កូវីដបំប្លែងខ្លួនថ្មី

ទើបបើកព្រលានយន្តហោះ Bali មិនបានប៉ុន្មានផងឥណ្ឌូណេស៊ីប្រកាសផ្អាកទទួលភ្ញៀវទេសចរណ៍តាតាមព្រលានយន្តហោះ Jakarta

ឧកញ៉ាសំពៅ — Mon, 07 Feb 2022 13:07:31 +0000

កាលពីថ្ងៃសុក្រសប្ដាហ៍មុន អាជ្ញាធរនៅកោះ Bali ប្រទេសឥណ្ឌូណេស៊ីបានប្រកាសថា ពួកគេបានបើបើកព្រលានយន្តហោះស្វាគមន៍ភ្ញៀវទេសចរណ៍គ្រប់ប្រទេស សម្រាប់ការចូលមកកម្សាន្តលើកោះដ៏ស្រស់ស្អាតមួយនេះ ក្រោយផ្អាកដំណើរការជាង ២ ឆ្នាំ។

យ៉ាងណា ទើបប្រកាសបើបើកព្រលានយន្តហោះនៅ Bali មិនទាន់បាន ២ ថ្ងៃស្រួលបួលផង ស្រាប់តែមានព័ត៌មានថ្មីមួយថា រដ្ឋាភិបាលបានផ្អាកទទួលភ្ញៀវទេសចរណ៍អន្តរជាតិជាបណ្ដោះអាសន្ន បន្ទាប់ពីមានការរាតត្បាតជំងឺកូវីដ ១៩ សារជាថ្មី។

ការផ្អាកទទួលភ្ញៀវទេសចរណ៍ និងអ្នកដំណើរគឺ ធ្វើឡើងតែសសម្រាប់ព្រលានយន្តហោះនៅរដ្ឋធានី Jakarta តែប៉ុណ្ណោះ ដែលនេះមានន័យថា ទាំងភ្ញៀវជាតិ និងអន្តរជាតិដែលមានជើងហោះហើរត្រូវចុះចតនៅនៅព្រលានយន្តហោះមួយនេះ គឺដាច់ខាតត្រូវផ្លាស់ប្ដូរទីចុះចត។

ហេតុផលចំបងដែលតម្រូវឲ្យអាជ្ញាធរសម្រេចចិត្តបិបិទព្រលានយន្តហោះនៅរដ្ឋធានីមួយនេះ គឺដើម្បីពន្យឺតការឆ្លងនៃវីរុសអូមីក្រុងដែលកំពុងលុកលុយយ៉ាងខ្លាំង ពោលកាលពីថ្ងៃអាទិត្យកន្លងទៅករណីឆ្លងសរុបរបស់ប្រទេសនេះហក់ឡើងដល់ជាង ៣ ម៉ឺនករណី ស្របពេលគ្រែសម្រាប់ទទួលអ្នកជំងឺកំពុងប្រើប្រាស់ដល់ទៅជាង ៦០%។

បញ្ជាក់ដែរថា ថ្វីបើបើព្រលានយន្តហោះ Jakarta កំពុងស្ថិតនៅក្នុងការផ្អាកដំណើរការបណ្ដោះអាសន្នក្ដី តែប្រលានយន្តហោះផ្សេងៗទៀតនៅដំណើរការធម្មតា ដូដូចជាព្រលានយន្តហោះ Bali, Batam និង Tanjung Pinang នៅកោះ Riau ជិតប្រទេសសិង្ហបុរីជាដើម៕

ប្រភព: CNA

The post ទើបបើកព្រលានយន្តហោះ Bali មិនបានប៉ុន្មានផងឥណ្ឌូណេស៊ីប្រកាសផ្អាកទទួលភ្ញៀវទេសចរណ៍តាតាមព្រលានយន្តហោះ Jakarta appeared first on .

