បើទោះជាមានបទឈប់បាញ់រវាងរដ្ឋាភិបាលកម្ពុជា-ថៃ បានចូលជាធរមានហើយ នៅម៉ោង១២៖០០យប់ ថ្ងៃទី២៨ ខែកក្កដា ឆ្នាំ២០២៥ នៅថ្ងៃទី៤ខែ សីហា នេះ បេសកកម្មរបស់សហព័ន្ធយុវជនបូជាការពារយុត្តិធម៌ បាននឹងកំពុងបន្តធ្វើម្ហូបផ្គត់ផ្គង់ជូនបងប្អូនប្រជាពលរដ្ឋភៀសសឹក ធ្វើឡើងក្រោមសហការជាមួយអាជ្ញាធរខេត្តទាំងពីរ និងគណៈកម្មាធិការជាតិគ្រប់គ្រងគ្រោះមហន្តរាយ។

ចុះសមរភូមិផ្ទាល់គ្រប់គោលដៅទាំង ៩ ទីទួលសុវត្ថិភាពរបស់ជនភៀសសឹក អ្នកឧកញ៉ា ឡេង ណាវ៉ាត្រា បានណែនាំឲ្យក្រុមយុវជននៃសហព័ន្ធយុវជនបូជាការពារយុត្តិធម៌ មានសាមគ្គីភាពជាក្រុម បង្កើនកិច្ចសហការល្អជាមួយគ្រប់ភាគីព័ន្ធដើម្បីបំពេញបេសកកម្មផ្គត់ផ្គង់ម្ហូបអាហារជូនជនភៀសសឹកឲ្យបានគ្រប់គ្រាន់តាមគោលដៅនីមួយៗ៕

The post នៅតែបន្តជួយ! ក្រុមការងារសហព័ន្ធយុវជនបូជាការពារយុត្តិធម៌ ដឹកនាំដោយអ្នកឧកញ៉ា ឡេង ណាវ៉ាត្រា បន្តចម្អិនម្ហូបផ្គត់ផ្គង់ជូនប្រជាពលរដ្ឋភៀសសឹកក្នុងខេត្តឧត្តរមានជ័យ និងព្រះវិហារ ទាំង៩គោលដៅ appeared first on .

លោកឧកញ៉ា និងលោកជំទាវឧកញ៉ាបណ្ឌិត ក៏បានសម្តែងនូវការរំលែកទុក្ខជូនដល់គ្រួសារយុទ្ធជនពលី ដែលនេះគឺជាការបាត់បង់យុទ្ធជនដ៏អង់អាចក្លាហាន កូនជាទីស្រឡាញ់ បងប្អូនជាទីគោរព ឪពុកដ៏មានព្រហ្មវិហារធម៌ និងស្វាមីដែលមានភក្តីភាព សម្រាប់ជាតិ ព្រមទាំងក្រុមគ្រួសារ។

បន្ថែមពីនេះ លោកឧកញ៉ាក៏បានពាំនាំនូវការរំលែកទុក្ខដ៏ក្រៀមក្រំបំផុត ពីអ្នកឧកញ៉ា ឡេង ណាវ៉ាត្រា ជូនដល់ក្រុមគ្រួសារសពនៃយុទ្ធជនពលី ដោយបានកត់សម្គាល់ថា ការពលីរបស់យុទ្ធជនជួរមុខកម្ពុជា នឹងត្រូវចងចាំទុកជាវីរភាព ប្រកបដោយឆន្ទៈមោះមុត ក្នុងបុព្វហេតុបម្រើជាតិ សាសនា ព្រះមហាក្សត្រ និងការពារបូរណភាពទឹកដីរបស់កម្ពុជាឱ្យបាន ទោះក្នុងតម្លៃណាក៏ដោយ ពីការរំលោភបំពាន និងឈ្លានពានមកលើដែនអធិបតេយ្យភាពកម្ពុជា។ សូមឧទ្ទិសបួងសួងសុំឱ្យដួងវិញ្ញាណក្ខន្ធយុទ្ធជនពលី បានចាប់កំណើតក្នុងឋានបរម្យសុខកុំបីឃ្លៀងឃ្លាតឡើយ។

