កូរ៉ូណាវីរុស

សម្តេច ហ៊ុន សែន ព្រមានអ្នកជំពាក់លុយធនាគារដែលបំផុសចលនាកុំឱ្យសងលុយ

កូនចៅឧកញ៉ា — Thu, 25 Jun 2020 05:39:18 +0000

សម្តេចនាយករដ្ឋមន្រ្តី ហ៊ុន សែន បានបញ្ជាក់ថា សម្តេចលើកទឹកចិត្តឱ្យធនាគាររឹបអូសទ្រព្យសម្បត្តិអ្នកជំពាក់លុយដែលបំផុសចលនាកុំឱ្យសងលុយទៅធនាគារ។ ការថ្លែងនេះ ធ្វើឡើងក្នុងពិធីប្រកាសអនុវត្តកម្មវិធីផ្តល់សាច់ប្រាក់ជូនប្រជាពលរដ្ឋមានជីវភាពក្រីក្រ និងងាយរងគ្រោះដោយសារជំងឺកូវីដ១៩ នាព្រឹកថ្ងៃទី២៤ ខែមិថុនា ឆ្នាំ២០២០។

សម្តេចតេជោ បានលើកឡើងយ៉ាងដូច្នេះថា៖ «ឥឡូវនេះ អ្នកដែលបំផុសឱ្យដកលុយពីធនាគារ ចាំតែគេដកតើ។ ធនាគារខ្លះ សល់លុយមិនដំណើរការ។ អ្នកដែលចង់ឱ្យធនាគារនៅស្រុកខ្មែរដួលរលំ តាមរយៈកុំសងធនាគារ និងដកលុយពីធនាគារ ប្រហែលជាខកចិត្តមិនតិចទេ។ ខ្ញុំលើកទឹកចិត្តឱ្យធ្វើការរឹបអូស ប្រសិនបើអ្នកឯងជឿទៅលើអ្នកដែលឃោសនាកុំឱ្យសងលុយធនាគារ។ ខ្ញុំគ្រាន់តែអំពាវនាវសុំឱ្យធនាគារធ្វើការយោគយល់ នៅក្នុងដំណាក់កាលនៃការលំបាក ប៉ុន្តែការសងនៅតែសង។ ខ្ញុំនឹងគាំទ្រឱ្យធនាគារប្តឹងទៅតុលាការដើម្បីរឹបអូស បើសិនជាជននោះគាំទ្រនូវនយោបាយរបស់អាអ្នកអំពាវនាវនេះ។ គ្រួសារណាដែលញុះញង់ធ្វើអាហ្នឹង ហើយជំពាក់ធនាគារ យើងគាំទ្រឱ្យមានការរឹបអូសតែម្តង»៕

ប្រភព៖ ខ្លីៗ

The post សម្តេច ហ៊ុន សែន ព្រមានអ្នកជំពាក់លុយធនាគារដែលបំផុសចលនាកុំឱ្យសងលុយ appeared first on .

ព្រះមហាក្សត្រ និងសម្តេចម៉ែ ប្រោសព្រះរាជទាន២លានដុល្លារដើម្បីទប់ស្កាត់ COVID-19

កូនចៅឧកញ៉ា — Thu, 25 Jun 2020 05:32:33 +0000

ព្រះករុណា ព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះអង្គទាំងទ្វេសព្វព្រះរាជហឫទ័យប្រោសព្រះរាជទាននូវព្រះរាជទ្រព្យផ្ទាល់ដ៏ឧត្តុង្គឧត្តមវិសេសវិសាលចំនួន ២ លានដុល្លារអាមេរិកជូនរដ្ឋាភិបាលកម្ពុជាសម្រាប់ជាវិភាគទានចូលរួមបង្ការ និងទប់ស្កាត់ការរាលដាល COVID-19។ នេះបើយោងតាមព្រះរាជសារចុះថ្ងៃទី១៦ ខែមិថុនា របស់ព្រះមហាក្សត្រទៅកាន់សម្តេចនាយករដ្ឋមន្ត្រី ហ៊ុន សែន ក៏ដូចជាការចុះផ្សាយនៅលើបណ្តាញសង្គម Royal du Cambodge។

ព្រះរាជទ្រព្យ២លានដុល្លារអាមេរិក មាន១លានដុល្លារជាព្រះរាជវិភាគទានរបស់សម្តេចព្រះវររាជមាតា និង១លានដុល្លារទៀតជាព្រះរាជវិភាគទានរបស់ព្រះករុណា ព្រះមហាក្សត្រ។ «ខ្ញុំសូមចូលរួមជាមួយរាជរដ្ឋាភិបាលនៃព្រះរាជាណាចក្រកម្ពុជានូវព្រះរាជទ្រព្យចំនួន១លានដុល្លារអាមេរិកសម្រាប់ជាវិភាគទានលើកទី២ ចូលរួមបង្ការ និងទប់ស្កាត់ការរាលដាលនៃជំងឺ COVID-19»។ នេះជាព្រះរាជចំណាររបស់ព្រះមហាក្សត្រជូនទៅកាន់សម្តេច ហ៊ុន សែន។

