នាឱកាស​ប្រកបដោយក្ដីសោមនស្សរីករាយនេះ យើងខ្ញុំសូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក សូមប្រោះប្រទានពរជ័យជូនចំពោះ អ្នកឧកញ៉ា វិញ ហួរ​ និង​លោកជំទាវ ​ព្រម​ទាំង​​ក្រុមគ្រួសារ​​ជា​ទីស្រឡាញ់​ សូមមាន​សុខភាពល្អបរិបូរណ៍ បញ្ញាញាណវាងវៃ អាយុយឺនយូរ សម្រេចបាន​ជោគជ័យ​​បន្ថែមទៀត​ ដើម្បី​ចូល​រួម​ចំណែក​ជួយ​អភិវឌ្ឍ​ប្រទេសកម្ពុជា​លើ​គ្រប់វិស័យ រួម​ទាំង​វិស័យ​ដឹកជញ្ជូន ភស្តុភារកម្ម​ និង​សូមបាន​សមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀង​ឃ្លាតឡើយ។

កំពង់ផែពហុបំណងកំពត គឺជា​កំពង់ផែ​មួយ​​មានជម្រៅទឹករហូតដល់ ១៣ម៉ែត្រ សម្រាប់ដឹកជញ្ជូន​ទំនិញ​តាមកប៉ាល់ធំៗ។ គម្រោង​កំពង់ផែទឹកជ្រៅមួយនេះ អ្នកឧកញ៉ា វិញ ហួរ ​​បានចុះសិក្សា​តាំងពីឆ្នាំ២០១០ និង​បាន​បើកការដ្ឋានបូម​ស្តារ​​ឃ្លងនាវាចេញ-ចូល​ ចាប់​តាំង​ពី​ថ្ងៃទី០៦ ខែកញ្ញា ឆ្នាំ២០១៨ មក។ សម្រាប់​ដំណាក់​កាលទី១ ដែលបានសម្ពោធនៅព្រឹកថ្ងៃទី០៦ ខែមិថុនា ​ឆ្នាំ២០២៤នេះ ក្រុមហ៊ុន​បាន​ចំណាយ​ទឹកប្រាក់​អស់​ប្រមាណ ១៤០លានដុល្លារ ខណៈដែល​​​​នាពេលខាងមុខ ក្រុមហ៊ុន​នឹងបន្ត​សាងសង់​ដំណាក់កាល​ទី២ បន្ថែមទៀត៕

The post អ្នកឧកញ៉ា ហេង សៀ សូមអបអរសាទរអ្នកឧកញ៉ា វិញ ហួរ ក្នុងឱកាសសម្ពោធដាក់ឱ្យប្រើប្រាស់ជាផ្លូវការ​កំពង់ផែពហុបំណងកំពត appeared first on .

ពិធីសម្ពោធ​ដាក់​ឱ្យប្រើប្រាស់​សេវាកម្ម​កំពង់ផែពហុបំណងកំពត របស់អ្នកឧកញ៉ា វិញ ហួរ ដែល​ជាកំពង់ផែ​កម្រិតអន្តរជាតិខ្ពស់ជាងគេមួយ​នៅកម្ពុជា​នេះ មាន​ការ​អញ្ជើញចូលរួម​ពី​ថ្នាក់ដឹកនាំ​រាជរដ្ឋាភិបាល មន្ត្រីរាជការ​នៃ​រដ្ឋបាលខេត្ត​កំពត មន្ទីរជំនាញ ភ្ញៀវជាតិ អន្តរជាតិ បុគ្គលិក​ក្រុមហ៊ុន និង​សិស្សានុសិស្ស​ជា​ច្រើន​រយនាក់។

