ការ​អនុញ្ញាតឲ្យចូលចតនៅកំពង់ផែ ក្រុងព្រះសីហនុ ​នេះ បន្ទាប់ពីបរាជ័យក្នុងសុំប្រទេស និងកោះសរុបចំនួន៦ ចូលចត ប៉ុន្តែត្រូវគេបដិសេធ ។

​តាម​Facebook ផ្លូវការរបស់ក្រុមហ៊ុន Holland America Line បានបង្ហោះដំណឹងដ៏រីករាយនេះប្រាប់ដល់ពិភពលោក និងអ្នកធ្វើដំណើរទាំងអស់ក្នុងនាវាថា កម្ពុជាបានអនុញ្ញាតឲ្យចូលចតនៅកំពង់ផែ ក្រុងព្រះសីហនុ បន្ទាប់ពីបរាជ័យក្នុងសុំប្រទេស និងកោះសរុបចំនួន៦ ចូលចត ប៉ុន្តែត្រូវគេបដិសេធ ។

អាជ្ញាធរកម្ពុជានឹងសម្របសម្រួលគ្រប់និតីវិធីទាំងអស់ ទាំងការត្រួតពិនិត្យសុខភាពនៅលើកប៉ាល់, មិនយកថ្លៃ Visa និងសេវាផ្សេងៗ ដែលទាំងនេះបង្ហាញទឹកចិត្ត ដ៏ប្រពៃបំផុតរបស់​ប្រមុខ​រាជ​រដ្ឋា​ភិបាល​កម្ពុជា សម្តេចតេជោ ហ៊ុន សែន ចំពោះផ្នែកកិច្ចការមនុស្សធម៌ និងគ្មានការរើសអើង​ពូជសាសន៍​ប្រទេសដទៃនោះទេ។ ក្រៅពីនោះអាជ្ញាធរនឹងចែកក្រមាដល់អ្នកដំណើរ​ទាំង​អស់នោះផងដែរ។

លោក W. Patrick Murphy អគ្គរដ្ឋទូតសហរដ្ឋអាមេរិកប្រចាំនៅកម្ពុជា បានបង្ហោះសារមួយ​តាម​បណ្តាញ​សង្គម Twitter ដោយសូមអរគុណ និងកោតសរសើរយ៉ាង​ខ្លាំង​ចំពោះទឹកចិត្តរាជរដ្ឋាភិបាល​កម្ពុជា ដែលបានអនុញ្ញាតជួយឱ្យកប៉ាល់ខ្នាតយក្ស Westerdam ដែល​មានមូលដ្ឋាន​នៅ​សហរដ្ឋអាមេរិក ដែលកំពុងវិលវល់នោះចូលចតនៅកំពង់ផែ ខេត្តព្រះសីហនុ នៅព្រឹកថ្ងៃទី១៣ ខែកុម្ភៈ ឆ្នាំ២០២០នេះ។

បើតាមលោកអគ្គរដ្ឋទូត, អ្នកនៅលើកប៉ាល់នោះក៏មានពលរដ្ឋអាមេរិកជាច្រើននាក់ផងដែរ។ ហើយ​តាមសេចក្តីរាយការណ៍កប៉ាល់បានឲ្យដឹងថា មិនមាននរណាម្នាក់ផ្ទុកមេរោគកូរ៉ូណាថ្មីនោះទេ ដែលត្រូវបានត្រួតពិនិត្យ និងធ្វើតេស្តដោយគ្រូពេទ្យនៅលើកប៉ាល់នេះតែម្តង។

