បើតាមម្ចាស់អាជីវកម្មមួយកន្លែងមាន យីហោ ស៊ីមន្តកោះទន្សាយផ្ទះសំណាក់អាហារដ្ឋាន និងទូកកម្សាន្តបានឱ្យដឹងថា សព្វថ្ងៃមានកន្លែងសម្រាប់ភ្ញៀវមកកម្សាន្តចំនួន២០កន្លែង និងផ្ទះសម្រាប់ស្នាក់នៅមានចំនួន២០ផ្ទះ ហើយពីថ្ងៃទិវាសិទ្ធនារីអន្តរជាតិ៨មីនាកន្លងទៅនេះ ភ្ញៀវចូលមកស្នាក់និងកម្សាន្តពេញគ្រប់កន្លែងទាំងអស់។
លោកស៊ីមន្ត បញ្ជាក់ថា នៅលើកោះទន្សាយឬ នៅតំបន់របស់ខ្ញុំមានម្ចាស់អាជីវកម្មផ្តល់សេវាជូនភ្ញៀវជាតិនិងអន្ដរជាតិចំនួន៧បឹងកាឡូ ហើយពលរដ្ឋក្នុងស្រុកនៅពេលបច្ចុប្បន្ននេះ ពួកគាត់មានសេចក្តីក្លាហាន ក្នុងការជិះទូកមកលេងនៅទីនេះ និងម្យ៉ាងទៀតសហគមន៍កោះទន្សាយនៅពេលដែលមានខ្យល់ឬមេឃអ៊ូអាប់
ខ្លំាងអត់ឱ្យមានការចេញទូកទៅខាងក្រៅនោះទេ។

ពាក់ព័ន្ធនឹងកោះទន្សាយនេះផងដែរ, ប្រធានសមាគមទេសចរណ៍កម្ពុជា បានកត់សម្គាល់ឃើញថាមកដល់ឥឡូវនេះទេសចរក្នុងស្រុក ចាប់ផ្តើមចេញដើរកម្សាន្តទៅតំបន់ឆ្ងាយៗ ហើយសម្រាប់កោះទន្សាយ គឺជាកោះមានទំហំធំ ហើយសហគមន៍ទេសចរណ៍ ប្រជាពលរដ្ឋដែលបានរស់នៅទីនោះ មានការយល់ដឹងអំពីការផ្តល់នៅសេវាកម្មទៅដល់ភ្ញៀវទេសចរបានល្អ ហើយម្ហូបអាហារក៏មានអនាម័យអាចទទួលបាន។

ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជា មានប្រសាសន៍ថា «ការចេញដើររបស់ភ្ញៀវទេសចរក្នុងស្រុកនេះ បានធ្វើឱ្យពលរដ្ឋដែលរស់នៅទីកន្លែងនោះទទួលបានអត្ថប្រយោជន៍ ជួយឱ្យសេដ្ឋកិច្ចគ្រួសារប្រសើរជាងមុន»។

បើយោងតាម ប្រធានសមាគមទេសចរណ៍កម្ពុជា ស្របពេលនិន្នាការនៃការចេញដើររបស់ពលរដ្ឋក្នុងស្រុកទៅកម្សាន្តនៅកោះទន្សាយនេះមានច្រើន លើកោះទន្សាយនឹងចេញជារូបរាងនៅកំពង់ផែស្តង់ដារមួយនៅពេលខាងមុខ ហើយកំពង់ផែនេះនឹងមានការទាក់ទាញការវិនិយោគ ការដឹកជញ្ជូនពីកម្ពុជាទៅប្រទេសវៀតណាម ពិសេសទាញភ្ញៀវមកពីកោះត្រល់បានច្រើន។

