កិច្ចប្រជុំរដ្ឋមន្ត្រីការបរទេសអាស៊ាន

មន្ត្រីជាន់ខ្ពស់មីយ៉ាន់ម៉ា ចូលរួមកិច្ចប្រជុំអាស៊ានលើកដំបូងនៅប្រទេសឡាវ

ឧកញ៉ាសំពៅ — Mon, 29 Jan 2024 09:30:43 +0000

មន្ត្រីជាន់ខ្ពស់របស់ប្រទេសមីយ៉ាន់ម៉ា បានចូលរួមនៅក្នុងកិច្ចប្រជុំរដ្ឋមន្ត្រីការបរទេសអាស៊ាន ដែលបានធ្វើឡើងកាលពីថ្ងៃទី២៩ ខែមករា ក្នុងប្រទេសឡាវ ខណៈការចូលរួមនេះគឺជាលើកដំបូងក្នុងរយៈពេលជាង ២ឆ្នាំ ដែលមីយ៉ាន់ម៉ាបញ្ជូនតំណាងរបស់ខ្លួនចូលរួមក្នុងការប្រជុំអាស៊ាន។

យោងតាមការចុះផ្សាយពីសារព័ត៌មាន Irrawaddy បានបង្ហាញថា តាំងពីខែកុម្ភៈ ឆ្នាំ២០២១ មីយ៉ាន់ម៉ា តែងតែបដិសេធមិនចូលរួមកិច្ចប្រជុំអាស៊ាន មិនថាជាកិច្ចប្រជុំកំពូល ឬកិច្ចប្រជុំថ្នាក់រដ្ឋមន្ត្រីឡើយ ប៉ុន្តែទើបតែលើកនេះ ពួកគេបានបញ្ជូនអ្នកស្រី Marlar Than Htike សម្រាប់កិច្ចប្រជុំរដ្ឋមន្ត្រីការបរទេសអាស៊ាន ធ្វើឡើងនៅទីក្រុងហ្លួងព្រះបាង នៃប្រទេសឡាវប៉ុណ្ណោះ។

បើទោះជាមីយ៉ាន់ម៉ាបានបញ្ជូនតំណាងរបស់ខ្លួន សម្រាប់កិច្ចប្រជុំអាស៊ានសារនេះក្ដី ប៉ុន្តែលោកស្រី Marlar បានច្រានចោល និងមិនឆ្លើយតបរាល់សំណួររបស់ក្រុមអ្នកសារព័ត៌មាន ទាក់ទងនឹងបច្ចុប្បន្នភាពនៅក្នុងប្រទេសមីយ៉ាន់ម៉ាសោះឡើយ។

គួសបញ្ជាក់ដែរថា កិច្ចប្រជុំមួយនេះកើតមានឡើង ត្រឹមរយៈពេល ៣ថ្ងៃប៉ុណ្ណោះ មុនគម្រប់ខួប ៣ឆ្នាំ នៃការធ្វើរដ្ឋប្រហាររបស់កងយោធាមីយ៉ាន់ម៉ា ស្របពេលបច្ចុប្បន្នរដ្ឋាភិបាលមីយ៉ាន់ម៉ា កំពុងប្រឈមនឹងបញ្ហាដ៏ធំ ពីការវាយលុករបស់ក្រុមឧទ្ទាម។

សូមជម្រាបដែរថា កន្លងមកសមាគមន៍ប្រជាជាតិអាស៊ីអាគ្នេយ៍ តែងព្យាយាមរកដំណោះស្រាយសមស្របមួយ សម្រាប់បញ្ហាសង្គ្រាមស៊ីវិលនៅប្រទេសមីយ៉ាន់ម៉ា ដោយទាមទារការសហការពីប្រទេសមួយនេះ ប៉ុន្តែមិនបានលទ្ធផលជាដុំកំភួនឡើយ៕

The post មន្ត្រីជាន់ខ្ពស់មីយ៉ាន់ម៉ា ចូលរួមកិច្ចប្រជុំអាស៊ានលើកដំបូងនៅប្រទេសឡាវ appeared first on .

ប្រមុខការទូតចិន និងអាមេរិក នឹងជួបមុខគ្នានៅកិច្ចប្រជុំរដ្ឋមន្ត្រីការបរទេសអាស៊ាន

ឧកញ៉ាសំពៅ — Thu, 13 Jul 2023 05:25:00 +0000

រដ្ឋមន្ត្រីការបរទេសអាមេរិក លោក Anthony Blinken នឹងជួបជាមួយប្រមុខការទូតចិន លោក Wang Yi នាថ្ងៃទី ១៣ ខែកក្កដានេះ ដោយយកវេទិកាកិច្ចប្រជុំរដ្ឋមន្ត្រីការបរទេសអាស៊ាន ជាកន្លែងជួបជជែកគ្នា។

យោងតាមការចុះផ្សាយពីសារព័ត៌មាន CNA បានឲ្យដឹងថា លោក Wang ចូលរួមកិច្ចប្រជុំនៅទីក្រុងហ្សាកាតា ក្នុងនាមជាអ្នកតំណាងឲ្យចិន និងជំនួសឲ្យរដ្ឋមន្ត្រីការបរទេសចិន លោក Qin Gang ដែលខកខានកិច្ចប្រជុំមួយនេះ ដោយសារបញ្ហាសុខភាព។