សូមបញ្ជាក់ថា រាជរដ្ឋាភិបាលកម្ពុជា បានអនុញ្ញាតឲ្យនាវាទេសចរណ៍ខ្នាតយក្សដែល​មានម្ចាស់​ជាជនជាតិហូឡង់កាត់អាមេរិក និងមានមូលដ្ឋាននៅសហរដ្ឋអាមេរិក ដែលផ្ទុកមនុស្ស​ជាង​២២០០​នាក់ ចូលសំចតនៅ កំពង់ផែខេត្តព្រះសីហនុរបស់កម្ពុជា ក្រោយពីប្រទេស និងកោះ​សរុប​ចំនួន៦ បដិសេធមិនឲ្យនាវាដ៏ធំមួយនេះចូលចត ដោយសារភ័យខ្លាច​អ្នកដំណើរ​មាន​ផ្ទុក​វីរុស​កូរ៉ូណា​ថ្មី។ ការអនុញ្ញាតឲ្យចូលចតនេះធ្វើឡើង បន្ទាប់ពីមានការធានាច្បាស់លាស់​ពីអ្នកគ្រប់គ្រង​នា​វាទេសចរណ៍ Westerdam ថា មនុស្សទាំងអស់លើកប៉ាល់មិនមានអ្នកណាម្នាក់ ផ្ទុកវីរុសកូរ៉ូណាថ្មី ឬ Covid-19 នោះទេ។

សម្តេចតេជោ ហ៊ុន សែន បានមានប្រសាសន៍ឆ្លើយតបថា «ហេតុអ្វីត្រូវសម្រេចអនុញ្ញាតឲ្យនាវា​នេះ​ចូលចត តើត្រូវឲ្យពួកគេទៅណា បើគេបានបិទអស់ហើយ, ដូចដែលខ្ញុំបាននិយាយហើយថា ជំងឺ​ពិតប្រាកដគឺភាពភ័យខ្លាច មិនមែនជាជំងឺកូរ៉ូណានោះទេ។ ការអនុញ្ញតឲ្យចូលនេះបង្ហាញពីការលុប​បំបាត់នូវ​ជំងឺភ័យខ្លាច ដែលកំពុងកើតមាននៅលើពិភពលោកយើងនេះ ហើយកម្ពុជាគ្មាន​ឡើយ​ការ​រើស​អើង​ពូជសាសន៍ ត្រូវតែចូលរួមសង្រ្គោះក្នុងកិច្ចការមនុស្សធម៌ ខណៈពួក​គេ​កំពុង​ជួប​គ្រោះ​អាសន្ន»។ «យើងត្រូវសហការគ្នា ទាំងអ្នកជាប់នៅលើនាវា ដើម្បីជួយសង្រ្គោះដោយមិនខ្វល់ពីជាតិសាសន៍ ទោះ​បីជាតិសាសន៍ណាក៏ដោយ កិច្ចការនេះបង្ហាញពីការងារ មនុស្សធម៌ដ៏ប្រពៃ និងសណ្តានចិត្ត​របស់​កម្ពុជាសម្រាប់មនុស្សលើពិភពលោក ក្នុងការយកអាសារសម្រាប់ជាតិសាសន៍ដទៃ។

បើគេមិនទទួលកម្ពុជាទទួល, កម្ពុជាក៏ចង់បង្ហាញថា កម្ពុជាមិនមែនគ្រាន់តែសហការជាមួយចិន​នោះ​ទេ គឺធ្វើជាមួយគ្រប់ជាតិសាសន៍ទាំងអស់ ព្រោះបញ្ហានេះវាក្លាយជាបញ្ហាប្រឈម ជា​សកលរួច​ទៅ​ហើយ និងម្យ៉ាងទៀតបញ្ហាមនុស្សធម៌ក៏គ្មានព្រំដែនដែរ។ យើងត្រូវតែជួយពួកគេនៅពេលដែលពួកគេសុំឱ្យយើងជួយ យើងត្រូវតែជួយគេប្រកប ដោយ​ស្មារតីទទួលខុសត្រូវ», នេះជាប្រសាសន៍របស់សម្តេចតេជោ ហ៊ុន សែន បញ្ជាក់បន្ថែមយ៉ាងដូច្នេះ។