សូមជម្រាបជូនថា យុទ្ធជនពលី លោកអនុសេនីយ៍ឯក ពោ វ៉ៃមានអាយុ ៤៦ឆ្នាំ បច្ចុប្បន្នស្ថិតភូមិវាស្បូវ សង្កាត់វាស្បូវ ខណ្ឌច្បារអំពៅ រាជធានីភ្នំពេញ បំរើការងារនៅកងពលលេខ៨ កងពលធំលេខ៣ ខេត្តព្រះវិហារ បំពេញបេសកម្មការពារជាតិនៅសមភូមិភ្នំទ្រព្យ ខេត្តព្រះវិហារ៕

The post ឧកញ៉ា ឡេង និមល និងលោកជំទាវឧកញ៉ាបណ្ឌិត ឡេង បញ្ចពណ៌ តំណាងអ្នកឧកញ៉ា ឡេង ណាវ៉ាត្រា ប្រធានសហព័ន្ធយុវជនការពារយុត្តិធម៌ ចូលរួមគោរពវិញ្ញាណក្ខន្ធយុទ្ធជនពលី អនុសេនីយ៍ឯក ពោ វ៉ៃ ក្នុងសមរភូមិមុខនៃជម្លោះព្រំដែនកម្ពុជា-ថៃ appeared first on .

លោកជំទាវស្ត្រីទី១ ដាក់ក្ដីរំពឹងថា លោក ជួន កក្កដា ក្នុងភេទជាគ្រហស្ថ នៅតែបំពេញកាតព្វកិច្ចក្នុងនាមជាពលរដ្ឋល្អ ជួយដល់សង្គមកម្ពុជា ជាពិសេសនៅតែបន្តការផ្សព្វផ្សាយអប់រំយុវជន យុវតីជំនាន់ក្រោយឱ្យមានសីលធម៌ សុជីវធម៌ មេត្តាធម៌និងគុណធម៌ ដើម្បីក្លាយជាទំពាំងស្នងឬស្សីនិងជាធនធានមនុស្សសម្រាប់កសាងនិងអភិវឌ្ឃន៍ប្រទេសជាតិបន្តទៀត។

លោកជំទាវក៏សូមជូនពរលោក ជួន កក្កដា ឱ្យមានសំណាងល្អក្នុងភាពជាគ្រហស្ថ។

សារខ្លីដែលមានអត្ថន័យបង្កប់ដោយក្ដីអាឡោះអាល័យរបស់លោកជំទាវស្ត្រីទី១ ត្រូវបានបង្ហោះជាសាធារណៈនៅលើបណ្ដាញទំនាក់ទំនងសង្គម (Facebook) នៅវេលាព្រឹកថ្ងៃទី ១៩ ខែមីនាឆ្នាំ ២០២៥ នេះ ក្រោយពេលបានដឹងដំណឹងពីព្រះអង្គមុនិបាលោ ជួន កក្កដា ព្រះវិន័យធម៌ខេត្តតាកែវ និងជានាយកសាលាពុទ្ធិកបឋមសិក្សាប្រាសាទនាងខ្មៅ នៅខេត្តតាកែវ បានសម្រេចចិត្តលាចាកសិក្ខាបទ។

សូមរំឮកផងដែរថា ព្រះអង្គជាព្រះធម្មកថិក មានឈ្មោះល្បីមួយអង្គនៅក្នុងប្រទេស និងជាព្រឹទ្ធបុរសរងនៃសាកលវិទ្យាល័យព្រះសីហនុរាជផងដែរ។ លោក ជួន កក្កដា បានសាងផ្នូសសិក្សារៀនសូត្រផ្នែកពុទ្ធចក្រ តាំងពីឆ្នាំ ១៩៩៨ ក្នុងវ័យ ១៣ ឆ្នាំមកម្ល៉េះ។ លោក ជួន កក្កដា ជាអតីតព្រះសង្ឃខ្មែរដែលមានចំណេះដឹងខ្ពង់ខ្ពស់ បានចូលរួមកិច្ចការផ្សព្វផ្សាយព្រះធម៌ដល់ពុទ្ធសាសនិកជនទូទាំងប្រទេស និងបានចិញ្ចឹមបីបាច់ក្មេងកំព្រា គ្មានទីជម្រកឲ្យស្នាក់អាស្រ័យក្រោមដំបូលវត្តអារាម និងបានបណ្ដុះបណ្ដាលយុវជនខ្មែរឲ្យមានចំណេះវិជ្ជាកសាងខ្លួនជាច្រើនរយនាក់ ក្នុងរយៈពេល ២៧ ឆ្នាំកន្លងមកនេះ៕

