កញ្ញា មាន ពេជ្ររីតា

មិនទាន់ដោះស្រាយរឿងចប់ផង ឥឡូវពិធីការិនី MY TV មាន ពេជ្ររីតា មានរឿងភ្ញាក់ផ្អើលមួយទៀត

ឧកញ៉ាកោះក្របី — Thu, 20 May 2021 03:33:23 +0000

រឿងមួយមិនទាន់ចប់សព្វគ្រប់ផងឥឡូវដល់រឿងមួយទៀត គណនីហ្វេសប៊ុករបស់ពិធីការិនីកញ្ញា មាន ពេជ្ររីតា មានឈ្មោះថា YuBee ត្រូវបានប្រកាសមុននេះថា មានជនអនាមិកលួចទៅគ្រប់គ្រងហើយ ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

បើតាមទំព័រហ្វេសបុក Phoung Phea ថា Account Facebook របស់ YuBee ត្រូវបានគេ Hacked ។ សូមបងប្អូនជួយផ្សព្វផ្សាយបន្តផង។

ប្រភពខាងលើបញ្ជាក់ថា សម្រាប់រាល់ការ Post ក្នុង Account នេះមិនមានការពាក់ព័ន្ធនិងកញ្ញា YuB eeនោះទេ (ព័ត៌មានបានពីក្រុមគ្រួសាររបស់គាត់ )។ ការប្រកាសនេះគឺធ្វើឡើងក្នុងគោលបំណងដើម្បីឲ្យមហាជនមានការប្រុងប្រយ័ត្នពិសេសខ្លាចជនអគតិទាំងនោះយកទៅប្រព្រឹត្តិទង្វើរមិនល្អឬក្លែងប្រឌិងព័ត៌មានបំភាន់មហាជននាំឲ្យប៉ះពាល់ដល់សាមីខ្លួន យូប៊ី និងសង្គម៕

The post មិនទាន់ដោះស្រាយរឿងចប់ផង ឥឡូវពិធីការិនី MY TV មាន ពេជ្ររីតា មានរឿងភ្ញាក់ផ្អើលមួយទៀត appeared first on .

និស្សិតឆ្នាំទី២ ជំនាញផ្នែកជំនួញពាណិជ្ជកម្ម កញ្ញា មាន ពេជ្ររីតា ត្រូវបានចេញដីកាបង្គាប់ឲ្យដោះលែងជាបន្ទាន់

ឧកញ៉ាកោះក្របី — Thu, 13 May 2021 05:37:39 +0000

ចៅក្រមស៉ើបសួរ សាលាដំបូងរាជធានីភ្នំពេញ លោក កូយ សៅ កាលពីថ្ងៃទី ១៣ ខែឧសភា បានចេញដីកាបង្គាប់ឱ្យដោះលែង កញ្ញា មាន ពេជ្ររីតា ជាបន្ទាន់ ដោយបញ្ជាក់ថា នាងគ្មានទោសពីបទលួចមានស្ថានទម្ងន់ទោស ជាបទល្មើសព្រហ្មទណ្ឌ បើជននេះមិនជាប់ពាក់ព័ន្ធ នឹងដីការឃុំខ្លួននៃបទល្មើសផ្សេងទៀតនោះទេ។

ការសម្រេចឱ្យនៅក្រៅឃុំ បណ្តោះអាសន្ន បន្ទាប់ពីចៅក្រមស៉ើបសួរ បានពិនិត្យលើសំណុំរឿង និងពាក្យសុំចប់សព្វគ្រប់ ហើយតំណាងអយ្យការបានឆ្លើយឯកភាព ក្នុងការឱ្យជនត្រូវចោទ បាននៅក្រៅឃុំជាបណ្តោះអាសន្ន តាមការស្នើសុំរបស់មេធាវីការពារសិទ្ធឱ្យជនត្រូវចោទ។

សូមបញ្ជាក់ថា ការសម្រេចបែបនេះពុំបានធ្វើឱ្យប៉ះពាល់ដល់នីតិវិធីក្នុងការស៉ើបសួរឡើយ ដូច្នេះតុលាការគប្បីអនុញ្ញាតឱ្យជនត្រូវចោទ បាននៅក្រៅឃុំជាបណ្តោះអាសន្ន ដោយជំនួសមកវិញនូវការដាក់ជនត្រូវចោទឱ្យស្ថិតនៅក្រោមការត្រួតពិនិត្យតាមផ្លូវតុលាការ៕

សូមចុចអានអត្ថបទខាងក្រោម៖

កញ្ញា មាន ពេជ្ររីតា ប្ដឹងបកទៅកាន់ឧកញ៉ា ហេង សៀ ទាមទារសំណងជំងឺចិត្ត ១០ម៉ឺនដុល្លារ ពីបទ «ប៉ុនប៉ងរំលោភសេពសន្ថវៈ»

The post និស្សិតឆ្នាំទី២ ជំនាញផ្នែកជំនួញពាណិជ្ជកម្ម កញ្ញា មាន ពេជ្ររីតា ត្រូវបានចេញដីកាបង្គាប់ឲ្យដោះលែងជាបន្ទាន់ appeared first on .