កៀកព្រឹត្តិការណ៍ Winter Olympics ផង ម្ចាស់ផ្ទះចិនផ្ទុះកូវីដខ្លាំងបំផុតជាថ្មី

ឧកញ៉ាសំពៅ — Thu, 04 Nov 2021 05:38:38 +0000

ព្រឹត្តិការណ៍កីឡាចម្រុះលំដាប់ថ្នាក់ពិភពលោក Winter Olympics នឹងចាប់ផ្ដើមធ្វើឡើងនៅកំឡុងខែ កុម្ភៈ ឆ្នាំ ២០២២ ដែលព្រឹត្តិការណ៍លំដាប់ថ្នាក់អន្តរជាតិមួយនេះ តែងប្រារព្ធធ្វើឡើងរៀងរាល់ ៤ ឆ្នាំម្ដង ខណៈលើកនេះគឺប្រទេសចិនជាម្ចាស់ផ្ទះ។

យ៉ាងណា សល់តែ ៣ ខែទៀតដល់ថ្ងៃបើកឆាកព្រឹត្តិការណ៍សំខាន់ ចិនកំពុងមានបញ្ហាដោយសារអត្រាឆ្លងនៃជំងឺកូវីដ ១៩ កំពុងមានការសាយភាយខ្លាំងនៅពាសពេញផ្ទៃប្រទេស រហូតត្រូវបានចាត់ទុកថា ការឆ្លងលើកនេះ គឺជាការឆ្លងរាតត្បាតខ្លាំងបំផុត តាំងពីផ្ទុះលើកដំបូងនៅទីក្រុង Wuhan ឆ្នាំ ២០១៩។

បើតាមការឲ្យដឹងពីសារព័ត៌មាន Bloomberg គឺបច្ចុប្បន្ន ករណីឆ្លងកូវីដ ១៩ ប្រភេទ Delta គឺមានការកើនឡើងច្រើនជាង ៦០០ ករណី និងត្រូវបានរកឃើញនៅក្នុងខេត្ត ១៩ ក្នុងចំណោមខេត្តទាំង ៣១នៃប្រទេសចិន។

ក្នុងនោះផងដែរ រដ្ឋាភិបាលបានចេញមុខអះអាងថា នឹងនៅតែបន្តអនុវត្តវិធានការលុបបំបាត់កូវីដ ១៩ ឲ្យអស់ ខណៈចំពោះបញ្ហាឆ្លងថ្មីនេះគឺពួកគេរំពឹងថានឹងអាចគ្រប់គ្រងស្ថានការណ៍បានក្នុងអំឡុងពេល ១ ខែ។

ជាក់ស្ដែង បើមើលតាមស្ថិតិកន្លងមក គឺប្រទេសចិនពិតជាធ្វើបានល្អក្នុងការគ្រប់គ្រងស្ថានការណ៍កូវីដ ១៩ បើទោះជាពួកគេជាប្រទេសដែលមានការឆ្លងដំបូងបំផុតក្នុងលោកក្ដី ហើយព្រឹត្តិការណ៍សំខាន់បំផុតលំដាប់អន្តរជាតិដែលមានពួកគេជាម្ចាស់ផ្ទះផងនោះ ច្បាស់ណាស់រដ្ឋាភិបាលចិន នឹងមិនអោបដៃឈរមើលស្ថានការណ៍កាន់តែអាក្រក់បានឡើយ។

តួយ៉ាងកាលពីពេលកន្លងទៅ សួនកម្សាន្ត DisneyLand នៅទីក្រុងសៀងហៃបានបិទទ្វារទាំងមានភ្ញៀវនៅក្នុងនោះប្រមាណជិត ៤ ម៉ឺននាក់ ក្រោយរកឃើញស្ត្រីម្នាក់មានសញ្ញាវិជ្ជមានកូវីដ ១៩ ហើយជាលទ្ធផលមនុស្សប្រមាណ ៣៨ ០០០ នាក់ត្រូវបានពិនិត្យ និងធ្វើសំណាក ខណៈលទ្ធផលនៃការតេស្តមិនបានបញ្ចេញឡើយ។

នេះគឺសបញ្ជាក់ថា អាជ្ញាធរចិនមានវិធានការលឿនៗសម្រាប់ការទប់ស្កាត់ការឆ្លងកូវីដ ១៩ បានយ៉ាងល្អ៕

ប្រភព: Dailymail

The post កៀកព្រឹត្តិការណ៍ Winter Olympics ផង ម្ចាស់ផ្ទះចិនផ្ទុះកូវីដខ្លាំងបំផុតជាថ្មី appeared first on .

