លោក ហ៊ុយ វណ្ណៈ ប្រធានសហភាពសហព័ន្ធអ្នកសារព័ត៌កម្ពុជា បានថ្លែងថា៖ ការគាំទ្ររបស់លោកឧកញ៉ា លាង ឃុន អគ្គនាយកក្រុមហ៊ុនជីបម៉ុងគ្រុប គឺចំពេលដែល ស.ស.ស.ក កំពុងអភិវឌ្ឍខ្លួនឲ្យក្លាយជា មជ្ឈមណ្ឌលបណ្តុះបណ្តាលអ្នកសារព័ត៌មាន, ក៏ដូចជាកំពុងរៀបចំយុទ្ធនាការ «ព័ត៌មានស្អាត», ត្រៀមបើកវគ្គបណ្តុះបណ្តាលដល់អ្នកសារព័ត៌មានអំពី «ព័ត៌មាននៅក្នុងយុគសម័យ Digital», និងកំពុងធ្វើកិច្ចការដ៏សំខាន់មួយទៀត គឺចងក្រងរបាយការណ៍ទិន្នន័យវាយតម្លៃដោយឆ្លុះបញ្ចាំងអំពីសេរីភាពសារព័ត៌មាននៅកម្ពុជា។

លោក ហ៊ុយ វណ្ណៈ ជួសមុខឲ្យសមាជិក-សមាជិកា សហភាពសហព័ន្ធអ្នកសារព័ត៌មានកម្ពុជា បានថ្លែងអំណរគុណយ៉ាងជ្រាលជ្រៅចំពោះ លោកឧកញ៉ា លាង ឃុន ដែលតែងតែជួយគាំទ្របេសកកម្មការងាររបស់ សហភាពសហព័ន្ធអ្នកសារព័ត៌មានកម្ពុជា ក្នុងបុព្វហេតុរួមចំណែកពង្រឹងគុណភាពព័ត៌មាន និងការផ្សព្វផ្សាយនៅកម្ពុជា។ ប្រធាន ស.ស.ស.ក ក៏បានចាត់ទុកថា ការគាំទ្ររបស់លោកអគ្គនាយកក្រុមហ៊ុនជីបម៉ុងគ្រុប គឺមិនត្រឹមតែបង្ហាញពីកាយវិការសប្បុរសធម៌ប៉ុណ្ណោះទេ ប៉ុន្តែលើសពីនេះ គឺមានអត្ថន័យបញ្ជាក់ពីធនធានកម្ពុជា ដែលមានសមត្ថភាពនិងលទ្ធភាព ទាំងស្មារតីនិងទឹកចិត្តក្នុងការចូលរួមជួយកសាងស្ថាប័នអង្គការស្ម័គ្រចិត្តក្នុងស្រុក ឲ្យមានតួនាទីកាន់តែសកម្មរួមចំណែកក្នុងបុព្វហេតុបម្រើឧត្តមប្រយោជន៍ជាតិ។

លោក ហ៊ុយ វណ្ណៈ ក៏បានគូសបញ្ជាក់ដែរថា កសាងស្ថាប័ន ស.ស.ស.ក មួយឲ្យដំណើរការមានភាពលេចធ្លោរហូតមកដល់ពេលនេះនិងតទៅមុខ គឺមិនអាចកាត់ផ្តាច់បានពីកត្តាដឹកនាំ និងការចូលរួមគាំទ្រពីតួអង្គជាច្រើន ទាំងថ្នាក់ដឹកនាំរដ្ឋ វិស័យឯកជន ម្ចាស់ជំនួយដទៃទៀត និងសារព័ត៌មានខ្លួនឯងផងដែរ ដែលត្រូវបន្តខិតខំប្រមូលផ្តុំអភិវឌ្ឍន៍ធនធានមនុស្ស កសាងកម្មវិធីការងារជាប្រចាំ ព្រមទាំងមានមូលដ្ឋានហិរញ្ញវត្ថុនិងសម្ភារៈគាំទ្រ។ ក្នុងដំណាក់កាលណាក៏ដោយទាំងក្នុងពេលវិបត្តិកលយុគ និងពេលមានសន្តិភាព អ្វីដែលជាតម្រូវការមុនគេបំផុត សម្រាប់ការធ្វើសេចក្តីសម្រេចចិត្តដ៏ត្រឹមត្រូវគឺ «ព័ត៌មានពិត»។ ការរួមគ្នាក្នុងបុព្វហេតុកសាងគុណភាពនៃការផ្សព្វផ្សាយព័ត៌មានឲ្យបានកាន់តែល្អឡើង គឺមានភាពចាំបាច់សម្រាប់អនាគតដ៏ប្រសើររបស់កម្ពុជា៕