ឧកញ៉ា ឆាយ ស៊ីវលីន មានប្រសាសន៍សង្កត់ធ្ងន់ថា «នៅពេលយើងមានប្រព័ន្ធហេដ្ឋារចនាសម្ព័ន្ធដឹកជញ្ជូនតាមផ្លូវទឹកមានភាពល្អប្រសើរ យើងអាចទាក់ទាញភ្ញៀវទេសចរបរទេស។ កន្លងមកយើងទទួលបានភ្ញៀវបរទេសពិតមែន តែនៅមានកម្រិតនៅឡើយ ដោសារមិនទាន់មានកំពង់ផែ អីចឹងទូកដឹកជញ្ជូនភ្ញៀវមានលក្ខណៈតូចៗ មិនទាន់មានទូកមានលក្ខណៈស្តង់ដារចេញ ចូលដឹកភ្ញៀវអន្តរជាតិល្អៗ។ ដូចនេះបើកំពង់ផែកើតឡើងហើយនិងមានការវិនិយោគទៅលើទូកដឹកភ្ញៀវល្អៗ យើងនឹងរៀបចំឱ្យមាននៅក្នុងខ្សែទស្សនៈកិច្ចតំបន់កោះនេះដាក់បញ្ចូលទៅក្នុងខ្សែទស្សនៈកិច្ចរបស់ទីភ្នាក់ងារទេសចរណ៍ អាចស្រូបទាញភ្ញៀវទេសចរល្អទៅកម្សាន្តច្រើន វានឹងជួយឱ្យសហគមន៍នៅលើកោះទន្សាយ ក៏ដូចជាប្រជាពលរដ្ឋរស់នៅកោះនេះទទួលបានចំណូលកាន់តែច្រើនពីភ្ញៀវទេសចរអន្តរជាតិ៕តាកែវ

The post កោះទន្សាយកំពុងទទួលបានការចាប់អារម្មណ៍ពីប្រជាពលរដ្ឋក្នុងស្រុកទៅកម្សាន្តកាន់តែច្រើន appeared first on .

ផែនការមេ​នៃ​គម្រោង​អភិវឌ្ឍន៍​កោះទន្សាយ ​​ត្រូវ​បាន​ឌីហ្សាញ​ឡើង​ដោយ​ក្រុមហ៊ុន​ Osmosis Architects ​ដែល​​ក្នុង​នោះ​មានទាំង រីសត សណ្ឋាគារ មណ្ឌលកម្សាន្ត ព្រះពុទ្ធរូប និង រ៉តកន្រ្តកខ្សែកាបឆ្លងពីកោះទៅកោះមួយ​ទៀត​ផង។ គម្រោង​អភិវឌ្ឍន៍​ដ៏​ទាក់ទាញ​សម្បូរ​បែប​នៅ​លើ​កោះ​ទន្សាយ​នេះ ​ត្រូវ​បាន​គេ​រំពឹង​ថា​នឹង​អាច​ទាក់​ទាញ​ភ្ញៀវ​ទេសចរជាតិ និងអន្តរជាតិ​កាន់តែច្រើន។

កោះទន្សាយ ​ជារមណីយដ្ឋានរ​ណ​ប​របស់ខេត្ត​កែប ដែលអ្នកទេសចរជាតិ​ និងបរទេសបាន​​ទៅ​ទស្សនា​ខេត្ត​កែបហើយ តែងតែ​​​​ចង់​បន្តដំណើរ​​ទៅ​សម្រាកកម្សាន្ត​នៅកោះនេះ។ កោះទន្សាយ​ មានទីតាំងស្ថិតនៅប៉ែក​អាគ្នេយ៍នៃ​ទីក្រុងកែប មានចម្ងាយ៤,៥គីឡូម៉ែត្រពីទីក្រុងនេះ ជិះទូក​រយៈពេល​ប្រមាណ​៣០​នាទី ពី​កំពង់ផែ​ទេសចរណ៍​កោះទន្សាយ។ កោះនេះ​ជារមណីដ្ឋានធម្មជាតិ​ដ៏ល្អប្រណិត​របស់ទីក្រុង ដែល​មាន​លក្ខណៈ​អំណោយ​ផលពី​ធម្មជាតិ ព្រោះ​មាន​ឆ្នេរខ្សាច់​ចំនួន២កន្លែង ដែលមានវាលខ្សាច់សពីធម្មជាតិ អាចធ្វើជាកន្លែង​សម្រាប់​ងូតទឹក​កម្សាន្តសប្បាយ។

