កោះស្តេច រីស៊ត ដែលអតីតកាលធ្លាប់ជាកោះមួយដាច់ស្រយាលពុំសូវមានអ្នកស្គាល់ បច្ចុប្បន្ននេះអាចទទួលបានភ្ញៀវទេសចរប្រមាណ ១០ម៉ឺននាក់ក្នុងមួយឆ្នាំ និងអាចនាំលំហូរសាច់ប្រាក់ជាង ៥លានដុល្លារ សម្រាប់ប្រជាពលរដ្ឋរស់នៅក្នុងសហគមន៍។ នេះបើតាមការបង្ហើបឱ្យដឹងពី ឯកឧត្តមអ្នកឧកញ៉ា សួរ វីរៈ ម្ចាស់គម្រោងអភិវឌ្ឍន៍កោះស្តេច រីស៊ត កាលពីដើមខែកុម្ភៈ ឆ្នាំ២០២៤។

ជាមួយគ្នានេះ កាលពីថ្ងៃទី១០ ខែមករា ឆ្នាំ២០២៥ កន្លងទៅថ្មីៗនេះ ឯកឧត្តមអ្នកឧកញ៉ា សួរ វីរៈ និងលោកជំទាវ ប៊ុន ចន្ធូ ព្រមទាំងលោក ចេង មុនីរិទ្ធ អភិបាល នៃគណៈអភិបាលស្រុកគិរីសាគរ ក៏បានអញ្ជើញជាអធិបតីភាព ក្នុងពិធីចុះកិច្ចព្រមព្រៀងលើគម្រោងអភិវឌ្ឍន៍ចំណតរថយន្ដ និងកំពង់ផែទេសចរណ៍ (ពយជប៉ុន) ស្ថិតនៅភូមិព្រែកស្មាច់ ឃុំកោះស្ដេច ស្រុកគិរីសាគរ។ ចំណតរថយន្ត និងកំពង់ផែទេសចរណ៍ថ្មីនេះ មានទីធ្លាធំទូលាយ ស្រស់ស្អាត មានម្លប់ត្រជាក់ មានសុវត្ថិភាពខ្ពស់ អាចទុកចិត្តបាន ដែលនឹងផ្តល់ភាពងាយស្រួល សម្រាប់បងប្អូនដែលមានបំណង ចង់ឆ្លងនៅលេងកោះស្តេច អាចដើរលេងលើកោះបានយ៉ាងស្ងប់ចិត្ត។

ឯកឧត្តមអ្នកឧកញ៉ា សួរ វីរៈ ធ្លាប់បានបង្ហាញចំណាប់អារម្មណ៍លើបណ្តាញសង្គម លើការអភិវឌ្ឍបន្ថែមនូវចំណតរថយន្តដូច្នេះថា៖ “នេះជាការកែប្រែមុខមាត់ថ្មីមួយទៀតរបស់កោះស្តេច ដែលធ្លាប់តែជាកោះដាច់ស្រយាលពុំមានគេស្គាល់ រហូតមកដល់ពេលនេះអាចទទួលបានភ្ញៀវទេសចរមិនតិចជាង ១០០,០០០នាក់ក្នុងឆ្នាំ២០២៣ ដែលនាំមកនូវលំហូរសាច់ប្រាក់លើសពី ៥លានដុល្លារ សម្រាប់ប្រជាពលរដ្ធក្នុងសហគមន៍”។

សូមជម្រាបថា កោះស្តេច រីស៊ត ជាតំបន់រមណីយដ្ឋានលក្ខណៈឯកជន ដំបូងគេបង្អស់នៅលើកោះឆ្នេរដូង ស្ថិតនៅភូមិកោះស្តេច ឃុំកោះស្តេច ស្រុកគីរីសាគរ ខេត្តកោះកុង។ កោះស្តេច រីស៊ត បានបើកដំណើរការ កាលពីចុងឆ្នាំ២០២១ ខណៈដែលកំពង់ផែផ្ទាល់ខ្លួន សម្រាប់ភ្ញៀវចូលដើរកម្សាន្តដោយថ្មើជើង អាចគយគន់ទេសភាពកោះដ៏ស្រស់ស្អាត ក៏បានសាងសង់រួចរាល់ និងកាន់តែជួយបង្កើនទស្សនីយភាពកាន់តែអស្ចារ្យបន្ថែមទៀត៕