The post លោកជំទាវស្ត្រីទី១ ពេជ ចន្ទមុន្នី ជូនពរអតីតព្រះសង្ឃខ្មែរ ជួន កក្កដា និងរំពឹងថាលោកបន្តកិច្ចការអប់រំសីលធម៌និងសុជីវធម៌ ដល់យុវជន យុវតីខ្មែរ appeared first on .

កម្មវិធីចុះសំណេះសំណាល និងប្រគល់ថវិការជូនមណ្ឌលកុមារកំព្រាចំនួន ៤ ក្នុងខេត្តកំពង់ស្ពឺ នេះក៏មានការអញ្ជើញចូលរួមពីសំណាក់ឯកឧត្តម វុី សំណាង អភិបាលនៃគណៈអភិបាលខេត្តកំពង់ស្ពឺ ព្រមទាំងថ្នាក់ដឹកនាំ និងតំណាងមន្ទីរ ក៏ដូចជាស្ថាប័នមួយចំនួននៅក្នុងខេត្តកំពង់ស្ពឺផងដែរ។

ឯកឧត្តម វុី សំណាង បានមានប្រសាសន៍ថា មណ្ឌលទាំង៤នេះ រួមមាន៖ មណ្ឌលកុមារកំព្រាខេត្តកំពង់ស្ពឺ មណ្ឌលកុមារព្រៃជុំ សហគមន៍ផ្ទះជាក្រុមរបស់យើង និងមណ្ឌលកុមារក្តីសង្ឃឹមថ្មីដែលមានចំនួនកុមារ ២០៦នាក់ក្នុងនោះកុមារី ៨២នាក់ រួមជាមួយបុគ្គលិកមេីលថែកុមារចំនួន ២៨នាក់។

ឯកឧត្តម បានបន្ថែមថា ជានិច្ចកាល ថ្នាក់ដឹកនាំខេត្តតែងតែយកចិត្តទុកដាក់គិតគូដល់សុខទុក្ខរបស់កុមារទាំងអស់ ដោយបានព្យាយាមស្វែងរកជំនួយនានាដើម្បីឧបត្ថម្ភដល់ការផ្គត់ផ្គង់អាហារ និងការរៀនសូត្ររបស់ពួកគេ ស្របទៅតាមគោលនយោបាយសង្គមកិច្ចរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចធិបតីនាយករដ្ឋមន្ត្រី ។

អ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានថ្លែងថា ដោយមើលឃើញពីការខ្វះខាត និងតម្រូវការជាក់ស្តែងរបស់មណ្ឌលកុមារកំព្រាទាំង ៤នេះ សមាគមឧកញ៉ាកម្ពុជា បានកៀរគរសប្បុរសជននានា ដែលជាសមាជិករបស់សមាគមដើម្បីជួយដល់កុមារកំព្រា និងអ្នកមើលថែសរុបចំនួន ២៣៤នាក់ ដោយអំណោយទាំងនេះមានដូចជា៖ គ្រឿងឧបភោគ បរិភោគប្រចាំថ្ងៃ និងសម្លៀកបំពាក់ជាដើមសរុបជាថវិកាចំនួន  ៤០,៣៤៧ ដុល្លារអាមេរិច។

