សម្រែកសំឡេងស្អករបស់កំពូលតារាចម្រៀង ខេម នៅក្នុង Teaser MV ចម្រៀង « ឈឺចាប់ទៀងពេល » ពិតជាឆក់យកបេះដូងអ្នកគាំទ្រច្រើនណាស់ឱ្យស្លុងអារម្មណ៍នឹងបទចម្រៀងមួយបទនេះ ជាពិសេសស្នាដៃដឹកនាំសម្តែងរបស់អ្នកផលិតនៅក្នុងផលិតកម្ម ហ្គាឡាកស៊ី ណាវ៉ាត្រា កាន់តែធ្វើឱ្យអ្នកគាំទ្រពេញចិត្តស្តូកតែម្តង ជាមួយនឹងការសម្តែងដ៏ប៉ិនប្រសប់របស់បុរសសង្ហា តុប វិសាល និងកញ្ញា រតនៈ ដួងដាវ ស៊ីសង្វាក់ទៅតាមអត្ថន័យនៃបទចម្រៀងខ្លាំងមែនទែន ។  

បទចម្រៀង « ឈឺចាប់ទៀងពេល » គឺនិពន្ធ Melody និងទំនុកច្រៀងដោយលោក ហ៊ឹម ឡៃហ៊ីម និងនិពន្ធបទភ្លេងដោយ K-Pheak។ ទាំងអត្ថន័យនៃបទចម្រៀងក៏ដូចជាការដឹកនាំសម្តែងនៅក្នុងបទចម្រៀងបែបមនោសញ្ចេតនាឈឺចាប់ហូរទឹកភ្នែកមួយបទនេះ បានឆក់យកបេះដូងអ្នកគាំទ្រយ៉ាងច្រើន ដោយម្នាក់ៗអន្ទះសារនិងបានសំណូមពរឱ្យចេញ Full MV ឆាប់ៗ ។

កុំភ្លេចរង់ចាំតាមដានទស្សនា FullMV ចម្រៀង « ឈឺចាប់ទៀងពេល » ដែលមានចេញក្នុងផលិតកម្ម ហ្គាឡាក់ស៊ី ណាវ៉ាត្រា ក្នុងពេលឆាប់ៗខាងមុខ ថារសជាតិថ្មីរបស់លោក ខេម នៅក្នុង MV ចម្រៀងនេះ ឈឺចាប់ដល់កម្រិតណា?

The post រសជាតិថ្មី ! FanFan ណាខ្លះជួបរឿងដូចលោក ខេម ចេញមុខមក « ឈឺចាប់ទៀងពេល »   appeared first on .

ខេម បានបង្ហាញការយល់ឃើញថា ជនជាតិអាស៊ី ជាពិសេសជនជាតិថៃ និងខ្មែរមានប្រពៃណី គោរពយ៉ាងខ្ពង់ខ្ពស់ចំពោះអង្គព្រះមហាក្សត្រ និងថ្នាក់ដឹកនាំកំពូលរបស់ប្រទេស។ ក្នុងហេតុផលនេះហើយ បានជាថ្នាក់ដឹកនាំកំពូលកម្ពុជា សម្តេចតេជោ ហ៊ុន សែន ប្រធានព្រឹទ្ធសភា និងសម្តេចបវរធិបតី ហ៊ុន ម៉ាណែត នាយករដ្ឋមន្ត្រី តែងតែបានអំពាវនាវជាញឹកញាប់ដល់ប្រជាពលរដ្ឋខ្មែរ កុំយកព្រះឆាយាល័ក្ខណ៍ព្រះមហាក្សត្រ និងរូបថតថ្នាក់ដឹកនាំថៃ ទៅធ្វើសកម្មភាពណាមួយដែលមិនគួរគប្បី និងកុំមានការរើសអើងចំពោះប្រជាជនថៃដែលកំពុងស្នាក់នៅ និងប្រកបមុខរបរនៅកម្ពុជា។

កម្ពុជាទោះបីជាប្រទេសតូច មានប្រជាជនតិច និងសេដ្ឋកិច្ចនៅទន់ខ្សោយ ប៉ុន្តែថ្នាក់ដឹកនាំកម្ពុជាតែងប្រកាន់ខ្ជាប់នូវគោលការណ៍ស្រឡាញ់ សន្តិភាព ការដោះស្រាយបញ្ហាដោយសន្តិវិធី និងចង់បានព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍដោយមិនដែលចាត់ទុកប្រទេសជិតខាងណាមួយជាសត្រូវឡើយ។

ថ្មីៗនេះ ឃ្លីបវីដេអូមួយដែលបង្ហាញរូបថតស្រដៀងនឹងសម្តេចតេជោទៅដាក់តាំងជាផ្ទាំងស៊ីបសម្រាប់ការបាញ់ភ្នាល់យករង្វាន់នៅប្រទេសថៃ។ សម្តេចតេជោ ហ៊ុន សែន ប្រធានព្រឹទ្ធសភា កាលពីថ្ងៃទី៦ ខែតុលា បានចាត់ទុកអ្វីដែលបង្ហាញក្នុងវីដេអូនោះថា ជាទង្វើអសីលធម៌ និងហាមពលរដ្ឋកុំឲ្យយកតម្រាប់តាម៕