នៅព្រឹកថ្ងៃទី១៣ ខែកុម្ភៈ ឆ្នាំ២០២០នេះ ក្រុមការងារចម្រុះ របស់កម្ពុជា រួមមាន​ទាំង​មន្ត្រីន​គរបាល​ច្រកទ្វារ ថ្នាក់ដឹកនាំខេត្តព្រះសីហនុ ថ្នាក់​ដឹកនាំកំពង់ផែស្វយ័ត ក៏ដូចជាមន្ត្រីក្រសួងសុខាភិបាល និង​មន្ទីរសុខាភិបាលខេត្តព្រះសីហនុ បាន​ចុះទៅយកសំណាកនៅលើនាវាទេសចរណ៍ ឈ្មោះ Westerdam ដើម្បី​ត្រួតពិនិត្យ​យ៉ាង​យក​ចិត្ត​ទុកដាក់ នៅលើនាវានោះ ជាមុនសិន មុន​នឹង​អនុញ្ញាត​ឱ្យ​មនុស្សនៅលើនាវា នោះ ឡើង​មក​លើ​ច្រាំង ដើម្បី​ធានា​ថា​មិន​មាន​អ្នក​ណា​ម្នាក់​ឆ្លង​នូវវីរុស ខូវីន-១៩។

The post នាវា Westerdam ចូលចតកំពង់​ផែ​​​ហើយ អាជ្ញាធរកម្ពុជា ទទួល​ស្វាគមន៍​ នឹង ​ប្រុងប្រយ័ត្ន​ខ្ពស់​ appeared first on .

គណៈបញ្ជាការឯកភាពរដ្ឋបាលខេត្តព្រះសីហនុ​ដោយ​មាន​កិច្ចសហការជាមួយក្រុមការងារ​ចម្រុះ​ថ្នាក់ជាតិ នឹងចុះត្រួតពិនិត្យតាមកាស៊ីណូក្នុងខេត្តព្រះសីហនុ ក្នុងករណី លោក លោកស្រី​នៅតែ​បន្តធ្វើអាជីវកម្មល្បែងភ្នាល់តាមម៉ាស៊ីនអេឡិចត្រូនិចតាមរយៈអ៊ីន​ធើណេតអនឡាញក្នុង និងក្រៅ​ប្រទេសគ្រប់ប្រភេទ និងគ្រប់រូបភាពបន្តទៀត ក្រុមការងារនឹងចាត់វិធានការ តាមផ្លូវ​ច្បាប់​ដែលមាន​ចែងជាធរមាន។

The post អាជ្ញាធរ​ខេត្ត​ព្រះសីហនុ​ព្រមាន​ចាត់​វិធាន​ការ​ក្ដៅ​ចំពោះCasino Onlineក្រោយ​ដល់​ឱសានវាទ appeared first on .

រសៀលថ្ងៃទី១៧ ខែធ្នូ ឆ្នាំ២០១៩នេះ ប្រតិបត្តិការដ៏ក្ដៅគគុកជាបន្ដបន្ទាប់នេះ ត្រូវបានធ្វើឡើង​ក្រោមការបញ្ជា​ផ្ទាល់ពី នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ , លោក គួច ចំរើន អភិបាលខេត្ត និងជាប្រធានគណៈបញ្ជាការឯកភាពខេត្ត និងក្រោមការសម្រប​សម្រួលពីលោក សៀង សុខ ព្រះរាជអាជ្ញាអមសាលាដំបូងខេត្ត។

ប្រតិបត្តិការនេះធ្វើឡើងនៅថ្ងៃទី១៣-១៤ ខែធ្នូ ដោយកម្លាំងជំនាញតាមចាប់ជនសង្ស័យ​នៅ​រាជធានី​ភ្នំពេញ​ផង និងនៅក្រុងព្រះសីហនុផង បានជាបន្តបន្ទាប់សរុបចំនួន៧នាក់ បន្ថែមទៀត (ជនជាតិ​ខ្មែរ​៤នាក់,​ជនជាតិចិន៣នាក់ ស្រីម្នាក់) ព្រមទាំងចាប់យកវត្ថុតាង កាំភ្លើង៥ដើម (កាំភ្លើង​វែង១​ដើម និងកាំភ្លើងខ្លី៤ដើម) និងគ្រាប់រំសេវមួយចំនួនទៀត។