ជាមួយគ្នានោះ គេឃើញមានវត្តមាន លោកអ្នកឧកញ៉ា អ្នកឧកញ៉ា ឧកញ៉ា ជាច្រើនរូបពី សមាគមឧកញ៉ាកម្ពុជា ផ្ដល់កិត្តិយសអញ្ជើញចូលរួម ដូចជា៖ លោកអ្នកឧកញ៉ា លី យ៉ុងផាត់, លោកអ្នកឧកញ៉ា ភាព ហៀក, លោកអ្នកឧកញ៉ា ភូ ហុងស៊ួន ស៊ីគង់ទ្រីវ, លោកអ្នកឧកញ៉ា លាង ឃុន, អ្នកឧកញ៉ា គិត ម៉េង, អ្នកឧកញ៉ា វិញ ហួរ ប្រធានក្រុមប្រឹក្សាភិបាលក្រុមហ៊ុន កំពតផត និងជាម្ចាស់កម្មវិធី, អ្នកឧកញ៉ា ម៉ុង ឫទ្ធី, អ្នកឧកញ៉ា សំ អាង, អ្នកឧកញ៉ា ថៃ ជាហួត, អ្នកឧកញ៉ា ហ៊ុន ឡាក់, អ្នកឧកញ៉ា តុល លន, អ្នកឧកញ៉ា ផែ ហុកឈួន, អ្នកឧកញ៉ាបណ្ឌិត ជា រតនា, អ្នកឧកញ៉ា លឹម ហេង,, អ្នកឧកញ៉ា សុខ ស្រស់,, អ្នកឧកញ៉ា ហេង ឡុង, អ្នកឧកញ៉ា ហេង សៀ, អ្នកឧកញ៉ា ភួ វាសនា ព្រមទាំងវត្តមានរបស់ អ្នកឧកញ៉ា ឧកញ៉ា ជាច្រើនរូប និងអ្នកជំនួញ គ្រាក់ៗនៅកម្ពុជា។

អ្នកឧកញ៉ា វិញ ហួរ ប្រធានក្រុមប្រឹក្សាភិបាលក្រុមហ៊ុន កំពតផត ​​បាន​បោះទុនវិនិយោគ​លើ​វិស័យ​កំពង់ផែ​ទឹកជ្រៅ​នៅ​លើផ្ទៃដី​ទំហំ ២០៧ហិកតា ស្ថិតនៅក្នុងភូមិ​គីឡូ១២ សង្កាត់កោះតូច ក្រុងបូកគោ ខេត្ត​កំពត។ កំពង់ផែពហុបំណងកំពត ជាគម្រោង​វិនិយោគ​ក្នុងស្រុក ១០០% ដែលមាន​ទំហំ​ទុន​វិនិយោគ​សរុប ២៤០លាន​ដុល្លារ ចែកចេញជាពីរដំណាក់កាល។

ដំណាក់កាលទី១ ដែលប្រឡាយនាវាចរណ៍នៃកំពង់ផែ​មាន​ជម្រៅទឹក ១០ម៉ែត្រ បាន​ចាប់ផ្តើម​សាងសង់​ពីឆ្នាំ​២០១៩ បាន​ចំណាយ​ទុន ១៤០លានដុល្លារ ត្រូវបាន​សម្ពោធ​ដាក់​ឱ្យ​ដំណើរការ​ជា​ផ្លូវការ នៅ​ព្រឹក​នេះ។ រីឯ​ដំណាក់កាលទី២ ដែល​ប្រឡាយ​នាវាចរណ៍​នៃ​កំពង់ផែ​មានជម្រៅ​ទឹក​រហូត​ដល់ ១៣ម៉ែត្រ គ្រោង​នឹង​បញ្ចប់​ការ​សាងសង់​នៅ​ចុងឆ្នាំ២០២៤នេះ។

សូមជម្រាបថា កំពង់ផែអន្តរជាតិខេត្តកំពត ដែលជា​កម្មសិទ្ធិរបស់ក្រុមហ៊ុនកំពតផត (Kampot Port) ត្រូវបាន​រាជរដ្ឋាភិបាលកម្ពុជា សម្រេចផ្តល់ឈ្មោះ​ជាផ្លូវការថា «កំពង់ផែពហុបំណងកំពត» តាមរយៈអនុក្រឹត្យលេខ១២៤ អនក្រ.បក ចុះថ្ងៃទី៣១ ខែឧសភា ឆ្នាំ២០២៤ ដោយមានតួនាទីបម្រើសេវាឱ្យនាវា ដែលធ្វើនាវាចរណ៍​ជាលក្ខណៈ​អន្តរជាតិ ចូលចេញ ផ្ទេរផ្ទុក លើកដាក់និង​រក្សាទុកទំនិញជាកុងតឺន័រ ទំនិញទូទៅ និងអ្នកដំណើរ៕

The post លោកអ្នកឧកញ៉ា អ្នកឧកញ៉ា ឧកញ៉ាជាច្រើនរូប ចូលរួមពិធីសម្ពោធដាក់ឱ្យប្រើប្រាស់កំពង់ផែពហុបំណងកំពត តម្លៃ១៤០លានដុល្លារ appeared first on .