កាលពីថ្ងៃទី១៩ ខែមីនា ឆ្នាំ២០២០ ព្រះមហាក្សត្រកម្ពុជា បានប្រោសប្រទានព្រះរាជទ្រព្យ១សែនដុល្លារ ហើយសម្តេច ព្រះវររាជមាតាជាតិខ្មែរ ប្រោសប្រទាន២សែនដុល្លារ ដល់រដ្ឋាភិបាល ដើម្បីទុកចំណាយលើការទប់ស្កាត់និងការប្រឆាំងជំងឺរាលដាលសាកល COVID-19 នេះ។

បច្ចុប្បន្ន កម្ពុជា នៅសល់អ្នកជំងឺពីរនាក់ដែលស្ថិតក្រោមការព្យាបាល ខណៈ១២៨នាក់ក្នុងចំណោម១៣០ករណី បានជាសះស្បើយ៕

The post ព្រះមហាក្សត្រ និងសម្តេចម៉ែ ប្រោសព្រះរាជទាន២លានដុល្លារដើម្បីទប់ស្កាត់ COVID-19 appeared first on .

មាស សុខសោភា នឹងស្វាមី ពាក់ម៉ាស ចារ សុទ្ធតែយ័ន្តការពារកូវីដ-១៩

កូនចៅឧកញ៉ា — Tue, 28 Apr 2020 02:42:36 +0000

តារាចម្រៀងល្បីឈ្មោះក្នុងផលិតកម្មថោន អ្នកនាង មាស សុខសោភា នឹង ស្វាមី បានបង្ហាញរូបភាពស្និទ្ធស្នាលគ្នាជាច្រើនលើគណនីយFacebook ផ្ទាល់ខ្លួនរបស់នាងកាលពីពេលថ្មីៗនេះ ដោយពួកគេបានពាក់ម៉ាស ចារ សុទ្ធតែយ័ន្ត ដើម្បីការពារកូវីដ-១៩ ដែលកំពុងតែយាយីមនុស្ស ពេញពិភពលោក ធ្វើឲ្យភ័យក្លាយគ្រប់គ្នានេះ។

រូបភាពកៀកកើយជាមួយស្វាមី របស់តារាចម្រៀងស្រីល្បីឈ្មោះខាងលើ គឺនាងបានថតនៅប្រទេសថៃ គ្រាដែលនាងនាំស្វាមីរបស់ខ្លួនទៅ ពិនិត្យនឹងព្យាបាលជំងឺនៅទីនោះ។ តារាស្រីរូបនេះ មិនប្រាប់ថា លោកអ៊ឹត រ៉ាដា ដែលជា ស្វាមីនោះ មានជំងឺអ្វីឡើយ ប៉ុន្តែអ្វីដែលធ្វើឲ្យអ្នកគាំទ្រនាង ចាប់អារម្មណ៍នោះ ការពាក់ម៉ាស់ របស់ពួកគេដែលមានចារយ័ន ហាក់បង្កប់នៅ អប្បិយជំនឿមួយ ស្របពេល ដែលបច្ចុប្បន្ន វីរុស រកូវីដ-១៩ កំពុងតែយាយីមនុស្ស ពេញពិភពលោក ធ្វើឲ្យភ័យក្លាយគ្រប់គ្នានេះ។ ក្រុមអ្នកគាំទ្ររបស់នាងលាន់ មាត់ថា ចារយ័នប៉ុណ្ណឹងហើយ តើឲ្យកូវីដ-១៩ ឯណាមកហ៊ានចូលជិតទៅ?

មាស សុខសោភា បានសរសេរលើគណនីFacebook មានខ្លឹមសារបែបនេះថា”ជូនអ្នកជំងឺមកស្រូបខ្យល់អាកាស សូមឲ្យបងមានសុខភាពប្រសើរឡើង”។ ជាមួយនេះដែរ មាស សុខសោភា បានបញ្ចេញសារបង្ហាញអារម្មណ៍យកព្រះធម៌មកដាក់នៅក្នុងខ្លួន ដើម្បីការពារជំងឺកូវីដ-១៩ ក្នុងនោះនាងបានថ្លែងសារថា សម័យកូវីដ គ្មានអ្វីក្រៅពីយកព្រះពុទ្ធ ព្រះធម៌ ព្រះសង្ឃ មកបិទបាំងជាប់ខ្លួនយើងទេ។ នាងបន្ថែមថា ជីវិតមនុស្សយើងមានតែ៣ថ្ងៃប៉ុណ្ណោះ គឺម្សិលមិញ ,ថ្ងៃនេះ នឹងថ្ងៃស្អែក។