ប្រភព៖ swiftnewsdaily.com

The post ឧកញ៉ា លាង ឃុន ផ្តល់ថវិកាចំនួន៣ម៉ឺនដុល្លារ ដល់សហភាពសហព័ន្ធអ្នកសារព័ត៌មានកម្ពុជា appeared first on .

ទន្ទឹមនឹងនេះ ប្រមុខរាជរដ្ឋាភិបាលកម្ពុជា សម្ដេច ហ៊ុន សែន បាន​ថ្លែង​ថា នា​ពេល​ខាង​មុខ​នេះ​កម្ពុជា​នឹង​ធ្វើ​ស្ពាន​អាកាស ៤​កន្លែង​ទៀត ​ដើម្បី​បំពេញ​តម្រូវការពលរដ្ឋ​ក្នុង​ការ​ធ្វើដំណើរ ខណៈ​ស្ពាន​អាកាស​ ៥​កន្លែងកំពុង​ដាក់​ឲ្យ​ប្រើប្រាស់រួចហើយ។ ការលើក​ឡើង​​របស់សម្ដេចធ្វើឡើងក្នុង​ឱកាស​អញ្ជើញ​ជា​អធិបតីភាព ពិធី​បើក​ការដ្ឋាន​សាងសង់​ផ្លូវ​ក្រវាត់​ក្រុង​ទី​៣ ប្រវែង​ ៥២,៩៨៣​គីឡូ​ម៉ែត្រ​ឆ្លងកាត់​រាជធានី​ភ្នំពេញ និង​ខេត្ត​កណ្ដា​ល​កាលពីដើមខែមករា ឆ្នាំ​២០១៩​ កន្លងទៅ។

ចំពោះផ្លូវក្រោមទឹកវិញ សម្តេចបានបញ្ជាក់ដូច្នេះថា «តិចទៀតនឹងធ្វើផ្លូវក្រោមទឹក ដោយមិនបាច់ធ្វើស្ពានឆ្លងទន្លេទៀតទេ។ សូមជម្រាបថា ផ្លូវក្រោមទឹកនេះបច្ចុប្បន្ន​ក៏មាន​​ក្រុមហ៊ុន OCIC កំពុងសិក្សាលទ្ឋ​ភាពដើម្បី​សាងសង់ ពីកោះពេជ្រ​ទៅកាន់​ទីក្រុង​កោះ​នរាហ៍ផងដែរ»។

ដោយឡែក ស្ពានអាកាសវិញ នាពេលបច្ចុប្បន្ន កម្ពុជាមានចំនួន ៥ ហើយដែល​កំពុង​ដាក់​ឲ្យប្រើប្រាស់ ដោយក្នុងនោះរួមមាន ស្ពានអាកាសក្បាលថ្នល់, ស្ពានអាកាស​៧មករា ឬហៅក្រៅថា ស្ពានអាកាសពេទ្យលោកសង្ឃ, ស្ពានអាកាសស្ទឹងមានជ័យ, ស្ពានអាកាសទិចណូ, ស្ពានអាកាសផ្សារដីហុយ។

ហើយនាពេលខាងមុខស្ពានអាកាសរង្វង់មូលចោមចៅ ដែលជាស្ពានអាកាសទី៦​របស់កម្ពុជា ក៏នឹងត្រូវដាក់ឲ្យដំណើរការផងដែរ ខណៈបច្ចុប្បន្នការសាង​សង់សម្រេច​បានមួយភាគធំហើយ ក្នុងនោះក្រុមការងារសាងសង់ក៏កំពុង​ដុតដៃដុតជើងលើការ​សាង​សង់យ៉ាងមមាញឹកផងដែរ ៕ អត្ថបទ៖ សិរិកា

The post សម្ដេច ហ៊ុន សែន ៖ផ្លូវ​ក្រោម​ទឹក និង​ស្ពាន​អាកាស​ចំនួន​ ៤ ទៀត នឹងមាន​វត្តមាន​នៅ​កម្ពុជា appeared first on .

