ការអនុម័តទៅលើគម្រោងវិនិយោគសរុបនេះ រួមបញ្ចូលទាំងការវិនិយោគដែលមានតម្លៃប្រមាណ ៣២,៨ពាន់លានបាត (ប្រហែល ៩៦៨លានដុល្លារ) ដោយ Google ដែលជាក្រុមហ៊ុនបុត្រសម្ព័ន្ធមួយរបស់ Alphabet Inc ដើម្បីបង្កើតមជ្ឈមណ្ឌលទិន្នន័យដ៏ធំមួយ នៅក្នុងប្រទេស។

ទន្ទឹមនឹងនេះ BOI ក៏បានរាយការណ៍ផងដែរថា ក្រុមហ៊ុនផ្តល់សេវាកម្ម Cloud ដែលមានមូលដ្ឋាននៅសហរដ្ឋអាមេរិក Equinix បានប្រកាសថាខ្លួនកំពុងវិនិយោគទឹកប្រាក់ចំនួន ៥០០លានដុល្លារ ក្នុងការអភិវឌ្ឍមជ្ឈមណ្ឌលផ្ទុកទិន្នន័យនៅក្នុងប្រទេសថៃ សម្រាប់រយៈពេល ១០ឆ្នាំ ដើម្បីបម្រើតម្រូវការដែលកំពុងកើនឡើងខ្លាំងពីសំណាក់អតិថិជននៅក្នុងតំបន់ CLMVT ។

បញ្ជាក់ផងដែរថា CLMVT នេះ គឺសំដៅលើកម្ពុជា ឡាវ មីយ៉ាន់ម៉ា វៀតណាម និងថៃ ដែលជាប្រទេសស្ថិតនៅក្នុងអនុតំបន់ទន្លេមេគង្គ។

ជម្រាបជូនថា អ្នកនាំពាក្យរដ្ឋាភិបាលថៃ បាននិយាយកាលពីថ្ងៃអាទិត្យ ទី៣ ខែវិច្ឆិកាកន្លងទៅថា ការវិនិយោគរបស់បរទេសនៅក្នុងប្រទេសថៃ បានកើនឡើង ៦០% ដល់ ១៣៤ពាន់លានបាត សម្រាប់រយៈពេលប្រាំបួនខែដំបូងនៃឆ្នាំនេះ ខណ:ប្រទេសជប៉ុន បន្តឈរលើកំពូលតារាង និងតាមពីក្រោយដោយសិង្ហបុរី ចិន អាមេរិក និងហុងកុង៕

The post ​ថៃ ​អនុម័ត​ការ​វិនិយោគតម្លៃ​ ២​ពាន់​លាន​ដុល្លារ​ នៅក្នុងមជ្ឈមណ្ឌលផ្ទុក​ទិន្នន័យ និង​គ្រឿងអេឡិចត្រូនិក appeared first on .

MIDA បាននិយាយនៅក្នុងសេចក្តីថ្លែងការណ៍មួយថា ក្នុងចំណោមតួលេខសរុបនោះ ការវិនិយោគក្នុងស្រុកមានចំនួនជាង ៨៥ពាន់លានរីងហ្គីត ខណៈការវិនិយោគពីបរទេសមានតម្លៃជាង ៧៤ពាន់លានរីងហ្គីត។

វិស័យសេវាកម្ម និងផលិតកម្ម បានទាក់ទាញការវិនិយោគការវិនិយោគច្រើនជាងគេ ស្របពេលផ្នែកសេវាកម្មអចលនទ្រព្យ ផ្នែកព័ត៌មាន និងទំនាក់ទំនង រួមជាមួយនឹងការផលិតថាមពលអគ្គិសនី និងគ្រឿងអេឡិចត្រូនិច ក៏ស្រូបទាញការវិនិយោគច្រើនគួរឲ្យកត់សម្គាល់ផងដែរ។

