing 747-200B ហើយបានដាក់ឱ្យប្រើប្រាស់នៅឆ្នាំ១៩៩០។

យ៉ាងណាមិញ ជុំវិញការបង្ហោះសារពីសំណាក់ប្រភពជិតស្និទ្ធទាំងនេះបានជំរុញឱ្យមានការរំពឹងទុកថា យន្តហោះ VC-25A មួយគ្រឿងក្នុងចំណោមពីរគ្រឿង នឹងត្រូវដាក់ចូលនិវត្តន៍ ដោយបើកផ្លូវឱ្យយន្តហោះ Boeing 747-8i ដែលកាតាបានផ្តល់ឱ្យរដ្ឋបាលលោក ដូណាល់ ត្រាំ ជាអំណោយនោះ នឹងត្រូវយកមកប្រើជំនួសវិញ។

គួរជម្រាបជូនថា យោងតាមសារព័ត៌មាន ​​NBC News បានបង្ហាញថា លោក ត្រាំ កំពុងពិចារណាធ្វើការហោះហើរលើកដំបូងរបស់លោកលើយន្តហោះដែលប្រទេសកាតាបរិច្ចាគជូន នៅពេលដែលលោកត្រូវទៅទស្សនាភ្នំ Rushmore នៅខែក្រោយ ដែលជាផ្នែកមួយនៃការប្រារព្ធខួបលើកទី២៥០ របស់សហរដ្ឋអាមេរិក៕

The post អាមេរិក ត្រៀមដាក់ឲ្យយន្តហោះ Air Force One មួយ ចូលនិវត្តន៍ឆាប់ៗ ក្រោយដឹកប្រធានាធិបតីអស់ ៤០ឆ្នាំ appeared first on .

យោតាមទស្សនាវដ្តី Forbes បានរាយការណ៍ថា លោក Dell ដែលជាស្ថាបនិក និងជានាយកប្រតិបត្តិរបស់ក្រុមហ៊ុន Dell Technologies បានមើលឃើញទ្រព្យសម្បត្តិសរុបរបស់ខ្លួន កើនឡើង ៣,៣% ដល់ ២៣៤ពាន់លានដុល្លារ ខណៈភាគហ៊ុនរបស់ក្រុមហ៊ុនបច្ចេកវិទ្យាខ្នាតយក្សអាមេរិករូបនេះ បានកើនឡើង ៣,៧%។

គួរឲ្យដឹងផងដែរថា ជុំវិញការកើនឡើងនេះត្រូវបានជំរុញជាចម្បងដោយការកាន់កាប់ភាគហ៊ុនសរុបប្រហែល ៤០% របស់លោក Dell នៅក្នុងក្រុមហ៊ុនបច្ចេកវិទ្យាដែលលោកបានបង្កើតឡើងដំបូងក្នុងឆ្នាំ១៩៨៤។

ជម្រាបជូនថា ចំពោះទ្រព្យសម្បត្តិរបស់លោក Ellison បានធ្លាក់ចុះ ២,៥% ដល់ប្រហែល ២៣០,៨ពាន់លានដុល្លារ បន្ទាប់ពីភាគហ៊ុនរបស់ក្រុមហ៊ុន Oracle បានធ្លាក់ចុះ ២,៦% មកនៅត្រឹមប្រមាណជាង ១៨៣ដុល្លារក្នុងមួយហ៊ុន៕​

The post ស្ថាបនិកក្រុមហ៊ុន Dell វ៉ាដាច់មេធំ Oracle ឡើងតំណែងអ្នកមានដាច់គេទី៥ លើលោក appeared first on .