តាម​ការ​បង្ហោះ​លើ​បណ្ដាញ​សង្គម​គណនី​ Vannthoeun Phorn ដែល​គេ​ស្គាល់​ថា ជា​នាយក​​រង​នៃ វិទ្យាល័យ​ខាង​លើ បាន​ឲ្យ​ដឹង​ថា អាគារ​១ខ្នង​​នេះ គឺ​ជា​អំណោយ ​របស់​សម្ដេចតេជោ ហ៊ុន សែន និងសម្ដេចកិត្តិព្រឹទ្ធិបណ្ឌិត ប៊ុនរ៉ានី ហ៊ុន សែន តាំង​ ពីឆ្នាំ១៩៩៧ មក​ម្លេះ។ ដោយ​​មាន​ការ​​ខូច​ខាត​បែប​នេះ ថ្នាក់​ដឹក​នាំ​សាលា បាន​ធ្វើ​សំណើ​រហូត​ដល់ ៣លើកហើយទៅការិយាល័យ អប់រំ មន្ទីរអប់រំ និងក្រសួងអប់រំ ប៉ុន្តែ​មិន​មាន​ចំណាត់​ការ​បែប​ណា​ឡើយ។

គណនី​ Vannthoeun Phorn បាន​សរសេរ​រៀបរាប់​អម​ទាំង​រូប​ថត​ព្រម​​ទាំង​វីដេអូ​ផង​​​បែប​នេះ​ថា”

ឈ្មោះ​កូនម្នាក់នឹងគេដែរ តែកម្សត់ណាស់ ព្រោះ៖ ១.តាំងពី​ឆ្នាំ១៩៩៧​មក គ្មានទីចាត់ការ​ធ្វើការ​(យកបន្ទប់សិស្សត្រូវរៀនធ្វើទីចាត់ការចល័ត)
២.អគារនីមួយៗ(៦ខ្នង)បាននិងកំពុងស្រុត ប្រេះបាក់ទ្រុឌទ្រោម គួរឱ្យ​ភ័យ​ខ្លាច ខ្ញុំធ្វើសំណើ​៣លើក​ហើយទៅការិយាល័យ អប់រំ មន្ទីរអប់រំ និងក្រសួងអប់រំ តែមិនមានអាណិត និងមេត្តា​ផ្ដល់ឱ្យ។ ខ្ញុំសូម​ស្នើតាមខ្សែរយៈថាខ្លាចយូរ ក៏តាមផ្លូវកាត់ដល់រដ្ឋមន្រ្តីចុះហត្ថលេខាតាំងពីខែធ្នូ ឆ្នាំ២០១៨ តែមិន​ឃើញបានផលដល់ពេលនេះ បែរជាមានបុគ្គលខ្លះថា “ជាកូនក្រៅខោ មិនរត់តាម​ឋានានុក្រម”។ យើង​ខ្ញុំជាកូនសម្ដេចដែរ តែហេតុអ្វីក៏កម្សត់បែបនេះយូរម្ល៉េះ? ខ្ញុំធ្វើដើម្បីកូន ចៅ ប្រជាជនដូចគេដែរ ហេតុអ្វីក៏មានការហាមមិនឱ្យមានការស្នើសុំអ្វីផ្សេងៗ? តើការនិយាយសង្ខេបរបស់ខ្ញុំនេះខុសទេ? សូម​បង ប្អូន មា មីង សិស្សានុសិស្សជួយស៊ែរបន្តឱ្យសម្ដេចតេជោ ហ៊ុន សែន និង​សម្ដេច​កិត្តិព្រឹទ្ធិបណ្ឌិត​ ប៊ុនរ៉ានី ហ៊ុន សែន លោកបានជ្រាបផង។ ខ្ញុំគិតថា”សម្ដេចទាំងពីរ បង្កើតកូនហើយ មិនបោះបង់ចោលបែបនេះនោះទេ ហើយនៅជិតគេហដ្ឋានសម្ដេចទៀត”។”

The post អំណោយ​របស់​សម្ដេច​ទៀត ជួយ​ស៊ែ​ឲ្យ​លោក​បាន​ដឹង​ផង ! សាលា​១​ខ្នង​ប្រេះស្រាំ ទ្រុឌទ្រោម​ខ្លាំង ​ទាំង​សិស្ស​​ទាំង​គ្រូ រៀន​ទាំង​ព្រលឹង​ចុង​សក់ រាល់​ថ្ងៃ appeared first on .