ទន្ទឹមនឹងនេះ MIDA បានបន្ថែមឲ្យដឹងទៀតថា ប្រទេសអូទ្រីស​គឺជាប្រភពកំពូលនៃការវិនិយោគបរទេសច្រើនជាងគេ ក្នុងអំឡុងខែមករា ដល់ខែមិថុនា ដោយមានចំនួនវិនិយោគសរុបជាង ៣០ពាន់លានរីងហ្គីត បន្ទាប់មកគឺប្រទេសសិង្ហបុរី មានចំនួន ១៦,៥ពាន់លានរីងហ្គីត ខណ:ប្រទេសចិនមានចំនួន ៩,៨ពាន់លានរីងហ្គីត និងប្រទេសហូឡង់មានចំនួន ៤ពាន់លានរីងហ្គីត៕

The post ម៉ាឡេស៊ី អនុម័តគម្រោងវិនិយោគតម្លៃជាង ៣៦ពាន់លានដុល្លារ ក្នុងឆមាសទី១ ឆ្នាំនេះ appeared first on .

ប្រភពដដែលនេះ ក៏បានរាយការណ៍បន្ថែមទៀតថា គម្រោងធំៗទាំងនេះ ត្រូវបានអនុម័តឡើងក្នុងអំឡុងកិច្ចប្រជុំមួយ នៅក្នុងទទីក្រុង Nay Pyi Taw កាលពី​ថ្ងៃ​ចន្ទ ​ដោយទាក់ទាញ​ទឹកប្រាក់​សរុប​ប្រមាណ ៤៧,១លាន​ដុល្លារ​ ពី​គម្រោង​ទាំងនេះ​។

បើតាមរដ្ឋាភិបាលមីយ៉ានម៉ា បានបញ្ជាក់ថាគម្រោង​ទាំង​នោះ​ ភាគច្រើនផ្តោត​លើវិស័យ​ឧស្សាហកម្ម សេវាកម្ម និង​សំណង់ ខណ:ការវិនិយោគលើរោងចក្រ​ដំឡើង និង​ផលិត​រថយន្ត​អគ្គិសនី​ ក៏ស្ថិត​ក្នុង​ចំណោម​គម្រោង​ទាំង​វិនិយោគទាំងនោះ ផងដែរ។

ជម្រាបជូនផងដែរថា ក្នុងចំណោមប្រទេស និងដែនដីសរុបចំនួន ៥៣ ដែលបានចូលមកបណ្តាក់ទុន នៅក្នុងប្រទេសមីយ៉ាន់ម៉ា គិតត្រឹមដំណាច់ខែមិថុនា ឆ្នាំ២០២៤ នេះ ប្រទេសសិង្ហបុរី ចិន និងថៃ គឺជាអ្នកវិនិយោគនាំមុខគេ ក្នុងវិស័យសេដ្ឋកិច្ចធំៗចំនួន១២ ៕

The post មីយ៉ាន់ម៉ា អនុម័តគម្រោងវិនិយោគថ្មីៗចំនួន៥ បង្កើតការងារសរុបជាង ២០០០ កន្លែង appeared first on .

ការលើកឡើងនេះ ធ្វើឡើងនៅក្នុងជំនួបសម្តែងការគួរសម និងពិភាក្សាការងារពីសំណាក់គណៈប្រតិភូសភាពាណិជ្ជកម្មត្រកូលលីនពិភពលោក ដើម្បីស្វែងយល់អំពីកាលានុវត្តភាពវិនិយោគនៅកម្ពុជា ជាមួយលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា កាលកាលពីរសៀល ថ្ងៃពុធ ទី២៩ ខែឧសភា ឆ្នាំ២០២៤។