ដោយថ្លែងនៅក្នុងបទសម្ភាសតាមទូរទស្សន៍ជាតិនៅថ្ងៃទី១៧ ខែមិថុនា ប្រធានសភា និងជាប្រធានគណៈប្រតិភូចរចារបស់អ៊ីរ៉ង់ លោក Mohammad Bagher Ghalibaf បានអះអាងថា ច្រកសមុទ្រ Hormuz នឹងមិនវិលត្រឡប់ទៅសភាពដើមវិញ មុនពេលជម្លោះផ្ទុះឡើងនោះឡើយ។

លោក Ghalibaf បានមានប្រសាសន៍ទៀតថា អ៊ីរ៉ង់មានសិទ្ធិអធិបតេយ្យភាពពេញលេញលើច្រកសមុទ្រ Hormuz ហើយច្បាស់ណាស់ថាអ៊ីរ៉ង់ នឹងប្រមូលថ្លៃសេវាលើការឆ្លងកាត់ច្រកសមុទ្រដ៏សំខាន់នេះ។

យោងតាមអនុស្សរណៈរវាងសហរដ្ឋអាមេរិក និងអ៊ីរ៉ង់ ទីក្រុងតេអេរ៉ង់នឹងអនុញ្ញាតឱ្យកប៉ាល់ពាណិជ្ជកម្មឆ្លងកាត់ច្រកសមុទ្រនេះដោយសុវត្ថិភាព និងឥតគិតថ្លៃរយៈពេលត្រឹមតែ ៦០ថ្ងៃប៉ុណ្ណោះ។ បន្ទាប់ពីនោះ អ៊ីរ៉ង់នឹង ចូលរួមចរចាជាមួយអូម៉ង់ ដើម្បីកំណត់ការគ្រប់គ្រង និងយកថ្លៃសេវាកម្មផ្លូវសមុទ្រនេះនាពេលអនាគត។

ប៉ុន្តែទោះជាយ៉ាងណាក៏ដោយ ប្រធានាធិបតី លោក ដូណាល់ ត្រាំ បានបញ្ជាក់ម្តងហើយម្តងទៀតថា ច្រកសមុទ្រ Hormuz ត្រូវតែបើកចំហសម្រាប់ការឆ្លងកាត់ដោយសេរីសម្រាប់កប៉ាល់បន្ទាប់ពីការប្រយុទ្ធគ្នាបានបញ្ចប់។

នៅក្នុងនោះអនុស្សរណៈនោះបានចែងថា ការពិភាក្សាអំពីរបៀបគ្រប់គ្រងច្រកសមុទ្រ Hormuz ត្រូវតែស្របតាមច្បាប់អន្តរជាតិដែលអាចអនុវត្តបាន និងសិទ្ធិអធិបតេយ្យភាពរបស់រដ្ឋឆ្នេរសមុទ្រនៃច្រកសមុទ្រ។

គួរជម្រាបជូនថា មុនពេលការវាយប្រហាររបស់សហរដ្ឋអាមេរិក និងអ៊ីស្រាអែលលើអ៊ីរ៉ង់នៅថ្ងៃទី២៨ ខែកុម្ភៈ កប៉ាល់អាចធ្វើដំណើរដោយសេរីតាមច្រកសមុទ្រ Hormuz ដោយមិនគិតថ្លៃ ឬមិនតម្រូវឲ្យមានលក្ខខណ្ឌណាមួយឡើយ។ តែទោះជាយ៉ាងណាក៏ដោយ ទីក្រុងតេអេរ៉ង់ បានព្យាយាមដាក់ការគ្រប់គ្រងលើច្រកសមុទ្រនេះភ្លាមៗ បន្ទាប់ពីជម្លោះបានផ្ទុះឡើង៕​

The post អ៊ីរ៉ង់ ប្រកាសថានឹងយកថ្លៃសេវាសម្រាប់ការឆ្លងកាត់ច្រកសមុទ្រ Hormuz appeared first on .