លោក ផែង វណ្ណៈ៖ ផ្អាករៀបការមិនបានព្រោះអាចារ្យដេញវេលាបានល្អ ឥឡូវល្អហើយបានទទួលភ្ញៀវមានកូវីដ១៩

អ្នកឧកញ៉ាវត្តភ្នំ — Mon, 15 Mar 2021 03:55:29 +0000

អ្នកការសែតជើងចាស់ ដែលសាធារណៈជនទាំងក្នុង និងក្រៅប្រទេសស្គាល់ថា ច្បាស់ថា ជាអ្នករិះគន់មិនសំចៃមាត់លើបណ្ដាញសង្គម លោក ផែង វណ្ណៈ ស្ថាបនិក Pheng Vannak News កាលពីព្រឹកថ្ងៃទី១៥ មីនា ២០២១នេះ បានបញ្ចេញទស្សនៈផ្ទាល់ខ្លួននូវពាក្យពេចន៍ដ៏ចាក់ដោតប៉ុន្មានឃ្លា ជាការដាស់តឿនដល់ម្ចាស់កម្មវិធីរៀបការទាំងឡាយណាដែលមិនព្រមលះបង់ ឬផ្អាកកម្មវិធីបណ្ដោះអាសន្នសិន ក្នុងស្ថានភាពកូវីដ១៩ ដែលកំពុងរាលដាលសឹងពេញប្រទេសកម្ពុជា។

«ផ្អាករៀបការមិនបានទេ ព្រោះអាចារ្យដេញពេលវេលាបានល្អណាស់ ម្យ៉ាងទៀតបើមិនបានរៀបការខ្លាច…មុនឆ្លងកូវីដ។ ឥលូវល្អហើយ បានទទួលភ្ញៀវមានកូវីដ១៩អញ្ចឹង អោយស្រលះទៅសំរាប់ពួកក្បាលរឹង»។ នេះបើតាមខ្លឹមសារ លោក ផែង វណ្ណៈ បានបង្ហោះជាសាធារណៈលើផេកហ្វេសប៊ុកផ្លូវការរបស់ខ្លួន។

ការរិះគន់ចំៗនេះ ទំនងជាកើតមានឡើង ក្រោយពេលមានករណីយុវជនម្នាក់ ដែលមានហ្វេសប៊ុក ឈ្មោះ កក្កដា សុភ័ណ្ណ បានបង្ហោះសារថា ខ្លួនបានធ្វើតេស្តឃើញលទ្ធផលវិជ្ជមានកូវីដ១៩ ហើយបានទៅចូលរួមកម្មវិធី និងធ្វើជាអ្នកកំដរការមិត្តភ័ក្តិជិតស្និតរបស់ខ្លួន ស្ថិតនៅភូមិក្រាំងលាវ ឃុំរវៀង ស្រុកសំរោង ខេត្តតាកែវ កាលពីថ្ងៃទី១២ មីនា ២០២១។

យ៉ាងណាមិញ មិនមែនតែលោក ផែង វណ្ណៈ ម្នាក់ទេ ដែលសម្ដែងការមិនពេញចិត្ត និងព្រួយបារម្ភខ្លាំង ចំពោះការបន្តរៀបចំកម្មវិធីជួបជុំ ជាពិសេសកម្មវិធីមង្គលការ របស់ប្រជាពលរដ្ឋទូទាំងប្រទេស ក្រោមហេតុផងខ្លាចមានករណីអ្នកជំងឺកូវីដដោយមិនដឹងខ្លួន ចូលរួមកម្មវិធីដែរ។ កន្លងមកក៏មានករណីអ្នកពាក់ព័ន្ធនឹងអ្នកជំងឺកូវីដ និងអ្នកជំងឺកូវីដ១៩ខ្លួនឯងផ្ទាល់ បានទៅចូលរួមកម្មវិធីការ បងប្អូន មិត្តភ័ក្តិដែរ ដូចជាខេត្តព្រៃវែង ខេត្តកំពង់ចាម ខេត្តកំពត ហើយភ្ញៀវដែលពាក់ព័ន្ធទាំងអស់ត្រូវឱ្យធ្វើចត្តាឡីស័កជាបន្តបន្ទាប់។