ដោយឡែក អ្នកជំនាញបានវិភាគថា ការជួបគ្នារវាងប្រមុខការទូតមហាអំណាចសេដ្ឋកិច្ចទាំង ២នេះ គឺអាចនិយាយថា ជាការត្រួសត្រាយផ្លូវ សម្រាប់ការជួបគ្នារវាងប្រធានាធិបតីអាមេរិក លោក ចូ បៃដិន និងមេដឹកនាំកំពូលចិន លោក ស៊ី ជិនពីង នាពេលក្រោយ ខណៈស្ថានការណ៍នៅតែតានតឹងដដែល។

សូមជម្រាបដែរថា មួយរយៈកាលចុងក្រោយនេះ ភាគីអាមេរិកហាក់ព្យាយាមរឹតចំណងមិត្តភាពរវាងមហាអំណាចលោកខាងលិច និងមហាអំណាចចិនឡើងវិញ ពោលទាំងប្រមុខការទូតអាមេរិក Antony Blinken និងរដ្ឋមន្ត្រីក្រសួងរតនាគារអាមេរិក អ្នកស្រី Janet Yellen សុទ្ធតែបានបំពេញទស្សនកិច្ចទៅកាន់មហាអំណាចអាស៊ី ជាមួយគោលបំណងតែមួយគត់ គឺកសាងទំនាក់ទំនងល្អជាមួយចិនឡើងវិញ៕

The post ប្រមុខការទូតចិន និងអាមេរិក នឹងជួបមុខគ្នានៅកិច្ចប្រជុំរដ្ឋមន្ត្រីការបរទេសអាស៊ាន appeared first on .

ប្រមុខការទូតចិន Wang Yi នឹងចូលរួមកិច្ចប្រជុំរដ្ឋមន្ត្រីការបរទេសអាស៊ាន ជំនួសលោក Qin Gang

ឧកញ៉ាសំពៅ — Tue, 11 Jul 2023 08:28:00 +0000

រដ្ឋមន្ត្រីការបរទេសចិន លោក Qin Gang នឹងមិនចូលរួមកិច្ចប្រជុំរដ្ឋមន្ត្រីការបរទេសអាស៊ាន ដែលគ្រោងនឹងធ្វើឡើងនៅប្រទេសឥណ្ឌូណេស៊ី នាសប្ដាហ៍នេះឡើយ បន្ទាប់ពីរបាយការណ៍ថា រដ្ឋមន្ត្រីការបរទេសម្នាក់នេះ បានបាត់មុខពីសាធារណៈអស់រយៈពេលច្រើនជាង ២សប្ដាហ៍មកហើយ។

យោងតាមការចុះផ្សាយពីសារព័ត៌មាន CNA បានបង្ហាញថា ជំនួសឲ្យអវត្តមានរបស់លោក Qin Gang ប្រមុខការទូតចិន Wang Yi នឹងចូលរួមកិច្ចប្រជុំ ដែលនឹងធ្វើឡើងនៅទីក្រុងហ្សាកាតា ក្នុងនាមជាអ្នកតំណាងឲ្យប្រទេសចិន។

ប្រភពដដែលបន្ថែមថា កិច្ចប្រជុំកំពូលរដ្ឋមន្ត្រីការបរទេសអាស៊ាន និងចិន គ្រោងធ្វើឡើងនៅថ្ងៃព្រហស្បតិ៍ ទី ១៣ ខែកក្កដាខាងមុខ មុនពេលបើកកិច្ចប្រជុំកំពូលអាស៊ីបូព៌ានៅថ្ងៃសុក្រ និងវេទិកាតំបន់អាស៊ាន។

គួររំលឹកដែរថា លោក Qin ដែលមានវ័យ ៥៧ឆ្នាំ បានក្លាយជាអ្នកស្នងតំណែងជារដ្ឋមន្ត្រីការបរទេសពីលោក Wang កាលពីខែធ្នូឆ្នាំទៅ ហើយលោកបានបង្ហាញខ្លួនជាសាធារណៈចុងក្រោយបំផុតគឺ កាលពីថ្ងៃទី ២៥ ខែមិថុនា បន្ទាប់ពីជួបប្រជុំជាមួយស្រីលង្កា រុស្ស៊ី និងវៀតណាម៕

The post ប្រមុខការទូតចិន Wang Yi នឹងចូលរួមកិច្ចប្រជុំរដ្ឋមន្ត្រីការបរទេសអាស៊ាន ជំនួសលោក Qin Gang appeared first on .