ជាមួយខ្លឹមសារនេះដែរ សោភា ក៏បានដាស់តឿនឲ្យបងប្អូនទាំងឡាយ កុំធ្វេសប្រហែសឲ្យសោះ ពីការពារជំងឺកូវីដ-១៩នេះ តាមរយៈការពាក់ម៉ាសក៍ ក៏ដូចជាលាងដៃជាមួយសាប៊ូ ឬអាល់កុល ជាប្រចាំផងដែរ។ ចំណែកអ្នកគាំទ្រមាស សុខសោភា ក៏បានជូនពរឲ្យស្វាមីរបស់នាងសូមឲ្យឆាប់បានជាសះស្បើយពីជំងឺឡើងវិញផងដែរ៕

The post មាស សុខសោភា នឹងស្វាមី ពាក់ម៉ាស ចារ សុទ្ធតែយ័ន្តការពារកូវីដ-១៩ appeared first on .

ផ្ទះ ពាក់មី នៅស្វាយរៀង ធ្លាប់តែសប្បាយរាល់ឆ្នាំ តែឆ្នាំនេះស្ងាត់ហើយ

កូនចៅឧកញ៉ា — Fri, 10 Apr 2020 03:08:43 +0000

តារាកំប្លែងប្រចាំស្ថានីយទូរទស្សន៍ស៊ី ធី អិន លោក ចែម ចាន់រ៉ា ហៅនាយ ពាក់មី ប្រកាសថា ផ្ទះតារឹមដែលធ្លាប់តែសប្បាយក្នុងឱកាសបុណ្យចូលឆ្នាំខ្មែរ ប្រពៃណីជាតិរាល់ឆ្នាំនោះ ឆ្នាំនេះត្រូវផ្អាកហើយ ដើម្បីការពារជាមួយ រដ្ឋាភិបាលបង្ការរីករាលដាល ការឆ្លងមេរោគកូវិដ-១៩។

ការប្រកាសផ្អាកលេងល្បែងប្រជាប្រិយ និងជួបជុំសាច់ញាតិហូបចុកនៅផ្ទះរបស់ឪពុក-ម្ដាយរបស់លោកនាភូមិពពេត ស្រុកស្វាយទាប ខេត្តស្វាយរៀងនាពេលនេះ ធ្វើឡើងបន្ទាប់ពីប្រមុខរាជ រដ្ឋាភិបាលកម្ពុជា សម្រេចផ្អាកការធ្វើពិធីជួបជុំ ឬបុណ្យចូលឆ្នាំដែលមានមនុស្សម្នាច្រើនជួបជុំគ្នា ដែលប្រឈមនឹងការឆ្លងមេរោគកូវិដ-១៩។

ពាក់មី បាន បានលើកឡើងថា ជារៀងរាល់ឆ្នាំ អ្នកភូមិដែលធ្លាប់លេងជួបជុំគ្នាចន្លោះពី៧០នាក់ ទៅ១០០នាក់ នៅផ្ទះរបស់លោក ដើម្បីអបអរឱកាសបុណ្យចូលឆ្នាំខ្មែរ ប្រពៃណីជាតិ ដោយលោកបានរៀបចំឲ្យអ្នកភូមិក្មេង-ចាស់ ហូបចុក និងកម្សាន្តសប្បាយរយៈពេលបីថ្ងៃពេញតែម្ដង។ ការជួបជុំនាពេលកន្លងមកនោះ លោកបានរៀបចំឲ្យ មានការប្រកួតទាត់បាល់ លេងល្បែងប្រជាប្រិយខ្មែរ និងជូនលុយចាស់ជាដើម។ រីឯនៅពេលយប់វិញ មានកម្មវិធីច្រៀងរាំលេងកម្សាន្តសម្រាប់ក្មេង ជាពិសេសសម្រាប់កំលោះ និងក្រមុំក្នុងភូមិ។

បែបនេះ ក្ដីឆ្នាំនេះ មិនមានការធ្វើពិធីជួបជុំដូចរាល់ឆ្នាំទៀតឡើយ តារាកំប្លែងរូបនេះ ក៍ស្នើសូមឲ្យប្រជាជនទាំងអស់ក៏ដូចជាសាច់ញាតិលោក មានការយោគយល់ ហើយសូមស្ដាប់តាមការណែនាំ របស់រាជរដ្ឋាភិបាល ក្រសួងសុខាភិបាល ដើម្បី បង្ការរីករាលដាល ការឆ្លងមេរោគកូវិដ-១៩។