នាឱកាសនោះ លោក ស៊ុន ចាន់ថុល បានស្វាគមន៍គណៈប្រតិភូទាំងអស់ ដែលមានបំណងស្វែងយល់អំពីបច្ចុប្បន្នភាព និងសក្ដានុពលវិនិយោគរបស់កម្ពុជា ខណៈលោកក៏ជម្រាបជូនគណៈប្រតិភូអំពីបរិយាកាសវិនិយោគនៅកម្ពុជា ពិសេសច្បាប់វិនិយោគដែលបង្កភាពងាយស្រួលដល់វិនិយោគិន រួមមាន៖ ការផ្ដល់ការលើកទឹកចិត្តក្នុងគម្រោង និងភាពបើកចំហររបស់កម្ពុជាក្នុងការទទួលរាល់វិនិយោគិនពីគ្រប់បណ្ដាប្រទេស។ បន្ថែមពីនេះ រាជរដ្ឋាភិបាលកម្ពុជាបានបង្កភាពងាយស្រួល និងប្រទាក់ក្រឡាជូនដល់វិនិយោគិន តាមរយៈការកសាងហេដ្ឋារចនាសម្ព័ន្ធគាំទ្រទាំងផ្លូវគោក ផ្លូវទឹក និងផ្លូវអាកាសផងដែរ។

ជាមួយគ្នានេះ តំណាងសភាពាណិជ្ជកម្មត្រកូលលីនពិភពលោក បានថ្លែងអំណរគុណលោក ឧបនាយករដ្ឋមន្ត្រី ពីព័ត៌មាននានានៃកាលានុវត្តភាពវិនិយោគនៅកម្ពុជា ពិសេសលើវិស័យសំណង់ កសិកម្ម ថាមពលបៃតង សុខាភិបាល និងវិស័យមួយចំនួនទៀត។

សភាពាណិជ្ជកម្មខាងលើ ក៏បានគោរពស្នើសុំអញ្ជើញ ក្រុមប្រឹក្សាអភិវឌ្ឍន៍កម្ពុជា បំពេញទស្សនកិច្ចចុះពិនិត្យរោងចក្ររបស់ខ្លួនលើវិស័យសុខាភិបាលដោយផ្ទាល់នៅឱកាសណាមួយផងដែរ។ បន្ថែមពីនេះ សភាពាណិជ្ជកម្មក៏បានបង្ហាញចំណាប់អារម្មណ៍ក្នុងការរៀបចំឱ្យមានសិក្ខាសាលាអំពីកាលានុវត្តភាពវិនិយោគកម្ពុជា នៅទីស្ដីការក្រុមប្រឹក្សាអភិវឌ្ឍន៍កម្ពុជា ដែលសភាពាណិជ្ជកម្មត្រកូលលីនពិភពលោករំពឹងនឹងមានវិនិយោគិនជាសមាជិករបស់ខ្លួនប្រមាណ ៥០០នាក់ចូលរួមផងដែរ។

គួរបញ្ជាក់ដែរថា បើយោងតាម​​ជំនួប​ពិភាក្សា​ការងារ​រវាង​លោក​ ​Tan​ Sr​i​ ​D​at​o ​L​i​m​ ​Soon​ ​P​e​n​g​ ​ប្រធាន​សភា​ពាណិជ្ជកម្ម​ ​ត្រកូល​លីន​ពិភពលោក​ ​ជាមួយ​សម្តេចធិបតី ​ ​ហ៊ុន​ ​ម៉ា​ណែ​ត​ ​​កាល​ថ្ងៃទី២៨ ខែឧសភា ឆ្នាំ២០២៤។សភាពាណិជ្ជកម្មត្រកូលលីនពិភពលោក នឹងសហការជាមួយសមាគមពាណិជ្ជកម្មត្រកូលលីននៅកម្ពុជា រៀបចំសិក្ខាសាលាអំពីកាលានុវត្តភាពវិនិយោគកម្ពុជានៅក្នុងខែវិច្ឆិកា ឆ្នាំ២០២៤ ខាងមុខ នៅកម្ពុជា ក្នុងគោលបំណងផ្សារភ្ជាប់ទំនាក់ទំនង ក៏ដូចជាស្វែងរកនូវកាលានុវត្តភាព និងសក្ដានុពលក្នុងការវិនិយោគនៅកម្ពុជា៕ អត្ថបទ៖ រង្សី

The post សភាពាណិជ្ជកម្មត្រកូលលីនពិភពលោក នឹងកៀរគរអ្នកវិនិយោគជាង៥០០នាក់ ចូលរួមសិក្ខាសាលាអំពីកាលានុវត្តភាពវិនិយោគកម្ពុជា appeared first on .