សូម​ជម្រាប​ថា ​កាលឆ្នាំ២០១៩ ក្រុមប្រឹក្សាអភិវឌ្ឍន៍កម្ពុជា បាន​​អនុម័ត​​ឱ្យ​ក្រុមហ៊ុន​ ទ្រី ភាព កោះទន្សាយ រីសត ឯ.ក (Try Pheap Koh Tunsay Resorts Co., Ltd) ទទួលបានសិទ្ធិអភិវឌ្ឍន៍កោះទន្សាយរហូត ៥០ឆ្នាំ​ ដោយ​ចំណាយទុនវិនិយោគរហូត ១៣០លានដុល្លារ ហើយបច្ចុប្បន្ននេះ ក្រុមហ៊ុនកំពុង​ដំណើរ​ការអភិវឌ្ឍ​គម្រោង​របស់ខ្លួនយ៉ាងសកម្ម ក្នុងបំណងបង្កើតទីក្រុងរណបថ្មីមួយ រួម​ទាំង​មណ្ឌលកម្សាន្ត​​ដ៏​សម្បូរ​បែប៕

The post មកមើលគម្រោងវិនិយោគកោះទន្សាយ ក្រុមហ៊ុនអ្នកឧកញ៉ា ទ្រី ភាព ដែលគ្រោងចំណាយទុន ១៣០លានដុល្លារ appeared first on .

លោក ហម និមល អនុប្រធាន​ទីប្រឹក្សា​​បច្ចេកទេស​របស់​ ADB ​​បាន​ឱ្យ​ដឹង​​កាលពី​ថ្ងៃទី១៨ ខែតុលា ឆ្នាំ២០២៣​​ ថា កំពង់ផែទេសចរណ៍​កោះទន្យាយ គិត​មក​ដល់​ពេល​នេះ​សម្រេច​ការ​សាងសង់​​បាន​ជិត ៥០% ហើយ ​​និង​គ្រោង​បញ្ចប់​ការសាងសង់​ត្រឹម​ខែ​មករា ឆ្នាំ២០២៤។ អនុគម្រោងសាងសង់កំពង់ផែកោះទន្សាយ គ្រោង​ចំណាយ​ថវិកាប្រមាណជាង ១,៦លានដុល្លារ ក្រោមកម្ចី​ឥណទាន​របស់ធនាគារអភិវឌ្ឍន៍អាស៊ី ADB។

លោក សោម ពិសិដ្ឋ អភិបាលខេត្តកែប ក៏​​បាន​​បញ្ជាក់​ឱ្យ​ដឹង​កាលពី​ពេល​ថ្មីៗ​នេះ​​ថា ខេត្តកែប​បច្ចុប្បន្ន​កំពុង​មាន​ការ​អភិវឌ្ឍ​ខ្លាំង​ ក្នុង​នោះ​មាន​អនុគម្រោង​សំខាន់ៗ​ចំនួន​៣ រួមមាន គម្រោង​ទីលាន​ទុកដាក់​សម្រាម​ស្តង់ដា (បាន​សម្ពោធ​រួចរាល់), គម្រោង​កំពង់ផែ​ទេសចរណ៍​កោះទន្សាយ និង​គម្រោង​ផ្លូវ​ប្របមាត់​សមុទ្រ ដែល​នឹង​ក្លាយ​ជា​សរសៃឈាម​សំខាន់បំផុត។ ចំពោះ​​ការ​សាងសង់​កំពង់ផែ ជាការ​ពង្រីក​នូវ​សក្តានុពល​​វិស័យ​ទេសចរណ៍ និង​សេដ្ឋកិច្ច​របស់​ខេត្តកែប តាម​រយៈ​ផ្លូវទឹក​ទ្វេរ​ភាគី​ជាមួយ​​ប្រទេស​ក្នុង​តំបន់ ហើយ​កំពង់ផែ​ទេសចរណ៍​នេះ ​នឹង​ឈាន​ទៅ​ដល់​ការ​ទទួល​ភ្ញៀវ​ទេសចរណ៍​កម្រិត​ថ្នាក់​អន្តរជាតិ​ផងដែរ​ក្នុង​ថ្ងៃ​អនាគត។