ពិធីក្រុងពាលី និងបញ្ចុះបឋមសិលាសាងសង់ស្ពានថ្មី ខាង​លើ​មានការអញ្ជើញចូលរួមជាអធិបតី ឯកឧត្តម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន ឯកឧត្តម អ៊ុយ រី ប្រធាន​ក្រុមប្រឹក្សាខេត្ត ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង ព្រមទាំង ឯកឧត្តម លោកជំទាវ សមាជិកក្រុមប្រឹក្សាខេត្ត ឯកឧត្តម លោកជំទាវ ជាសប្បុរសជន ថ្នាក់ដឹកនាំខេត្ត មន្ទីរ អង្គភាពជុំវិញខេត្ត ។

សូមជម្រាបផងដែរថា ស្ពានថ្មថ្មីដែលបានធ្វើពិធីក្រុងពាលីនាឱកាសនេះមានប្រវែង​បណ្តោយ​១០០​ម៉ែត្រ​ និងទទឹង៨ម៉ែត្រ ជាប្រភេទបេតុង ដែលយកលំនាំដើមតាមតាមស្ពានថ្មចាស់ និងសាងសង់​នៅប៉ែកខាងត្បូង(ប៉ែកខាងលើ)គម្លាត៦ម៉ែត្រ ពីស្ពានថ្មចាស់ ដែលមានទីតាំងស្ថិតនៅភូមិកម្មករ សង្កាត់​ស្វាយប៉ោ ក្រុង និងខេត្តបាត់ដំបង។

ប្រភព​ពី​អ្នក​ជំនាញ​​ផ្នែក​សាង​សង់​នៅ​ពិធី​បញ្ចុះ​បឋម​សិលា​កាល​​ពី​ម្សិល​មិញ​បាន​បង្ហើប​ប្រាប់​​សារព័ត៌មាន​​ក្នុង​ស្រុក​ល្បី​ឈ្មោះ​មួយ ថា​ ​ស្ពាន​​ថ្ម​នេះ​មាន​តម្លៃ​ជាង​៥០​ម៉ឺន​ដុល្លារ​ ខណៈ​អភិបាល​រង​ខេត្ត​​បាត់​ដំបង​​លោក​ សឿម ប៊ុនរិទ្ធិ​ សុំ​​មិន​ធ្វើ​អត្ថាធិប្បាយ​​រឿង​តម្លៃ​ទេ។ ​​​​​

សូមបញ្ជាក់ផងដែរថា ដោយពិនិត្យឃើញពីការលំបាកការធ្វើចរាចរណ៍ និងការកកស្ទះចរាណ៍ ជាពិសេសនៅពេលមានពិធីបុណ្យផ្សេងៗនៅក្នុងក្រុងបាត់ដំបង សម្តេចក្រឡាហោម ស ខេង ឧបនាយក​រដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងារថ្នាក់​ជាតិចុះមូលដ្ឋានខេត្តបាត់​ដំបង បានគៀរគរសប្បុរសជន ដើម្បីចូលរួមសាងសង់ស្ពាន​បេតុងថ្មីឆ្លងកាត់ស្ទឹង​សង្កែ​នៅក្បែ​ស្ពានថ្មចាស់នេះ ដែលការសាងសង់នេះ​គឺចំណាយថវិកាពីការចូលរួម​របស់​សប្បុរសជន ។

កន្លងមកអាជ្ញាធរខេត្តក៏មានជំហរក្នុងការអភិរក្សស្ពានថ្មចាស់ដែលជាស្ពានបុរាណមួយនេះឱ្យនៅគង់វង្ស និងមានការសំណូមពីបងប្អូនប្រជាពលរដ្ឋ ជាពិសេសអ្នកខេត្តបាត់ដំបង នៅតាមបណ្តាញ​សង្គមឱ្យមានការជួសជុល និងអភិរក្សស្ពានថ្មចាស់​ដែលមានអាយុជាង១០០​ឆ្នាំនោះ និងឲ្យមានការសាងសង់ស្ពាថ្មថ្មីនៅក្បែនោះ ព្រមទាំងយកលំនាំដើមតាមស្ពានថ្មចាស់ ។