ម៉ាឡេស៊ី ត្រូវបានចាត់ទុកថាប្រទេសដែលមានភាពរីកចម្រើនខ្លាំងបំផុតមួយ នៅក្នុងឧស្សាហកម្មបន្ទះឈីប semiconductor ជាមួយនឹងការចូលរួមចំណែកដល់ទៅ ១៣% នៃការធ្វើតេស្ត និងការវេចខ្ចប់បន្ទះឈីបជាសកល ស្របពេលប្រទេសនេះ ក៏បានទាក់ទាញការវិនិយោគរាប់ពាន់លានដុល្លារ ពីសំណាក់ក្រុមហ៊ុនឈានមុខគេជាច្រើនក្នុងប៉ុន្មានឆ្នាំថ្មីៗនេះ រួមទាំងក្រុមហ៊ុន Intel និង Infineon ផងដែរ។

​ទន្ទឹមនឹងនេះ លោក Anwar បាននិយាយថា ការវិនិយោគសំខាន់ៗដែលប្រទេសម៉ាឡេស៊ី កំពុងព្យាយាមបង្កើននាពេលបច្ចុប្បន្ននេះ មានដូចជាការរចនាបន្ទះសៀគ្វី ការវេចខ្ចប់កម្រិតខ្ពស់ និងឧបករណ៍ផលិតសម្រាប់បន្ទះឈីប semiconductor ជាដើម។

មិនតែប៉ុណ្ណោះ​ លោក Anwar ក៏បានបញ្ជាក់បន្ថែម ក្នុងអំឡុងថ្លែងការសុន្ទរកថា នៅឯព្រឹត្តិការណ៍ឧស្សាហកម្មមួយថា ប្រទេសម៉ាឡេស៊ី ក៏ចង់បង្កើតក្រុមហ៊ុនផ្ទាល់ខ្លួននៅក្នុងស្រុកយ៉ាងហោចណាស់ចំនួន ១០ សម្រាប់ការរចនា និងការវេចខ្ចប់កម្រិតខ្ពស់នៃបន្ទះឈីប semiconductor ផងដែរ ជាមួយនឹងប្រាក់ចំណូលចន្លោះពី ២១០លានដុល្លារ ទៅ ១ពាន់លានដុល្លារ៕

The post ម៉ាឡេស៊ី ដាក់គោលដៅទាញឲ្យបានជាង ១០០ពាន់លានដុល្លារ ក្នុងការវិនិយោគលើបន្ទះឈីប appeared first on .

ផែនការយុទ្ធសាស្ត្រថវិកាជាតិឆ្នាំ២០២៥ដល់២០២៧ បានឲ្យដឹងថា រំហូរវិនិយោគផ្ទាល់ពីបរទេស ត្រូវបានរំពឹងថានឹងបន្តកើនដល់ប្រមាណ ៤ ២៥០ លានដុល្លារអាមេរិក សមមូលនឹងប្រមាណ ៩,០% នៃ ផ.ស.ស. ដោយសារការបន្តសកម្មភាពវិនិយោគលើវិស័យសក្តានុពល។

ទន្ទឹមនឹងនេះ ទុនបម្រុងអន្តរជាតិក៏ត្រូវបានព្យាករថានឹងបន្តកើនក្នុងរង្វង់ ២២ ៣០៣ លានដុល្លារអាម៉េរិក ឬស្មើប្រមាណ ៨.០ ខែនៃការនាំចូល។

របាយការណ៍ដដែលបានបញ្ជាក់ថា សម្រាប់ឆ្នាំ ២០២៥-២០២៧ រំហូរការវិនិយោគផ្ទាល់ពីបរទេស ត្រូវបាន ព្យាករថានឹងបន្តកើនក្នុងរង្វង់ជាមធ្យមប្រមាណ ៨,៦% នៃ ផ.ស.ស. ដោយសារការបន្តកើននូវទំនុកចិត្ត វិនិយោគ ជាមួយនឹងបរិយាកាសកាន់តែអំណោយផលសម្រាប់ការវិនិយោគនៅកម្ពុជា តាមរយៈការអនុវត្ត «ច្បាប់ ស្តីពីវិនិយោគនៃព្រះរាជាណាចក្រកម្ពុជា និងគោលនយោបាយគាំទ្រមួយចំនួនទៀត។