លោក ត្រាំ បានបង្ហោះសារមួយនៅលើបណ្តាញសង្គម Truth Social របស់ខ្លួន កាលពីថ្ងៃទី១៨ មិថុនាថា៖” មិនមានការទូទាត់សងលុយ ៣០០ពាន់លានដុល្លារពីអាមេរិក ទៅឲ្យអ៊ីរ៉ង់នោះទេ។ នោះជាព័ត៌មានក្លែងក្លាយ។ អ្វីដែលអាមេរិកទទួលបានគឺភាពជោគជ័យ តម្លៃប្រេងធ្លាក់ចុះ និងជ័យជម្នះ។សូមក្រឡេកមើលទីផ្សារភាគហ៊ុន កំពុងហក់ឡើងយ៉ាងខ្លាំង”។

មិនតែប៉ុណ្ណោះ ប្រធានាធិបតីអាមេរិក ​ ក៏បានហៅអ្នកដែលបានរិះគន់ចំពោះកិច្ចព្រមព្រៀងរវាងអាមេរិកអ៊ីរ៉ង់នេះ ថាជាមនុស្សល្ងង់ខ្លៅផងដែរ។

ប៉ុន្តែទន្ទឹមនឹងនេះ ប្រធានសភាអ៊ីរ៉ង់ លោក Mohammad Bagher Ghalibaf ដែលបានដឹកនាំគណៈប្រតិភូចរចា បានអះអាងថា អនុស្សរណៈនេះតំណាងឲ្យការបរាជ័យមួយផ្នែករបស់សហរដ្ឋអាមេរិក។ មេដឹកនាំកំពូលអ៊ីរ៉ង់ លោក Mojtaba Khamenei បានប្រកាសនៅថ្ងៃដដែលនោះថា លោកបានអនុម័តឯកសារមួយជាមួយសហរដ្ឋអាមេរិក ដែលមានគោលបំណងបញ្ចប់សង្គ្រាមនៅមជ្ឈិមបូព៌ា ដែលជាការឆ្លើយតបលើកដំបូងរបស់លោកចំពោះកិច្ចព្រមព្រៀងនេះ។

មេដឹកនាំកំពូលអ៊ីរ៉ង់រូបនេះ បាននិយាយទៀតថា ប្រធានាធិបតី លោក ត្រាំ បានប្រើប្រាស់គ្រប់មធ្យោបាយដែលអាចធ្វើទៅបាន ដើម្បីអាចឈានដល់កិច្ចព្រមព្រៀងមួយ ដោយសង្កត់ធ្ងន់ថា ទីក្រុងតេអេរ៉ង់នឹងមិនទទួលយកអនុស្សរណៈនេះទេ ប្រសិនបើទីក្រុងវ៉ាស៊ីនតោនធ្វើការទាមទារច្រើនហួសហេតុពេកនោះ។

គួរជម្រាបជូនថា មន្ត្រីសហរដ្ឋអាមេរិក និងអ៊ីរ៉ង់បានបញ្ជាក់នៅថ្ងៃទី១៧ ខែមិថុនាថា មេដឹកនាំកំពូលនៃប្រទេសទាំងពីរបានចុះហត្ថលេខាលើកិច្ចព្រមព្រៀងមួយដែលមានគោលបំណងបញ្ចប់ជម្លោះ។ អនុស្សរណៈ​ដែល​ចេញ​ផ្សាយ​ដោយ​ភាគី​ទាំង​ពីរ រួម​បញ្ចូល​ទាំង​មូលនិធិ​កសាង​ឡើង​វិញដ៏មាន​សក្តានុពល​ចំនួន ៣០០ពាន់​លាន​ដុល្លារ​សម្រាប់​ប្រទេស​អ៊ីរ៉ង់ ផងដែរ៕​

The post លោក ត្រាំ និយាយថាកិច្ចព្រមព្រៀងជាមួយអ៊ីរ៉ង់ គឺជាជ័យជម្នះសម្រាប់អាមេរិក appeared first on .