តាមអ្នកបច្ចេកទេស បានឱ្យដឹងថា ការសាងសង់ស្ពានថ្មថ្មីនៅប៉ែកខាងត្បូង(ប៉ែកខាងលើ) ក្បែរស្ពាន​ថ្មចាស់ គឺអាចជួយពាំងកម្លាំងទឹក ឬសំរាមផ្សេងៗក្នុងពេល​មានជំនន់ស្ទឹងសង្កែហក់ឡើង​ខ្លាំង ដោយសារតែស្ពានថ្មចាស់ពិតជាមានសភាពទ្រុឌទ្រោមខ្លាំង ម៉្យាងវិញទៀតដើម្បីជួយបញ្ជៀស​ការកកស្ទះចរាចរណ៍ក្នុងក្រុងនៅ​ពេលមានពិធីបុណ្យផ្សេងៗ ។

ប្រភព៖រដ្ឋបាលខេត្តបាត់ដំបង

The post ស្ពាន​តម្លៃ​​ជាង​ ៥០​ម៉ឺន​ដុល្លារ​​​កាត់​ស្ទឹង​សង្កែ​​បុក​គ្រឹះ​សាង​សង់ appeared first on .

ចំពោះជំនួបនេះដែរ សម្ដេច​បាន​ឲ្យ​ដឹង​យ៉ាងដូច្នេះថា៖ «គោលបំណងនៃការជួបរបស់ខ្ញុំគឺចង់ស្វែង​យល់​នូវ​បំណង​និង​គោល​ដៅ​ដែល ហុង ភារិន ចង់ទៅ​ដើម្បីងាយស្រួលដល់ការ​ជួយ​របស់​យើង​ឱ្យ​ស្រប​ជាមួយ​បំណង​ដែល​ភារិនចង់ទៅនិងចង់បាន»។

សម្ដេច ក៏​បាន​បន្តថា៖ «ខ្ញុំក៍បានជួយដល់ ហុង ភារុន ដែលរៀន​ចប់បរិញ្ញាបត្រ ​និង​កំពុង​ធ្វើការ​នៅ​ក្រសួង​សេដ្ឋកិច្ចនិងហិរញ្ញវត្ថុផ្នែកពន្ធដារឱ្យ​បន្តរៀនយកបរិញ្ញាបត្រជាន់ខ្ពស់តទៅទៀត។ ជូនពរកូនប្រុសទាំងពីរជួបតែសេចក្តីសុខនិងសម្រេចនូវបំណងប្រាថ្នាដែលកូនចង់បាន»៕

The post ពិត​ជា​​កិត្តិយស​ណាស់ សម្ដេច ហ៊ុន សែន ទទួល​ជួប​ ហុង ភារិន appeared first on .

ឯកឧត្ដម ស សុខា បាន​ចាត់​ទុក​ថា សកម្មភាពដាំកូនឈើនាពេលនេះ គឺជាការចូលរួមចំណែក​ក្នុងការការពារ ថែរក្សា និងអភិរក្សសម្បត្តិធម្មជាតិព្រៃឈើ នៃព្រះរាជាណាចក្រកម្ពុជាយើង ក៏ដូចជាចូលរួមបង្កើននូវបរិស្ថានល្អបរិសុទ្ធ សំរាប់ជីវិតមនុស្ស សត្វ នៅលើផែនដីទាំងមូល ។

ជា​មួយ​នឹង​សកម្មភាព​នេះ ឯកឧត្ដម ស សុខា សូមអរគុណក្រុមការងារសម្របសម្រួល គាំទ្រ ឧបត្ថម្ភសកម្មភាពយុវជនខេត្តព្រៃវែង អាជ្ញាធរស្រុកមេសាង បងប្អូនប្រជាពលរដ្ឋ យុវជន ស.ស.យ.ក. ស្រុក យុវជនកាកបាទក្រហម យុវជនកាយរឹទ្ធិ សិស្សានុសិស្ស ជាពិសេសបងប្អូនក្រុមតារាៗ ដែលបានរៀបចំ និងចូលរួមកម្មវិធីដាំកូនឈើនាព្រឹកនេះ ។

The post តារា​ល្បី​ៗ១ក្រុម ចូល​រួម​ដាំ​កូន​ឈើ ២ ៥០០ដើម នៅ​ស្រុក​មេសាង appeared first on .

