លោកឧបនាយករដ្ឋមន្ត្រី សាយ សំអាល់ បានឱ្យដឹងបែបនេះ នៅក្នុងសិក្ខាសាលាផ្សព្វផ្សាយស្តីពី“វឌ្ឍនភាពនៃការចុះបញ្ជីដីធ្លី-បរិយាកាសគ្មានវិវាទ” ដែលរៀបចំឡើងដោយ ព្រឹទ្ធសភានៃព្រះរាជាណាចក្រកម្ពុជា និងក្រសួងរៀបចំដែនដី នគរូបនីយកម្ម និងសំណង់ ដើម្បីជាប្រយោជន៍និងជាជំនួយស្មារតី ចំពោះសមាជិក សមាជិកាព្រឹទ្ធសភា រដ្ឋសភា ក្នុងពេលចុះបេសកកម្មនិងជួបប្រាស្រ័យជាមួយប្រជាពលរដ្ឋ កាលពីថ្ងៃទី១៣ ខែមករា ឆ្នាំ២០២៥។

នាឱកាសនោះ លោក សាយ សំអាល់ បានលើកឡើងពីវឌ្ឍនភាពនៃការចុះបញ្ជីបង្ហើយ ការបញ្ចប់វិវាទដីធ្លី ការផ្តល់សេវាគាប់ចិត្ត ការកំណត់និងគ្រប់គ្រងតំបន់បឹងទន្លេសាប ការរៀបចំនិងលក្ខខណ្ឌប្រើប្រាស់ដីក្នុងតំបន់រមណីយដ្ឋានអង្គរ និងការដោះស្រាយវិវាទបុរី។

ទាក់ទងនឹងការចុះបញ្ជីដីបង្ហើយ លោកបានថ្លែងថា៖ គិតត្រឹមខែមករាឆ្នាំ២០២៥ បណ្ណសរុបទូទាំងប្រទេស ចាប់ពីដំណើរការ វាស់វែងបាន១២,២១១, ២៥៩ ក្បាលដី ចេញបណ្ណបាន ៨,០៣១, ២១៧ បណ្ណ ។ លោកបន្តថា ក្នុងអាណត្តិទី៧នេះ វាស់វែងបាន ៣,៦៧៥,៦៥៦ ក្បាលដី ចេញបណ្ណបាន១,១២៩, ២៨៤ បណ្ណ ចែកបណ្ណបាន ៨៤០,៨៣៣ បណ្ណ ។ គម្រោងនឹងបញ្ចប់ក្នុងអាណត្តិទី៧ វាស់វែងនិងចេញបណ្ណ ៤,៧៥០, ៣៦៧ ក្បាលដី។

សូមជម្រាបជូនថា ក្រសួងរៀបចំដែនដី នគរូបនីយកម្ម បានដាក់ចេញនូវការងារអាទិភាពចំនួនបីគឺ «ការចុះបញ្ជី​ដីធ្លីបង្ហើយ សេវាគាប់ចិត្ត និងបរិយាកាសគ្មានវិវាទ» ដើម្បីកាត់បន្ថយវិវាទ ផ្តល់សុវត្ថិភាពផ្លូវច្បាប់ និងសន្តិភាពផ្លូវចិត្ត ក្នុងការកាន់កាប់អចលន​ទ្រព្យរបស់ប្រជាពលរដ្ឋ និងកសាងសង្គមសុខដុមនីយ​កម្មនៅកម្ពុជា៕

The post គិតត្រឹមខែមករានេះ ការវាស់វែងការចុះបញ្ជីដីបង្ហើយបានជាង១២លានក្បាលដី ចេញបណ្ណបានជាង៨ លានបណ្ណ appeared first on .

សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានបញ្ជាក់តាមរយៈអនុក្រឹត្យដែលចេញផ្សាយកាលថ្ងៃទី១៨ ខែកក្កដា ឆ្នាំ២០២៤ ថា អនុក្រឹត្យនេះ មានគោលបំណងគាំទ្រដល់ការអនុវត្តផែនការគោលនយោបាយរបស់រាជរដ្ឋាភិបាល ក្នុងការប្រគល់ភារកិច្ចជូនក្រសួងរៀបចំដែនដី នគរូបនីយកម្ម និងសំណង់ ជំរុញអនុវត្តយុទ្ធនាការបង្ហើយការ ចុះបញ្ជីដីធ្លីលើកដំបូងដែលមានលក្ខណៈជាប្រព័ន្ធ ក្នុងរយៈពេលពី ២ ទៅ ៤ ឆ្នាំ។

ជាមួយគ្នានេះ សម្តេចធិបតីថា អនុក្រឹត្យនេះ បានអនុញ្ញាតឱ្យព្យួរការអនុវត្តការគ្រោង ប្រមូល និងការកត់ត្រាចំណូលពីកម្រៃសេវាសុរិយោដីនៃការ ចុះបញ្ជីដីធ្លីលើកដំបូងដែលមានលក្ខណៈជាប្រព័ន្ធ នៅរដ្ឋបាលរាជធានី ខេត្ត ដោយប្រគល់ភារកិច្ចអនុវត្ត ការគ្រោង ប្រមូល និងការកត់ត្រា ជូនក្រសួងរៀបចំដែនដី នគរូបនីយកម្ម និងសំណង់ ក្នុងក្របខ័ណ្ឌនៃ ថវិកាថ្នាក់ជាតិ ចាប់ពីអនុក្រឹត្យនេះចូលជាធរមាន រហូតដល់ថ្ងៃទី៣១ ខែធ្នូ ឆ្នាំ២០២៧។ ហេតុនេះ សម្តេចធិបតីថា ចាប់ពីថ្ងៃទី១ ខែមករា ឆ្នាំ២០២៨ តទៅ ការគ្រោង ប្រមូល និងការកត់ត្រាចំណូលពីកម្រៃសេវា សុរិយោដី ដូចខាងលើនេះ នឹងត្រូវអនុវត្តដោយរដ្ឋបាលរាជធានី ខេត្ត វិញ តាមនីតិវិធីជាធរមាន។

អនុក្រឹត្យដដែល ក៏បានសម្រេចថា ចំពោះចំណូលពីកម្រៃសេវាសុរិយោដីនៃការចុះបញ្ជីដីធ្លីលើកដំបូងដែលមានលក្ខណៈជាប្រព័ន្ធ ដែលប្រមូលបាននេះ ត្រូវបានចោះក្រវិលសម្រាប់រ៉ាប់រងសោហ៊ុយចំណាយលើការចុះបញ្ជីដីធ្លីលើកដំបូងដែល មានលក្ខណៈជាប្រព័ន្ធ។ ដោយឡែក ចំពោះគ្រួសារក្រីក្រ និងងាយរងគ្រោះ ដែលមានបណ្ណសមធម៌ និងគ្រួសារងាយរងហានិភ័យដែល មានបណ្ណសម្គាល់គ្រួសារងាយរងហានិភ័យចេញដោយក្រសួងផែនការ រដ្ឋទទួលបន្ទុកលើកម្រៃសេវា សុរិយោដីជំនួស សម្រាប់ការចុះបញ្ជីដីធ្លីលើកដំបូងដែលមានលក្ខណៈជាប្រព័ន្ធ។

បន្ថែមពីនេះ អនុក្រឹត្យនេះ បានឱ្យដឹងទៀតថា ចំពោះការកំណត់កម្រៃសេវាសុរិយោដីនៃការចុះបញ្ជីដីធ្លីលើកដំបូងដែលមានលក្ខណៈជាប្រព័ន្ធ ដូចមាន ចែងក្នុងមាត្រា២ ព្រមទាំងវិធាននិងនីតិវិធីនៃការអនុវត្តចំណូលនិងចំណាយថវិកានៃការចុះបញ្ជីដីធ្លីលើក ដំបូងដែលមានលក្ខណៈជាប្រព័ន្ធ ទាំងថវិកាដែលមានប្រភពពីកម្រៃសេវាសុរិយោដី ទាំងប្រភពថវិកាជាតិ ដូចមានចែងក្នុងមាត្រា៣ និងមាត្រា៤ ត្រូវកំណត់ដោយប្រកាសអន្តរក្រសួងរវាងរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។

