សភាពាណិជ្ជកម្មកម្ពុជា បានបញ្ជាក់ថា ពិធីបើកកិច្ចប្រជុំកំពូលធុរកិច្ចនេះ ធ្វើឡើងក្រោមអធិបតីភាពដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ព្រមទាំងមានការអញ្ជើញចូលរួមពីឥស្សរជន ជាន់ខ្ពស់ ឯកអគ្គរដ្ឋទូត តំណាងស្ថាប័នពាក់ព័ន្ធ ក្រុមប្រឹក្សាពិគ្រោះយោបល់ធុរកិច្ចអាស៊ាន ក្រុមហ៊ុនអន្តរជាតិ ធំៗនៅ កម្ពុជានិងអាស៊ាន និងអ្នកជំនាញពីគ្រប់វិស័យ។

សូមជម្រាបជូនថា កិច្ចប្រជុំកំពូលធុរកិច្ចអាស៊ាន-កម្ពុជាឆ្នាំ២០២៥ មានគោលដៅជំរុញសក្តានុពលអាស៊ាន ដែលកម្ពុជា គឺជាចំនុច ស្នូល និងលើកយកប្រធានបទសំខាន់ៗមកជជែកពិភាក្សារួមមាន៖ ការកសាងអនាគតអាស៊ាន៖ ការអភិវឌ្ឍ ហេដ្ឋារចនាសម្ព័ន្ធ និងការតភ្ជាប់តំបន់  ការជំរុញវិបុលភាពតាមរយៈពាណិជ្ជកម្ម និងការវិនិយោគ និង មូលធនមនុស្ស៖ គន្លឹះឆ្ពោះទៅកាន់ការអភិវឌ្ឍពាណិជ្ជកម្ម និងហេដ្ឋារចនាសម្ព័ន្ធ។

ទន្ទឹមនឹងនេះ ក្នុងអំឡុងពេលនៃកិច្ចប្រជុំកំពូលធុរកិច្ច ក៏មានរៀចំជាជំនួបពិភាក្សារវាងធុរជន និងតំណាង ស្ថាប័នរដ្ឋាភិបាល ជំនួបតាមវិស័យ និងជំនួបពាណិជ្ជកម្មរវាងក្រុមហ៊ុននិងក្រុមហ៊ុនផងដែរ។

សូមរម្លឹកថា កិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៤ បានធ្វើឡើងកាលពីខែមេសា ឆ្នាំ២០២៤ ដោយបានកត់ត្រានូវព្រឹត្តិការណ៍ដ៏សំខាន់មួយ ក្នុងកិច្ចសហប្រតិបត្តិការសេដ្ឋកិច្ចក្នុងតំបន់ ដែលនាំមកនូវវឌ្ឍនភាពគួរឱ្យកត់សម្គាល់ ក្នុងការបង្កើតភាពជាដៃគូថ្មី និងគំនិតផ្តួចផ្តើមសេដ្ឋកិច្ចជាយុទ្ធសាស្ត្រ។ កិច្ចប្រជុំ មានការចូលរួមពីឧបនាយករដ្ឋមន្ត្រី រដ្ឋមន្ត្រី មន្ត្រីជាន់ខ្ពស់របស់រាជរដ្ឋាភិបាល និងឯកអគ្គរដ្ឋទូត រួមជាមួយថ្នាក់ដឹកនាំធុរកិច្ចជាង ៥០០រូប មកពីអាស៊ាន និងជុំវិញពិភពលោក រួមទាំងនាយកប្រតិបត្តិនៃសាជីវកម្មអន្តរជាតិធំៗដែលកំពុងប្រតិបត្តិការក្នុងប្រទេសកម្ពុជាផងដែរ៕

The post កម្ពុជា នឹងរៀបចំកិច្ចប្រជុំកំពូលធុរកិច្ចអាស៊ាន-កម្ពុជាឆ្នាំ២០២៥ នៅដើមខែក្រោយ ក្រោមអធិបតីភាព​ សម្តេចធិបតី ហ៊ុន ម៉ាណែត appeared first on .