Audi ចាប់ដៃជាមួយក្រុមហ៊ុនបង្កើតថ្មីនៅអាស៊ី គ្រោងផលិតរ៉ឺម៉កកង់បីឥណ្ឌា

ឧកញ៉ាសំពៅ — Mon, 20 Jun 2022 05:56:58 +0000

ក្រុមហ៊ុន Audi មានឈ្មោះល្បីរន្ទឺ លើវិស័យផលិតរថយន្តបែបទំនើប និងស៊ីវិល័យ ជាពិសេសគឺបច្ចេកវិទ្យាជំនាន់ចុងក្រោយតែម្ដង ហើយថ្មីៗនេះពួកគេបានចូលរួមជាមួយក្រុមហ៊ុនបង្កើតថ្មីមួយ ដើម្បីគ្រោងផលិតរ៉ឺម៉កកង់បីឥណ្ឌា។

យោងតាមការចុះផ្សាយពី Timesofindia បានឲ្យដឹងថា រ៉ឺម៉កកង់បីឥណ្ឌាដែលជាគម្រោងផលិតឡើងដោយក្រុមហ៊ុន Nunam នោះ នឹងបំពាក់ដោយអាគុយដែលប្រើប្រាស់លើរថយន្តអគ្គិសនីរបស់ Audi ស្របពេលគ្រោងការណ៍យក្សមួយនេះក៏នឹងអាចផ្ដល់ឱកាសការងារដល់ប្រជាពលរដ្ឋប្រចាំតំបន់ ជាពិសេសគឺស្ត្រីផងដែរ។

ជាការពិត រ៉ឺម៉កកង់បីគឺជាមធ្យោបាយធ្វើដំណើរដ៏ពេញនិយមមួយនៅប្រទេសឥណ្ឌា ប៉ុន្តែរ៉ឺម៉កទាំងនោះ សុទ្ធតែដំណើរការដោយអាគុយចាក់ទឹកអាស៊ីត ដែលងាយនឹងធ្វើឲ្យម៉ាស៊ីនឆាប់ខូចគុណភាព និងប្រើប្រាស់មិនសូវបានល្អ។

ដោយសម្លឹងឃើញពីតម្រូវការប្រចាំថ្ងៃបែបនេះ Nunam ក៏មានគំនិតបង្កើតរ៉ឺម៉កកង់បីដែលប្រើប្រាស់ដោយថាមពលអគ្គិសនីវិញ ដែលអាចប្រើប្រាស់បានយូរជាង និងមានថាមពលបានវែងជាង ស្របពេល Audi បង្ហើបថា គម្រោងមួយនេះក៏នឹងជួយកាត់បន្ថយការបំភាយឧស្ម័នពុលពីការបើកបររ៉ឺម៉កផងដែរ។

យ៉ាងណា គម្រោងការណ៍ខាងលើបច្ចុប្បន្ន កំពុងស្ថិតនៅការសិក្សានៅឡើយ ស្របពេលកាលបរិច្ឆេទនៃការផលិតជាក់លាក់ក៏មិនទាន់បង្ហើបអោយដឹងច្បាស់ដូចគ្នា៕

The post Audi ចាប់ដៃជាមួយក្រុមហ៊ុនបង្កើតថ្មីនៅអាស៊ី គ្រោងផលិតរ៉ឺម៉កកង់បីឥណ្ឌា appeared first on .

MV បទ «កង់បី» របស់ ព្រាប សុវត្ថិ ឡូយកប់សេរី

កូនចៅឧកញ៉ា — Thu, 05 Nov 2020 02:52:07 +0000

បើទស្សនិកជននៅចាំមិនភ្លេច MV ចម្រៀងដំបូងបង្អស់របស់កំពូលតារាចម្រៀង ព្រាប សុវត្ថិ ក្រោមចំណងជើងថា «កង់បី» ទើបតែត្រូវបានបញ្ចេញរយៈពេល មិនដល់មួយថ្ងៃស្រួលបួលនោះទេ។ យ៉ាងណាមិញ អ្វីដែលគ្រប់គ្នាចាប់អារម្មណ៍ខ្លាំងនោះ គេសង្កេតឃើញថា MV ថ្មីនេះ គឺទទួលបានការគាំទ្រយ៉ាងខ្លាំងពីមហាជន ជាពិសេសទស្សនិកជនដែលបានទស្សនា MV នេះហើយ សុទ្ធតែលាន់មាត់ថា ពិតជាល្អទស្សនា និងប្លែកអារម្មណ៍តែម្តង ព្រោះតែមានលាយឡំជាមួយឈុតកំប្លែងៗ ជាច្រើន។

ជាការកត់សម្គាល់ MV «កង់បី» ដែលជាវីដេអូចម្រៀងផ្លូវការរបស់លោក ព្រាប សុវត្ថិ នៅពេលនេះ ត្រូវបានផលិតកម្ម Galaxy Navatra បញ្ចេញនៅថ្ងៃទី០២ ខែតុលា ឆ្នាំ២០២០ បើគិតរហូតមកទល់នឹងរសៀលថ្ងៃទី០៣ ខែតុលា ឆ្នាំ២០២០ គឺមានរយៈពេលមិនទាន់មួយថ្ងៃស្រួលបួលឡើយ ប៉ុន្តែងាកមកចំនួនអ្នកចូលទស្សនាវិញ គឺឡើងកប់ៗតែម្តង ពោលជាង២សែនដងឯណោះ ដែលនេះជាសន្ទុះដ៏ច្រើនគួរមួយ គួរឲ្យគត់សម្គាល់។

មហាជនគ្រប់រូបដែលជាអ្នកគាំទ្រ លោក ព្រាប សុវត្ថ កាលដែលបានទស្សនា MV ថ្មីនេះហើយ សុទ្ធតែបន្សល់ទុកនូវ Comment របស់ខ្លួននៅពីក្រោមបទចម្រៀង ជាមួយមតិកោតសរសើរស្រដៀងគ្នាថា វីដេអូចម្រៀងមួយនេះពិតជាល្អ និងប្លែកអារម្មណ៍ជាខ្លាំង តែស្ទីលថ្មីៗសម្តែង និងសាច់រឿងក្នុងវីដេអូ គឺស៊ីគ្នាជាមួយបទចម្រៀង។

សូមទស្សនាវីដេអូចម្រៀងខាងក្រោមនេះទាំងអស់គ្នា៖

The post MV បទ «កង់បី» របស់ ព្រាប សុវត្ថិ ឡូយកប់សេរី appeared first on .

កង់បី

Audi ចាប់ដៃ​ជាមួយ​ក្រុមហ៊ុន​បង្កើត​ថ្មី​នៅ​អាស៊ី គ្រោង​ផលិត​រ៉ឺម៉ក​កង់បី​ឥណ្ឌា​

MV បទ «កង់បី» របស់ ព្រាប សុវត្ថិ ឡូយ​​កប់​សេរី

Audi ចាប់ដៃជាមួយក្រុមហ៊ុនបង្កើតថ្មីនៅអាស៊ី គ្រោងផលិតរ៉ឺម៉កកង់បីឥណ្ឌា

MV បទ «កង់បី» របស់ ព្រាប សុវត្ថិ ឡូយកប់សេរី