ជាមួយនឹងការផ្អាកនេះផងដែរ ក្នុងន័យបង្ការរីករាលដាល ការឆ្លងមេរោគកូវិដ-១៩ រាជរដ្ឋាភិបាល កាលពីម្សិលមិញនេះ បានចេញបំរាម មួយ គឺហាមឃាត់មិនឲ្យធ្វើដំណើរឆ្លងកាត់ពីខេត្តមួយ ទៅ ខេត្ត មួយ និងពីខេត្តចេញ-ចូលរាជធានីភ្នំពេញ ចាប់ពីម៉ោង២៤.០០ យប់ថ្ងៃទី០៩ ខែមេសា រហូតដល់ម៉ោង ម៉ោង២៤.០០ យប់ថ្ងៃ ១៦ ខែ មេសា ឆ្នាំ២០២០។

The post ផ្ទះ ពាក់មី នៅស្វាយរៀង ធ្លាប់តែសប្បាយរាល់ឆ្នាំ តែឆ្នាំនេះស្ងាត់ហើយ appeared first on .

សម្តេចតេជោ៖ពលរដ្ឋត្រូវតែមានស្បៀងទោះបីស្ថានភាពក្នុងប្រទេសបែបណាក៏ដោយ

កូនចៅឧកញ៉ា — Thu, 09 Apr 2020 03:48:01 +0000

នៅក្នុងដំណាក់កាលដែលកម្ពុជាកំពុងប្រយុទ្ឋប្រឆាំងនឹងជំងឺកូវីដ-១៩ ពេលនេះរាជរដ្ឋាភិបាលបានផ្អាកការនាំចេញអង្ករ និង ត្រី ទៅក្រៅប្រទេស ដើម្បីអោយផលិតផលទាំងនេះកាន់តែសំបូរ និងងាយស្រួលរកទិញ ជាមួយតម្លៃធម្មតានៅទូទាំងប្រទេស ។ ប៉ុន្តែចំពោះអង្ករក្រអូបដែលមានកុងត្រានាំចេញទៅប្រទេសចិនជាមិត្តគឺនៅដំណើរការធម្មតា។

ក្រៅពីអង្ករ និងត្រី គឺ សម្តេចតេជោនាយករដ្ឋមន្រ្តី បានអោយត្រៀមអំបិល និងត្រៀមរោងចក្រផលិតមី និផលិតទឹកសុទ្ធដបសម្រាប់ជួយប្រជាពលរដ្ឋផងដែរ។
ដូច្នេះទោះបីកម្ពុជាស្ថិតក្នុងស្ថានភាពបែបណាក៏ដោយ ក៏ប្រជាពលរដ្ឋខ្មែរត្រូវតែមានស្បៀងអាហារទទួលទានដែរ៕

ប្រភព៖ ផេក Samdech Hun Sen, Cambodian Prime Minister

The post សម្តេចតេជោ៖ពលរដ្ឋត្រូវតែមានស្បៀងទោះបីស្ថានភាពក្នុងប្រទេសបែបណាក៏ដោយ appeared first on .

អត់បានឈប់សម្រាកចូលឆ្នាំ រាជរដ្ឋាភិបាលនឹងសង៥ថ្ងៃវិញក្រោយប្រទេសឆ្លងផុតកូវីដ-១៩

កូនចៅឧកញ៉ា — Thu, 09 Apr 2020 03:40:35 +0000

នៅក្នុងថ្ងៃបុណ្យចូលឆ្នាំខ្មែរ (១៣-១៦ ខែ មេសា ២០២០) ខាងមុខនេះ គឺត្រូវបានរាជរដ្ឋាភិបាលលើកថ្ងៃឈប់សម្រាកហើយ ដូចបានចែងច្បាស់នៅក្នុងអនុក្រឹត្យដែលចុះហត្ថលេខាដោយ សម្តេចតេជោ ហ៊ុន សែន នាយករដ្ឋមន្រ្តីកម្ពុជា នៅថ្ងៃទី ៨ មេសា ២០២០។

រាជរដ្ឋាភិបាលនឹងសង៥ថ្ងៃជូនបងប្អូនប្រជាពលរដ្ឋ និងមន្រ្តីរាជការវិញ នៅពេលណាដែលប្រទេសជាតិបានឆ្លងរួចផុតពីជំងឺកូវីដ-១៩។
ប៉ុន្តែបងប្អូនប្រជាពលរដ្ឋអាចប្រារព្ឋពិធីទទួលទេវតាឆ្នាំថ្មីនៅតាមផ្ទះរៀងៗខ្លួនបាន។ រាល់នូវពិធីកំសាន្តសប្បាយនៅខាងក្រៅតាមទីធ្លាសាធារណៈគឺមិនអនុញ្ញាត្តិអោយធ្វើទេ ដើម្បីចៀសវាងការប្រមូលផ្តុំគ្នាច្រើនគ្នាច្រើនដែលអាចប៉ះពាល់ដល់ការចម្លងរោគកូវីដ-១៩។