សម្តេចធិបតីថ្លែងដូច្នេះ ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធបើកឱ្យប្រើប្រាស់ជាផ្លូវការកំពង់ផែពហុបំណងកំពត របស់ក្រុមហ៊ុនកំពតផត ដែលមានទីតាំងស្ថិតនៅក្នុងភូមិគីឡូ១២ សង្កាត់កោះតូច និងសង្កាត់បឹងទូក ក្រុងបូកគោ ខេត្តកំពត ចម្ងាយប្រមាណ ១៦០គីឡម៉ែត្រ ពីរាជធានីភ្នំពេញ តាមផ្លូវជាតិលេខ៣ កាលថ្ងៃទី០៦ ខែមិថុនា ឆ្នាំ២០២៤។

នាឱកាសនោះ សម្តេចធិបតី ហ៊ុន ម៉ាណែត បានចាត់ទុកថា កំពង់ផែពហុបំណងកំពត ដែលត្រូវបានរាជរដ្ឋាភិបាលទទួលស្គាល់ជាកំពង់ផែអន្តរជាតិកាលពីពេលកន្លងទៅ នាពេលអនាគតខាងមុខ សម្តេចធិបតីជឿថា នឹងក្លាយជាកំពង់ផែទឹកជ្រៅ ព្រមទាំងមានលក្ខណៈទំនើបមួយបន្ថែម ជួយបំពេញបន្ថែមឱ្យកំពង់ផែស្វយ័តក្រុងព្រះសីហនុ និងកំពង់ផែស្វយ័តភ្នំពេញ ដែលបម្រើដល់ការធ្វើពាណិជ្ជកម្មរបស់កម្ពុជាទៅកាន់ទីផ្សារអន្តរជាតិ។

ទន្ទឹមគ្នានេះ សម្តេចធិបតី អះអាងថា កំពង់ផែពហុបំណងកំពតនេះដែរ ក៏នឹងក្លាយជាសរសៃឈាមដ៏សំខាន់សម្រាប់ ការដឹកជញ្ជូនតាមផ្លូវសមុទ្ររបស់កម្ពុជា ដែលនឹងចូលរួមចំណែកក្នុងការជំរុញសេដ្ឋកិច្ចកម្ពុជាឱ្យមានកំណើនបន្ថែមទៀតផងដែរ។

បន្ថែមពីនេះ សម្តេចធិបតី ក៏ស្នើឱ្យក្រសួងសាធារណការ សហការជាមួយក្រុមហ៊ុន ដើម្បីជំរុញការធ្វើទំនើបកម្ម ដើម្បីឈានទៅកំពង់ផែពហុបំណងកំពតនេះ ឱ្យក្លាយជាកំពង់ផែទឹកជ្រៅ និងមានលក្ខណៈទំនើបដែលអាចសម្រួលដល់ការដឹកទំនិញ និងចរាចរណ៍របស់នាវាបានងាយស្រួល។

គួរបញ្ជាក់ដែរថា ហេដ្ឋារចនាសម្ព័ន្ធកំពង់ផែពហុបំណងកំពត មានវិសាលភាពលើផ្ទៃដីគោក ២០៧ហិកតា និងផ្ទៃទឹក ៦៧៨ហិកតា។ ក្នុងនោះ ដែនគោកជាកម្មសិទ្ធិស្របច្បាប់របស់ក្រុមហ៊ុនកំពតផត រីឯដែនទឹកវិញ ជាកម្មសិទ្ធិរបស់រដ្ឋ ដែលរាជរដ្ឋាភិបាលបានសម្បទានអនុញ្ញាតឱ្យក្រុមហ៊ុនកំពតផត គ្រប់គ្រង ថែទាំ និងប្រើប្រាស់ សម្រាប់ធ្វើជាប្រឡាយនាវាចរណ៍ ឬកន្លែងនាវាចូលចេញ ផ្ទេរផ្ទុកទំនិញនៅកំពង់ផែ។