The post កំពូលតារាចម្រៀង ខេម ថ្កោលទោសសកម្មភាពអសីលធម៌ជនជាតិថៃមួយចំនួនយករូបថតថ្នាក់ដឹកនាំជាន់ខ្ពស់កម្ពុជា ធ្វើសកម្មភាពមិនគួរគប្បី ជាអំពើខ្វះភាពថ្លៃថ្នូរក្នុងនាមជាមនុស្សជាតិ appeared first on .

ការផ្តាំផ្ញើរបស់លោកខេមបែបនេះ ស្របពេលជាមួយនឹងការចេញបញ្ជារបស់សម្តេចធិបតីហ៊ុន ម៉ាណែត នាយករដ្ឋមន្ត្រីកម្ពុជា ឱ្យចាត់វិធានការតឹងរឹងនៅតាមគ្រប់ក្រសួង ស្ថាប័ន ចំពោះអ្នកដែលប្រើប្រាស់គ្រឿងញៀន និងឈានដល់ការបញ្ចប់មុខតំណែង ឬ ដេញចេញពីក្របខណ្ឌតែម្តងប្រសិនជារកឃើញករណីនេះ។ សម្តេចនាយករដ្ឋមន្ត្រី លើកឡើងបែបនេះនៅក្នុងបិទសន្និបាតបូកសរុបលទ្ធផលការងារ ឆ្នាំ២០២៣ និងលើកទិសដៅឆ្នាំ២០២៤ របស់អាជ្ញាធរជាតិប្រយុទ្ធប្រឆាំងគ្រឿងញៀន និងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់ លើកទី៩ នៅរសៀលថ្ងៃ ទី២០ ខែកុម្ភៈ ឆ្នាំ២០២៤។

ចំពោះករណីគ្រឿងញៀននេះវិញ លោក ខេម បានលើកឡើងថា គ្រឿងញៀនបានបំផ្លាញសុភមង្គលក្នុងគ្រួសារ អនាគត រួមទាំងសង្គមជាតិទាំងមូល។ ជាមួយគ្នានេះ លោកបញ្ជាក់ថា ប្រហែលជា១០ឆ្នាំមុន លោកបានបកស្រាយចម្រៀងមួយមានចំណងជើងថា “ទឹកភ្នែកក្មេងពាល” ដែលបានឆ្លុះបញ្ចាំងពីរឿងរ៉ាវពិតប្រាកដរបស់គ្រួសារមួយ ធ្លាប់តែសប្បាយ រួសរាយ និងមានសុភមង្គល បែរជាត្រូវបំផ្លាញទាំងស្រុងដោយសារឥទ្ធិពលគ្រឿងញៀនទៅវិញ។

លោក ខេម បាននិយាយថា៖ “អ៊ីចឹង គ្រឿងញៀនវាប្រៀបដូចជារោគម្យ៉ាង ឱ្យតែយើងភ្លេចខ្លួន វានឹងអាចឆ្លងទៅដល់ប្រទេសយើង ភូមិយើង ស្រុកយើង ខេត្តយើង ហើយបើយើងកាន់តែភ្លេចខ្លួនទៀត វាអាចរាលដាលដល់ទៅគ្រួសារយើងផ្ទាល់តែម្តង” ។

ហេតុដូច្នេះហើយ លោក ខេម ផ្តាំទៅពលរដ្ឋម្តងហើយម្តងទៀត កុំមើលស្រាលគ្រឿងញៀនឱ្យសោះ គ្រឿងញៀនបំផ្លាញប្រទេសជាតិ គ្រួសារ អ្នកស្រុក និងសង្គមទាំងមូល។ លោកសំណូមពរឱ្យពលរដ្ឋចែករំលែកសារនេះបន្តឱ្យបានច្រើន ដើម្បីជាប្រយោជន៍រួមរបស់ជាតិ ហើយប្រសិនជាអាចគឺចូលរួមលេងកីឡាជាមួយលោកដើម្បីសុខភាពល្អទាំងអស់គ្នា និងមិនមានពេលវេលានៅក្បែរគ្រឿងញៀនឡើយ៕

The post កំពូលតារាចម្រៀង ខេម គាំទ្រចំពោះបទបញ្ជាដ៏ម៉ឺងម៉ាត់របស់សម្តេចធិបតី ហ៊ុន ម៉ាណែត និងផ្តាំផ្ញើទៅដល់ពលរដ្ឋគ្រប់រូបត្រូវចៀសឱ្យឆ្ងាយពីគ្រឿងញៀន appeared first on .