ដោយផ្អែកលើមូលដ្ឋាននេះ ក្នុងរយៈពេលមធ្យមខាងមុខ កម្ពុជារំពឹងថានឹងអាចទាក់ទាញវិនិយោគដែលមានតម្លៃបន្ថែមខ្ពស់ ជាពិសេសក្នុងវិស័យកម្មន្តសាលមិនមែនកាត់ដេរ។ជាលទ្ធផល ទុនបម្រុងអន្តរជាតិនឹងបន្តកើន ដោយមានទំហំជាមធ្យម ប្រមាណ ៧ ខែនៃការនាំចូល។

សូមជម្រាបជូនថា កំណើនសេដ្ឋកិច្ចកម្ពុជាត្រូវបានព្យាករថាស្ថិតក្នុងអត្រា ៦,៣% ក្នុងឆ្នាំ ២០២៥ និងជាមធ្យម ៦,៦% សម្រាប់ឆ្នាំ ២០២៦-២០២៧ ដែលក្នុងនោះ វិស័យឧស្សាហកម្ម ត្រូវបានព្យាករថាមានកំណើនល្អប្រសើរក្នុងអត្រា ៨.៦% ក្នុងឆ្នាំ ២០២៥ និងក្នុងរង្វង់អត្រា ៩,០% សម្រាប់រយៈពេលមធ្យម ២០២៦-២០២៧ វិស័យសេវាកម្ម នឹងមានកំណើនក្នុងអត្រាប្រមាណ ៥,៦% ក្នុងឆ្នាំ ២០២៥ និង ប្រមាណ ៥,៧% សម្រាប់រយៈពេល មធ្យម ២០២៦-២០២៧ និងវិស័យកសិកម្ម នឹងមានកំណើន ១,១% ក្នុងឆ្នាំ ២០២៥ និង ១,៣% សម្រាប់ ២០២៦-២០២៧៕

The post កម្ពុជារំពឹងថានឹងទទួលបានរំហូរវិនិយោគផ្ទាល់ពីបរទេសក្នុងរង្វង់៨,៦% នៅឆ្នាំ២០២៥ appeared first on .

បើយោងតាមអ្នកនាំពាក្យរដ្ឋាភិបាលថៃ លោក Chai Wacharonke បានបង្ហាញឲ្យដឹងថា នាយកប្រតិបត្តិក្រុមហ៊ុនធំៗខាងលើ នឹងអមដំណើរមកជាមួយលោក Majid bin Abdullah Al Qasabi រដ្ឋមន្ត្រីក្រសួងពាណិជ្ជកម្មអារ៉ាប៊ីសាអូឌីត ដែលនឹងត្រូវមកបំពេញទស្សនកិច្ចជាផ្លូវការនៅក្នុងប្រទេសថៃ ចាប់ពីថ្ងៃទី៨ ដល់ទី១០ ខែឧសភា។

លោក Chai បាននិយាយទៀតថា ក្រុមហ៊ុនធំៗទាំងនេះ នឹងចូលរួមជាផ្នែកមួយ នៃកិច្ចពិភាក្សាផ្គូផ្គងអាជីវកម្មដើម្បីបង្កើតបណ្តាញសម្រាប់ពាណិជ្ជកម្ម ជំនួញ និងការពង្រឹងទំនាក់ទំនងបន្ថែមទៀតរវាងប្រទេសទាំងពីរ។