វត្ថុតាងចាប់យកបានរួមមាន៖ កាំភ្លើងវែង AK47 ១ដើម, កាំភ្លើងខ្លី៤ដើម (ម៉ាកGLOCK17 ១ដើម ពណ៌​ខ្មៅ, ម៉ាក GLOCK19 ១ដើម ពណ៌ខ្មៅ, ម៉ាក GLOCK19 KILLER ១ដើម ពណ៌ខ្មៅ និងម៉ាកK59 ១ដើម ពណ៌ខ្មៅ, បង់កាំភ្លើងប្រភេទ១៥គ្រាប់ ចំនួន៤បង់, បង់កាំភ្លើងប្រភេទ៣០គ្រាប់ ចំនួន២បង់ (ថ្មីមិនទាន់ហែកប្រើ), គ្រាប់កាំភ្លើង១៨១គ្រាប់ (គ្រាប់ប្រភេទ៩mm ចំនួន៦៦គ្រាប់, គ្រាប់ប្រភេទ K59 ចំនួន៥គ្រាប់), រឺស័របង់កាំភ្លើងចំនួន២ (ថ្មីមិនទាន់ហែកប្រើ), តួកាំភ្លើងម៉ាក GLOCK ចំនួន១ និង​គ្រឿង​បន្លាស់កាំភ្លើងមួយចំនួន (សម្រាប់កែឆ្នៃកាំភ្លើងខ្លីម៉ាក GLOCK ធម្មតា ទៅជាអូតូរ៉ាស់ហ្វាល់) និង​ម៉ាស៉ីនស្វាន១គ្រឿង និងគ្រឿងបន្លាស់១ប្រអប់។

គួរជម្រាបថា កាលពីថ្ងៃទី០៦ ខែធ្នូ ឆ្នាំ២០១៩កន្លងទៅ កម្លាំងជំនាញផែននគរបាលព្រហ្មទណ្ឌ បាន​ធ្វើការស្រាវជ្រាវបង្ក្រាបឃាត់ខ្លួនបានជនសង្ស័យ ជនជាតិចិនចំនួន៧នាក់ ដែលជាប់ពាក់ព័ន្ធ ករណី​ចាប់​ឃុំឃាងបង្ខាំងមនុស្សខុសច្បាប់, ផ្តល់ទីតាំងប្រព្រឹត្តិបទល្មើសឧក្រិដ្ឋ និងនាំចូលអាវុធ ដោយ​គ្មាន​ការអនុញ្ញាតិ នៅចំណុចផ្ទះសំណាក់ស៊ែងឆីង ស្ថិតនៅភូមិ២ សង្កាត់២ ក្រុងព្រះសីហនុ ព្រម​ទាំង​ដកហូតបានកាំភ្លើងខ្លីចំនួន២ដើម, កាំភ្លើងវែង១ដើម (M16) គ្រាប់កាំភ្លើង និងគ្រឿង​ញៀន​មួយ​ចំនួន​ធំ។ ជនសង្ស័យរួមទាំងវត្ថុតាង កម្លាំងជំនាញបានកសាងសំណុំរឿង​បញ្ជូនទៅសាលាដំបូង​ខេត្ត​ព្រះសីហនុ៕

ប្រភពផេក៖ ឧត្តមសេនីយ៍ទោ ជួន ណារិន្ទ

The post ចាប់​​ចិន​៧នាក់ ករណីចាប់បង្ខាំងមនុស្ស និងកាន់កាប់រក្សា អាវុធ​ខុសច្បាប់​នៅ​ខេត្តព្រះសីហនុ appeared first on .

