កូរ៉ូណា

អ្នកឆ្លងកូវីដមិនធូរស្រាល បារាំងគ្រោងស្នើបិទប្រទេសដល់ពាក់កណ្ដាលឆ្នាំក្រោយ

ឧកញ៉ាសំពៅ — Thu, 14 Oct 2021 04:37:22 +0000

រដ្ឋាភិបាលប្រទេសបារាំង នឹងស្នើដល់គណៈកម្មការគ្រប់គ្រងច្បាប់ ក្នុងការបន្តដាក់ប្រទេសនៅកម្រិតប្រកាសអាសន្ន រហូតដល់ថ្ងៃទី ៣១ កក្កដា ឆ្នាំក្រោយ ប្រសិនបើករណីឆ្លងកូវីដ ១៩ នៅតែបន្តកើនឡើងឥតឈប់ឈរ។

គម្រោងបន្តបិទប្រទេសនេះមានន័យថា រដ្ឋាភិបាលបារាំងនឹងបន្តគ្រប់គ្រង និងរឹតបន្តឹងច្បាប់រក្សាគម្លាត ក៏ដូចជាវិធានការទប់ស្កាត់នានាសម្រាប់ការចូលបរិភោគអាហារនៅតាមភោជនីយដ្ឋានផ្សេងៗ រោងកុន និងកន្លែងកម្សាន្តដែលមានមនុស្សអ៊ូអរជាដើម។

កន្លងមក ការបញ្ចប់ការដាក់ប្រទេសនៅកម្រិតប្រកាសអាសន្នគ្រោងបញ្ចប់នៅថ្ងៃទី ១៥ វិច្ឆិកា តែដោយសារករណីឆ្លងនៅតែបន្តកើនឡើងឥតឈប់ឈរបានធ្វើឲ្យរដ្ឋាភិបាលមានការពិបាកក្នុងការគ្រប់គ្រងស្ថានការណ៍ជាខ្លាំង។

បញ្ជាក់ដែរថា បារាំងគឺជាប្រទេសមួយនៅតំបន់អឺរ៉ុប ដែលកំពុងមានការឆ្លងខ្លាំងនៃវីរុសកាចសាហាវមួយនេះ ដោយករណីឆ្លងសរុបគិតត្រឹមថ្ងៃទី ១៣ តុលាគឺមាន ៧,១៦ លានករណី ហើយចំនួនអ្នកស្លាប់គិតត្រឹមថ្ងៃទី ១៣ តុលាដូចគ្នាគឺ ៦៨ ០០០ នាក់ ស្របពេលចំនួនប្រជាពលរដ្ឋទទួលបានការចាក់វ៉ាក់សាំងទាំង ២ លើកគឺមាន ៤៥, ១ លានករណី ឬប្រមាណ ៦៧% នៃប្រជាជនសរុប៕

ប្រភព: Kelo

The post អ្នកឆ្លងកូវីដមិនធូរស្រាល បារាំងគ្រោងស្នើបិទប្រទេសដល់ពាក់កណ្ដាលឆ្នាំក្រោយ appeared first on .

ចំនួនទឹកប្រាក់ដែលគ្រួសារក្រីក្រទទួលបានពីរាជរដ្ឋាភិបាល ក្នុងអំឡុងកូវីដ

កូនចៅឧកញ៉ា — Wed, 24 Jun 2020 01:08:36 +0000

ប្រមុខរាជរដ្ឋាភិបាលកម្ពុជា បានចេញអនុក្រឹត្យស្តីពីការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ១៩។ ក្នុងនោះ សម្តេច ហ៊ុន សែន នឹងប្រកាសអនុវត្តកម្មវិធីផ្តល់សាច់ប្រាក់ជូនប្រជាពលរដ្ឋ មានជីវភាពក្រីក្រ និងងាយរងគ្រោះ នៅថ្ងៃទី២៤ ខែមិថុនា ឆ្នាំ២០២០។

សូមអានលម្អិតខាងក្រោម៖

The post ចំនួនទឹកប្រាក់ដែលគ្រួសារក្រីក្រទទួលបានពីរាជរដ្ឋាភិបាល ក្នុងអំឡុងកូវីដ appeared first on .