កោះទន្សាយ គឺ​ជារមណីយដ្ឋានរ​ណ​ប​របស់ខេត្ត​កែប ដែលអ្នកទេសចរខ្មែរ និងបរទេសបាមកទស្សនា​ខេត្ត​កែបហើយ តែងតែ​​​បន្តដំណើរ​មកសម្រាកកម្សាន្ត​នៅកោះនេះ។ កោះទន្សាយ​ មានទីតាំងស្ថិតនៅប៉ែក​អាគ្នេយ៍នៃ​ទីក្រុងកែប មានចម្ងាយ៤,៥គីឡូម៉ែត្រពីទីក្រុងនេះ ជិះទូក​រយៈពេល​ប្រមាណ​៣០​នាទី ពីកំពង់ផែទេសចរណ៍​កោះទន្សាយ។ កោះនេះ​ជារមណីដ្ឋានធម្មជាតិ​ដ៏ល្អប្រណិត​របស់ទីក្រុង ដែល​មាន​លក្ខណៈ​អំណោយ​ផលពី​ធម្មជាតិ ព្រោះ​មាន​ឆ្នេរខ្សាច់​ចំនួន២កន្លែង ដែលមានវាលខ្សាច់សពីធម្មជាតិ អាចធ្វើជាកន្លែង​សម្រាប់​ងូតទឹក​កម្សាន្តសប្បាយ។

សូម​ជម្រាប​ថា ​កាលឆ្នាំ២០១៩ ក្រុមប្រឹក្សាអភិវឌ្ឍន៍កម្ពុជា បាន​​អនុម័ត​​ឱ្យ​ក្រុមហ៊ុន​ ទ្រី ភាព កោះទន្សាយ រីសត ឯ.ក (Try Pheap Koh Tunsay Resorts Co., Ltd) ទទួលបានសិទ្ធិអភិវឌ្ឍន៍កោះទន្សាយរហូត ៥០ឆ្នាំ​ ដោយ​ចំណាយទុនវិនិយោគរហូត ១៣០លានដុល្លារ ហើយបច្ចុប្បន្ននេះ ក្រុមហ៊ុនក៏កំពុង​ដំណើរ​ការអភិវឌ្ឍ​គម្រោងរបស់ខ្លួនយ៉ាងសកម្ម ក្នុងបំណងបង្កើតទីក្រុងរណបថ្មីមួយ សម្រាប់ខេត្តកែប៕

The post កោះទន្សាយរីសត របស់អ្នកឧកញ៉ា ទ្រី ភាព នឹងមានកំពង់ផែថ្មីឆាប់ៗ អាចទទួលភ្ញៀវទេសចរកម្រិតអន្តរជាតិ appeared first on .

លោក រិន វណ្ណា អ្នក​​រត់​ទូក​នៅ​កំពង់ផែ​កោះទន្សាយ ​​បាន​ប្រាប់​ដល់​ឧកញ៉ា ញូស៍ កាលពី​ថ្ងៃទី២៦ ខែ​កក្កដា ឆ្នាំ២០២៣ ថា ជា​ទូទៅ​ការ​ធ្វើ​ដំណើរ​ទៅ​កម្សាន្ត​នៅ​កោះទន្សាយ ​​តម្លៃ​​ដូច​មាន​កំណត់​នៅ​ក្នុង​តារាង​របស់​ក្រុមហ៊ុន ដោយ​ក្នុង​នោះ ​ទូក​មួយ​តម្លៃ ២៥​ដុល្លារ សម្រាប់​ធ្វើ​ដំណើរ​ទៅ​មក ​​ហើយ​ក្នុង​មួយ​ទូក​កំណត់​ចំនួន​មនុស្ស​ពី ១នាក់ ដល់ ៨​នាក់ សម្រាប់​ភ្ញៀវ​ជនជាតិ​ខ្មែរ និង​ ១នាក់ ដល់ ៦​នាក់ សម្រាប់​ភ្ញៀវ​បរទេស។ ម្យ៉ាង​ទៀត ភ្ញៀវ​ក៏​អាច​​​យក​សេវា​​ប្រញាប់​ពិសេស​ តម្លៃ​២៥​ដុល្លារ​ដូច​គ្នា តែ​​​មាន​គ្នា​ពី ១នាក់ ទៅ ៤​នាក់ ក៏​អាច​ចេញ​ដំណើរ​បាន​ផង​ដែរ។

