តារាចម្រៀង សុគន្ធ នីសា បដិសេធព័ត៌មានផ្សាយថា ពាក់ព័ន្ធជាមួយអ្នកនាង កែវ ច័ន្ទនិមល ដែលមានជំងឺឆ្លងកូវីដ១៩

ឧកញ៉ាកោះក្របី — Tue, 09 Mar 2021 03:49:53 +0000

កំពូលតារាចម្រៀងស្រី សុគន្ធ នីសា បានចេញមកបកស្រាយព័ត៌មានដែលផ្សាយថា អ្នកនាងជាប់ពាក់ព័ន្ធព្រឹត្តិការណ៍សហគមន៍ ២០កុម្ភះជាមួយអ្នកនាង កែវ ច័ន្ទនិមល ជាពិធីការិនីនៅស្ថានីយ៍ទូរទស្សន៍ហង្សមាស ដែលបានឆ្លងជំងឺកូវីដ១៩ ជាមួយប្តី និងកូនស្រីអាយុ១០ឆ្នាំ។

តារាចម្រៀង សុគន្ធ នីសា បានឲ្យដឹងតាមទំព័រហ្វេសបុកមុនថា ជំរាបសួពុកម៉ែបងប្អូន អរគុណច្រេីនសម្រាប់ការបារម្មណ៍សួសុខទុក្ខមកលេីរូបខ្ញុំនិងក្រុមគ្រួសារ កន្លងមកនេះខ្ញុំមិនបានជួបជាមួយនិមលទេ ហេីយក៏មិនបានដេីរទៅកន្លែងមុខសញ្ញាដែលមានកេីតកូវីដ១៩ ដែរ ប៉ុន្ដែជំងឺនេះវាអាចជាប់ពាក់ព័ន្ធតតគ្នាដូចសម្លរកំពិសចឹង។ អ្នកនាងថា ខ្ញុំនឹងបន្តសង្កេតខ្លួនឯងទៀត ចាំមេីលលទ្ធផល អ្នកដែលយេីងជួបជាប្រយ៉ោល តតគ្នា បេីយ៉ាងណាៗខ្ញុំនឹងទាក់ទងដេីម្បីតេសអោយប្រាកដ។

តារាចម្រៀងប្រចាំផលិតកម្មហង្សមាសរូបនេះ បានបញ្ជាក់ថា ពេលដែលដឹងពត៌មានយប់មិញនេះហេីយខាងផ្ទះខ្ញុំនេះក៏បាន ហាមខ្លួនឯងនិងអ្នកផ្ទះមិនអោយចេញទៅក្រៅឡេីយ ចំណែកខាងផ្ទះម្តាយខ្ញុំ មិនមានការពាក់ព័ន្ធអ្វីទេ ព្រោះ ខ្ញុំមិនបានចេញចូលផ្ទះម៉ាក់ខ្ញុំប្រហែល ពីរអាទិត្យហើយ ។

អ្នកនាងក៍សូមទោសបងប្អូនដែលខ្ញុំមិនបានតបសារផងណា ហេីយសូមជូនពរនិមល និងក្រុមគ្រួសារអោយឆាប់ជា។ ចំណែកខ្ញុំក៏ជាជនសង្ស័យ តែមិនទាន់អី ល្ងាចនេះខ្ញុំនឹងចាំដំណឹងពីគេដែរ បេីអ្នកដែលខ្ញុំបានជួបដោយប្រយ៉ោលមាន ខ្ញុំនឹង ធ្វេីតេស្ត។

អ្នកនាងថ្លែងបន្តទៀតថា សូមជូនពរបងប្អូន អោយសុខសប្បាយ (រឿងហេតុមានជាស្រេច បេីវាត្រូវកេីត វានឹងកេីត គ្មានអ្នកណាអាចហាមឃាត់បានឡេីយ បេីគេអោយហេីយទទួលវាទៅ អរគុណច្រេីនបងប្អូនដែលបារម្មណ៍ យ៉ាងណាៗ ខ្ញុំនឹងផ្តលពត៌មានជូនបងប្អូនទៀត៕

The post តារាចម្រៀង សុគន្ធ នីសា បដិសេធព័ត៌មានផ្សាយថា ពាក់ព័ន្ធជាមួយអ្នកនាង កែវ ច័ន្ទនិមល ដែលមានជំងឺឆ្លងកូវីដ១៩ appeared first on .