ផ្ទះ ពាក់មី នៅស្វាយរៀង ធ្លាប់តែសប្បាយរាល់ឆ្នាំ តែឆ្នាំនេះស្ងាត់ហើយ

កូនចៅឧកញ៉ា — Fri, 10 Apr 2020 03:08:43 +0000

តារាកំប្លែងប្រចាំស្ថានីយទូរទស្សន៍ស៊ី ធី អិន លោក ចែម ចាន់រ៉ា ហៅនាយ ពាក់មី ប្រកាសថា ផ្ទះតារឹមដែលធ្លាប់តែសប្បាយក្នុងឱកាសបុណ្យចូលឆ្នាំខ្មែរ ប្រពៃណីជាតិរាល់ឆ្នាំនោះ ឆ្នាំនេះត្រូវផ្អាកហើយ ដើម្បីការពារជាមួយ រដ្ឋាភិបាលបង្ការរីករាលដាល ការឆ្លងមេរោគកូវិដ-១៩។

ការប្រកាសផ្អាកលេងល្បែងប្រជាប្រិយ និងជួបជុំសាច់ញាតិហូបចុកនៅផ្ទះរបស់ឪពុក-ម្ដាយរបស់លោកនាភូមិពពេត ស្រុកស្វាយទាប ខេត្តស្វាយរៀងនាពេលនេះ ធ្វើឡើងបន្ទាប់ពីប្រមុខរាជ រដ្ឋាភិបាលកម្ពុជា សម្រេចផ្អាកការធ្វើពិធីជួបជុំ ឬបុណ្យចូលឆ្នាំដែលមានមនុស្សម្នាច្រើនជួបជុំគ្នា ដែលប្រឈមនឹងការឆ្លងមេរោគកូវិដ-១៩។

ពាក់មី បាន បានលើកឡើងថា ជារៀងរាល់ឆ្នាំ អ្នកភូមិដែលធ្លាប់លេងជួបជុំគ្នាចន្លោះពី៧០នាក់ ទៅ១០០នាក់ នៅផ្ទះរបស់លោក ដើម្បីអបអរឱកាសបុណ្យចូលឆ្នាំខ្មែរ ប្រពៃណីជាតិ ដោយលោកបានរៀបចំឲ្យអ្នកភូមិក្មេង-ចាស់ ហូបចុក និងកម្សាន្តសប្បាយរយៈពេលបីថ្ងៃពេញតែម្ដង។ ការជួបជុំនាពេលកន្លងមកនោះ លោកបានរៀបចំឲ្យ មានការប្រកួតទាត់បាល់ លេងល្បែងប្រជាប្រិយខ្មែរ និងជូនលុយចាស់ជាដើម។ រីឯនៅពេលយប់វិញ មានកម្មវិធីច្រៀងរាំលេងកម្សាន្តសម្រាប់ក្មេង ជាពិសេសសម្រាប់កំលោះ និងក្រមុំក្នុងភូមិ។

បែបនេះ ក្ដីឆ្នាំនេះ មិនមានការធ្វើពិធីជួបជុំដូចរាល់ឆ្នាំទៀតឡើយ តារាកំប្លែងរូបនេះ ក៍ស្នើសូមឲ្យប្រជាជនទាំងអស់ក៏ដូចជាសាច់ញាតិលោក មានការយោគយល់ ហើយសូមស្ដាប់តាមការណែនាំ របស់រាជរដ្ឋាភិបាល ក្រសួងសុខាភិបាល ដើម្បី បង្ការរីករាលដាល ការឆ្លងមេរោគកូវិដ-១៩។

ជាមួយនឹងការផ្អាកនេះផងដែរ ក្នុងន័យបង្ការរីករាលដាល ការឆ្លងមេរោគកូវិដ-១៩ រាជរដ្ឋាភិបាល កាលពីម្សិលមិញនេះ បានចេញបំរាម មួយ គឺហាមឃាត់មិនឲ្យធ្វើដំណើរឆ្លងកាត់ពីខេត្តមួយ ទៅ ខេត្ត មួយ និងពីខេត្តចេញ-ចូលរាជធានីភ្នំពេញ ចាប់ពីម៉ោង២៤.០០ យប់ថ្ងៃទី០៩ ខែមេសា រហូតដល់ម៉ោង ម៉ោង២៤.០០ យប់ថ្ងៃ ១៦ ខែ មេសា ឆ្នាំ២០២០។

The post ផ្ទះ ពាក់មី នៅស្វាយរៀង ធ្លាប់តែសប្បាយរាល់ឆ្នាំ តែឆ្នាំនេះស្ងាត់ហើយ appeared first on .