ប្រភព៖ Huy Bunleng

The post ទៀត​ហើយ! ចិន​បាញ់​ស្លាប់​ចិន ទាំង​ព្រឹក​នៅ​កំពង់​សោម appeared first on .

ឯកឧត្តម ឡៅ ទិព្វសីហា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មការត្រួតពិនិត្យគុណភាពសំណង់ នៅខេត្តព្រះសីហនុ មានប្រសាសន៍ថា ក្រសួង និងរដ្ឋបាលខេត្តព្រះសីហនុ សំដែងការសោកស្តាយតែចំពោះការតម្រូវឲ្យរុះរើសំណង់មួយចំនួននេះ ប៉ុន្ដែដើម្បីកុំឲ្យមានគ្រោះថ្នាក់ទៀត ចាំបាច់ត្រូវតែរុះរើចេញជាបន្ទាន់។ ម្ចាស់សំណង់ មិនបាច់ដើររកអ្នកអន្តរាគមន៍ទប់ស្កាត់ទេ បើមិនព្រមរុះរើទេ អាជ្ញាធរមានសមត្ថកិច្ច នឹងចាត់វិធានការតាមផ្លូវច្បាប់។ បន្ទាប់ពីបានរុះរើហើយ អាជ្ញាធរ និងមន្ត្រីជំនាញ នឹងជួយសម្រួលការគូរប្លង់ ពិនិត្យលក្ខណៈបច្ចេកទេស និងចេញលិខិតអនុញ្ញាតសាងសង់ឡើងវិញឲ្យបានឆាប់ដើម្បីជាការប៉ះប៉ូវនូវការខូចខាតនេះ។

ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និយាយថា ក្រោមវត្តមានម្ចាស់សំណង់ និងម្ចាស់ទីតាំងជួលដីចំនួន ១៤ទីតាំង ដែលគណៈកម្មការត្រួតពិនិត្យគុណភាពសំណង់ បានពិនិត្យឃើញថាសំណង់ទាំងនេះ មិនមានគុណភាព ហើយអាចប្រឈមនឹងហានិភ័យដល់អ្នករស់នៅក្នុងនោះ និងប្រជាពលរដ្ឋ ដែលមានលំនៅដ្ឋាននៅជុំវិញផងដែរ។ ដើម្បីបញ្ជៀសនូវគ្រោះថ្នាក់ និងហានិភ័យទាំងឡាយ ដែលកើតមានដោយសារសំណង់គ្មានគុណភាពនេះ អាជ្ញាធរសមត្ថកិច្ច តម្រូវឱ្យម្ចាស់ទីតាំងសំណង់ទាំងនោះ ត្រូវធ្វើការរុះរើចេញជាបន្ទាន់ និងមិនចាំបាច់រង់ចាំរកអន្តរាគមន៍ខាងនេះខាងនោះដើម្បីជួយទប់ស្កាត់នូវការរុះរើចេញនេះនោះទេ។ ក្នុងករណី ដែលម្ចាស់សំណង់ទាំងនេះមិនរុះរើចេញទេ រដ្ឋបាលខេត្តព្រះសីហនុថានឹងអនុវត្តទៅតាមនីតិវិធីច្បាប់។ អភិបាលខេត្តព្រះសីហនុ សង្ឃឹមថាម្ចាស់ទីតាំងទាំងនេះ នឹងធ្វើការរុះរើសំណង់របស់ខ្លួនចេញឲ្យបានលឿនបំផុត។