អ្នកឧកញ៉ា លី យ៉ុងផាត់ បានបន្តថាតាមរយៈអំណោយនៅថ្ងៃនេះ គឺជាការចូលរួមបរិច្ចាគរបស់សប្បុរសជននានា ដែលជាសមាជិករបស់សមាគម និងថវិការបស់សមាគម ក្រោមសកម្មភាពសប្បុរសធម៌។ អ្នកឧកញ៉ា មានក្តីសង្ឃឹមយ៉ាងមុតមាំថា អំណោយដែលសមាគមឧកញ៉ាកម្ពុជា ផ្តល់ជូននៅពេលនេះ នឹងត្រូវបានប្រើប្រាស់ចំគោលដៅ និងបានបំពេញតម្រូវការរបស់ក្មួយៗ ដែលកំពុងស្នាក់នៅ និងសិក្សានៅក្នុងមណ្ឌលទាំង៤នេះ។

អ្នកឧកញ៉ា លី យ៉ុងផាត់ ក៏បានផ្តាំផ្ញើ និងលើកទឹកចិត្តដល់ក្មួយៗទាំងអស់ត្រូវខឹកខំប្រឹងប្រែងរៀនសូត្រ ឱ្យខ្លាំងពូកែដើម្បីជាទំពាំងស្នងឬស្សី សម្រាប់បន្តវេនក្នុងការថែរក្សា ការពារជាតិ មាតុភូមិ ក្នុងការចូលរួមអភិវឌ្ឍសេដ្ឋកិច្ច និងប្រទេសជាតិរបស់យើងទាំងអស់គ្នា ជាពិសេសជៀសឱ្យឆ្ងាយពីគ្រឿងញៀន និងល្បែងអបាយមុខទាំងឡាយ ព្រមទាំងចូលរួមគោរពច្បាប់ចរាចរណ៍ទាំងអស់គ្នាដើម្បីខ្លួនឯង គ្រួសារ និងសង្គមជាតិទាំងមូល។

សកម្មភាពសប្បុរសធម៌នេះ គឺជា បេសកកម្មមួយរបស់សមាគមឧកញ៉ាកម្ពុជាក្នុងការចូលរួម អភិវឌ្ឍសេដ្ឋកិច្ច និងសង្គមកម្ពុជាតាមរយៈសកម្មភាពពាណិជ្ជកម្ម ការបង្កើតការងារ និងការចែករំលែកធនធានក៏ដូចជាសម្ភារៈដើម្បីសម្រាលការលំបាកផ្សេងៗរបស់ប្រជាជនកម្ពុជាផងដែរ។

The post ថ្នាក់ដឹកនាំសមាគមឧកញ៉ាកម្ពុជា នាំយកសម្ភារៈ គ្រឿងឧបភោគបរិភោគ និងថវិកាជាង ៤មុឺនដុល្លារ ជួយមណ្ឌលកុមារកំព្រាចំនួន ៤ ក្នុងខេត្តកំពង់ស្ពឺ appeared first on .

ការចូលរួមបរិច្ចាគរបស់លោកឧកញ៉ា ក្នុងបេសកកម្មមនុស្សធម៌នេះមិនមែនជាលើកទី១នោះឡើយ ដោយកន្លងទៅក្រុមហ៊ុនតែងតែចេញមុខចូលរួមកិច្ចការងារសង្គមជាមួយរាជរដ្ឋាភិបាលទាំងវិស័យសេដ្ឋកិច្ច សង្គមកិច្ច សុខាភិបាល​​ និងមនុស្សធម៌ជាដើម។

សូមជម្រាបជូបថា គណៈយុទ្ធមិត្ដជំនាន់បម្រើកងទ័ពឆ្នាំ១៩៧៨ ហៅកាត់ថា យ.ជ.ប.ទ ត្រូវបានរាជរដ្ឋាភិបាលសម្រេចបង្កើតឡើងកាលពីថ្ងៃទី២២ ខែមីនា ឆ្នាំ២០២៣ ដែលមានសម្តេចតេជោ ហ៊ុន សែន នាយករដ្ឋមន្ត្រី ជាប្រធានកិត្តិយស, លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងព្រឹទ្ធសភា- រដ្ឋសភា និងអធិការកិច្ច ជាប្រធាន, នាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធលើផ្ទៃប្រទេស ជាអនុប្រធាន។

