មកស្គាល់អគារខ្ពស់ដាច់គេទាំង ៤ កន្លែង កំពុងបណ្តែតខ្លួននៅទីក្រុងកោះពេជ្រ

ឧកញ៉ាមហាសម្បត្តិ — Fri, 05 Aug 2022 08:48:58 +0000

សំណង់អគារខ្ពស់ៗបានលេចត្រដែតខ្លួននៅលើទឹកដីកោះពេជ្រ ដែលអគារខ្លះបានសាងសង់រួចរាល់ហើយ ខ្លះកំពុងតែសាងសង់ និងខ្លះទៀតគឺស្ថិតក្នុងគម្រោងសាងសង់នៅឡើយ។

តំបន់កោះពេជ្រដែលដើមឡើយគ្រាន់តែជាលំនៅដ្ឋាននិងកន្លែងដាំបន្លែរបស់គ្រួសារក្រីក្រ ឥឡូវនេះបានប្រែក្លាយមុខមាត់ទាំងស្រុងទៅជាមជ្ឈមណ្ឌលពាណិជ្ជកម្ម មានសំណង់អគារខ្ពស់ៗ អគារលំនៅដ្ឋានចម្រុះជាច្រើនទៀត។

ឧកញ៉ាញូនស៍ សូមនាំអារម្មណ៍ប្រិយមិត្តស្គាល់ពីសំណង់អគារខ្ពស់កប់ពពកទាំង ៤ កន្លែងដែលបញ្ចប់ការសាងសង់ក្លាយជាអគារខ្ពស់បំផុតនៅទីក្រុងពាណិជ្ជមួយនេះ។

អគារ Morgan Tower

អគារដ៏ខ្ពស់ស្កឹមស្កៃស្ថិតនៅកណ្តាលទីក្រុងកោះពេជ្រ បានបញ្ចប់ការសាងសង់នៅចុងឆ្នាំ២០២០ ដោយប្រើប្រាស់ពេលសាងសង់សរុប ២៨ ខែ គិតចាប់តាំងពីថ្ងៃបើកការដ្ឋានកាលពីខែសីហា ២០១៨ កន្លងទៅ។

អគារ Morgan

Morgan Tower ជាអគារការិយាល័យកម្រិត A ដែលបានទទួលរង្វាន់ជា “អគារការិយាល័យអេកូឡូស៊ី” និងពានរង្វាន់មាសអន្តរជាតិ LEED។ ប្រើប្រាស់ទុនសាងសង់ប្រមាណជា ១៦០ លានដុល្លារអាមេរិក បច្ចុប្បន្ន Morgan Tower ជាអាគារខ្ពស់ផ្ដាច់គេនៅនៅទីក្រុងកោះពេជ្រ មានកំពស់៤៨ជាន់ ស្មើនឹង២១០ម៉ែត្រ។

អគារ GIA (Garden In the Air Tower ឬ GIA Tower)

អគារដ៏ខ្ពស់ស្កឹមស្កៃនេះ មានកម្ពស់រហូតដល់ ១៧៤ ម៉ែត្រ ជាគម្រោងវិនិយោគរបស់តែវ៉ាន់ ក្នុងទំហំទឹកប្រាក់ប្រមាណ ១០០ លានដុល្លារសហរដ្ឋអាមេរិក។

អគារ GIA

មានកម្ពស់ ៤១ ជាន់ បែងចែកជាផ្នែកសម្រាប់វិស័យពាណិជ្ជកម្ម ការិយាល័យ ភោជនីយដ្ឋាន រួមជាមួយ Sky Bar ផងដែរ។ លក្ខណៈពិសេសនៃអគារនេះ មានកការសង់ជាជ្រោះសិប្បនិម្មិត ដែលមានកម្ពស់ ៣០ម៉ែត្រ រួមទាំងសួនលើអាកាស ៦ ម៉ែត្រ។

Dianmond Twin Tower

ក្រុមហ៊ុនចៅទីងអ៊ីនធើណេសិនណលរៀលអ៊ីស្ទេត បានបោះទុនវិនិយោគទឹកប្រមាណជា ៦០ លានដុល្លារ លើគម្រោងអភិវឌ្ឍអគារ Diamond Twin Tower ដែលជាអគារភ្លោះលំដាប់ពិភពលោកនៅក្នុងមជ្ឈមណ្ឌលពិព័រណ៍ពាណិជ្ជកម្មកោះពេជ្រ សម្រាប់បម្រើដល់តម្រូវការជួលអគារការិយាល័យ និងមជ្ឈមណ្ឌលពាណិជ្ជកម្ម។

អគារ Diamond Twin Tower

អគារ Diamond Twin Tower មានកម្ពស់ជាង ១៣៦ ម៉ែត្រ ដែលបែងចែកជាពីរអគារ ក្នុងនោះមួយអគារបម្រើឲ្យសេវាការិយាល័យដែលមាន ៣០ ជាន់ និងមួយអគារទៀតជាអគារពាណិជ្ជកម្មអន្តរជាតិ ដែលមានកម្ពស់ ៣២ ជាន់។