សូមបញ្ជាក់ថា គិតត្រឹមថ្ងៃទី២ ខែកញ្ញា ឆ្នាំ២០១៩ សំណង់ ដែលតម្រូវឲ្យរុះរើចេញវិញមានរហូតទៅដល់ ១៥ទីតាំងហើយ បូករួមទាំងសំណង់មានយិហោរផ្ទះនាគ នៅចំណុចរង្វង់មូលតោពីរផង។ ក្នុងនោះសំណង់បេតុងមាន២ និងសំណង់គ្រោងដែកមានចំនួន ១៣ទីតាំង។ នេះជាការបញ្ជាក់ពី លោក គាត សាវ័ន ប្រធានការិយាល័យសំណង់ នៃមន្ទីររៀបចំដែនដី នគរូបនីយ៍កម្ម សំណង់ និងសុរិយោដី ខេត្តព្រះសីហនុ។

គួររំឭកផងដែរថា កាលពីវេលាម៉ោងជិត ៥ព្រឹកថ្ងៃទី ២២ ខែមិថុនា ឆ្នាំ២០១៩ កន្លងទៅថ្មីៗនេះ ឧប្បទ្ទវហេតុ នៃសំណង់អាគាររលំបាក់ ដែលជាកម្មសិទ្ធិរបស់ថៅកែជនជាតិចិន មានកម្ពស់ ៧ជាន់ មានបណ្តោយ ៣០ម៉ែត្រ និងទទឹង ១៥ម៉ែត្រ ស្ថិតនៅភូមិ៣ សង្កាត់៤ ក្រុង-ខេត្តព្រះសីហនុ។ វា បានរលំបាក់ទាំងស្រុង ហើយបានបង្កសោកនាដកម្មធ្វើឲ្យមានមនុស្សស្លាប់ និងរបួស ៥៤នាក់ (ស្លាប់ ២៨នាក់ និងរបួស ២៦នាក់)៕

The post សំណង់គ្មានគុណភាពជាង ១០កន្លែងត្រូវរុះរើ និងខុសបច្ចេកទេស ៧០ ត្រូវកែសម្រួល appeared first on .

ការ​សម្អាត​គំនរកំប្លោក​ខាងលើ​នេះ ធ្វើ​ឡើង​ដោយ​រដ្ឋបាល​ខេត្ត​ព្រះសីហនុ មន្ទីរ​ទេសចរណ៍ មន្ទីរ​បរិស្ថាន ក្រុម​ហ៊ុន​សម្រាម KSWM ក្រុមហ៊ុន​ប្រមូល​សំណល់​សំណង់ សង្កាត់ទាំង៤ និង​អាជីវករ​លក់ដូរ​សរុប​ជាង ២០០នាក់ បាន​​ចុះ​សម្អាត​គំនរកំប្លោក​​នៅឆ្នេរអូឈើទាល ស្ថិត​នៅ​ក្នុង​ភូមិ៤ សង្កាត់លេខ៤ ក្រុងព្រះសីហនុ។ នេះ​បើ​តាម​ការ​ឲ្យ​ដឹង​ពី លោក​ ​លឹម ភត្រី​ ​មន្ដ្រី​រដ្ឋបាល​ក្រុង​ព្រះ​សីហនុ​ទទួល​បន្ទុក​រដ្ឋបាល​សាធារណៈ​ ​និង​បរិស្ថាន​ ដែល​បាន​ឆ្លើយឆ្លង​តាម​សារអេឡិចត្រូនិច។

បើទោះបីជា​យ៉ាងណា លោក លឹម ភត្រី បាន​ឲ្យ​ដឹង​ថា តួលេខ​នៃ​ការប្រមូល​គំនរកំប្លោក​ព្រឹក​នេះ ប៉ុន្មា​ន​តោន នៅ​មិនទាន់​ដឹង​នៅឡើយព្រោះកំពុង​ប្រតិបត្តិការនៅឡើយ ហើយ​កំប្លោក ដែល​ប្រមូល​បាន​នឹង​យក​ទៅ​ចាក់ចោល​នៅទីតាំង​ចាក់​សម្រាម។