អ្នកនាង កែវ ច័ន្ទនិមល៖ កន្លងមក ខ្ញុំបានព្យាយាមការពារខ្លាំងណាស់ ខ្ញុំសូមអធ្យាស្រ័យពីបងប្អូនទាំងអស់គ្នាផង!

ឧកញ៉ាកោះក្របី — Tue, 09 Mar 2021 02:09:53 +0000

អ្នកនាង កែវ ច័ន្ទនិមល ពិធីការិនីស្ថានីយទូរទស្សន៍ ហង្សមាស ស្វាមី និងកូនស្រ្តីអាយុ ១០ឆ្នាំ ពិតជាបានឆ្លងកូវីដ-១៩ ពិតមែន។ អ្នកនាងថា “កន្លងមក ខ្ញុំបានព្យាយាមការពារខ្លាំងណាស់ ខ្ញុំសូមអធ្យាស្រ័យពីបងប្អូនទាំងអស់គ្នាផង!”។

អ្នកស្រី កែវ ច័ន្ទនិមល បានប្រាប់ថា គាត់បានឆ្លងកូវីដ១៩ ពីអ្នកដឹកនាំថតស្ពត ឈ្មោះទីតូ ព្រោះកាលអំឡុងថ្ងៃទី ២៧-២៨ ខែកុម្ភៈ ឆ្នាំ២០២១ គាត់បានទៅជួយថតវីដីអូដើម្បីចូលរួមផ្សព្វផ្សាយអំពីការពារកូវីដ១៩ ហើយម្សិលមិញទើបគាត់ទទួលដំណឹងថា អ្នកដឹកនាំថតស្ពត ឈ្មោះទីតូ មានវិជ្ជមានកូវីដ១៩ (ឈ្មោះទីតូ ធ្លាប់ជួបជុំផឹកជាមួយប៉ូលីសចរាចរណ៍)។

រហូតមកដល់ពេលនេះកំពូលតារាល្បីៗជាពិសេសនៅហង្សមាស អាចមានជាប់ពាក់ព័ន្ធជាមួយឈ្មោះទីតូ ច្រើននាក់ ជាក់ស្តែងដូចជា ឱក សុគន្ធកញ្ញា ក៏មានអាការៈក្តៅខ្លួន និងកំពុងស្ថិតក្នុងការតាមដាន, សុគន្ធ និសា មានអាការៈផ្តាសាយ តែមិនក្តៅខ្លួនទេ និងមានតារាផ្សេងៗទៀតកំពុងទៅធ្វើតេស្តរកកូវីដ១៩។

ដោយឡែកអ្នកស្រី កែវ ច័ន្ទនិមល និងគ្រួសារ ត្រូវបានដាក់ឱ្យសម្រាកព្យាបាលនៅអតីតអាំងទែរកុងទីណង់តាល់ (The Great Duke) និងត្រូវបានអនុញ្ញាតឱ្យស្នាក់នៅរួមក្នុង១បន្ទប់ ជុំប្តី និងកូន។

សេចក្តីរាយការណ៍ខាងលើនេះ បានធ្វើឡើង ខណៈដែលសម្តេចតេជោ ហ៊ុន សែន បានប្រកាសនៅយប់ថ្ងៃទី៨ ខែមីនានេះថា ជំងឺកូវីដ១៩ នៅពេលនេះ បានឆ្លងរាលដាលធ្ងន់ធ្ងរ ចូលដល់ប៉ូលិស មន្ត្រីរាជការ និងសិល្បករ ច្រើននាក់៕

The post អ្នកនាង កែវ ច័ន្ទនិមល៖ កន្លងមក ខ្ញុំបានព្យាយាមការពារខ្លាំងណាស់ ខ្ញុំសូមអធ្យាស្រ័យពីបងប្អូនទាំងអស់គ្នាផង! appeared first on .