គម្រោងអភិវឌ្ឍន៍កំពង់ផែពហុបំណងកំពត នៅក្នុងដំណាក់កាលទី១នេះដែរ បានបញ្ចប់ការសាងសង់ជាស្ថាពរស្របតាមលក្ខណៈបច្ចេកទេស ដោយបានចំណាយថវិកា សាងសង់សរុបប្រមាណ ១៤០លានដុល្លារអាម៉េរិក ដែលជាទុនវិនិយោគរបស់ក្រុមហ៊ុនកំពតផត៕ អត្ថបទ៖ រង្សី

The post សម្តេចធិបតី ជឿថា កំពង់ផែពហុបំណងកំពត នឹងក្លាយជាកំពង់ផែទឹកជ្រៅ និងមានលក្ខណៈទំនើបនាពេលអនាគត appeared first on .

ក្នុងឱកាស​អញ្ជើញជា​អធិបតីភាព​សម្ពោធដាក់ឱ្យប្រើប្រាស់​កំពង់ផែពហុបំណងកំពត តម្លៃ១៤០លានដុល្លារ នៅខេត្តកំពត​ នាព្រឹកថ្ងៃទី០៦ ខែមិថុនា ឆ្នាំ២០២៤​នេះ​ សម្តេចធិបតី ហ៊ុន ម៉ាណែត បាន​មាន​ប្រសាសន៍​ថា សូមកោតសរសើរ និងថ្លែងអំណរគុណ​ដល់​ អ្នកឧកញ៉ា វិញ ហួរ ទោះបីមានវិបត្តិកូវីដ-១៩ នៅតែ​អាច​អភិវឌ្ឍ​កំពង់ផែ​នេះ​ឱ្យចេញ​ជា​រូបរាង​ឡើង។ សម្តេចបាន​បន្ថែម​ថា តាមពិត​អ្នកឧកញ៉ា វិញ ហួរ មាន​មុខ​ជំនួញ​វិនិយោគ​ច្រើន​មុខ ប៉ុន្តែអ្នកឧកញ៉ាសុខចិត្តបង្វិលទុនពីគម្រោងផ្សេងៗទៀតមកវិនិយោគលើកំពង់ផែពហុបំណងនេះ។

​គម្រោងអភិវឌ្ឍន៍កំពង់ផែពហុបំណងកំពត ដំណាក់កាលទី១ បានចំណាយថវិកា សាងសង់​សរុប​ប្រមាណ ១៤០លានដុល្លារអាម៉េរិក ដែលជាទុនវិនិយោគរបស់ក្រុម​ហ៊ុន​កំពតផត។ កំពង់ផែអន្តរជាតិខេត្តកំពត ដែលជា​កម្មសិទ្ធិរបស់ក្រុមហ៊ុនកំពតផត (Kampot Port) ត្រូវបានរាជរដ្ឋាភិបាលកម្ពុជា សម្រេចផ្តល់ឈ្មោះ​ជាផ្លូវការថា «កំពង់ផែពហុបំណងកំពត» តាមរយៈអនុក្រឹត្យលេខ១២៤ អនក្រ.បក ចុះថ្ងៃទី៣១ ខែឧសភា ឆ្នាំ២០២៤ ដោយមានតួនាទីបម្រើសេវាឱ្យនាវា ដែលធ្វើនាវាចរណ៍ជាលក្ខណៈអន្តរជាតិ ចូលចេញ ផ្ទេរផ្ទុក លើកដាក់និង​រក្សាទុកទំនិញជាកុងតឺន័រ ទំនិញទូទៅ និងអ្នកដំណើរ។