ពលរដ្ឋ​ក្រី​ក្រ​ស្ថិត​​ភូមិ​ស្វាយទង ឃុំ ក្វាវ ស្រុក រំរោង ខេត្ត តាកែវ ជាង​១០០​គ្រួសារ ​សប្បាយ​ចិត្ត​មិន​ស្ទើរ​ឡើយ​បន្ទាប់​ពី​ទទួល​អំណោយ​ពី ក្រុម​គ្រួសារ​តារា​សម្ដែង​ហង្ស ម៉ារានី ដោយ​ម្នាក់ៗ​ទទួល​បាន​មី១កេស​ទឹក​ស្រី ទឹក​សៀវ​អៀវ អំបិល ត្រីខ ទឹក​ផ្លែ​ឈើ ថ្នាំពេទ្យ ភីហ្សា និង ប៊ឺគ័រ ជាដើម។ អំណោយ​ទាំង​នោះ​​​ម្ចាស់​ទាន​បាន​ប្រាប់​ថា បាន​​មក​ពី​សប្បុរសជន​មួយ​ចំនួន និង បាន​មក​ពី​ការ Live​លក់​ផលិតផល​តាម​អនឡាញ ព្រម​ទាំង​​ការ​លក់​សៀវភៅ ប្រលោមលោក។

ម៉ារ៉ានី​បាន​ថ្លែង​ឲ្យ​ដឹង​ថា នាង​បាន​ទទួល​សិទ្ធិ​ផ្ដាច់​មុខ​ពី​អ្នក​និពន្ធ​ប្រលោមលោក​អ្នក​ស្រី ម៉ីសន សុធារី​​ដែល​ជា​អ្នក​និពន្ធ​ប្រលោមលោក​ល្បី​មួយ​រូប ក្នុង​ការ​លក់​សៀវភៅ​ដែល​ជា​ស្នាដៃ​តែង​និពន្ធ​របស់​​គាត់ ក្នុង​នោះ​នាង​បាន​ទទួល​យក​មក​លក់​សាក​ល្បង​​១០០០ក្បាល់ មិន​ទាំង​បាន​ប៉ុន្មាន​ថ្ងៃ​ផង​លក់​ដាច់​ជិត​អស់ ពោល គឺ​នៅ​​សល់ មិន​ទាំង​ដល់​៤០ ក្បាល​ផង។

ការ​លក់​សៀវភៅ ហង្ស ម៉ារ៉ានី បញ្ជាក់​ប្រាប់​ថា មិន​បាន​យក​ប្រាក់​ចំណេញ​ទុក​ក្នុង​ហោប៉ាវ​ខ្លួន​ឯង​ឡើយ នាង​ថា ៥០% នាង​កាត់​ឲ្យ​បុគ្គលិក និង ៥០%​ទៀត គឺ​នាង​​ទុក​សម្រាប់​ធ្វើ​កិច្ចការ​សប្បុរសធម៌ ដូច​ជា​ការ​ការ​អំណោយ​មក​ចែក​ជូន​នេះ​ជា​ដើម។

ការ​ចំណាយ​ពេល​មក​ជួយ​លក់​សៀវភៅ ដោយ​មិន​យក​កម្រៃ​​ខណៈ​ដែល​ការ​លក់​ផលិត​ផល​តាម​អនឡាញ​លើ​ផេក​នាង រវល់​ស្ទើរ​​គ្មាន​ពេល​សម្រាក​ ត្រូវ​បាន​នាង​បញ្ជាក់​ប្រាប់​ថា ក៏​ព្រោះ​តែ​​​ខ្លួន​​ចង់​រួម​ចំណែក​លើក​កម្ពស់​ការ​អាន​​អក្សរ​ខ្មែរ​ឲ្យ​បាន​ច្រើន។ ដោយសារតែ​មាន​ការ​គាំទ្រ​ច្រើន​លើ​ស្នាដៃ​និពន្ធ​សៀវភៅ​ខាង​លើ ម៉ារានី ថា នាង​​និង​បន្ត​ចាប់ដៃ គូរ​លក់​សៀវភៅ​ដែល​ជា​ស្នាដៃ​ថ្មី នាង​បន្ត​ទៀត។