កិច្ចប្រជុំរវាងរដ្ឋមន្ត្រីការបរទេសចិន និងជប៉ុននៅទីក្រុងភ្នំពេញត្រូវបានលុបចោលភ្លាមៗ

ឧកញ៉ាសំពៅ — Thu, 04 Aug 2022 09:59:57 +0000

ការប្រជុំរវាងប្រមុខការទូតជប៉ុន Yoshimasa Hayashi និងរដ្ឋមន្ត្រីការបរទេសចិន Wang Yi នៅទីក្រុងភ្នំពេញ ដែលគេរំពឹងថានឹងពិភាក្សាពីទំនាស់ព្រំប្រទល់ដែនទឹក គឺត្រូវបានលុបចោលភ្លាមៗ ដោយសារសេចក្ដីថ្លែងការណ៍របស់ G7 ទាក់ទងនឹងបញ្ហាកោះតៃវ៉ាន់។

យោងតាមការចុះផ្សាយពី Reuters បានឲ្យដឹងថា ភាគីចិនយល់ថាសេចក្ដីថ្លែងការណ៍របស់ G7 គឺប្រៀបដូចជាទម្លាក់កំហុសមកលើរដ្ឋាភិបាលចិន ថាបានធ្វើការគម្រាមកំហែងដល់កោះតៃវ៉ាន់ ក្រោយដំណើរទស្សនកិច្ចរបស់លោកស្រី Nancy Pelosi ។

ដោយឡែក អ្នកនាំពាក្យក្រសួងការបរទេសចិណ Hua Chunying បានប្រាប់សារព័ត៌មានថា សេចក្ដីថ្លែងការណ៍របស់ G7 គឺចេញដោយគ្មានទំនួលខុសត្រូវទាល់តែសោះ ដោយសមាជិក G7 រួមទាំងជប៉ុន បានទាមទារឲ្យចិនដោះស្រាយបញ្ហានៅកោះតៃវ៉ាន់ដោយសន្តិវិធី៕

The post កិច្ចប្រជុំរវាងរដ្ឋមន្ត្រីការបរទេសចិន និងជប៉ុននៅទីក្រុងភ្នំពេញត្រូវបានលុបចោលភ្លាមៗ appeared first on .

ព័ត៌មានជុំវិញកិច្ចប្រជុំរដ្ឋមន្ត្រីការបរទេសអាស៊ាន លើកទី៥៥ ដែលនឹងបើកជាផ្លូវការនៅថ្ងៃស្អែក

ឧកញ៉ា ឆ្នាំងដី — Tue, 02 Aug 2022 09:34:01 +0000

កិច្ចប្រជុំរដ្ឋមន្រ្តីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធក្នុងក្របខ័ណ្ឌអាស៊ាន នឹងបើកជាផ្លូវការនាថ្ងៃទី០៣ ខែសីហា ឆ្នាំ២០២២ នៅសណ្ឋាគារសុខាភ្នំពេញ ដោយកម្ពុជា ជាម្ចាស់ផ្ទះរៀបចំកិច្ចប្រជុំ ក្នុងនាមជាប្រធានអាស៊ាន ។

មុនពិធីបើកជាផ្លូវការនៅស្អែក សារព័ត៌មានឧកញ៉ាញ៉ូ សូមលើកយកព្រឹត្តិការណ៍ព័ត៌មានមួយចំនួនជុំវិញកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ នៅកម្ពុជា មកបង្ហាញជូន៖

1/ ស្វាមីលោកជំទាវ ហ៊ុន ម៉ាណា ដឹកនាំកងកម្លាំងការពារសុវត្ថិភាពគណៈប្រតិភូមកចូលរួមកិច្ចប្រជុំ (ចុចអាន)

2/ ចិន និងជប៉ុន យកកម្ពុជាជាកន្លែងជជែកតទល់ពីទំនាស់ដែនទឹក (ចុចអាន)

3/ តើប្រទេសណាខ្លះជាភ្ញៀវរបស់ប្រធានអាស៊ាន សម្រាប់កិច្ចប្រជុំរដ្ឋមន្ត្រីការបរទេសអាស៊ានលើកទី ៥៥? (ចុចអាន)

4/សម្តេច ហ៊ុន សែន នឹងអញ្ចើញបើកជាផ្លូវការកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ នៅថ្ងៃស្អែក (ចុចអាន)

5/ ប្រមុខការទូតជប៉ុនតំបូងធ្លាប់ចូលប្រជុំ NATO នឹងមកចូលរួមកិច្ចប្រជុំនៅទីក្រុងភ្នំពេញ (ចុចអាន)

6/ មន្ត្រីតំណាងអូស្ត្រាលីចូលរួមប្រជុំនៅកម្ពុជា សាងស្នាដៃអស្ចារ្យជាច្រើននៅលើឆាកនយោបាយ (ចុចអាន)

7/ មកដឹងពីប្រវត្តិការងារ រដ្ឋមន្ត្រីការបរទេសអាមេរិក ដែលនឹងលេចវត្តមានលើទឹកដីកម្ពុជា (ចុចអាន)

8/ អ្នកតំណាងឥណ្ឌាចូលរួមប្រជុំនៅទីក្រុងភ្នំពេញ បង្កើតស្នាដៃរាប់មិនអស់សម្រាប់អាជីពជិត ៤០ឆ្នាំ (ចុចអាន)

9/ អ្នកតំណាងរុស្ស៊ី ដែលនឹងចូលរួមប្រជុំនៅកម្ពុជា ជានរណា? (ចុចអាន)