ឧកញ៉ា ម៉ុង ឫទ្ធី ត្រៀមផ្អក១០០តោន អំបិល២៩តោន នឹងសាច់៤០០គីឡូ ទប់ទល់រយៈពេលយូ

កូនចៅឧកញ៉ា — Fri, 20 Mar 2020 02:24:37 +0000

ស្របពេលដែល ជំងឺកូវីដ១៩ កំពុងតែឆ្លងរាលដាលស្ទើរាលពាសពេញពិភពលោក ក្នុងប្រទេសកម្ពុជាក៏ទទួលរងការឆ្លងនៅជំងឺដ៍កាចសាហាវនេះផងដែរនោះ ធ្វើឲ្យមនុស្សម្នាមានការព្រួយបារម្ភជាខ្លាំង។ មនុស្សមួយចំនួន មិនហ៊ានទាំងចេញពីផ្ទះ ហើយបានទិញរបស់របរប្រើប្រាស់ស្ទុកទុក ដើម្បីប្រើប្រាស់ប្រចាំថ្ងៃ។ ជាមួយគ្នានោះដែរ ឯកឧត្តមបណ្ឌិត ម៉ុង ឫទ្ធី ដែលត្រូវបានគេស្គាល់ថា ជាលោកឧកញ៉ា ចិត្តធ៌មម្នាក់ ភរិយារបស់លោកឧកញ៉ា បានបញ្ជាឲ្យកូនចៅ ចាប់ត្រីដែលចិញ្ចឹមនៅក្នុងស្រះ រហូតដល់ទៅ ១០០គីឡូ ព្រមទាំងកាន់សាច់ជ្រូកដែលចិញ្ចឹមក្នុងកសិដ្ឋានរហូតដល់ទៅ៤០០គីឡូក្រាមយកមកធ្វើផ្អកជូដើម្បី ត្រៀមលក្ខណៈសម្បត្តិរយះពេលយូ។

ផេកផ្លូវការ របស់”ឯកឧត្តមបណ្ឌិត ម៉ុង ឫទ្ធី” បានសរសេរបែបនេះថា (ថ្ងៃព្រហស្បតិ៍ទី១៩ ខែមីនា ឆ្នាំ២០២០នេះយាយខ្ញុំបានបញ្ជាអោយចាប់ត្រីស្ពិនប្រមាណជា១០០គីឡូក្រាម កាប់ជ្រូកយកសាច់៤០០គីឡូក្រាមយកមកធ្វើផ្អកជូដើម្បី ត្រៀមលក្ខណៈសម្បត្តិរយះពេលយូ ។

ក្នុងនោះផងដែគាត់បានត្រៀមប្រហុកផ្អកប្រមាណជា១០០តោន និងអំបិល២៩តោនរួចជាស្រេចផងដែរ ដើម្បីប្រយុទ្ធប្រឆាំងនិងកូរ៉ូណា យើង មិនត្រូវភ័យស្លន់ស្លោពេកនោះទេ តែយើងត្រូវត្រៀមលក្ខណៈសម្បត្តិគ្រប់បែបយ៉ាងដោយនាំកគ្នារក្សារអនាម័យ និងជាពិសេសស្បៀងអាហាររយៈពេលយូនេះតែម្តង ។)

ការត្រៀមលក្ខណៈនេះ មិនមែនធ្វើឡើងសម្រាប់តែហូបក្នុងក្រុមគ្រួសារលោកឧកញ៉ាតែម្នាក់ឯងឡើយ ប្រហុកផ្អក អំបិល សរុបរាប់សិបតោននោះ គឺក្រុមគ្រួសារ លោកឧកញ៉ា ហូបមិនអស់ឡើយ គឺច្បាស់ណាស់ លោកឧកញ៉ា នឹងធ្វើការចែកជូនដល់ ជនក្រីក្រ ជាច្រើននាក់ផ្សេងទៀតជាក់ជា មិនខាន។

ជុំវិញការបង្ហោះលើបណ្ដាញសង្គមនេះ មានអ្នកលេងFacebookម្នាក់បានចូលខមិនថា ” មានតែអ្នកមានទេ ដែលគាត់មិនដាច់ពោះ” ភ្លាមនោះ ឯកឧត្តមបណ្ឌិត ម៉ុង ឫទ្ធី បានឆ្លើយតបទៅវិញបែបនេះថា សុំកុំនិយាយអីចឹងវានាំអោយមានបាបកម្ម គ្រប់សមត្តិផលទាំងអស់ដែលរូបខ្ញុំនិងភរិយា បានក៏សាងមកទាំងអស់ភាគច្រើនសម្រាប់បំរើផលប្រយោជន៍មនុស្សជាតិរួម សាកគឹតបន្តិតមេីលថាតេីប្រហុកផ្អកអំបិលរាប់រយតោនគ្រួសារខ្ញុំហូបអស់ដែអី ប៉ប្រជាជនក្រីក្រដែលរស់នៅក្រោមឱវាទរបស់ច្រើនម្លឹងៗ ?។