គួរឲ្យដឹងផងដែរថា ជុំវិញផែនការវិនិយោគដ៏ធំនេះត្រូវបានកើតឡើង បន្ទាប់ពីដំណើរទស្សនកិច្ចរបស់លោក Srettha ទៅកាន់ប្រទេសអារ៉ាប៊ីសាអូឌីតកាលពីខែតុលា ឆ្នាំមុន នៅពេលដែលលោកបានជួបពិភាក្សាមួយទល់នឹងមួយជាមួយនាយកប្រតិបត្តិរបស់ក្រុមហ៊ុនអារ៉ាប៊ីសាអូឌីតល្បីៗជាច្រើន។

ទន្ទឹមនឹងនេះ លោក Chai សង្កត់ធ្ងន់ទៀតផងដែរថា ចំពោះក្រុមហ៊ុនធំៗដែលនាយករដ្ឋមន្ត្រីថៃ បានពិភាក្សាជាមួយនោះ បានយល់ព្រមបង្កើនការវិនិយោគរបស់ពួកគេមកលើសន្តិសុខស្បៀង ថាមពល និងផលិតផលគីមីឥន្ធនៈផងដែរ នៅក្នុងប្រទេសថៃ៕

The post ក្រុមហ៊ុនជាង ១០០ មកពីប្រទេសអារ៉ាប៊ីសាអូឌីត គ្រោងស្វែងរកឱកាសវិនិយោគក្នុងប្រទេសថៃ appeared first on .

ការប្តេជ្ញាចិត្តរបស់ក្រុមហ៊ុន Mercedes Benz បែបនេះបានកើតឡើង នៅពេលដែលលោក Troska បាននិយាយនៅក្នុងសន្និសីទសារព័ត៌មានមួយ ក្នុងថ្ងៃបើកការដាក់តាំងបង្ហាញរថយន្តនៅទីក្រុងប៉េកាំង ដែលត្រូវបានចូលរួមដោយនាយកប្រតិបត្តិរបស់ក្រុមហ៊ុនខ្នាតយក្សចិន Baidu លោក Robin Li ផងដែរ។

ក្នុងអំឡុងពិធីដាក់តាំងបង្ហាញរថយន្តដ៏ធំប្រចាំឆ្នាំនោះ នាយកប្រតិបត្តិលោក Troska ក៏បានបញ្ជាក់បន្ថែមទៀតថាក្រុមហ៊ុន Mercedes នឹងដាក់លក់រថយន្តអគ្គិសនីប្រភេទ G-class របស់ខ្លួនជាលើកដំបូង នៅក្នុងប្រទេសចិននៅឆ្នាំនេះផងដែរ។

ជម្រាបជូនផងដែរថា Mercedes ស្ថិតក្នុងចំណោមក្រុមហ៊ុនផលិតរថយន្តបរទេសធំៗជាច្រើនទៀតដែលកំពុងព្យាយាមកំណត់ឡើងវិញនូវយុទ្ធសាស្ត្ររបស់ខ្លួន នៅក្នុងទីផ្សាររថយន្តនៅក្នុងប្រទេសចិន ចំពេលមានការប្រកួតប្រជែងកាន់តែខ្លាំងពីសំណាក់ក្រុមហ៊ុនរថយន្តក្នុងស្រុក ខណ:នៅក្នុងត្រីមាសទីមួយ ការលក់រថយន្តរបស់ក្រុមហ៊ុន Mercedes នៅក្នុងប្រទេសចិនបានធ្លាក់ចុះដល់ទៅ ១២% ឯណោះ៕

The post ក្រុមហ៊ុន Mercedes Benz បេ្តជ្ញាបន្តការវិនិយោគក្នុងប្រទេសចិនបន្ថែមទៀត ទោះបីការលក់ធ្លាក់ចុះ appeared first on .