គណៈយុទ្ធមិត្ដជំនាន់បម្រើកងទ័ពឆ្នាំ១៩៧៨ មានតួនាទីភារកិច្ចថែរក្សាប្រពៃណី ស្នេហាជាតិ ការពារស្នាដៃ និងសមិទ្ធផល ព្រមទាំងសច្ចធម៌ប្រវត្តិសាស្ត្រ ជួយជ្រោមជ្រែងជីវភាពរស់នៅរបស់យុទ្ធមិត្ត ជាពិសេសអ្នកដែលមានជីវភាពទន់ខ្សោយ ជួបទុក្ខលំបាក។

គួររម្លឹកថា អង្គភាព ១២៥ ជាអង្គភាពកងទ័ពដំបូង នៃរណសិរ្សសាមគ្គីសង្គ្រោះជាតិ ដែលត្រូវបង្កើតឡើងដោយសម្តេចតេជោ ហ៊ុន សែន នៅថ្ងៃទី១២ ខែឧសភា ឆ្នាំ១៩៧៨៕

The post ឧកញ៉ា យឹម តាស្រង់ ឧបត្ថម្ភជូនមូលនិធិតេជោ១២៥​ ៥ពាន់ដុល្លារជាមួយសម្តេចតេជោ ហ៊ុន សែន appeared first on .

ឧកញ៉ា អូស្មាន ហាស្សាន់ បានលើកឡេីងពីគោលបំណងសំខាន់នៃអនុស្សារណៈនេះ គឺដើម្បីផ្តល់ឱកាស និងជាជំរើសបន្ថែមទៀត ជូនដល់អ្នកជំងឺកម្ពុជា ក្នុងការទទួលបាននូវបទពិសោធន៍ថ្មីនៃការព្យាបាល ជាមួយនិងភាពទំនើបនៃវិស័យវេជ្ជសាស្រនៃប្រទេសម៉ាឡេស៊ី។

លោកឧកញ៉ាបន្តថា ពិធីចុះ MoU ថ្ងៃនេះ គឺជាការចូលរួមចំណែកបន្ថែម និងផ្ដល់ជម្រើសជូនអ្នកជំងឺកម្ពុជា ឲ្យកាន់តែទូរលំទូលាយ លើការសម្រេចចិត្តក្នុងការទទួលយកសេវាកម្មព្យាបាលសុខភាព ដែលមានតម្លៃសេវាកម្ម ទាបជាងទីផ្សារ ពី ៥០% ទៅ ៦០%។ ជាពិសេស សេវាកម្មនេះ ក៏ធានាផ្ដល់ជូននៅសន្តិសុខលើការធ្វើដំណើរ ស្នាក់នៅ ម្ហូបអាហារហាឡាល ដែលប្រកបទៅដោយផាសុកភាព។

ជាការពិត រាជរដ្ឋាភិបាលកម្ពុជា បាននិងកំពុងយកចិត្តទុកដាក់យ៉ាងខ្លាំងអំពីសុខុមាលភាពរបស់ប្រជាពលរដ្ឋ ជាពិសេស វិស័យសុខាភិបាល ក៏មានការរីកចំរើនគួរអោយកត់សំគាល់ ដែលស្តែងអោយឃើញតាមរយៈ សមត្ថភាពនៃការគ្រប់គ្រងការរីករាលដាលនៃ ជំងឺកូវីត-១៩ ការពង្រីកនូវហេដ្ឋារចនាសម្ពន្ធ័ សេវាសុខាភិបាលសារធារណៈ និងការបណ្តុះបណ្តាលធនធានមនុស្សស្របនិងកំរិតអន្តរជាតិ ។ លោកឧកញ៉ាបន្ថែម។