ជាថ្មីម្តងទៀត តាមរយៈអនុក្រឹត្យខាងលើ សម្តេចធិបតី ក៏បានបង្គាប់ឱ្យរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ រដ្ឋមន្ត្រីក្រសួង រៀបចំដែនដី នគរូបនីយកម្ម និងសំណង់ រដ្ឋមន្ត្រីគ្រប់ក្រសួង និងប្រធានគ្រប់ស្ថាប័នពាក់ព័ន្ធ ត្រូវទទួល បន្ទុកអនុវត្តអនុក្រឹត្យនេះ តាមភារកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ៕ អត្ថបទ៖ រង្សី

The post រដ្ឋាភិបាល ចេញអនុក្រឹត្យពីនីតិវិធីគ្រប់គ្រង និងអនុវត្តថវិកាសម្រាប់យុទ្ធនាការចុះបញ្ជីដីធ្លីទូទាំងប្រទេស appeared first on .

ការប្រកាសផ្តល់ហិរញ្ញប្បទានឥតសំណងនេះ បានចុះហត្ថលេខាដោយលោក សុខ ចិន្តាសោភា ឧបនាយករដ្ឋមន្រ្តី និងជារដ្ឋមន្រ្តីការបរទេស និងសហប្រតិបត្តិការអន្តរជាតិ និងលោក UENO Atsushi ឯកអគ្គរាជទូតជប៉ុន ប្រចាំកម្ពុជា នៅពីថ្ងៃទី២៦ ខែតុលា ឆ្នាំ២០២៣នេះ។

បើតាមសេចក្តីជូនដំណឹងរបស់ក្រសួងការបរទេស នៅថ្ងៃទី២៦ តុលានេះ បានឱ្យដឹងថា គោលបំណងនៃគម្រោងផ្តល់ហិរញ្ញប្បទាននេះ គឺដើម្បីពន្លឿនការអង្កេតវាស់វែងសុរិយោដី ព្រមទាំងពង្រឹងសេវារដ្ឋបាលពាក់ព័ន្ធនឹងការចុះបញ្ជីដីធ្លី តាមរយៈការដំឡើងស្ថានីយវាស់វែងអចិន្រ្តៃយ៍ដោយផ្កាយរណប ដើម្បីរួមចំណែកដល់ការលើកកម្ពស់គម្រោងហេដ្ឋារចនាសម្ព័ន្ធនានា។

បន្ថែមពីនោះ ក្រសួងការបរទេស ចាត់ទុកកាយវិការដ៏សប្បុរសនេះ បង្ហាញពីការប្តេជ្ញាចិត្តឥតងាករេរបស់ជប៉ុនក្នុងការជួយដល់កិច្ចខិតខំប្រឹងប្រែងជាបន្តបន្ទាប់របស់រាជរដ្ឋាភិបាលកម្ពុជា ក្នុងការជំរុញការអភិវឌ្ឍសេដ្ឋកិច្ច និងសង្គម។ជំនួយនេះ រួមចំណែកពង្រីកកិច្ចសហប្រតិបត្តិការលើគ្រប់វិស័យ និងពង្រឹង “ភាពជាដៃគូយុទ្ធសាស្ត គ្រប់ជ្រុងជ្រោយ” រវាងប្រទេសទាំងពីរ ដែលកំពុងប្រារព្ធខួបអនុស្សាវរីយ៍លើកទី៧០ នៃទំនាក់ទំនង ការទូត៕

The post ជប៉ុន ផ្តល់ឥណទានឥតសំណងដល់កម្ពុជាជាង៩លានដុល្លារ ដើម្បីគាំទ្រការអង្កេតវាស់វែងសុរិយោដី និងការចុះបញ្ជីដីធ្លី appeared first on .