នៅពេលបិទការជួញដូរនៅថ្ងៃទី១៨ មិថុនា តម្លៃមាសបានធ្លាក់ចុះជិត ៤៨ដុល្លារភ្លាមៗ មកនៅត្រឹម ៤ ២០៨ដុល្លារក្នុងមួយអោន។ ហើយនៅពេលបើកការជួញដូរឡើងវិញ នៅថ្ងៃទី១៩ ខែមិថុនានេះ តម្លៃមាសបានធ្លាក់ចុះមក ២៥ដុល្លារបន្ថែមទៀត ដែលបច្ចុប្បន្នកំពុងជួញដូរនៅក្នុងតម្លៃ ៤ ១៨៥ដុល្លារ។

ជុំវិញការផ្លាស់ប្តូរទីផ្សារនេះ ត្រូវបានដាក់សម្ពាធដោយប្រាក់ដុល្លារដែលឡើងថ្លៃ និងសញ្ញានៃការរឹតបណ្តឹងរូបិយវត្ថុពីធនាគារកណ្តាលអាមេរិក Fed ។ តែទោះបីជាយ៉ាងណាក៏ដោយ ការធ្លាក់ចុះនេះមិនខ្លាំងពេកនោះទេ ដោយសារតែមានកិច្ចព្រមព្រៀងសន្តិភាពរវាងសហសរដ្ឋអាមេរិក និងអ៊ីរ៉ង់ បានជំរុញឱ្យតម្លៃប្រេងឆៅធ្លាក់ចុះ ដែលបន្ធូរបន្ថយការព្រួយបារម្ភអំពីអតិផរណា។

គួរជម្រាបជូនផងដែរថា បន្ទាប់ពីកិច្ចប្រជុំគោលនយោបាយរបស់ខ្លួន នៅថ្ងៃទី១៧ ខែមិថុនា ធនាគារកណ្តាលសហរដ្ឋអាមេរិក បានប្រកាសថា ខ្លួននឹងរក្សាអត្រាការប្រាក់ឱ្យនៅដដែល។ តែទោះជាយ៉ាងណាក៏ដោយ មន្ត្រីប្រាំបួនរូបរបស់ Fed បានបង្ហាញថា ការដំឡើងអត្រាការប្រាក់គឺចាំបាច់ នៅឆ្នាំនេះ ដែលនឹងជំរុញឲ្យប្រាក់ដុល្លារឡើងថ្លៃ ហាក់ដាក់សម្ពាធលើមាសវិញ៕​

The post តម្លៃមាសអន្តរជាតិប្រែប្រួល ដោយធ្លាក់ចុះមកនៅក្រោម ៤ ២០០ដុល្លារ/មួយអោន appeared first on .

ការសម្រេចចិត្តនេះបានកើតឡើងនៅថ្ងៃទី១៥ ខែមិថុនា ក្នុងអំឡុងពេលកិច្ចប្រជុំរវាងនាយករដ្ឋមន្ត្រីឡាវ លោក Sonexay Siphandone និងនាយករដ្ឋមន្ត្រីរុស្ស៊ី លោក Mikhail Mishustin នៅទីក្រុងមូស្គូ ជាកន្លែងដែលប្រទេសទាំងពីរបានព្រមព្រៀងគ្នាលើកិច្ចសហប្រតិបត្តិការក្នុងការប្រើប្រាស់ថាមពលនុយក្លេអ៊ែរដោយសន្តិវិធី។

កិច្ចព្រមព្រៀងនេះ បង្កើតបានជាផ្នែកមួយនៃកិច្ចខិតខំប្រឹងប្រែងកាន់តែទូលំទូលាយដើម្បីគាំទ្រគម្រោងរួមគ្នាក្នុងវិស័យថាមពល ហេដ្ឋារចនាសម្ព័ន្ធ កសិកម្ម និងវិស័យបច្ចេកវិទ្យាខ្ពស់រវាងប្រទេសទាំងពីរ។

ក្នុងអំឡុងពេលនៃកិច្ចប្រជុំនោះ លោក Mishustin បានពិពណ៌នាអំពីប្រទេសឡាវថាជាដៃគូសំខាន់មួយរបស់រុស្ស៊ីនៅអាស៊ីអាគ្នេយ៍ និងបានសង្កត់ធ្ងន់លើតម្រូវការក្នុងការពង្រីកពាណិជ្ជកម្ម និងការវិនិយោគទ្វេភាគី ដោយកត់សម្គាល់ថាបរិមាណពាណិជ្ជកម្មបច្ចុប្បន្នមិនទាន់ឆ្លុះបញ្ចាំងពីសក្តានុពលសេដ្ឋកិច្ចរបស់ប្រទេសទាំងពីរនៅឡើយទេ។