អ្វីដែលរាជរដ្ឋាភិបាលសម្រេចដាក់ចេញពេលនេះ គឺដើម្បីធានានូវសុវត្ថិភាពអាយុជីវិតជូនបងប្អូនប្រជាពលរដ្ឋ និងក្រុមគ្រួសារដើម្បីកុំអោយឆ្លងមេរោគកូវីដ-១៩។
អរគុណបងប្អូនប្រជាពលរដ្ឋ និងមន្រ្តីរាជការដែលយោគយល់ចំពោះស្ថានភាពដែលប្រទេសយើងកំពុងស្ថិតក្នុងស្ថានភាពប្រយុទ្ធប្រឆាំងនឹងជំងឺឆ្លងកូវីដ-១៩ នៅពេលនេះ៕

ប្រភព៖ ផេក Samdech Hun Sen, Cambodian Prime Minister

The post អត់បានឈប់សម្រាកចូលឆ្នាំ រាជរដ្ឋាភិបាលនឹងសង៥ថ្ងៃវិញក្រោយប្រទេសឆ្លងផុតកូវីដ-១៩ appeared first on .

សម្ដេចតេជោ ពលរដ្ឋខ្មែរ 150នាក់នៅ ម៉ាឡេស៊ី សុំការអង្វរករឲ្យគាត់នៅទីនោះសិន

កូនចៅឧកញ៉ា — Tue, 07 Apr 2020 04:09:40 +0000

សម្ដេចអគ្គមហាសេនាបតីតេជោហ៊ុនសែនបានមានប្រសាសន៍ថាចំពោះប្រជាពលរដ្ឋ ខ្មែរ ចំនួន 150 នាក់ដែលកំពុងនៅក្នុងប្រទេសម៉ាឡេស៊ីហើយបានត្រៀមលក្ខណៈក្នុងការធ្វើដំណើរតាមយន្តហោះមកកាន់ប្រទេសកម្ពុជាវិញនោះ សម្តេចថ្លែងថា ដោយក្នុង កាលៈ ទេសៈនេះគឺប្រទេសម៉ាឡេស៊ីបានផ្អាកជើងហោះហើរដូច្នេះហើយក៏សូមមានការយោគយល់ពីប្រជាពលរដ្ឋកម្ពុជាដែលកំពុងតែនៅទីនោះ នឹងសូមឲ្យមានការស្ងប់ស្ងាត់និងនៅមួយកន្លែងដើម្បីរងចាំនូវវិធានការថ្មីរបស់ប្រទេសម៉ាឡេស៉ីជាបន្តទៀត។សម្ដេច ថា នៅម៉ាឡេស៊ី គេមិនបង្អត់អាហារអត់មានអីហូបនោះទេ ដូចនេះស្នើសុំបន្តរស់នៅទីនោះសិនទៅ។

The post សម្ដេចតេជោ ពលរដ្ឋខ្មែរ 150នាក់នៅ ម៉ាឡេស៊ី សុំការអង្វរករឲ្យគាត់នៅទីនោះសិន appeared first on .

សម្ដេច តេជោ កោតសរសើរ ស្រីស្អាត ស៊ិន យូប៊ិន ដែលបានឧបត្ថម្ភប្រាក់ចំនួន៤០០០ដុល្លារ ដើម្បីប្រយុទ្ធប្រឆាំងនឹងកូវីដ-១៩

កូនចៅឧកញ៉ា — Fri, 03 Apr 2020 02:46:07 +0000

សម្ដេចតេជោ ហ៊ុន សែន នាយរដ្ឋមន្ដ្រីនៃព្រះរាជាណាចក្រកម្ពុជា បានផ្ញើលិខិតថ្លែងអំណរគុណចំពោះតារាសម្ដែងវ័យក្មេង ស៊ិន យូប៊ិន បន្ទាប់ពីតារាសម្ដែងស្រីល្បីឈ្មោះរូបនេះ បានចូលរួមឧបត្ថម្ភប្រាក់ចំនួន៤០០០ដុល្លារ ជាមួយរដ្ឋាភិបាល ដើម្បីប្រយុទ្ធប្រឆាំងនឹងកូវីដ-១៩ ។