The post ឆ្នេរកោះស្តេចរីស៊ត អភិវឌ្ឍដោយឯកឧត្តមអ្នកឧកញ៉ា សួរ វីរៈ ឈ្នះពានឆ្នេរខ្សាច់កម្សាន្តស្អាត «ល្អណាស់» ឆ្នាំ២០២៤-២០២៦ appeared first on .

កញ្ចប់ Romantic Package $239 សម្រាប់ការស្នាក់នៅ ១ យប់ដោយស្នាក់លំហែនៅវីឡាលើសមុទ្រដ៏ប្រណិត នៅកោះអភិជនជនរីសត ជាមួយនឹងការផ្ដល់ជូនជាច្រើនរួមមាន៖

ការរៀបចំបន្ទប់បែបរ៉ូមែនទិច

ឈុតអាហារពេលព្រឹកក្នុងអាងទឹក

ឈុតអាហារគ្រឿងសមុទ្រ

ស្រាក្រឡុកមើលថ្ងៃលិច

ស្រាក្រហមមួយដប

មានទូក Pick-Up & Drop off ឯកជន

*មានសុពលភាពរហូតដល់ថ្ងៃទី ៣១ ខែ តុលា នៅចាំអីទៀត!! Set ថ្ងៃអោយហើយមក

លើសពីនេះ មិនថាមក Chill បែបគ្រួសារ មិត្តភក្ដិ រឺមនុស្សជាទីស្រឡាញ់ទេ អោយតែមកដល់ “កោះអភិជនរីសត“ ហើយ មិនដែលរំលងអាងហែលទឹក ក្បែរសមុទ្រដ៏ស្រស់ស្អាតនេះទេ៕

The post អ្នកមានគូរៀបចំគម្រោងឲ្យហើយមកសាកថ្មជីវិតនៅកោះ អភិជនរីសត កំពុងផ្តល់តម្លៃពិសេសសំបូរបែប appeared first on .

កោះស្តេច រីសត ជាតំបន់រមណីយដ្ឋាន លក្ខណៈឯកជន​ដំបូង​គេ​បង្អស់​​នៅ​លើ​កោះ​ឆ្នេរដូង ស្ថិត​នៅភូមិ​កោះស្តេច ឃុំកោះស្តេច ស្រុកគីរីសាគរ ខេត្តកោះកុង។ កោះស្តេច រីសត ​​បាន​បើក​ដំណើរ​ការ​ កាលពី​ចុង​ឆ្នាំ​២០២១ ខណៈ​ដែល​​​កំពង់ផែ​ផ្ទាល់ខ្លួន សម្រាប់​ភ្ញៀវ​​ចូល​ដើរ​កម្សាន្ត​ដោយ​ថ្មើជើង ​​អាច​គយគន់​ទេសភាព​កោះ​​ដ៏​ស្រស់ស្អាត​ ទើប​តែ​​សាងសង់​រួចរាល់ នៅ​ឆ្នាំ២០២៣​នេះ និង​ជួយ​បង្កើន​ទស្សនីយភាព​ កាន់​តែ​អស្ចារ្យ​បន្ថែម​ទៀត។

លក្ខណៈពិសេស​របស់ កោះស្តេច រីសត ​គឺ​ធ្វើ​ឱ្យ​​​ភ្ញៀវ​ទេសចរណ៍ ​​មាន​អារម្មណ៍​ស្រស់ស្រាយ ​​និង​រូមែនទិក ​​ជាមួយ​នឹង​ទេសភាព​ដ៏​ស្រស់​ត្រកាល​នៃ​កោះ ឆ្នេរសមុទ្រ កន្លែងគេង ទស្សនា​ទេសភាព​ព្រៃភ្នំ លេង​ហែលទឹក ​​ដើរ​កម្សាន្ត​តាម​ឆ្នេរ ជិះទូក ស្ទូចត្រី គយគន់​ថ្ងៃ​រះ និង​គយគន់ថ្ងៃលិច រួម​ទាំង​មាន​សកម្មភាព​សប្បាយៗ​ជា​ច្រើន​ទៀត។