ទន្ទឹមនឹងនោះ លោក Muhammad Daud Muhammad Arif បានបង្ហាញនូវក្តីសង្ឃឹមយ៉ាងមុតមាំថា CMDF នឹងក្លាយជាដៃគូរសហការណ៍ដ៏សំខាន់របស់ MHTC នៅក្នុងប្រទេសកម្ពុជា ដើម្បីសម្របសម្រួល ជូនអ្នកជម្ងឺ ប្រឹក្សារយោបល ជ្រើសរើសមន្ទីរពេទ្យ និងគ្រូពេទ្យឯកទេសជូនអ្នកជម្ងឺ។ ជាមួយគ្នានោះ ក៏អាចនឹងផ្តល់នូវឱកាសនៃការផ្លាស់ប្តូរបទពិសោធន៍ សម្រាប់គ្រូពេទ្យនៃប្រទេស ទាំងពីរផងដែរ។

សូមជម្រាបផងដែរថា MHTC ជាស្ថាបន័ឯកជនមួយ ដែលចូលរួមលើកំពស់សេវាសុខាភិបាល និងសុខុមាលភាពប្រជាជន ទាំងក្នុងប្រទេសម៉ាឡេស៊ី និងក្នុងតំបន់។ MHTC មានមន្ទីរពេទ្យដែលជាសមាជិកមានចំនួន ៧៩៕

The post ឧកញ៉ា ហាស្សាន់ ចុះហត្ថលេខាជាមួយម៉ាឡេស៊ី ផ្តល់សេវាកម្មព្យាបាលជំងឺ និងផ្លាស់ប្តូរបទពិសោធ appeared first on .

លោកជំទាវ ថុង ធីតា ភរិយា ឧកញ៉ា លឹម ប៊ុណ្ណា គ្រប់គ្រងក្រុមហ៊ុន អិលប៊ីអិនគ្រុប ឯ.ក ដែលជាក្រុមហ៊ុនបណ្ដុំអាជីវកម្មឯកជន ចាប់ផ្ដើមបើកដំណើរតាំងពីឆ្នាំ២០០២។

LBN GROUP CO., LTD មានចម្ការជាច្រើនកន្លែង ក្នុងនោះក៏មានចម្ការក្រូចពោធិ៍សាត់មានទីតាំងស្ថិតនៅ ក្នុងភូមិបុកទឹក ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ ដោយបង្កើតឡើងតាំងពីឆ្នាំ ២០១៣​លើផ្ទៃដីប្រមាណជា ៦០ហិកតា នៃផ្ទៃដីសរុបចំនួន ២២០០ហិកតា កំពុងប្រមូលផល និងលក់ចេញនារដូវវស្សានេះ ក្រោយរដូវទុរេនបានកន្លងផុតទៅ។

LBN GROUP ក៏មានម្ការល្ម៉ើលើផ្ទៃដីចំនួន ២៦.៣៧ហិកតា នៃផ្ទៃដីរុប ៣,០០០ហិកតាផងដែរ ដែលមានទីតាំងស្ថិតនៅ ក្នុងភូមិត្រាច (កែងគោល) ឃុំកពង់ចិនជើង ស្រុកស្ទោង ខេត្តកំពង់ធំ (គីឡូម៉ែតទី២២៤) ។ ចម្ការល្ម៉ើនេះ ចាប់ផ្តើមដំណើរការចាប់ពីឆ្នាំ២០១៦ ។

 លើសពីនេះ ចម្ការទាំង២កន្លែងនេះ ក៏មានដាំដុះនូវផ្លែឈើចម្រុះផ្សេងៗទៀតរួមមាន ក្រូចឆ្មារ ស្វាយកែវរមៀត ខ្នុរ ស្វាយចន្ទី មៀនប៉ៃលិន (តាង៉ែន) កៅ ស៊ូ និងស្រូវ ជាដើម៕

The post ភរិយាឧកញ៉ា លឹម ប៊ុណ្ណា ប្រកាស​ដាក់លក់​ក្រូចពោធិ៍សាត់រាប់សិបតោន ទើប​ប្រមូល​ផល​ពី​ចម្ការ​ជាង​ ៦០ ហិតា appeared first on .