កំពង់ផែពហុបំណងកំពត មានទីតាំងស្ថិតនៅភូមិគីឡូ១២ សង្កាត់កោះតូច និង​សង្កាត់​បឹងទូក ក្រុងបូកគោ ខេត្តកំពត ត្រូវបានរាជរដ្ឋាភិបាលអនុញ្ញាតឱ្យ​បង្កើតឡើង​អំឡុង​ឆ្នាំ២០០៥ និងត្រូវបានក្រសួងសាធារណការ និងដឹកជញ្ជូនអនុញ្ញាតឱ្យអភិវឌ្ឍសាង​សង់ហេដ្ឋារចនាសម្ព័ន្ធកំពង់ផែនៅអំឡុងឆ្នាំ២០១២ លើផ្ទៃដីគោក​ទំហំសរុប ២០៧ហិកតា ដែលជាកម្មសិទ្ធិរបស់ក្រុមហ៊ុនកំពតផត និងផ្ទៃទឹក ៦៧៨ហិកតា ជាកម្មសិទ្ធិរបស់រដ្ឋ ដែលរាជ​រដ្ឋាភិបាល​បានសម្បទានអនុញ្ញាតឱ្យក្រុមហ៊ុនកំពតផត គ្រប់គ្រង ថែទាំ និងប្រើប្រាស់ សម្រាប់ធ្វើជា​ប្រឡាយ​នាវាចរណ៍ កន្លែងនាវាចេញ-ចូល ឬផ្ទេរផ្ទុកទំនិញនៅកំពង់ផែ៕

The post សម្តេចធិបតី ហ៊ុន ម៉ាណែត កោតសរសើរអ្នកឧកញ៉ា វិញ ហួរ ទោះបីជួបវិបត្តិកូវីដ-១៩ នៅអាចអភិវឌ្ឍ​កំពង់ផែពហុបំណងកំពត ឱ្យចេញជារូបរាងឡើង appeared first on .

កំពង់ផែ​ទឹកជ្រៅដ៏ធំមួយនេះ មានវិសាលភាពលើផ្ទៃដីគោក ២០៧ហិកតា និងផ្ទៃទឹក ៦៧៨ហិកតា។ ក្នុងនោះ ដែនគោកជាកម្មសិទ្ធិស្របច្បាប់របស់ក្រុមហ៊ុនកំពតផត រីឯដែនទឹកវិញ ជាកម្មសិទ្ធិរបស់រដ្ឋ ដែលរាជរដ្ឋាភិបាល​បានសម្បទានអនុញ្ញាតឱ្យក្រុមហ៊ុនកំពតផត គ្រប់គ្រង ថែទាំ និងប្រើប្រាស់ សម្រាប់ធ្វើជាប្រឡាយនាវាចរណ៍ កន្លែងនាវាចេញ-ចូល ឬផ្ទេរផ្ទុកទំនិញនៅកំពង់ផែ។

កំពង់ផែពហុបំណងកំពត គឺជា​កំពង់ផែ​មួយ​​មានជម្រៅទឹករហូតដល់ ១៣ម៉ែត្រ សម្រាប់ដឹកជញ្ជូន​ទំនិញ​តាមកប៉ាល់ធំៗ។ គម្រោង​កំពង់ផែទឹកជ្រៅមួយនេះ អ្នកឧកញ៉ា វិញ ហួរ ​​បានចុះសិក្សា​តាំងពីឆ្នាំ២០១០ និង​បាន​បើកការដ្ឋានបូម​ស្តារ​​ឃ្លងនាវាចេញ-ចូល​ ចាប់​តាំង​ពី​ថ្ងៃទី០៦ ខែកញ្ញា ឆ្នាំ២០១៨ មក។ សម្រាប់​ដំណាក់​កាលទី១ ដែលបានបញ្ចប់​ការ​សាងសង់​នៅ​ឆ្នាំ២០២៤នេះ ក្រុមហ៊ុន​បាន​ចំណាយ​ទឹកប្រាក់​អស់​ប្រមាណ ១៤០លានដុល្លារ ខណៈដែល​​​​នាពេលខាងមុខ ក្រុមហ៊ុន​នឹងបន្ត​សាងសង់​ដំណាក់កាល​ជំហាន​ជា​បន្តបន្ទាប់​ថែម​ទៀត៕

The post កំពង់ផែពហុបំណងកំពត តម្លៃ១៤០លានដុល្លារ របស់អ្នកឧកញ៉ា វិញ ហួរ នឹងសម្ពោធជាផ្លូវការ ក្រោមអធិបតីភាពសម្តេចធិបតី ហ៊ុន ម៉ាណែត នាព្រឹកស្អែក appeared first on .