សាកសួរព័ត៌មានបន្ថែមអំពីតម្លៃបន្ទប់ ឬកក់បន្ទប់តាមលេខទូរស័ព្ទ៖
-012 577 875 ( Cellcard )
-081 577 875 ( Smart )
-Telegram link : https://t.me/KohSdechResort
-ទីតាំងរីសត ៖ https://bit.ly/3Fdr07l ។

The post កំពង់ផែកោះស្តេចរីសត របស់ឧកញ៉ា សួរ វីរៈ ចាប់បើកឱ្យភ្ញៀវចូលទស្សនាទេសភាពជុំវិញកោះទាំងមូល appeared first on .

បើតាមក្រុមប្រឹក្សាអភិវឌ្ឍន៍កម្ពុជា ហៅកាត់ CDC គម្រោងអភិវឌ្ឍន៍កោះទទឹង នឹងធ្វើការវិនិយោគគម្រោងផ្ទះលំហែ, បឹងកាឡូ, ភោជនីយដ្ឋាន និងគម្រោងផែទេសចរណ៍ ក្នុងទុនវិនិយោគប្រមាណ ៣០លានដុល្លារអាម៉េរិក និងអាចបង្កើតការងារបានចំនួន ១៤២កន្លែង ដែលមានទីតាំងស្ថិតនៅភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង។

សូមជម្រាបថា រាជរដ្ឋាភិបាល បានចេញអនុក្រឹត្យលេខ ៧៦ អនក្រ.បក ចុះថ្ងៃទី២៣ ខែកក្កដា ឆ្នាំ២០១០ ស្តីពីការធ្វើអនុបយោគទីតាំងកោះទទឹង ពីទ្រព្យសម្បត្តិសាធារណៈរបស់រដ្ឋ មកជាទ្រព្យសម្បត្តិឯកជនរបស់រដ្ឋ។ កាលពីដើមខែមីនា ឆ្នាំ២០២៣កន្លងទៅក្រុមប្រឹក្សាអភិវឌ្ឍន៍កម្ពុជា ក៏បានបើកកិច្ចប្រជុំពិភាក្សាគម្រោងវិនិយោគរបស់ក្រុមហ៊ុន DEN NOKOR ដើម្បីអភិវឌ្ឍន៍កោះទទឹង ក្រោយយល់ព្រមជាគោលការណ៍ឱ្យក្រុមហ៊ុន DEN NOKOR CO., LTD. ធ្វើការវិនិយោគអភិវឌ្ឍន៍កោះទទឹង ទំហំ ៧៤៣.៧៨៥ម២ ជារមណីយដ្ឋានអេកូទេសចរណ៍កម្សាន្តលំដាប់ពិភពលោក។

បើតាមក្រុមប្រឹក្សាអភិវឌ្ឍន៍កម្ពុជា រដ្ឋបាលខេត្តកោះកុង សប្បាយរីករាយ ដែលកោះទទឹង គឺជាកោះមិនសូវមានគេស្គាល់ ឬទៅដល់ និងជាកោះមិនមានការអភិវឌ្ឍទាល់តែសោះនាពេលកន្លងមក ពេលនេះត្រូវបានក្រុមហ៊ុន DEN NOKOR វិនិយោគអភិវឌ្ឍន៍ ជារមណីយដ្ឋានអេកូទេសចរណ៍កម្សាន្តលំដាប់ពិភពលោក ក្នុងទំហំទឹកប្រាក់វិនិយោគដ៏ច្រើន។