ជារួម គិតត្រឹមម៉ោង ៩យប់ ម៉ោងនៅកម្ពុជា នាថ្ងៃទី១៩ ខែមីនា ឆ្នាំ២០២០ ម្សិលមិញនេះនេះ ក្រសួងសុខាភិបាល បញ្ជាក់ថា «ករណីវិជ្ជមានវីរុសកូវីដ១៩ នៅក្នុងប្រទេសកម្ពុជា មានចំនួន ៤៧នាក់ ក្នុងនោះ មានស្ត្រី ៤នាក់ និងមានខ្មែរ ២៨នាក់ រីឯជនបរទេស ចំនួន ១៩នាក់ រួមមាន៖ ចិនម្នាក់ នៅខេត្តព្រះសីហនុ បានជាសះស្បើយ។ អង់គ្លេស ៣នាក់។ កាណាដាម្នាក់។ ប៊ែលហ្សិកម្នាក់។ បារាំង ២នាក់ និងម៉ាឡេស៊ី ១១នាក់។

The post ឧកញ៉ា ម៉ុង ឫទ្ធី ត្រៀមផ្អក១០០តោន អំបិល២៩តោន នឹងសាច់៤០០គីឡូ ទប់ទល់រយៈពេលយូ appeared first on .

វេជ្ជបណ្ឌិត៖ មេរោគកូវីដ១៩ មិនបណ្តាលឲ្យមនុស្សដួលសន្លប់ ឬស្លាប់ភ្លាមៗនោះទេ

កូនចៅឧកញ៉ា — Fri, 06 Mar 2020 04:18:09 +0000

ភ្នំពេញ៖ អ្នកជំនាញផ្នែកជំងឺសួតនៃមន្ទីរពេទ្យមិត្តភាពខ្មែរ-សូវៀត បានអះអាងថា ជំងឺរលាកសួតថ្មី ឬកូវីដ១៩ មិនបណ្តាលឲ្យមនុស្សដួលសន្លប់ ឬស្លាប់ភ្លាមៗនោះទេ។ អ្នកជំនាញអះអាងបែបនះ នៅក្នុងសន្និសីទសារព័ត៌មាន រៀបចំដោយក្រសួងសុខាភិបាល កាលរសៀលថ្ងៃទី០៥ ខែមីនា ឆ្នាំ២០២០។

លោកសាស្រ្តាចារ្យវេជ្ជបណ្ឌិត វ៉ាន់ មិច ប្រធាននាយកដ្ឋានផ្នែកជំងឺសួតមកពីមន្ទីរពេទ្យមិត្តភាពខ្មែរ-សូវៀត បានអះអាងថា ការដួលសន្លប់ភ្លាមៗ មិនពាក់ព័ន្ធនឹងជំងឺរលាកសួតថ្មី ឬកូវីដ១៩នោះទេ។ ការអះអាងនេះ ដើម្បីឆ្លើយទៅនឹងព័ត៌មានមួយចំនួន ដែលបានផ្សព្វផ្សាយថា មានមនុស្សដួលសន្លប់ និងស្លាប់ភ្លាមៗសង្ស័យករណីមេរោគកូវីដ១៩ ដែលធ្វើឲ្យប្រជាពលរដ្ឋមានការភ័យខ្លាច។

លោក វេជ្ជបណ្ឌិត បានគូសបញ្ជាក់ថា រោគសញ្ញាជំងឺកូវីត១៩ មានដូចជា ក្តៅខ្លួនលើសពី៣៨អង្សាសេ ឈឺក ក្អកស្ងួត ហត់ ពិបាកដកដង្ហើម ហើយធ្លាប់ធ្វើដំណើរទៅប្រទេសដែលមានបញ្ហាប្រឈមនឹងការចម្លងមេរោគកូវីតជាដើម។