របាយការណ៍ខាងលើបានឱ្យដឹងថា សូចនាករសេដ្ឋកិច្ចសំខាន់ៗក្នុងខែកុម្ភៈ និងរយៈពេល ២ខែ ដើមឆ្នាំ២០២៤នេះបានបង្ហាញពីសញ្ញាណកាន់តែ ល្អជាបន្តបន្ទាប់ ជាពិសេសលើវិស័យពាណិជ្ជកម្មអន្តរជាតិ, ទេសចរណ៍, និងវិនិយោគ ខណៈដែលសន្ទស្សន៍ថ្លៃទំនិញ និងសេវាកម្ម និងវិស័យសំណង់ មានការធ្លាក់ចុះបន្តិច។

បើតាមរបាយការណ៍ដដែល ទំហំពាណិជ្ជកម្មសរុបក្នុងខែកុម្ភៈ ឆ្នាំ២០២៤ មានភាពល្អប្រសើរជាងឆ្នាំមុន ពោលគឺទំហំពាណិជ្ជកម្មសរុបសម្រេចបាន ៤ ០៦៣លានដុល្លារ កើនឡើង០,២% ធៀបនឹងខែមុន។គិតត្រឹមរយៈពេល២ខែ ដើមឆ្នាំ២០២៤នេះសម្រេចបាន ៨ ១២១លានដុល្លារ កើនឡើង ១៩,២% ធៀបនឹងរយៈពេលដូចគ្នាឆ្នាំមុន។ដោយការនាំចេញទំនិញ ២ខែដើមឆ្នាំនេះ ក៏សម្រេចបានកំណើនល្អផងដែរក្នុងទំហំ ៣ ៩៨៥ លានដុល្លារ កើនឡើង ២២,៧% ធៀបទៅនឹងរយៈពេលដូចគ្នាក្នុងឆ្នាំ២០២៣។ក្នុងនោះការនាំចេញផលិតផលវាយនភណ្ឌកើនឡើង ២២, ៣%, ផលិតផលមិនមែនវាយនភណ្ឌកើនឡើង ២៣%, ស្រូវ កើនឡើង ៥៤%, គ្រឿងសង្ហារិមកើនឡើង ៥៣,៧%, ខណៈដែលផលិតផលកសិកម្មធ្លាក់ចុះ ១១, ៩%, និងសូឡាធ្លាក់ចុះ ៣៤,៧%។រីឯការនាំចូលនៅតែសម្រេចបានកំណើនល្អ ក្នុងទំហំប្រមាណជាង ៤ ១៣៥ លានដុល្លារ កើនឡើង ១៦,១% ធៀបទៅនឹងរយៈពេលដូចគ្នាឆ្នាំ២០២៣។

ចំពោះវិស័យទេសចរ២ខែមកនេះ ចំនួនទេសចរមានកំណើនល្អប្រសើរ ជាពិសេសចំនួនភ្ញៀវចូលទស្សនាតំបន់អង្គរ។ ជាក់ស្តែង ក្នុងខែកុម្ភៈ ឆ្នាំ២០២៤ ទទួលបានភ្ញៀវទេសចរអន្តរជាតិប្រមាណ ៤៤៨ ៥២៦ នាក់ កើនឡើង ៣,២% ធៀបនឹងខែកុម្ភៈ ដើមឆ្នាំ២០២៣ និងចំនួនភ្ញៀវអន្តរជាតិទិញសំបុត្រពីគ្រឹះស្ថានអង្គរមានចំនួន ១២០, ៣១៨ នាក់ កើនឡើង ៥១,៣%។បើគិតក្នុងរយៈពេល ២ខែ កម្ពុជាទទួលបានភ្ញៀវទេសចរអន្តរជាតិ ប្រមាណ ៩៨៩ ពាន់នាក់ ដែលមានកំណើន ១៨, ០% ធៀបនឹងរយៈពេលដូចគ្នាឆ្នាំ២០២៣ ទន្ទឹមនេះ ចំនួនភ្ញៀវទេសចរអន្តរជាតិទិញសំបុត្រពីគ្រឹះស្ថាន អង្គរមានចំនួន ២៣៦ ពាន់នាក់ កើនឡើង ៥០, ៣%។