គេនៅចាំបាន​ថា កាលពី​ឆ្នាំ​២០១៨​កន្លង​ទៅ កំប្លោក​បាន​រសាត់​តាមសមុទ្រ មក​ទើតាមឆ្នេរ​មួយចំនួន​ ដូចជា​ឆ្នេរអូ​ឈើទាល និង​ឆ្នេរអូរត្រេះ ជាដើម។ ប្រភព​កំប្លោក​ដែល​រសាត់​មក​ឆ្នេរខ្មែរ​នាពេល​នោះ ត្រូវបាន​អតីតភិបាលខេត្ត​ព្រះសីហនុ​ ឯកឧត្តម យន្ត មីន បញ្ជាក់​ថា ប្រភព​មក​ពី​ប្រទេស​ជិតខាង៕

ប្រភព៖ រដ្ឋបាល​ក្រុងព្រះសីហនុ

The post គំនរកំប្លោក​រសាត់​តាម​ទឹក​សមុទ្រ ជាច្រើន អាជ្ញាធរខេត្តព្រះសីហនុ នាំគ្នាសម្អាត appeared first on .

ករណីក្មេងតូចៗដែលបាត់ខ្លួនពីផ្ទះនិងរកឃើញក្មេងកប់ក្នុងភក់បែបនេះ លោកវរសេនីយ៍ត្រីរស់ កីអអធិការនគរបាលស្រុកស្ទឹងហាវអោយដឹងថា ដំបូងក្មេងៗទាំង៣នាក់នេះរត់តាមឡានដង្ហែរសពទៅកាន់វត្តពោធិមានជយ័ ដើម្បីរើសលុយដែលគេបាចតាមឡានដង្ហែរសព និងថាក្រោយមកក្មេងៗទាំង៣នាក់បាននាំគ្នាទៅលេងភក់ក្នុងរណ្តៅកាយដីមួយកន្លែងនៅជិតវត្តពោធិមានជយ័ បណ្តាលអោយជាប់នៅក្នុងល្បាប់ភក់នោះ និងថាដោយសារតែពេលយប់មិនមានមនុស្សចាស់នៅជិតឬក៍ឃើញ ទើបធ្វើអោយក្មេងៗ ទាំង៣នាក់ជាប់នៅក្នុងល្បាប់ភក់នេះពេញមួយយប់ ទម្រាំដល់សាច់ញាតិរកឃើញ៕

The post ពិតសំណាង​​​មែន! ក្មេង​៣នាក់ ជាប់ភក់ពេញមួយយប់ មិនស្លាប់ appeared first on .

នេះជាការ​បង្ក្រាប​គ្រឿងញៀនទ្រង់ទ្រាយធំ​នៅក្រុងព្រះសីហនុ ដោយ​ក្នុង​ប្រតិបត្តិការបង្ក្រាប បានធ្វើការ​ឃាត់ខ្លួនមនុស្ស​ចំនួនជាង ១០០នាក់ ដើម្បីយក​មកធ្វើការ​សាកសួរ និង​ធ្វើតេស្ត​រកសារធាតុញៀន៕

The post គួច ចំរើន ចុះ​បង្ក្រាប​គ្រឿងញៀន​​​ទាំងកណ្ដាល​អាធ្រាត្ររឃាត់ខ្លួន​ជាង​១០០នាក់ appeared first on .