អ្នកនាង ឱក សុគន្ធកញ្ញា៖ ភាគច្រើននៃរឿងក្តីអ្នកសិល្បៈជាមួយអ្នកមានលុយ មានងារជាឧកញ៉ា គឺភាគច្រើនបាត់ឈឹង

ឧកញ៉ាកោះក្របី — Wed, 12 May 2021 04:32:10 +0000

អ្នកសិល្បៈល្បីៗជាច្រើនរូបនៅប្រទេសកម្ពុជា បានចេញមុខអំពាវនាវដល់ប្រព័ន្ធច្បាប់ ជួយរកយុត្តិធម៌ជូនដល់ពិធីការិនីស្ថានីយ៍ទូរទស្សន៍ My TV និងជាអតីត Miss Grand Cambodia 2020 កញ្ញា មាន ពេជ្ររីតា ដែលកំពុងមានរឿងក្ដីក្ដាំជាមួយនឹងលោកឧកញ៉ា ហេង សៀ។

តារាចម្រៀងល្បីលំដាប់ប្រទេសអ្នកនាង ឱក សុគន្ធកញ្ញា បានថ្លែងប្រាប់សារព័ត៌មាន Fresh Newsថា ក្នុងនាមរូបនាងផ្ទាល់ និងក៏ជាអ្នកសិល្បៈមួយរូប សូមអំពាវនាវដល់អ្នកច្បាប់មេត្តា ជួយរកយុត្តិធម៌ឲ្យបានត្រឹមត្រូវដល់អ្នកសិល្បៈ ជាពិសេស គឺពិធីការិនីទូរទស្សន៍ My TV កញ្ញា មាន ពេជ្ររីតា។

បើតាមគ្រាប់ពេជ្ររបស់ផលិតកម្មរស្មីហង្សមាសរូបនេះ ភាគច្រើននៃរឿងក្តីអ្នកសិល្បៈជាមួយអ្នកមានលុយ ដូចជាអ្នកមានងារជាឧកញ៉ាជាដើម គឺភាគច្រើន ច្រើនតែបាត់ឈឹង ពោលគឺមិនដឹងថា នរណាឈ្នះនិងនរណាចាញ់នោះទេ។ ដូច្នេះនាងសូមទទូចហើយទទូចទៀត ឲ្យមានការប្រកាសដឹងជាសាធារណៈថា តើភាគីណាឈ្នះនិងភាគីណាចាញ់។

ការអំពាវនាវនេះធ្វើឡើងបន្ទាប់ពី អតីត Miss Grand Cambodia 2020 ពេជ្ររីតា បានដាក់ពាក្យប្ដឹងបកទៅកាន់ឧកញ៉ា ហេង សៀ វ័យ៥៩ឆ្នាំវិញ ពីបទ «ប៉ុនប៉ងរំលោភសេពសន្ថវៈ» នៅក្នុងរថយន្តត្រង់ចំណុច ម្ដុំផ្សារគីឡូលេខ ៤ ជិតសកលវិទ្យាល័យអាស៊ីអឺរ៉ុប។

នៅក្នុងពាក្យបណ្ដឹងរបស់កញ្ញា ពេជ្ររីតា ដែលដាក់ជូនទៅព្រះរាជ្ញអាជ្ញានោះ បានធ្វើការទាមទារទៅលើ៣ចំណុចដូចជា៖
១./ ប្ដឹងឧកញ៉ា ហេង សៀ ពីបទ «ប៉ុនប៉ងរំលោភសេពសន្ថវៈ» ដោយមានស្ថានទម្ងន់
២./ ទាមទារសំណងជម្ងឺចិត្តចំនួនទឹកប្រាក់ ១០,០០០០ដុល្លារ (ដប់ម៉ឺនដុល្លារអាមេរិក)
៣./ ទាមទារការខាតបង់ និងខូចខាតពេលវេលា និងសេវាផ្លូវច្បាប់ចំនួន ១០,០០០ដុល្លារ (មួយម៉ឺនដុល្លារ)

សូមចុចអានអត្ថបទខាងក្រោម៖

កញ្ញា មាន ពេជ្ររីតា ប្ដឹងបកទៅកាន់ឧកញ៉ា ហេង សៀ ទាមទារសំណងជំងឺចិត្ត ១០ម៉ឺនដុល្លារ ពីបទ «ប៉ុនប៉ងរំលោភសេពសន្ថវៈ»

The post អ្នកនាង ឱក សុគន្ធកញ្ញា៖ ភាគច្រើននៃរឿងក្តីអ្នកសិល្បៈជាមួយអ្នកមានលុយ មានងារជាឧកញ៉ា គឺភាគច្រើនបាត់ឈឹង appeared first on .