ជាមួយគ្នានេះ លោកស្រីសាស្ត្រាចារ្យ រស់ ស៊ីណា ប្រធានផ្នែកសរសៃប្រសាទ នៃមន្ទីរពេទ្យកាល់ម៉ែត បានលើកឡើងថា ការដួលសន្លប់នេះមានតាំងពីយូរមកហើយ ពោលគឺមិនមែនទើបតែមានក្នុងបច្ចុប្បន្នភាពកើតមានករណីកូវីដ១៩នេះទេ។ លោកស្រី បានបញ្ជាក់ដូច្នេះថា៖

រហូតមកដល់ពេលនេះ ក្រសួងសុខាភិបាលបានអះអាងថា កម្ពុជា នៅតែមិនទាន់រកឃើញមានករណីកូវីតថ្មីទៀតនៅឡើយ ក្រៅពីជនជាតិចិនម្នាក់ដែលបានចូលមកកម្ពុជាកាលពីថ្ងៃទី២៣ ខែមករា ឆ្នាំ២០២០ ហើយត្រូវបានព្យាបាលជាសះស្បើយ និងចាកចេញពីកម្ពុជាកាលពីថ្ងៃទី១១ ខែកុម្ភៈ ឆ្នាំ២០២០។ ពាក់ព័ន្ធនឹងករណីជនជាតិជប៉ុន ដែលក្រសួងសុខាភិបាលកម្ពុជា បានទទួលព័ត៌មានច្បាស់លាស់ហើយ ពីខាងភាគីជប៉ុនថា បុរសជនជាតិជប៉ុនរូបនោះ ពិតជាមានផ្ទុកមេរោគ Covid-19 នៅពេលទៅដល់ប្រទេសជប៉ុន។

ក្រសួងសុខាភិបាល និងអាជ្ញាធរខេត្តសៀមរាប បានរកឃើញមនុស្ស ៤៤នាក់ ក្នុងនោះ ៤នាក់ ជាអ្នកដែលមានទំនាក់ទំនងដោយផ្ទាល់ និង ៤០នាក់ទៀត ធ្លាប់មានទំនាក់ទំនងដោយប្រយោល ជាមួយជនជាតិជប៉ុន ដែលរកឃើញមានផ្ទុកជំងឺកូវីដ១៩។ ។

អ្នកដែលធ្លាប់មានទំនាក់ទំនងផ្ទាល់ និងមិនផ្ទាល់ទាំង ៤៤នាក់ ត្រូវបានក្រសួងសុខាភិបាល និងអាជ្ញាធរ សម្រេចដាក់ឲ្យនៅដាច់ដោយឡែកពីគេរយៈពេល ១៤ថ្ងៃ ដើម្បីតាមដានសុខភាព៕

The post វេជ្ជបណ្ឌិត៖ មេរោគកូវីដ១៩ មិនបណ្តាលឲ្យមនុស្សដួលសន្លប់ ឬស្លាប់ភ្លាមៗនោះទេ appeared first on .

សម្តេច ហ៊ុន សែន ស្នើសិល្បៈករ ធ្វើជាសកម្មជនចូលរួមទប់ស្កាត់ការផ្សព្វផ្សាយព័ត៌មានមិនពិតនៃជំងឺឆ្លង COVID-19

កូនចៅឧកញ៉ា — Wed, 04 Mar 2020 01:19:34 +0000

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា រហូតមកដល់ពេលនេះកម្ពុជា មិនមានប្រជាពលរដ្ឋណាម្នាក់កើត ឬឆ្លងជំងឺ Covid-19 នោះឡើយ។ ទន្ទឹមនឹងនេះសម្តេចតេជោនាយករដ្ឋមន្ត្រី ក៏បានស្នើសុំឲ្យសិល្បៈករទាំងអស់ ក្លាយជាសកម្មជនចូលរួមធ្វើការអប់រំផ្សព្វផ្សាយអំពីការទប់ស្កាត់នៃការរីករាយដាលជំងឺឆ្លង COVID-19 ។

សម្តេចតេជោ ហ៊ុន សែន លើកឡើងនាពេលនេះ ធ្វើឡើងនៅក្នុងពិធីអបអរសាទរទិវា «វប្បធម៌ជាតិ ៣មីនា» លើកទី២២ និងផ្តល់កិត្តិយសប្រគល់បណ្ណសរសើរដល់មន្ត្រី និងសិល្បៈករមានស្នាដៃក្នុងការថែរក្សាការពារវប្បធម៌ជាតិ នារសៀលថ្ងៃទី០៣ ខែមីនា ឆ្នាំ២០២០ នៅមជ្ឈមណ្ឌលកោះពេជ្រ កាលពីរសៀលថ្ងៃទី៣ ខែ មីនា ឆ្នាំ២០២០។