ខ្មែរ​ថាម​ន៍​:​ ​លោក​និយាយ​ថា​ ​លោក​ចាប់អារម្មណ៍​នឹង​ប្រទេស​កម្ពុជា​ ​ហើយ​ចង់​វិនិយោគ​នៅក្នុង​ប្រទេស​នេះ​។​ ​តើ​អ្វីទៅ​ជា​ផែនការ​ជាក់លាក់​របស់​លោក?​ ​តើ​តំបន់​ណា​ដែល​លោក​គ្រោង​នឹង​ធ្វើការ​វិនិយោគ​?​
​
​លោក​ ​Xue​:​ ​ខ្ញុំ​មក​ទីនេះ​កាលពី​ឆ្នាំមុន​ដើម្បី​ចូល​រួម​សន្និ​សិ​ទស្ដី​ពី​ប្រព័ន្ធ​ ​blockchain​ ​ហើយ​ខ្ញុំ​ក៏បាន​ស្រលាញ់​ប្រទេស​កម្ពុជា​ចាប់ពី​ពេលនោះ​។​ ​ខ្ញុំ​បាន​ត្រលប់​មកកាន់​ទីនេះ​ ​១១​ ​ដង​ ​ហើយ​ខ្ញុំ​បាន​ស្នាក់នៅ​ទីនេះ​អស់​រយៈពេល​បួន​ខែ​មក​ហើយ​ដែរ​។​ ​
​
​ខ្ញុំ​បាន​ជ្រើសរើស​ខេត្ត​ព្រះសីហនុ​ជា​កន្លែង​ចាប់ផ្ដើម​ដំបូង​របស់ខ្ញុំ​។​ ​យើង​នឹង​ចាប់ផ្តើម​វិនិយោគ​ជាមួយ​វិស័យ​ដី​ផ្លី​ ​និង​អចលនទ្រព្យ​។​ ​ខ្ញុំ​បាន​ទិញ​ដី​ទំហំ​ ​១ពាន់​ ​ហិ​ក​តា​នៅ​រាម​ ​ក្បែរ​ព្រលា​នយន្ត​ហោះ​ខេត្ត​ព្រះសីហនុ​។​ ​ខ្ញុំ​ក៏បាន​ជួល​ដី​ទំហំ​ ​៤ពាន់​ ​ហិ​ក​តា​ ​ក្នុងរយៈពេល​ ​១០០​ ​ឆ្នាំ​ ​នៅ​ឯ​កន្លែង​មួយ​ដែល​ជា​តំបន់​អភិរក្ស​ព្រៃឈើ​ជាតិ​ ​ស្ថិតនៅ​ក្បែរ​ព្រលា​នយន្​ត​ហោះ​ផង​ដែរ​។​ ​ទីតាំង​នេះ​មានក្រឡាផ្ទៃ​ទំហំ​ ​៨​ ​គីឡូម៉ែត្រ​ការ៉េ​ ​ដែល​មាន​ទំហំ​ធំជាង​ ​ក្រុង​ម៉ាកាវ​ដល់ទៅ​ ​១៥ដង​។​

​យើង​នឹង​សាងសង់​ក្រុង​ព្រះសីហនុ​ថ្មី​។​ ​យើង​មាន​គម្រោង​សាងសង់​កាស៊ីណូ​ ​មជ្ឈមណ្ឌល​កំសាន្ត​ ​និង​មជ្ឈមណ្ឌល​តាំង​បង្ហាញ​ទំនិញ​។​ ​យើង​នឹង​សាងសង់​ជា​ផ្ទះ​វីឡា​ ​ទីលាន​វា​យកូនហ្គោល​ ​សួនសត្វ​ ​ផ្ទះ​លម្ហែ​កាយ​សម្រាប់​ប្រជាជន​ក្នុង​តំបន់​ ​និង​ផ្ទះ​សម្រាប់​ជនជាតិ​ចិន​ចូលនិវត្តន៍​ ​ក្នុង​មានតម្លៃ​សមរម្យ​។​ ​ក៏​នឹង​មាន​សង់​តំបន់ឧស្សាហកម្ម​មួយ​ ​សម្រាប់​ជនជាតិ​ចិន​អាចប​ង្កើត​រោងចក្រ​ពួកគេ​បាន​ផង​ដែរ​៕

ប្រភព៖www.khmertimeskh.com​

The post កំពូលមហាសេដ្ឋី​ចិន ​នឹង​អភិវឌ្ឍ​តំបន់​ឧទ្យានជាតិ​រាម ​ជា​ក្រុង​ព្រះសីហនុ​ថ្មី appeared first on .