យោងតាមការចុះផ្សាយពីសារព័ត៌មាន CNA បានបង្ហាញថា អតីតបេក្ខភាពប្រធានាធិបតីរូបនេះ ត្រូវបានបញ្ជូនទៅកាន់មន្ទីរពេទ្យ នៅទីក្រុងសេអ៊ូលនាព្រឹកថ្ងៃចន្ទ បន្ទាប់ពីលោកមានអាការៈ​បាត់បង់ជាតិទឹក និងវិលមុខខ្លាំង។

គួររំលឹកដែរថា មេដឹកនាំគណបក្សប្រជាធិបតេយ្យកូរ៉េ បានចាប់ផ្ដើមធ្វើកូដកម្ម កាលពីថ្ងៃទី៣១ ខែសីហា ដោយរិះគន់រដ្ឋាភិបាលលើការអសមត្ថភាពគ្រប់គ្រងសេដ្ឋកិច្ច ការគម្រាមកំហែងលើសិទ្ធសេរីភាពនៃប្រព័ន្ធផ្សព្វផ្សាយ និងភាពបរាជ័យក្នុងការប្រឆាំងគោលការណ៍បញ្ចេញទឹកវិទ្យុសកម្ម ពីរោងចក្រនុយក្លេអ៊ែរ Fukushima ចូលក្នុងមហាសមុទ្រ។

ជាមួយគ្នានោះ បើទោះជា​លោក Lee កំពុងសម្រាកព្យាបាលនៅមន្ទីរពេទ្យក្ដី ប៉ុន្តែអាជ្ញាធរបាន​ដាក់ចេញនូវដីកាចាប់ខ្លួនរូបលោក ពាក់ព័ន្ធនឹងករណីពុករលួយ និងស៊ីសំណូក​មួយចំនួន ខណៈមេដឹកនាំបក្សប្រឆាំងវ័យ ៥៨ឆ្នាំ ច្រានចោលការចោទប្រកាន់ទាំងនោះ ដោយអះអាងថា ជាល្បិចនយោបាយ ធ្វើស៊ីលោកតែប៉ុណ្ណោះ៕

The post មេដឹកនាំបក្សប្រឆាំងកូរ៉េខាងត្បូង ត្រូវបញ្ជូនទៅមន្ទីរពេទ្យភ្លាមៗ ក្រោយធ្វើកូដកម្មបង្អត់អាហារ appeared first on .

យោងតាម​ការចុះផ្សាយពី CNA បាន​ឲ្យដឹងថា កូដកម្ម​ដែល​មាន​ការ​ចូលរួម​ពី​អ្នកបើករថយន្តដឹកទំនិញ​ច្រើនជាង ២០០ ០០០ នាក់ បាន​ប្រព្រឹត្ត​ទៅ​រយៈពេល ៨ ថ្ងៃជាប់គ្នា ខណៈ​រដ្ឋាភិបាល​កំពុង​ព្យាយាម​សម្រួល​លើ​បញ្ហា​មួយនេះ។

ក្នុងចំណោម​ទំនិញ​ដែល​មាន​ការ​ខាតបង់​យ៉ាងធំធេង​នេះ គឺ​មាន​ដូចជា ស៊ីម៉ងត៍ ដែកថែប យានយន្ត និង​ការ​ចម្រាញ់​ប្រេង ខណៈ​ការ​ខាតបង់​ជាង ១ ពាន់​លាន​ដុល្លារ​នេះ មាន​រយៈពេល​ត្រឹម​តែ ៧ ថ្ងៃប៉ុណ្ណោះ។

សូមជម្រាបដែរថា មូលហេតុ​ដែល​បង្ក​ឲ្យកើតមាន​កូដកម្ម​នេះ​ អាចបណ្ដាល​មក​ពី​ការ​ប្រកាស​របស់​រដ្ឋាភិបាល មិន​តំឡើង​ប្រាក់ខែអប្បបរិមា​ជូន​អ្នកបើក​រថយន្តដឹកទំនិញ ក្នុង​រយៈពេល ៣ ឆ្នាំ​ខាងមុខឡើយ។

បន្ថែមពីនោះ រដ្ឋាភិបាលអាច​នឹង​ប្រើ​ធម៌ក្ដៅ សម្រាប់​បុគ្គល​ដែល​មិនព្រម​ធ្វើតាម​ការ​បញ្ជា​ឲ្យ​ត្រឡប់ទៅធ្វើការ​វិញ ដូចជាត្រូវ​បង់​ប្រាក់ពិន័យ ឬ​អាច​ជាប់ពន្ធនាគារ និងឈាន​ដល់​ការ​ដកហូត​ប័ណ្ណបើកបរ​ថែមទៀត៕

The post កូរ៉េខាងត្បូង ខាតលុយជាង ១ ពាន់លានដុល្លារ ដោយសារការធ្វើកូដកម្មពីអ្នកបើករថយន្តដឹកទំនិញ appeared first on .