ក្នុងឪកាសនោះ សម្តេច នៅតែបន្តអំពាវនាវអោយប្រជាពលរដ្ឋទាំងអស់ចូលរួមទប់ស្កាត់ព័ត៌មានក្លែងក្លាយ ព័ត៌មិនពិត(Fake News)ដែលបានផ្សព្វផ្សាយបំពុលសង្គមពីការឆ្លងជំងឺនេះ។

សូមជម្រាបថា ការស្នើសុំទៅកាន់សិល្បៈករ សិល្បៈការរិនី ពីសំណាក់សម្តេច ហ៊ុន សែន ជាថ្មីម្តងទៀតនេះ ធ្វើឡើងបន្ទាប់ពីសង្កេតឃើញមួយរយៈចុងក្រោយនេះ មានការផ្សព្វផ្សាយព័ត៌មានក្លែងក្លាយ តាមរយៈបណ្តាញសង្គម ដែលបានផ្សព្វផ្សាយបំពុលសង្គមពីការឆ្លងជម្ងឺកូរ៉ូណាកម្ពុជា កាន់តែច្រើន បើទោះជាមានការអះអាងពីក្រសួងសុខាភិបាលកម្ពុជា ថាគ្មានអ្នកកើតជំងឺនេះនៅកម្ពុជាក៏ដោយ៕ អត្ថបទ៖ សិរីកា

The post សម្តេច ហ៊ុន សែន ស្នើសិល្បៈករ ធ្វើជាសកម្មជនចូលរួមទប់ស្កាត់ការផ្សព្វផ្សាយព័ត៌មានមិនពិតនៃជំងឺឆ្លង COVID-19 appeared first on .

សម្តេច ហ៊ុន សែន គូសបញ្ជាក់ថា បើម៉ាឡេស៊ី អាចព្យាបាល COVID-19 ឲ្យជាត្រឹម៧២ម៉ោង ពិភពលោក គួររៀនពីម៉ាឡេស៊ី តែសម្តេចមិនជឿ

កូនចៅឧកញ៉ា — Mon, 24 Feb 2020 08:35:43 +0000

ភ្នំពេញ៖ សម្តេចនាយករដ្ឋមន្រ្តី ហ៊ុន សែន ហាក់មិនជឿថា ម៉ាឡេស៊ី អាចព្យាបាលស្រ្តីជនជាតិអាមេរិកវ័យ៨៣ឆ្នាំ ដែលចេញពីកម្ពុជា ឲ្យជាសះស្បើយពីវីរុស COVID-19 ដោយប្រើពេលត្រឹមតែ៧២ម៉ោងនោះទេ។ សម្តេច ដាក់ការសង្ស័យថា ស្រ្តីជនជាតិអាមេរិកនោះ ទំនងមិនមានវីរុស COVID-19 ឡើយ។ សម្តេចលើកឡើងបែបនេះ នៅក្នុងពិធីថ្លែងសារពិសេសពាក់ព័ន្ធស្ថានភាពថ្មីៗចុងក្រោយ នៅវិមានសន្តិភាព ព្រឹកថ្ងៃទី ២៤ ខែកុម្ភៈ ឆ្នាំ ២០២០។

សម្តេចតេជោ ហ៊ុន សែន នាយករដ្ឋមន្រ្តីកម្ពុជា មានប្រសាសន៍ថា បើម៉ាឡេស៊ី អាចព្យាបាល វីរុស COVID-19 ឲ្យជាត្រឹមតែ៧២ម៉ោង ពិភពលោក គួរទៅរៀនពីប្រទេសម៉ាឡេស៊ី។ ប៉ុន្តែសម្តេចនាយករដ្ឋមន្រ្តី ហាក់មិនជឿឡើយថា ម៉ាឡេស៊ី អាចព្យាបាលស្រ្តីជនជាតិអាមេរិកវ័យ៨៣ឆ្នាំ ដែលធ្វើដំណើរចេញពីកម្ពុជា ឲ្យជាសះស្បើយពីវីរុស COVID-19 ដោយប្រើពេលត្រឹមតែ៧២ម៉ោងនោះ។ សម្តេច ទំនងចង់បញ្ជាក់ថា តាមពិតស្រ្តីអាមេរិកកាំងរូបនោះ មិនមានឆ្លងវីរុស COVID-19 ឡើយ។