ការធ្វើវិសោធនកម្មរដ្ឋធម្មនុញ្ញនេះ គឺបានតម្កល់នូវឧត្តមប្រយោជន៍ជាតិ ប្រជាជនកម្ពុជាជាធំ សំដៅធានាការពារនិងថែរក្សាសន្តិភាព សន្តិសុខសង្គម សណ្តាប់ធ្នាប់សាធារណៈ ដែលជាមូលដ្ឋានគ្រឹះក្នុងការបន្តអភិវឌ្ឍសេដ្ឋកិច្ចជាតិ និងសេចក្តីសុខក្សេមក្សាន្តរបស់ប្រជាជនកម្ពុជានាពេលអនាគតខាងមុខ។

The post ក្រុមហ៊ុន ហ្គាឡាក់ស៊ី ណាវ៉ាត្រា ចេញញត្តិគាំទ្រពេញទំហឹងលើការធ្វើវិសោធនកម្មរដ្ឋធម្មនុញ្ញលើកទី១០ appeared first on .

លើកឡើងក្នុងឱកាសចូលរួមក្នុងវេទិកាពិភាក្សាធុរកិច្ចលើប្រធានបទ« គន្លឹះកសាងផលិតផលល្អឯក និងតិចនិចអ្នកលក់ឆ្នើម» លោកជំទាវ ចុង ជីងម៉ី អគ្គនាយិកាក្រុមហ៊ុន លីហេងគ្រុប បានផ្ដល់អានុសាសន៍ខ្លីៗ៥ជំហានសម្រាប់ម្ចាស់អាជីវកម្ម និងអ្នកចង់ចាប់ផ្តើមអាជីវកម្មផ្ទាល់ខ្លួន រួមមាន៖

១. រៀនចេញទៅសង្គមខាងក្រៅឲ្យបានច្រើន៖ តែកាលណាមនុស្សអាចចេញដើរបានច្រើននោះ ឱកាសនៃការទទួលបានចំណេះដឹងមកអភិវឌ្ឍន៍ខ្លួនបានកាន់តែច្រើន។

២. ត្រូវមានភាពក្លាហាន៖ ហ៊ានឆ្ងល់ ហ៊ានសួរ និងហ៊ានបញ្ចេញមតិ លោកជំទាវសង្កត់ធ្ងន់ថាប្រសិនបើឆ្ងល់ហើយមិនហ៊ានសួរ នោះយើងនៅតែឆ្ងល់ ដល់ពេលយកអនុវត្តន៍ក៏ធ្វើទៅទាំងមិនច្បាស់លាស់។

៣. បង្កើនទំនាក់ទំនង៖ ត្រូវបង្កើនទំនាក់ទំនងជាមួយមនុស្សជុំវិញខ្លួនឲ្យបានកាន់តែច្រើនគឺកាន់តែល្អ ជាពិសេសត្រូវមានទំនាក់ទំនងល្អជាមួយក្រុមការងារនៅក្នុងអង្គភាពរបស់ខ្លួន លោកជំទាវបានបន្តថា ការបង្កើនបណ្ដាញនេះមិនពិបាកនោះទេកុំឲ្យតែយើងបិទជិតខ្លួនឯងមិនឲ្យមានទំនាក់ទំនងជាមួយអ្នកដទៃ។

៤. យកបទពិសោធន៍បរាជ័យមកធ្វើជាមេរៀន៖ បុគ្គលជោគជ័យតែងតែធ្លាប់បានឆ្លងកាត់នូវបរាជ័យរាប់មិនអស់ ត្រង់ណាបរាជ័យត្រូវចំណាំវាទុកហើយឈប់ដើរលើផ្លូវនោះទៀត និងគួរតែស្វែងរកវគ្គសិក្ខាសាលាដែលមានចែករំលែកបទពិសោធន៍ល្អៗឲ្យបានច្រើន។