តាមរយៈការប្រកាសព័ត៌មានរបស់ក្រសួងការងារបណ្តុះបណ្តាល និងវិជ្ជាជីវៈ នៅថ្ងៃព្រហស្បតិ៍ម្សិលមិញ បានឲ្យដឹងថា គិតត្រឹមថ្ងៃទី​២៣ធ្នូ ក្នុងចំណោមបុគ្គលិកទាំង ​៣៦៥នាក់ គឺមាន ៨៥នាក់​ យល់​ព្រម​ទទួលការទូទាត់ប្រាក់បំណាច់បញ្ចប់កិច្ចសន្យាការងារ​​ ក៏ប៉ុន្តែ​ថៅកែ​​ត្រូវតែទទួលយកបុគ្គលិកដែលនៅ​សេសសល់ប្រមាណជិត​ ៣០០នាក់ មកចូលបម្រើការងារវិញសិន​​ ទើប​ពួកគេយល់ព្រម​។ ប៉ុន្តែ ជាការឆ្លើយតបដំណាងក្រុមហ៊ុន ណាហ្គាវើលដ៍ មិនឯកភាពទទួលយកកម្មករនិយោជិតដែលកំពុងតវ៉ាផ្សេងទៀតឲ្យចូលធ្វើការវិញនោះទេ។

ដោយឡែក រដ្ឋបាលរាជធានីភ្នំពេញ ពេលថ្មីៗនេះ ក៏បានប្រកាសព័ត៌មានដាច់ដោយឡែកចំនួនពីរទំព័រដែលបញ្ជាក់ថា សាលារាជធានីភ្នំពេញ ខិតខំហៅភាគីពាក់ព័ន្ធមកប្រជុំរកដំណោះស្រាយវិវាទការងារ ហើយទទួលបានលទ្ធផលមួយចំនួនយ៉ាងណាក៏ដោយ ក៏កម្មករ និយោជិតក្រុមហ៊ុន ណាហ្គាវើលដ៍ ពុំបានរំសាយការប្រមូលផ្តុំគ្នាធ្វើការសម្ដែងមតិដោយខុសច្បាប់តាមការស្នើសុំរបស់រដ្ឋបាលរាជធានីភ្នំពេញឡើយ ហើយបង្កឱ្យប៉ះពាល់ដល់សន្តិសុខ សណ្តាប់ធ្នាប់ និងរបៀបរៀបរយសាធារណៈ។

ជាមួយគ្នានេះ រដ្ឋបាលរាជធានីភ្នំពេញ សូមអំពាវនាវដល់កម្មករ និយោជិតដែលមានវិវាទការងារ ឱ្យបន្តភាពអត់ធ្មត់ ដោយបញ្ឈប់ការសម្ដែងមតិដោយខុសច្បាប់ ដើម្បីទុកពេលឱ្យក្រសួង​ ស្ថាប័នមានសមត្ថកិច្ចបន្តធ្វើការសម្របសម្រួលដោះស្រាយវិវាទការងារនេះជូនភាគីទាំងពីរដោយឈរលើស្មារតីយោគយល់ អធ្យាស្រ័យគ្នា និងស្របតាមច្បាប់ជាធរមាន។

សម្រាប់លោក ហេង សួរ រដ្ឋលេខាធិការ និងជាអ្នកពាក្យក្រសួងការងារ បានគូសបញ្ជាក់ថា ជាទូទៅការដោះស្រាយវិវាទ ដែលពាក់ព័ន្ធនឹងតួលេខ ហើយអាចគណនាបានដោយវិទ្យាសាស្ត្រពិត ឬដោយប្រមាណវិធី បូក ដក គុណ ចែក នោះគឺមិនលំបាកក្នុងការដោះស្រាយនោះទេ។ ប៉ុន្តែវិវាទ ដែលកើតឡើងដោយយកហេតុផលសិទ្ធិផ្តាច់មុខ ឬទាមទារប្រយោជន៍អ្វីមួយ ដែលមិនមានចែងក្នុងច្បាប់ ឬទាមទារលើសច្បាប់ នោះគឺមិនងាយនឹងមានលទ្ធផលនោះឡើយ។