នៅក្នុងលិខិតដែលចុះហត្ថលេខាដោយសម្ដេចតេជោ កាលពីថ្ងៃទី២៦ ខែមីនា សម្ដេច បានលើកឡើងថា ប្រជាជនកម្ពុជាកំពុងប្រឈមនឹងហានិភ័យដែលបង្កឡើងដោយជំងឺរីករាលដាលកូវីដ-១៩។ ដូច្នេះហើយ សម្ដេច សូមអគុណនូវសកម្មភាពមនុស្សធម៌នេះ ព្រោះវាផ្នែកមួយជួយសង្គ្រោះជីវិត និងសុខភាពប្រជាជនកម្ពុជាដែលមានហានិភ័យ។ ក្នុងលិខិតនោះដែរ សម្ដេចតេជោ បានជូនពរដល់ កញ្ញា ស៊ីន យូប៊ីន និង ក្រុមគ្រួសារ ជួបប្រទះទាំងពុទ្ធពរ ទាំងប្រការ គឺអាយុៈ វណ្ណៈ សុខៈ ពោល កុំបីឃ្លៀងឃ្លាតឡើយ។

ជាមួយនឹងការចូលរួមឧបត្ថម្ភប្រាក់ចំនួន៤០០០ដុល្លារ ជាមួយរដ្ឋាភិបាល ដើម្បីប្រយុទ្ធប្រឆាំងនឹងកូវីដ-១៩ កញ្ញា ស៊ីន យូប៊ីន បានលើកឡើងលើផេកផ្ទាល់ខ្លួននាងថា (ក្នុងនាមជាប្រជាពលរដ្ឋកម្ពុជាមួយរូប នាងខ្ញុំសូមចូលរួមចំណែកគាំទ្រដល់រាជរដ្ឋាភិបាលកម្ពុជា និងគណកម្មាធិការប្រយុទ្ធប្រឆាំងជំងឺសួតប្រភេទថ្មី COVID-19 ដែលកំពុងប្រឹងប្រែងព្យាយាមទប់ស្កាត់ ការពារ និងព្យាបាលអ្នកជំងឺ។ នាងខ្ញុំសូមលើកទឹកចិត្តប្រមុខរាជរដ្ឋាភិបាលកម្ពុជា គណកម្មាធិការប្រយុទ្ធប្រឆាំង COVID-19 ក៏ដូចជាក្រុមគ្រូពេទ្យជួរមុខ បន្តខិតខំប្រឹងប្រែងក្នុងការប្រឆាំងនឹងជំងឺនេះបន្ថែមទៀត។ សូមបួងសួងដល់វត្ថុស័ក្តិសិទ្ធិរក្សាដែនដីកម្ពុជា សូមឲ្យប្រជាជនកម្ពុជាទាំងអស់ជៀសផុតពីជំងឺកាចសាហាវទាំងឡាយ ពួកយើងនៅទីនេះជាមួយអ្នកទាំងអស់គ្នា ហើយពួកយើងនឹងដើរទៅមុខ ឆ្លងកាត់ពេលវេលាមួយនេះទាំងអស់គ្នា) ។

លិខិតស្រដៀងគ្នានេះ គេឃើញប្រមុខរាជរដ្ឋាភិបាល នៃព្រះរាជាណាចក្រកម្ពុជា បានចេញជាហូរហែដោយជូនចំពោះសប្បុរសជន និងអ្នកសិល្បៈដែលបានឧបត្ថម្ភថវិកាដល់រាជរដ្ឋាភិបាលក្នុងការរួមចំណែកទប់ស្កាត់ការឆ្លងរីករាលដាល នៃមេរោគកូវីដ-១៩។ ក្នុងគ្រាដែលប្រទេសកម្ពុជា កំពុងមានគ្រោះភ័យនេះ គេក៏សង្កេតឃើញសកម្មភាពអ្នកសិល្បៈមួយចំនួនបានខ្នះខ្នែង និងឧបត្ថម្ភនូវសម្ភារៈផ្សេងៗដល់អាជ្ញាធរ ដើម្បីប្រយុទ្ធប្រឆាំងនឹងមេរោគផ្លូវដង្ហើមដ៏កាចសាហាវដែលកំពុងឆ្លងរាតត្បាតជាសកលនេះ៕

The post សម្ដេច តេជោ កោតសរសើរ ស្រីស្អាត ស៊ិន យូប៊ិន ដែលបានឧបត្ថម្ភប្រាក់ចំនួន៤០០០ដុល្លារ ដើម្បីប្រយុទ្ធប្រឆាំងនឹងកូវីដ-១៩ appeared first on .

ឧកញ៉ា ស្រី ចាន់ថន ឧត្ថម្ភអង្ករ១០តោន តាមរយៈលោកជំទាវ អ៊ុក ម៉ាលី ដើម្បីចូលរួម..