ទន្ទឹមនឹងនេះ ប្រមុខរដ្ឋាភិបាលកម្ពុជា សង្ឃឹមថា ឯកឧត្តម ប្រាក់ សុខុន រដ្ឋមន្រ្តីក្រសួងការបរទេសកម្ពុជា នឹងកោះហៅអគ្គរដ្ឋទូតម៉ាឡេស៊ីប្រចាំកម្ពុជា ធ្វើការស្រាយបំភ្លឺជុំវិញបញ្ហានេះ ដើម្បីផ្តល់យុត្តិធម៌ដល់កម្ពុជាឡើងវិញ។

អាជ្ញាធរសុខាភិបាលចិននៅថ្ងៃចន្ទនេះបានឱ្យដឹងថា ចំនួនអ្នកស្លាប់ដោយសារជំងឺ COVID-19 បានកើនដល់ ២,៥៩២នាក់ និងអ្នកឆ្លងសរុបនៅ ទូទាំងប្រទេសមានចំនួនសរុបជាង ៧ម៉ឺនករណី។ នេះបើតាមការចេញផ្សាយដោយទីភ្នាក់ងារចិនស៊ីនហួរ៕

The post សម្តេច ហ៊ុន សែន គូសបញ្ជាក់ថា បើម៉ាឡេស៊ី អាចព្យាបាល COVID-19 ឲ្យជាត្រឹម៧២ម៉ោង ពិភពលោក គួររៀនពីម៉ាឡេស៊ី តែសម្តេចមិនជឿ appeared first on .

បុរសជនជាតិចិន ឆ្លងមេរោគកូរ៉ូណាកំពុងព្យាបាលនៅកម្ពុជា អាចចេញពីពេទ្យបាននៅថ្ងៃចន្ទ

កូនចៅឧកញ៉ា — Sun, 09 Feb 2020 09:59:31 +0000

លោកស្រី លឹម សាមាន ប្រធានមន្ទីរសុខាភិបាលខេត្តព្រះសីហនុបានបញ្ជាក់ឱ្យដឹងថា មន្ត្រីសុខាភិបាលនៃមន្ទីរពេទ្យខេត្តព្រះសីហនុ បានយកសំណាកជនបរទេសជនជាតិចិន ដែលមានជំងឺរលាកសួតប្រភេទថ្មី កូរ៉ូណាវីរុស យកទៅពិសោធន៍នៅរាជធានីភ្នំពេញម្តងទៀតដើម្បីបញ្ជាក់សារជាថ្មីថាបានព្យាបាលជាសះស្បើយ។

លោកស្រី ប្រធានមន្ទីរសុខាភិបាលខេត្តព្រះសីហនុបានឱ្យដឹងទៀតថា ថ្វីត្បិតតែសុខភាពរបស់គាត់មានភាពល្អប្រសើរ ប៉ុន្តែដើម្បីភាពច្បាស់លាស់ តាមការពិភាក្សាជាមួយអង្គការសុខភាពពិភពលោក អ្នកជំងឺមិនទាន់អនុញ្ញាតឱ្យចេញពីមន្ទីរពេទ្យ ដោយទុកតាមដានជំងឺរហូតដល់ថ្ងៃទី៩ខែកុម្ភៈឆ្នាំ២០២០ ដើម្បីរង់ចាំការធ្វើតេស្តសាជាថ្មីម្តងទៀត តាមវិធានវេជ្ជសាស្ត្រ បញ្ជាក់នូវការជាសៈស្បើយមដោយមិនមានវីរុសកូរ៉ូណាពិតប្រាកដ។

នៅពេលវិភាគតេស្តបង្ហាញលទ្ធផលអវិជ្ជមាន នៃវីរុសកូរ៉ូណាថ្មីនេះជាលើកទី៣នៅថ្ងៃចន្ទទី១០ ខែកុម្ភៈឆ្នាំ២០២០ខាងមុខ ក្រសួងនឹងរៀបចំតាមលក្ខណៈបច្ចេកទេសឱ្យអ្នកជំងឺចេញពីមន្ទីរពេទ្យតែម្ដង ហើយសមាជិកក្រុមគ្រួសាររបស់គាត់៣នាក់ទៀត ដែលធ្វើតេស្តអវិជ្ជមាននៃកូរ៉ូណាវីរុសថ្ងៃនេះក៏នឹងបានរួចផុតពីការសង្កេតតាមដានសុខភាពចំនួន១៤ថ្ងៃស្របពេលជាមួយគ្នាទៅនឹងការចាកចេញពីមន្ទីរពេទ្យរបស់អ្នកជំងឺខាងលើផងដែរ។