ទន្ទឹមនឹងនេះ រដ្ឋមន្ត្រីអភិវឌ្ឍសេដ្ឋកិច្ចរុស្ស៊ី លោក Maxim Reshetnikov បាននិយាយថា ប្រទេសរបស់ខ្លួន បានត្រៀមខ្លួនរួចជាស្រេចហើយ ដើម្បីចែករំលែកជំនាញក្នុងសេដ្ឋកិច្ចឌីជីថល ប្រព័ន្ធអេឡិចត្រូនិចស្វយ័ត និងបញ្ញាសិប្បនិម្មិត ដែលជាផ្នែកមួយនៃកិច្ចខិតខំប្រឹងប្រែងកាន់តែទូលំទូលាយ ដើម្បីពង្រឹងទំនាក់ទំនងសេដ្ឋកិច្ច និងបច្ចេកវិទ្យា៕​

The post រុស្ស៊ី ចាប់ផ្តើមសិក្សាបឋមលើគម្រោងសាងសង់រោងចក្រថាមពលនុយក្លេអ៊ែរ នៅប្រទេសឡាវ appeared first on .

យោងតាមទីភ្នាក់ងារធ្វើតេស្តថ្នាក់ជាតិរបស់ក្រសួងអប់រំ បានបង្ហាញឲ្យដឹងថា ជុំវិញការបិទជាបណ្តោះអាសន្ននេះ ត្រូវបានធ្វើឡើងដើម្បីជាការឆ្លើយតបទៅនឹងការប្រើប្រាស់វេទិកា Telegram ដើម្បីចែកចាយវិញ្ញាសារដល់បេក្ខជនដែលត្រៀមខ្លួនសម្រាប់ការប្រឡងវេជ្ជសាស្រ្តថ្នាក់ជាតិ។

យ៉ាងណាមិញ កាលពីខែមុន រដ្ឋាភិបាលឥណ្ឌា ក៏បានលុបចោលការប្រឡងចូលរៀនថ្នាក់បរិញ្ញាបត្រ NEET សម្រាប់មហាវិទ្យាល័យវេជ្ជសាស្ត្រផងដែរ បន្ទាប់ពីអាជ្ញាធរបាននិយាយថា ពួកគេកំពុងស៊ើបអង្កេតការចោទប្រកាន់ថាសំណួររបស់ខ្លួនត្រូវបានលេចធ្លាយ មុនពេលមានការប្រឡង។

គួរឲ្យដឹងផងដែរថា ជុំវិញបញ្ហានេះ បង្កឱ្យមានបាតុកម្មតវ៉ាយ៉ាងខ្លាំងក្លាពីនិស្សិតនៅទូទាំងប្រទេស រួមទាំងមានបាតុកម្មពីគណបក្សប្រឆាំង Cockroach Janta Party ដ៏ល្បីល្បាញផងដែរ ដើម្បីទាមទារឱ្យរដ្ឋមន្ត្រីក្រសួងអប់រំ លោក Dharmendra Pradhan ចុះចេញពីតំណែង។

ជម្រាបជូនថា រដ្ឋាភិបាលឥណ្ឌា សម្រេចកំណត់ថ្ងៃប្រឡងជាថ្មីដែលនឹងធ្វើឡើងនៅថ្ងៃទី ២១ ខែមិថុនា ខណៈ Telegram នឹងត្រូវបើកឱ្យដំណើរការជាធម្មតាវិញ នៅថ្ងៃទី២២ ខែមិថុនា៕​

The post ឥណ្ឌា បិទ Telegram បណ្តោះអាសន្ន ដើម្បីទប់ស្កាត់ការបែកធ្លាយវិញ្ញាសារប្រឡងថ្នាក់ជាតិ appeared first on .