ការ​ចែក​អំណោយ​ដល់​ពលរដ្ឋ​ក្រីក្រ​ខាង​លើ ម៉ារ៉ានី​ធ្វើ​ឡើង ចំ​ថ្ងៃ​ខួប​គម្រប់​២៧ឆ្នាំ​របស់​នាង​តែ​ម្ដង។​នេះ​មិន​មែន​ជា​​កិច្ចការ​សប្បុរសធ៌ម​លើក​ទី១​របស់​​នាង​ឡើយ កន្លង​មក​តារា​ស្រី​រូប​នេះ​តែងតែ​ធ្វើ​កិច្ចការ​សប្បុរសធម៌​ជា​ច្រើន ដូច​ជា​ចែក​អំណោយ​ដល់ ក្មេង​ៗ​កំព្រា ក្មេង​អនាថា ជា​ពិសេស គឺ​ឧស្សាហ៍​​ចែក​ដល់ ក្រុម​តាៗ​ធ្លាក់​ស៊ីក្លូ​តែ​ម្ដង។ នាង​ថា ជា​រៀង​រាល់​ឆ្នាំ​នៅ​ពេល​ដែល​ដល់​ថ្ងៃ​ខួប​ខ្លួន​ម្ដងៗ ទោះ​តិច​ក្ដី​ច្រើន​ក្ដី តែង​តែ​ធ្វើ​កិច្ចការ​សប្បុរសធម៌​មិន​ដែល​ដាច់​ឡើយ ហើយ​​កិច្ច​ការ​សប្បុរស​នេះ ខ្លួន​មិន​បញ្ឈប់​ត្រឹម​នេះ​ឡើយ នៅ​តែ​ឆ្លៀត​ធ្វើ ជា​បន្ត​បន្ទាប់៕

The post ហង្ស ម៉ារិនី យក​ប្រាក់​ចំណេញ​ពី​ការ​លក់​សៀវភៅ ទៅ​ចែក​ទាន​ដល់​ជន​ក្រីក្រ​ជាង​១០០គ្រួសារ appeared first on .

អភិបាល​នៃ​គណៈ​អភិបាលខេត្ត​កំពង់ស្ពឺ​ លោក​ វ៉ី​ សំណាង​  វត្តមាន​ស្ពាន​អាកាស​ថ្មើរជើង​លើកដំបូង​នៅក្នុង​ខេត្ត​កំពង់​មួយ​នេះ​ គឺជា​ផ្នែក​មួយ​ក្នុង​ការ​អភិវឌ្ឍ​លើ​វិស័យ​ហេដ្ឋារចនាសម្ព័ន្ធ​ ក៏ដូចជា​ការ​ផ្តល់​ភាព​ងាយស្រួល​ដល់​ប្រជាពលរដ្ឋ​ និង​កាត់បន្ថយ​គ្រោះថ្នាក់​ចរាចរណ៍​ផង​ដែរ​នោះ​ ។

លោក​ថា កន្លងមក​នៅ​តំបន់​ដែល​ត្រូវ​សាងសង់​ស្ពាន​ថ្មើរជើង​ ដែល​ស្ថិត​ទីប្រជុំជន​ចំណតរថយន្ត​នៅ​ផ្សារ​កំពង់ស្ពឺ​នេះ​ គឺ​តែង​មាន​ភាព​លំបាក​ក្នុង​ការ​ធ្វើ​ចរាចរណ៍​ ដែល​ងាយ​បង្ក​គ្រោះថ្នាក់​ជា​ញឹកញាប់​។ ដោយឡែក​ក្រោយពេល​មាន​ស្ពាន​អាកាស​ថ្មើរជើង​មួយ​នេះ​ វា​នឹង​ចូលរួម​កាត់បន្ថយ​បញ្ហា​ដែល​តែង​កើតមាន​បាន​មួយ​កម្រិត​។ ស្ពាន​មួយ​នេះ​មាន​កម្ពស់​ ៥,២ម៉ែត្រ​, ទំហំ​ទទឹង​ ៣ ម៉ែត្រ​ និង​មាន​ប្រវែង​ ៣០ម៉ែត្រ​ ដែល​ត្រូវ​ចំណាយពេល​សាងសង់​រយៈពេល​កន្លះ​ឆ្នាំ​ទើប​រួចរាល់​ជាស្ថាពរ​»។