សូមរម្លឹកថា អ្នកជំងឺជាបុរសជនបរទេស ជនជាតិចិន មានអាយុ ៦០ឆ្នាំ ដែលមន្ត្រីសុខាភិបាលបានរកឃើញថាមានផ្ទុកCorona Virus បានចូលសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ កាលពីថ្ងៃទី២៧ ខែមករា ឆ្នាំ២០២០កន្លងមក បានជាសះស្បើយ ដោយឡែកក្រុមគ្រួសាររបស់គាត់ចំនួន៣នាក់ផ្សេងទៀត មិនមានឆ្លងកូរ៉ូណាវីរុសនោះទេ ៕

The post បុរសជនជាតិចិន ឆ្លងមេរោគកូរ៉ូណាកំពុងព្យាបាលនៅកម្ពុជា អាចចេញពីពេទ្យបាននៅថ្ងៃចន្ទ appeared first on .

កុំភ័យ បុរសជនបរទេសម្នាក់ ដួលសន្លប់នៅព្រលានយន្តហោះភ្នំពេញ មិនមែនបណ្តាលមកពីវីរុសកូរ៉ូណាទេ

កូនចៅឧកញ៉ា — Sun, 09 Feb 2020 09:53:50 +0000

នៅព្រឹកថ្ងៃទី០៩ ខែកុម្ភៈ ឆ្នាំ២០២០នេះ មានជនបរទេសម្នាក់ បានដួលសន្លប់នៅឯព្រលានយន្តហោះអន្តរជាតិភ្នំពេញ ដែលធ្វើឱ្យសាធារណជនជាច្រើនថតទៅបង្ហោះលើបណ្តាញសង្គម Facebook ដោយថាបណ្តាលមកពីវីរុសកូរ៉ូណា។

ឆ្លើយតបនឹងបញ្ហានេះ អ្នកនាំពាក្យក្រសួងសុខាភិបាលលោក លី សូវ៉ាន់ បានលើកឡើងតាមរយៈ AKP ថា បុរសម្នាក់ដួលសន្លប់នៅព្រលានយន្តហោះអន្តរជាតិភ្នំពេញ បណ្តាលមកពីមានវីរុសកូរ៉ូណា។

លោកោបន្តថា ជនបរទេសនោះខ្វះអុកស៊ីសែនក្នុងខ្លួនទើបបណ្តាលឱ្យដួលសន្លប់មួយរយៈពេលខ្លី ដោយកម្តៅនៅក្នុងខ្លួនគាត់ធម្មតា ហើយបន្ទាប់ពីព្យាបាលរួច ជនបរទេសនោះបានត្រលប់មកព្រលានយន្តហោះវិញ ប៉ុន្តែយន្តហោះបានចាកចេញចោល៕

The post កុំភ័យ បុរសជនបរទេសម្នាក់ ដួលសន្លប់នៅព្រលានយន្តហោះភ្នំពេញ មិនមែនបណ្តាលមកពីវីរុសកូរ៉ូណាទេ appeared first on .

កូរ៉ូណា

អ្នក​ឆ្លង​កូវីដ​មិន​ធូរ​ស្រាល ​បារាំង​គ្រោង​ស្នើ​បិទ​ប្រទេស​ដល់​ពាក់​កណ្ដាល​ឆ្នាំ​ក្រោយ

ចំនួន​ទឹកប្រាក់​ដែល​គ្រួសារ​ក្រីក្រ​ទទួលបាន​ពីរាជរដ្ឋាភិបាល ក្នុង​អំឡុងកូវីដ

ផ្ទះ ពាក់មី នៅ​ស្វាយ​រៀង ​ធ្លាប់​តែ​​សប្បាយ​រាល់​ឆ្នាំ ​តែ​​ឆ្នាំ​​នេះ​ស្ងាត់​​ហើយ

ឧកញ៉ា ម៉ុង ឫទ្ធី ត្រៀម​ផ្អក​១០០​តោន​ ​អំបិល​២៩តោន នឹង​សាច់​៤០០គីឡូ ទប់ទល់​​រយៈពេលយូ