៥.​ ចែករំលែកចំណេះដឹង៖ ពេលមានឱកាសទទួលបានចំណេះដឹង ត្រូវចេះចែករំលែកទៅមនុស្សជំវិញខ្លួនដើម្បីទទួលបានមេរៀនល្អៗទាំងអស់គ្នា ​និងត្រូវមានគុណធម៌ក្នុងខ្លួន ដឹងគុណដល់អ្នកដែលធ្លាប់បានជួយ ដូចជាឪពុកម្ដាយ មានចំណេះជាដើម។

លោកជំទាវ ចុង ជីងម៉ី ក៏បានផ្តល់ដំបូន្មានផងដែរថា៖ «មានឆន្ទៈ មានការតស៊ូព្យាយាម មិនខ្លាចនឿយហត់ ជាចំណុចចាប់ផ្ដើមដ៏សំខាន់»៕

The post លោកជំទាវ ចុង ជីងម៉ី បង្ហើប៥ជំហានសម្រាប់ម្ចាស់អាជីវកម្ម និងអ្នកចាប់ផ្តើមថ្មីថ្មោងអនុវត្ត appeared first on .

តាមរយៈទំព័រហ្វេសប៊ុកដដែលលោកស្រី បានបង្ហាញ​ពី​សេចក្ដីសោមនស្ស​រីករាយ ក្រោយសម្រេច​ក្ដី​ស្រមៃ​ និង​បង្ហាញ​ការ​ដឹងគុណ​ចំពោះ​អ្នកមាន​គុណ​ទាំង ២​ ដែល​បាន​បង្ហាញ​វត្តមាន​នៅ​ក្នុង​កម្មវិធី​ប្រគល់​សញ្ញាបត្រ បើ​ទោះ​ជា​លោក​ទាំង ២ មាន​សុខភាព​មិន​សូវ​មាំទាំ​ក៏​ដោយ។

លោកស្រីជាឧបការីទេសាភិបាលនិងអគ្គនាយិកា​បច្ចេកទេស​ធនាគារជាតិ​នៃ​កម្ពុជា​ (NBC) ត្រូវបាន​គេ​ទទួល​ស្គាល់​ថា ជា​អ្នក​ដែល​ធ្វើការ​ផ្លាស់ប្តូរ​ឱ្យ​មាន​ទំនើបកម្ម​នៅក្នុង​ប្រព័ន្ធ​ទូទាត់​នៅ​កម្ពុជា បន្ទាប់ពី​លោកស្រី​ទទួល​បាន​ពានរង្វាន់ «​ការទូទាត់​នាពេល​អនាគត​» ពី​វិទ្យាស្ថាន​ធនាគារ​ប៊ុយដាប៉ែស និង CFTE ពី​កិច្ចខិតខំ​របស់​លោកស្រី​សម្រាប់​ការអភិវឌ្ឍ​ឌីជីថល​ផ្នែក​ហិរញ្ញវត្ថុ និង​បរិយាប័ន្ន​ហិរញ្ញវត្ថុ​នៅ​ប្រទេស​កម្ពុជា ជាពិសេស​ជាមួយ​នឹង​ការដាក់​ឱ្យ​ដំណើរការ​ប្រព័ន្ធ​បាគង ដែល​ជា​កម្មវិធី​ទូទាត់​បែប​ឌីជីថល​។

ជាមួយគ្នានេះ លោកស្រីក៏​បាន​លើក​ទឹកចិត្ត​ដល់​យុវជន​ជំនាន់​ក្រោយ កុំ​បោះ​បង់​ក្ដី​ស្រមៃ និង​ព្យាយាម​ឈោង​ចាប់​វា​ជាមួយ​នឹង​ការ​តាំងចិត្ត​ដ៏​ហានក្លា ព្រោះ​ថា​អ្វីៗ​ក៏​សុទ្ធតែ​អាច​សម្រេច​ទៅ​បាន​ដែរ បើសិន​ជា​យើង​មាន​គោលដៅ​ច្បាស់លាស់៕

The post កូនស្រី​ទេសាភិបាល​ធនាគារជាតិ ទទួល​សញ្ញាបត្រ​ថ្នាក់បណ្ឌិត​ពី​អូស្ត្រាលី appeared first on .