លោក រិន វណ្ណា បាន​បង្ហើប​ឱ្យ​ដឹង​​ទៀត​​ថា មួយ​រយៈ​​ចុង​ក្រោយ​នេះ​ភ្ញៀវ​ទេសចរណ៍​ទៅ​កម្សាន្ត​នៅ​កោះទន្សាយ​ ហាក់​ថមថយ​ជាង​ពេល​មុនៗ។ តាម​ការ​អង្កេត​​របស់​លោក លោក​យល់​ឃើញ​ថា ​​កត្តា​ទាំង​នេះ​​​អាច​នឹង​មក​ពី​បញ្ហា​សេដ្ឋកិច្ច​ ឬ​កត្តា​អាកាសធាតុ​ពុំ​សូវ​អំណោយ​ផល ធ្វើ​ឱ្យ​ភ្ញៀវ​មិន​ហ៊ាន​ធ្វើ​ដំណើរ​តាម​ទូក។ ទោះ​យ៉ាង​ណា ​​លោក​សំណូម​ពរ​ឱ្យ​ភ្ញៀវទេសចរណ៍​កុំ​មាន​ការ​ព្រួយ​បារម្ភ​ចំពោះ​សុវត្ថិភាព ព្រោះ​ក្រុមការងារ​សុទ្ធ​តែ​យល់​ច្បាស់​ពី​ស្ថានភាព​ ​និង​​សូម​អញ្ជើញ​ទៅ​​កម្សាន្ត​នៅ​កោះ​ធម្មជាតិ​មួយ​នេះ​ឱ្យ​កាន់​តែ​ច្រើន។

សូម​ជម្រាប​ថា ​កាលឆ្នាំ២០១៩ ក្រុមប្រឹក្សាអភិវឌ្ឍន៍កម្ពុជា បាន​​អនុម័ត​​ឱ្យ​ក្រុមហ៊ុន​ ទ្រី ភាព កោះទន្សាយ រីសត ឯ.ក (Try Pheap Koh Tunsay Resorts Co., Ltd) ទទួលបានសិទ្ធិអភិវឌ្ឍន៍កោះទន្សាយរហូត ៥០ឆ្នាំ​ ដោយ​ចំណាយទុនវិនិយោគរហូត ១៣០លានដុល្លារ ហើយបច្ចុប្បន្ននេះ ក្រុមហ៊ុនក៏កំពុង​ដំណើរ​ការអភិវឌ្ឍ​គម្រោងរបស់ខ្លួនយ៉ាងសកម្ម ក្នុងបំណងបង្កើតទីក្រុងរណបថ្មីមួយ សម្រាប់ខេត្តកែប។

កោះទន្សាយ​ មានទីតាំងស្ថិតនៅប៉ែកអាគ្នេយ៍នៃទីក្រុងកែប មានចម្ងាយ៤,៥គីឡូម៉ែត្រពីទីក្រុងនេះ និងជិះទូក​រយៈពេល​ប្រមាណ​ប្រហែល​៣០​នាទី។ ទីនេះ​ជារមណីដ្ឋានធម្មជាតិ​ដ៏ល្អប្រណិត​របស់ទីក្រុង ដែល​មាន​លក្ខណៈ​អំណោយ​ពី​ធម្មជាតិ ព្រោះ​មាន​ឆ្នេរខ្សាច់​ចំនួន២កន្លែង ដែលមានវាលខ្សាច់សពីធម្មជាតិ អាចធ្វើជាកន្លែង​សម្រាប់​ងូតទឹក​សមុទ្រកម្សាន្តសប្បាយបាន៕

The post មកដឹងតម្លៃទូកទៅកោះទន្សាយ ដែលក្រុមហ៊ុនអ្នកឧកញ៉ា ទ្រី ភាព ទទួលបានសិទ្ធិអភិវឌ្ឍន៍ ៥០ឆ្នាំ appeared first on .