អគារខុនដូ D.I.RIVIERA

គំរោងអគារខុនដូ D.I.RIVIERA ស្ថិតនៅលើទីក្រុងកោះពេជ្រ បានជាប់គាំងមួយរយៈ។ បន្ទាប់ពីក្រុមហ៊ុនចិនមានបញ្ហាលំហូរសាច់ប្រាក់ គំរោងនេះត្រូវបានសហគ្រាសកាណាឌីយ៉ារបស់អ្នកឧកញ៉ា ពុង ឃាវសែ ដកយកមកអភិវឌ្ឍន៍ដាក់លក់ក្នុងទីផ្សារឡើងវិញ។

អគារ D.I Riviera

អគារ ៣ ទន្ទឹមគ្នានេះ បច្ចុប្បន្នបានសាងសង់បញ្ចប់អគារ A ដែលមានកំពស់សរុប ៣៩ ជាន់។ ចំណែកអគារ B គ្រោងសាងសង់បញ្ចប់នៅឆ្នាំ ២០២៣ ខាងមុខ ខណៈអគារ C អាចនឹងចាប់ផ្តើមសាងសង់នៅរយៈពេលពីរទៅបីឆ្នាំខាងមុខ៕

The post មកស្គាល់អគារខ្ពស់ដាច់គេទាំង ៤ កន្លែង កំពុងបណ្តែតខ្លួននៅទីក្រុងកោះពេជ្រ appeared first on .

សម្តេចតេជោ ស្នើទៅអ្នកឧកញ៉ា ពុង ឃាវសែ ប្រើប្រាស់មជ្ឈមណ្ឌលពិព័រណកោះពេជ្រ ធ្វើជាកន្លែងព្យាបាលអ្នកជំងឺកូវីដ១៩

ឧកញ៉ាកោះក្របី — Sat, 10 Apr 2021 04:28:04 +0000

សម្តេចតេជោហ៊ុន សែន មានប្រសាសន៍ថា អ្នកឆ្លងកូវីដ-១៩ ចំនួន ៤៨៣នាក់ទៀតនៅព្រឹកនេះ។ នេះជាកំណត់ត្រាពីរថ្ងៃជាប់គ្នា ដែលកម្ពុជាប្រកាសមានអ្នកឆ្លងច្រើនបំផុត។ ករណីឆ្លងដ៏ច្រើននេះ រាជរដ្ឋាភិបាល បានប្រកាសប្រើប្រាស់មជ្ឈមណ្ឌលពិព័រណកោះពេជ្រ ធ្វើជាកន្លែងព្យាបាលអ្នកជំងឺកូវីដ១៩ កម្រិតស្រាល។

នាយករដ្ឋមន្រ្តីកម្ពុជា សម្តេចតេជោ ហ៊ុន សែន បានស្នើទៅអ្នកឧកញ៉ា ពុង ឃាវសែ ដើម្បីប្រើប្រាស់អគារជាបន្ទាន់ សម្រាប់សម្រួលជាកន្លែងព្យាបាលអ្នកជំងឺកូវីដ១៩ ដែលកំពុងខ្វះខាតកន្លែងព្យាបាល។

សម្តេចបានបន្តថា ក្រៅពីផ្តល់មណ្ឌលពិព័រណ៌កោះពេជ្រដ៏ធំទូលាយប្រើប្រាស់ជាមន្ទីរព្យាបាល អ្នកឧកញ៉ាពុង ឃាវសែ ក៏ផ្តល់អគាររៀបមង្គលការនៅក្នុងទីក្រុងកោះពេជ្រ ក្នុងពេលចាំបាច់ដែលត្រូវប្រើប្រាស់។

រាជធានីភ្នំពេញបានកត់ត្រាអត្រាឆ្លងដ៏អាក្រក់បំផុតមិនធ្លាប់មាន ដោយរកឃើញចំនួនអ្នកឆ្លង ៥៤៤ នាក់ ដែលប្រកាសកាលពីម្សិលមិញនេះ។

The post សម្តេចតេជោ ស្នើទៅអ្នកឧកញ៉ា ពុង ឃាវសែ ប្រើប្រាស់មជ្ឈមណ្ឌលពិព័រណកោះពេជ្រ ធ្វើជាកន្លែងព្យាបាលអ្នកជំងឺកូវីដ១៩ appeared first on .

កោះពេជ្រ

មកស្គាល់​អគារ​ខ្ពស់​ដាច់គេ​ទាំង ៤ កន្លែង កំពុង​បណ្តែត​ខ្លួន​នៅ​ទីក្រុង​កោះពេជ្រ

មកស្គាល់អគារខ្ពស់ដាច់គេទាំង ៤ កន្លែង កំពុងបណ្តែតខ្លួននៅទីក្រុងកោះពេជ្រ