លោក​ក៏បាន​បង្ហើប​ផង​ដែរ​ថា​ សម្រាប់​ថ្ងៃខាងមុខ​នេះ​ រដ្ឋបាល​ខេត្ត​នឹង​មាន​គម្រោង​សាងសង់​ស្ពាន​អាកាស​ថ្មើរជើង​ចំនួន២បន្ថែម​ទៀត​ ដែល​មាន​ទីតាំង​ស្ថិតនៅ​មុខ​វិទ្យាល័យ​កំពង់ស្ពឺ​ ហើយ​ទីតាំង​មួយ​កន្លែង​ទៀត​ស្ថិតនៅ​មុ​ខបណ្តុំ​រោងចក្រ​។

លោក​ជំទាវឧកញ៉ាបណ្ឌិត សៀង​ ចាន់ហេង មិន​ត្រឹម​តែ​ធ្វើ​ស្ពាន​ដែល​ចំណាយ​អស់​ប្រាក់​យ៉ាង​ច្រើន​សន្ធឹកសន្ធាប់​ប៉ុណ្ណោះ​ទេ លោក​ជំទាវ​ឧកញ៉ា បាន​ថែម​ទាំង ធ្វើ​ផ្លូវ​ជូន​​​ថែម​ទៀត​ផង។ ផ្លូវ​ន​បាន​ធ្វើ​រួច​រាន់​ហើយ និង​បាន​ដាក់​ឲ្យ​ប្រើប្រាស់​នៅ​ថ្ងៃ​ក្រុងពាលី​តែ​ម្ដង ដោយ​​​អាជ្ញាធរ​បាន​ដាក់​ឈ្មោះ​ថា” រុក្ខវិថី លោក​ជំទាវឧកញ៉ាបណ្ឌិត សៀង​ ចាន់ហេង”។

លោក​ជំទាវ​ឧកញ៉ា​មហា​ឧបាសិកា​បរិញ្ញា​ជីវិត​បណ្ឌិត​គុណធម៌ សៀង ចាន់ហេង ឧត្ដម​សប្បុរស​ដ៏ប្រពៃ និងជាអគ្គនាយិកាក្រុមហ៊ុន ហេង អភិវឌ្ឍន៍ ត្រូវ​បាន​គេ​ស្គាល់​ថា គឺ​ជា​អ្នក​ជំនួញ​ដី​ធ្លី​​និង​មុខ​ជំនួញ​​ជា​ច្រើន​មុខ​ទៀត ល្បី​ឈ្មោះ​ជួរ​​មុខ​ក្នុង​ប្រទេស​កម្ពុជា។ ទទឹម​និង​ជោគជ័យ​លើ​ជំនួញ លោក​ជំទាវ​ក៏​ត្រូវ​បាន​គេ​ដឹង​ថា គឺ​ជា​អ្នក​ដែល​ធ្វើ​បុណ្យ​ទាន​​យ៉ាង​ខ្លាំង​ខ្លា​ផង​ដែរ។ ប៉ុន្មាន​ឆ្នាំ​ចុង​ក្រោយ​នេះ លោក​ជំទាវ​បាន​ដើរ​ធ្វើ​ព្រះវិហារ សាលា​រៀន និង ​សមមិត្ត​ផល​ជា​ច្រើន​​ទៀត ស្ទើរ​គ្រប់​ខេត្ត​ក្រុង ក្នុង​ព្រះរាជាណាចក្រ​កម្ពុជា៕

The post ស្ពាន​អាកាស​ថ្មើរ​ជើង​ដំបូង​គេនៅ​កំពង់ស្ពឺ ក្រុងពលី បើក​ការដ្ឋាន​សាងសង់​ហើយ ជា​អំណោយ លោក​​ជំទាវ​បណ្ឌិត​ឧកញ៉ា សៀង ចាន់ហេង appeared first on .