ជាមួយនឹងការយល់ព្រមជាគោលការណ៍នោះដែរ ក្រុមប្រឹក្សាអភិវឌ្ឍន៍កម្ពុជា បានសំណូមពរឲ្យក្រុមហ៊ុន DEN NOKOR (CAMBODIA) INVESTMENT CO.,LTD អនុវត្តការងារឱ្យស្របតាមកិច្ចសន្យាស្តីពីការជួលទីតាំងកោះទទឹង ចុះថ្ងៃទី២៣ ខែមិថុនា ឆ្នាំ២០២២ និងស្នើក្រុមហ៊ុនបន្តគាំទ្រដល់ការអភិវឌ្ឍមូលដ្ឋាន តាមរយៈការជ្រើសរើសកម្លាំងពលកម្ម ការប្រើ ប្រាស់ធនធាន ម្ហូបអាហារ ឬសេវាកម្មនានាពីប្រជាសហគមន៍ក្នុងតំបន់។

សូមជម្រាបជូនថា កោះទទឹង គឺជារមណីយដ្ឋានទេសចរ​ធម្មជាតិ​ដ៏សែនមនោរម្យមួយ ហើយដើម្បីទៅកម្សាន្តនៅកោះទទឹង ភ្ញៀវទេសចរ​អាចធ្វើដំណើរតាមអូប័រ ពីផែកោះស្ដេច ឆ្ពោះទៅទិសពាយព្យ ក្នុងចម្ងាយប្រមាណ ៥គីឡូម៉ែត្រប៉ុណ្ណោះ។ មានទំហំជិត ១គីឡូម៉ែត្រការ៉េ គ្របដណ្ដប់ដោយព្រៃឈើបៃតង កោះទទឹងគឺជាទីស្ថានដ៏សមប្រកបបំផុតសម្រាប់ភ្ញៀវទេសចរ​ដែលចូលចិត្តបរិយាកាសស្ងប់ស្ងាត់ និងរស់នៅជាមួយធម្មជាតិ៕

The post CDC ឯកភាពឲ្យលោក នួន ដារ៉ាវិឆ័យ អភិវឌ្ឍន៍រីសតតម្លៃ ៣០លា​នដុល្លារ appeared first on .

លោកស្រី ម្ចាស់ហាង ម្លប់ស្វាយដួងចិត្ត ​​បាន​ថ្លែង​ប្រាប់​ដល់​ឧកញ៉ាញូស៍ ថា​ គុយទាវ​របស់​លោកស្រី​ខុសគេ ដោយសារទឹកពិសេសខុសគេ រស់ជាតិខុសគេ ព្រោះ​គ្រឿងផ្សំភាគច្រើនយកមកពី​ប្រទេសថៃ ហើយ​​ម្ចាស់ហាង ដែល​ជា​ស្វាមី​របស់​លោកស្រី​ធ្លាប់​​ធ្វើ​ជា​ចុងភៅ​នៅ​ប្រទេស​ថៃ រយៈពេល​១០ឆ្នាំ​មក​ហើយ។ បន្ទាប់​មក​ គាត់​ក៏​មក​បើក​ហាង​គុយទាវ​នៅ​​ភូមិ​កោះស្តេច​នេះ​ ដោយសារ​គិត​ថា​​នៅ​ទីនេះ​មិន​ទាន់​មាន​គុយទាវ​ទឹកខ្មៅ។

លោកស្រី បាន​បន្ត​យ៉ាង​ដូច្នេះ​ថា៖ “ការ​បើក​ហាង​គុយទាវ​មួយ​នេះ​ មាន​រយៈពេល​​ជាង​​៣​ឆ្នាំ​មក​ហើយ។ ​ថ្ងៃ​ធម្មតា​ អាច​លក់​បាន​​​ចន្លោះ​ពី​ ១០ម៉ឺន​រៀល ដល់​៣០​ម៉ឺន​រៀល ​​ប៉ុន្តែ​បើ​ថ្ងៃ​ចុង​សប្តាហ៍​​ពេល​ខ្លះ​​​អាច​លក់​បាន​ដល់​ជាង​​ ១លាន​រៀល​ក្នុង​មួយ​ថ្ងៃ និង​ទូទាត់​ចំណាយ​ថ្លៃ​ដើម​​ទាំង​ថ្លៃ​បន្លែ​និង​ថ្លៃ​សាច់​ អាច​សល់​ចំណេញ​បាន​ចន្លោះពី ២០ម៉ឺន​រៀល​ ទៅ​៣០​ម៉ឺន​រៀល​ក្នុង​មួយ​ថ្ងៃ”។