ចំណែកឯវិស័យវិនិយោគក្នុងរយៈពេល២ខែ ឆ្នាំ២០២៤នេះវិញ ស្ថានភាពគម្រោងវិនិយោគឯកជនដែលទទួលបានការអនុញ្ញាតដោយក្រុមប្រឹក្សាអភិវឌ្ឍន៍កម្ពុជា ក្នុងខែ កុម្ភៈ ឆ្នាំ២០២៤ មានការកើនឡើងល្អប្រសើរគួរឱ្យកត់សម្គាល់ទាំងចំនួនគម្រោងទុនវិនិយោគ និងការបង្កើតការងារថ្មី។ ជាកស្តែង ចំនួនគម្រោងវិនិយោគក្នុងខែកុម្ភៈ ឆ្នាំ២០២៤ មាន ៣៧ គម្រោង ដែលបានប្រើប្រាស់ទុនវិនិយោគសរុប ចំនួន ១ ១៨៩ លានដុល្លារ និងបង្កើតការងារថ្មីចំនួន ៣៨ ៣៤៥ កន្លែង ដែលមានកំណើន ១៥,៦%, ៥៤០,៨%, និង ៣៣% រៀងគ្នាធៀបនឹងខែមុន។បើគិត ២ខែមកនេះ មានគម្រោងវិនិយោគសរុប ៦៩ គម្រោង, ទុនសរុប ១ ៣៨៥ លានដុល្លារ និងអាចបង្កើតការងារថ្មី ៦៧ ១៧៨ កន្លែង។ បើធៀបនឹងរយៈពេលដូចគ្នាឆ្នាំ២០២៣ ចំនួនគម្រោងវិនិយោគកើនឡើង ៣៨ គម្រោង (ស្មើនឹង ១២២%), ទុនកើនឡើង ៥០៥%, និងការងារកើនឡើង ៦៨% រៀងគ្នា៕

The post ២ខែ ដើមឆ្នាំ២០២៤ សេដ្ឋកិច្ចកម្ពុជាបានបង្ហាញសញ្ញាណកាន់តែល្អ ពិសេសលើវិស័យសំខាន់ៗ៣ appeared first on .

ក្រុម Hyundai បាននិយាយនៅក្នុងសេចក្តីថ្លែងការណ៍មួយថា ទឹកប្រាក់ច្រើនជាងពាក់កណ្តាលនៃការវិនិយោគសរុប ឬចំនួនប្រមាណ ៣៥,៥ទ្រីលានវ៉ុន នឹងត្រូវបានបែងចែកសម្រាប់ការស្រាវជ្រាវ និងការអភិវឌ្ឍហេដ្ឋារចនាសម្ព័ន្ធ ក៏ដូចជាខ្សែសង្វាក់នៃការដំឡើងរថយន្តអគ្គិសនី។

ទន្ទឹមនឹងនេះ ទឹកប្រាក់ចំនួន ៣១,១ទ្រីលានវ៉ុនផ្សេងទៀត នឹងត្រូវយកមកសម្រាប់ការស្រាវជ្រាវ និងការអភិវឌ្ឍនៅក្នុងអាជីវកម្មរថយន្តអគ្គិសនី និងបច្ចេកវិទ្យាអាគុយ ខណ:ទឹកប្រាក់ទាំងនេះ ក៏រួមទាំងការជួលបុគ្គលិកបន្ថែមទៀតផងដែរ ដើម្បីលើកកម្ពស់ដល់អាជីវកម្មនាពេលអនាគត។

ជម្រាបជូនផងដែរថា បច្ចុប្បន្នក្រុមហ៊ុន Hyundai Motor Group កំពុងក្តោបក្តាប់ទៅលើក្រុមហ៊ុនបុត្រសម្ព័ន្ធជាច្រើនរួមមាន Hyundai Motor និង Kia ដែលជាក្រុមហ៊ុនផលិតរថយន្ត និងក្រុមហ៊ុនផលិតគ្រឿងបន្លាស់រថយន្ត Hyundai Mobis និង Hyundai Engineering & Construction ផងដែរ៕

The post Hyundai ត្រៀមចាក់លុយបន្ថែមជាង ៥០ពាន់លានដុល្លារ វិនិយោគលើអាជីវកម្មថ្មី និងជួលបុគ្គលិក appeared first on .