លោកថា ករណីវិវាទនៅក្រុមហ៊ុនណាហ្គាវើលដ៍នេះ មន្ត្រីផ្សះផ្សាវិវាទការងារ បានខិតខំដោះស្រាយ និងផ្សះផ្សាជាច្រើនលើក តាំងពីនៅកម្រិតក្រុមហ៊ុន ឡើងមកដល់កម្រិតក្រសួង ហើយចុងក្រោយដល់កម្រិតក្រុមប្រឹក្សាអាជ្ញាកណ្តាល។ បច្ចុប្បន្នភាគីសហជីពបានបដិសេធសេចក្តីបង្គាប់របស់ក្រុមប្រឹក្សាអាជ្ញារកណ្តាល ប៉ុន្តែបែរជាតម្រូវឲ្យនិយោជកអនុវត្តសេចក្តីបង្គាប់របស់ក្រុមប្រឹក្សាអាជ្ញាកណ្តាល ទៅវិញ។ ការណ៍នេះ ពុំបានបង្ហាញអំពីសុច្ឆន្ទៈបដិការក្នុងការទទួលយកដំណោះស្រាយនោះឡើយ។

អ្នកនាំពាក្យក្រសួងការងាររូបនេះបានសង្កត់ធ្ងន់ថា នៅក្នុងលោកនេះមិនមានច្បាប់ ឬអនុសញ្ញាណាមួយ ដែលចែងថា ធ្វើការនៅកន្លែងណាមួយ គឺត្រូវធ្វើមួយជីវិតនោះទេ ឬហាមក្រុមហ៊ុន សហគ្រាសមិនឲ្យកាត់បន្ថយបុគ្គលិកនោះទេ។ សិទ្ធិទទួលបានការងារក៏ត្រូវអនុវត្តស្របជាមួយនឹងស្ថានភាពអាជីវកម្មរបស់ក្រុមហ៊ុន។ ក្នុងករណីមានវិបត្តិសេដ្ឋកិច្ច ឬការថយចុះនៃតម្រូវការ ឬការរៀបចំរចនាសម្ព័ន្ធក្រុមហ៊ុន ឬសង្វាក់ផលិតកម្មឡើងវិញ ឬករណីប្រធានស័ក្ត គឺក្រុមហ៊ុន សហគ្រាសអាចកាត់បន្ថយបុគ្គលិកបាន គ្រាន់តែការកាត់បន្ថយគឺត្រូវធ្វើឡើងឲ្យស្របតាមនីតិវិធី ដូចជាត្រូវជូនដំណឹងមុន ត្រូវទូទាត់សំណង និងអត្ថប្រយោជន៍ឲ្យបានត្រឹមត្រូវតាមច្បាប់។

កញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុន ណាហ្គាវើលដ៍ លើកឡើងក្នុងសន្និសីទ​សារព័ត៌មាន ​នៅថ្ងៃទី​២៤ធ្នូនេះ ជំហររបស់​​តំណាង​កម្មករនយោជិត​​ក្នុងការស្វែងរកដំណោះស្រាយ និងជំហរ​កូដករក្នុងការ​បន្ត​ធ្វើកូដកម្ម នឹងមិនផ្លាស់​ប្តូរនោះទេ​ ដរាបណា មានការដោះស្រាយ​អាចទទួលយកបាន។  កញ្ញាបានធ្វើការច្រានចោលទាំងស្រុង​អំពី​ការ​លើកឡើងរបស់មន្ត្រី​រដ្ឋាភិបាលមួយរូប​​​ថា ​កូដកម្មនេះជាការរៀបចំ​ចលនាបដិវត្តពណ៍។  អ្នកតំណាង​រូបនេះ ក៏​បាន​សម្តែងក្តីបារម្ភ​អំពីការគំរាមកំហែង​ដល់សកម្មជន​និងសមាជិកសហជីពអំឡុង​ពេលធ្វើកូដកម្មនេះដែរ។

គួររម្លឹកថា រយៈពេល​ ៣ថ្ងៃ ក្នុងដំណើរការចរ​ចារដោះស្រាយ​វិវាទការងារ ចាប់ពីថ្ងៃទី​២១ធ្នូ​មក គឺនៅបន្ត​ជាប់គាំងនៅឡើយ​ បើទោះជា មានការចរចារនៅសាលារាជធានីភ្នំពេញចំនួន​ ១លើក ក៏ដូចជាកិច្ចប្រជុំ​រៀបចំសម្របសម្រួល​ដោយ​គណៈកម្មាធិការ​ដោះស្រាយកូដកម្ម និងបាតុកម្ម​គ្រប់មុខសញ្ញាចំនួន ​២លើកមកហើយដែរ៕

The post ក្រសួងការងារអះអាងថា ណាហ្គាវើលដ៍ មិនឯកភាពទទួលយកកម្មករនិយោជិតកំពុងតវ៉ាផ្សេងទៀតឲ្យចូលធ្វើការវិញនោះទេ appeared first on .