គួរបញ្ជាក់ថា មកទល់នឹងពេលនេះអាជ្ញាធរពាក់ព័ន្ធគ្រប់លំដាប់ថ្នាក់ មិនទាន់បានចេញសេចក្ដីជូនដំណឹងរួមផ្លូវការណាមួយ ទាក់ទងនឹងការផ្អាក និងបិទរាល់គ្រប់កម្មវិធីជួបជុំ ក្នុងក្របខ័ណ្ឌទូទាំងប្រទេសនៅឡើយទេ ប៉ុន្តែឃើញមានតែរដ្ឋបាលរាជធានីខេត្ត ភាគតិចប៉ុណ្ណោះ បានប្រកាសផ្អាកគ្រប់កម្មវិធីជួបជុំក្នុងខេត្តរបស់ខ្លួន ដោយសារតែតំបន់នោះ ត្រូបានរកឃើញ ករណីចរាចរណ៍អ្នកមានកូវីដ១៩ លក្ខណៈសហគមន៍៕

The post លោក ផែង វណ្ណៈ៖ ផ្អាករៀបការមិនបានព្រោះអាចារ្យដេញវេលាបានល្អ ឥឡូវល្អហើយបានទទួលភ្ញៀវមានកូវីដ១៩ appeared first on .

កាចសាហាវ! មេរោគកូវីដដែលចម្លងក្នុងព្រឹត្តិការណ៍សហគមន៍២០កុម្ភៈ ជាកូវីដបំប្លែងខ្លួនថ្មី

ឧកញ៉ាកោះក្របី — Tue, 23 Feb 2021 03:10:00 +0000

ក្រសួងសុខាភិបាល បានបញ្ជាក់ថា មេរោគកូវីដ១៩ ដែលចម្លងនៅក្នុងព្រឹត្តិការណ៍សហគមន៍២០កុម្ភៈ កន្លងទៅនេះ គឺជាមេរោគកូវីដ១៩ បំប្លែងខ្លួន ដែលជាមេរោគកាចសាហាវ និងចម្លងឆាប់រហ័សជាងធម្មតា ដែលកន្លងមកដឹងថាមានប្រភពពីប្រទេសអង់គ្លេស។

លទ្ធផលពីវិទ្យាស្ថានប៉ាស្ទ័របានវិភាគអ្នកជំងឺ ០៣ នាក់ បានឆ្លងកូវីដ ១៩ បម្លែងខ្លួន ដោយម្នាក់មានអាសយដ្ឋាននៅសង្កាត់ទន្លេបាសាក់ និងពីរនាក់ទៀតជាបុគ្គលិកហាង N8។

មេរោគថ្មីនេះ បង្កការព្រួួយបារម្ភ និងមានលទ្ធភាពខ្ពស់ក្នុងការឆ្លងលឿនចូលក្នុងសហគមន៍។

សូមបញ្ជាក់ថា ការផ្ទុះឆ្លងក្នុងសហគមន៍ ២០ កុម្ភៈ រយៈពេល ០៤ ថ្ងៃ មានអ្នកឆ្លងសរុប ៩២ នាក់៕

The post កាចសាហាវ! មេរោគកូវីដដែលចម្លងក្នុងព្រឹត្តិការណ៍សហគមន៍២០កុម្ភៈ ជាកូវីដបំប្លែងខ្លួនថ្មី appeared first on .

កូវីដបំប្លែងខ្លួនថ្មី

កៀក​ព្រឹត្តិការណ៍ Winter Olympics ផង ម្ចាស់​ផ្ទះ​ចិន​ផ្ទុះកូវីដ​ខ្លាំង​បំផុត​ជាថ្មី

លោក ផែង វណ្ណៈ៖ ផ្អាករៀបការមិនបានព្រោះអាចារ្យដេញវេលាបានល្អ ឥឡូវល្អហើយបានទទួលភ្ញៀវមានកូវីដ១៩

កាចសាហាវ! មេរោគកូវីដដែលចម្លងក្នុងព្រឹត្តិការណ៍សហគមន៍២០កុម្ភៈ ជាកូវីដបំប្លែងខ្លួនថ្មី

កៀកព្រឹត្តិការណ៍ Winter Olympics ផង ម្ចាស់ផ្ទះចិនផ្ទុះកូវីដខ្លាំងបំផុតជាថ្មី