កូនចៅឧកញ៉ា — Thu, 02 Apr 2020 04:12:32 +0000

ដើម្បីបន្តរួមចំណែកជាមួយនឹងរាជរដ្ឋាភិបាលកម្ពុជា ក្នុងការងារប្រយុទ្ធប្រឆាំងនឹងជម្ងឺកូវីឌ១៩នៅថ្ងៃទី០១ ខែ មេសា ឆ្នាំ ២០២០ នេះ លោកឧកញ៉ាចិត្តធម៌ .ស្រី ចាន់ថន បានជួយឧត្ថម្ភអង្ករចំនួន១០តោន តាមរយៈលោកជំទាវ អ៊ុក ម៉ាលី ទេសាភិបាលរងធនាគារជាតិនៃកម្ពុជា និងជាប្រធានទទួលបន្ទុកការងារគណេយ្យនៅកកាបាទក្រហម។

ជាមួយគ្នានោះ លោកឧកញ៉ា អំពាវនាវ សូមគោរពជូនពរបងប្អូនទាំងអស់ សូមមេត្តាចូលរួមទប់ស្កាត់ការឆ្លងរីករាលដាលនៃជម្ងឺ COVID-19 នេះ ដោយរក្សាបាននូវការប្រុងប្រយ័ត្នជានិច្ច និងការអនាម័យ ដោយលាងដៃជាមួយអាល់កុល ឬសាប៊ូ និងហូបទឹកឲ្យបានញឹកញាប់ ជ្រៀសវាងការចាប់ដៃគ្នាផ្ទាល់ និងមិនបានពាក់ម៉ាស់ការពារនៅទីសារធារណៈឬការជួបជុំគ្នាជាក្រុម។ សូមអរគុណច្រើន សម្រាប់ការគាំទ្ររបស់បងប្អូន

The post ឧកញ៉ា ស្រី ចាន់ថន ឧត្ថម្ភអង្ករ១០តោន តាមរយៈលោកជំទាវ អ៊ុក ម៉ាលី ដើម្បីចូលរួម.. appeared first on .

ប៉ូលិសបង្ក្រាបទីតាំងលក់ឧបករណ៍តេស្តកូវីដ១៩ និងចាប់ខ្លួនមនុស្ស១៣នាក់

កូនចៅឧកញ៉ា — Tue, 31 Mar 2020 03:11:21 +0000

សមត្ថកិច្ចបានបង្ក្រាបករណីលក់ឧបករណ៍តេស្តកូវីដ១៩ (CODID-19) ដែលក្រសួងសុខាភិបាលហាមឃាត់ បានចំនួន ១២ករណី និងឃាត់ខ្លួនមនុស្សចំនួន ១៣នាក់ ក្នុងនោះមានជនជាតិចិន ចំនួន ០៥នាក់ និងបានអប់រំណែនាំឲ្យត្រឡប់ទៅវិញចំនួន ០៤នាក់ និងបន្តនីតិវិធីចំនួន ០៩នាក់។ នេះបើតាមការបញ្ជាក់របស់លោកឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ ថ្លែងប្រាប់ [ខ្លីៗ] កាលពីយប់ថ្ងៃទី៣០ ខែមីនា ឆ្នាំ២០២០។

លោកឧត្តមសេនីយ៍ឯក ឆាយ គឹមខឿន បានបន្តថា នៅក្នុងប្រតិបត្តិការបង្ក្រាបនេះ សមត្ថកិច្ចបានរឹបអូសវត្ថុតាងមានដូចជា ម្ជុលទេស ២១ដើម ឧបករណ៍ធ្វើតេស្ត ១៣កេស និង ៤៨កញ្ចប់ សម្លៀកបំពាក់ពេទ្យ ៤០០កំផ្លេ និងម៉ាសក្លែងក្លាយជិត ២០ម៉ឺនម៉ាស់។

លោកឧត្តមសេនីយ៍ឯក ឆាយ គឹមខឿន បានបញ្ជាក់ថា “ចាត់វិធានការទាំងអស់ ១២ករណី នៅភ្នំពេញមាន ៩ករណី នៅខេត្តព្រះសីហនុ ២ករណី និងខេត្តសៀមរាប ១២ករណី ទាំងអស់សរុប ១២ករណី ចាប់មនុស្សចំនួន ១៣នាក់ ក្នុងនោះមានចិន ៥នាក់ ហើយអប់រំឲ្យត្រឡប់ទៅវិញ ៤នាក់ និងបន្តនីតិវិធីចំនួន ០៩នាក់។ វត្ថុតាងមានដូចជា ម្ជុលទេស ២១ដើម ឧបករណ៍ធ្វើតេស្ត ១៣កេស និង ៤៨កញ្ចប់ សម្លៀកបំពាក់ពេទ្យ ៤០០កំផ្លេ និងម៉ាសក្លែងក្លាយជិត ២០ម៉ឺនម៉ាស”។

សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅក្នុងសន្និសីទកាសែតកាលពីព្រឹកថ្ងៃទី៣០ ខែមីនា នៅវិមានរដ្ឋសភាថា បានប្រកាសដាក់បទបញ្ជាយ៉ាងម៉ឹងម៉ាត់ ឲ្យអាជ្ញាធរសមត្ថកិច្ច ចាប់រឹបអូសថ្នាំ និងឧបករណ៍សម្រាប់ធ្វើតេស្តវីរុស កូវីដ១៩។ ទន្ទឹមនឹងនោះ សម្តេចេតេជោ ហ៊ុន សែន ក៏បានអំពាវនាវដល់អាជីវករ ដែលបំផុសការលក់ថ្នាំ និងឧបករណ៍សម្រាប់ធ្វើតេស្តរកវីរុសកូវីដ១៩ សូមកុំឲ្យបង្កការស្មុគស្មាញក្នុងសង្គម ព្រោះអង្គការសុខភាពពិភពលោក មិនទាន់ទទួលស្គាល់ថា ថ្នាំណាមួយ ដើម្បីព្យាបាល និងការពារជំងឺកូវីដ១៩ នៅឡើយទេ។ ក្នុងនោះ ក៏អង្គការសុខភាពពិភពលោក មិនទាន់ទទួលស្គាល់នូវឧបករណ៍សម្រាប់ធ្វើតេស្តវីរុសកូវីដ១៩ នោះទេ។

ជាមួយគ្នានេះផងដែរ សម្តេចតេជោ ហ៊ុន សែន បានបញ្ជាក់ថា «ថ្នាំណា ដែលថាព្យាបាលជា ហើយឧបករណ៍ណា ដែលថាធ្វើតេស្តឃើញវីរុសកូវីដ១៩ គឺសូមកុំជឿ។ រឹបអូសយកសម្ភារៈថ្នាំនោះ យកទៅកម្ទេចចោលតែម្តងទៅ។ អ្នកណា Live លក់ថ្នាំ និងសម្ភារៈទាំងនេះ សូមអាជ្ញាធរសមត្ថកិច្ច ទៅតាមចាប់ដល់ផ្ទះតែម្តង»៕

អត្ថបទ៖ សោភា
ប្រភព៖ ខ្លីៗ

The post ប៉ូលិសបង្ក្រាបទីតាំងលក់ឧបករណ៍តេស្តកូវីដ១៩ និងចាប់ខ្លួនមនុស្ស១៣នាក់ appeared first on .

កូរ៉ូណាវីរុស

សម្តេច ហ៊ុន សែន ព្រមាន​អ្នកជំពាក់លុយធនាគារ​ដែល​​បំផុសចលនា​កុំ​ឱ្យ​សងលុយ

ព្រះមហាក្សត្រ និង​សម្តេចម៉ែ ប្រោស​ព្រះរាជទាន​២​លាន​ដុល្លារ​ដើម្បី​ទប់ស្កាត់ COVID-19

មាស សុខ​សោភា នឹង​ស្វាមី ពាក់​ម៉ាស ចារ សុទ្ធតែ​យ័ន្តការពារ​កូវីដ-១៩

ផ្ទះ ពាក់មី នៅ​ស្វាយ​រៀង ​ធ្លាប់​តែ​​សប្បាយ​រាល់​ឆ្នាំ ​តែ​​ឆ្នាំ​​នេះ​ស្ងាត់​​ហើយ

សម្តេចតេ​ជោ៖​​ពលរដ្ឋត្រូវតែមាន​ស្បៀងទោះ​បីស្ថានភាព​ក្នុងប្រ​​ទេស​បែបណាក៏ដោយ

អត់បាន​ឈប់សម្រាក​ចូលឆ្នាំ រាជរដ្ឋាភិបាលនឹងសង៥ថ្ងៃវិញក្រោយប្រទេសឆ្លងផុតកូវីដ-១៩

សម្ដេច​តេជោ ពលរដ្ឋ​ខ្មែរ 150នាក់​នៅ ម៉ាឡេស៊ី សុំ​ការ​អង្វរ​ករ​ឲ្យ​គាត់​នៅ​ទី​នោះ​សិន

ឧកញ៉ា ស្រី ចាន់ថន ឧត្ថម្ភអង្ករ​១០​តោន តាមរយៈលោកជំទាវ អ៊ុក ម៉ាលី ដើម្បី​ចូល​រួម..

ប៉ូលិសបង្ក្រាបទីតាំងលក់ឧបករណ៍តេស្តកូវីដ១៩ និងចាប់ខ្លួនមនុស្ស​១៣នាក់