“សម្រាប់​ថ្ងៃ​សៅរ៍ ថ្ងៃអាទិត្យ​ ​​តែង​មាន​ភ្ញៀវ​ទេសចរណ៍​មក​លេង​កម្សាន្ត​ច្រើន ​ហើយ​នៅ​ផ្សារ​នេះ​​ល្បី​គុយទាវ​ទឹកខ្មៅ ហើយ​ភ្ញៀវ​ដែល​មក​កម្សាន្ត​តែង​តែ​ចង់​ភ្លក់​រស់ជាតិ ដោយសារ​ញ៉ាំ​ទៅ​​​​​មាន​រស់ជាតិ​ជាប់​ចិត្ត​ និង​ជាពិសេស​គុយទាវ​ជើងមាន់។ សម្រាប់​ហាង​ខ្ញុំ​ ​​ជា​កន្លែង​គុយទាវ​តែ​មួយ​គត់ ដែល​បើក​លក់​រាល់​ថ្ងៃ​​ នៅ​លើ​កោះស្តេច ទាំង​ថ្ងៃ​ធម្មតា​ចន្ទ-សុក្រ និង​ថ្ងៃ​ចុង​សប្តាហ៍”។ ម្ចាស់​ហាង ម្លប់ស្វាយដួងចិត្ត ​​បាន​បញ្ជាក់​បន្ថែម។

លោកស្រី បាន​បន្ថែម​ថា ទោះ​យ៉ាងណា ការ​លក់​រាល់​ថ្ងៃ​​​នេះ គឺ​ពឹងផ្អែក​​​​​​​លើ​ភ្ញៀវ​ទេសចរណ៍​​ភាគ​ច្រើន ចំណែក​ឯ​ភ្ញៀវ​នៅ​ក្នុង​ភូមិ​មាន​ចំនួន​តិច​តួច​នោះ​ទេ។ នៅលើ​កោះស្តេច​​​នេះ ភ្ញៀវទេសចរជាតិ​និង​អន្តរជាតិ ចូល​ចិត្ត​មក​លេង​កម្សាន្ត​ ដោយសារ​មាន​រីសត​ ឆ្នេរខ្សាច់ និង​មាន​ទេសភាព​ស្អាតៗ​ជា​ច្រើន។

សូម​ជម្រាបជូន​ថា ហាង គុយទាវ​ទឹកខ្មៅ ម្លប់ស្វាយដួងចិត្ត ​ស្ថិត​នៅ​ជិត​ផ្សារ ក្នុង​ភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង។ ក្រៅពី​​គុយទាវ​ទឹកខ្មៅ ​​ហាងម្លប់ស្វាយដួងចិត្ត ​​របស់​ប្តីប្រពន្ធ​មួយ​គូ​នេះ ក៏​មាន​លក់ មីឆា បាយឆា បាយផាត់កាផៅ គ្រឿងក្លែម ម្ហូបកម្ម៉ង់ និង​បុកល្ហុង​ផង​ដែរ ដែល​​ថ្ងៃ​ធម្មតា​​ចន្ទ-សុក្រ ចាប់​​បើក​ពី​ម៉ោង​​​៦​ព្រឹក ដល់​ម៉ោង​ ៤រសៀល​ និង​​ថ្ងៃ​សៅរ៍-​អាទិត្យ ​​ចាប់​បើក​ពី​ម៉ោង​៦ព្រឹក ​អាច​ដល់​ម៉ោង ៨​យប់​ ពេល​មាន​ភ្ញៀវ​ច្រើន៕

The post គុយទាវទឹកខ្មៅពិសេស លើកោះស្តេច មួយថ្ងៃអាចលក់បានជាង ១លានរៀល appeared first on .