លោកឧកញ៉ា ខេមរៈ សិរីមន្ដ បានបង្ហាញការយល់ឃើញថា ជនជាតិអាស៊ី ជាពិសេសជនជាតិថៃ និងខ្មែរមានប្រពៃណី គោរពយ៉ាងខ្ពង់ខ្ពស់ចំពោះអង្គព្រះមហាក្សត្រ និងថ្នាក់ដឹកនាំកំពូលរបស់ប្រទេស។ ក្នុងហេតុផលនេះហើយ បានជាថ្នាក់ដឹកនាំកំពូលកម្ពុជា សម្តេចតេជោ ហ៊ុន សែន ប្រធានព្រឹទ្ធសភា និងសម្តេចបវរធិបតី ហ៊ុន ម៉ាណែត នាយករដ្ឋមន្ត្រី តែងតែបានអំពាវនាវជាញឹកញាប់ដល់ប្រជាពលរដ្ឋខ្មែរ កុំយកព្រះឆាយាល័ក្ខណ៍ព្រះមហាក្សត្រ និងរូបថតថ្នាក់ដឹកនាំថៃ ទៅធ្វើសកម្មភាពណាមួយដែលមិនគួរគប្បី និងកុំមានការរើសអើងចំពោះប្រជាជនថៃដែលកំពុងស្នាក់នៅ និងប្រកបមុខរបរនៅកម្ពុជា។

កម្ពុជាទោះបីជាប្រទេសតូច មានប្រជាជនតិច និងសេដ្ឋកិច្ចនៅទន់ខ្សោយ ប៉ុន្តែថ្នាក់ដឹកនាំកម្ពុជាតែងប្រកាន់ខ្ជាប់នូវគោលការណ៍ស្រឡាញ់ សន្តិភាព ការដោះស្រាយបញ្ហាដោយសន្តិវិធី និងចង់បានព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍដោយមិនដែលចាត់ទុកប្រទេសជិតខាងណាមួយជាសត្រូវឡើយ។

ថ្មីៗនេះ ឃ្លីបវីដេអូមួយដែលបង្ហាញរូបថតស្រដៀងនឹងសម្តេចតេជោទៅដាក់តាំងជាផ្ទាំងស៊ីបសម្រាប់ការបាញ់ភ្នាល់យករង្វាន់នៅប្រទេសថៃ។ សម្តេចតេជោ ហ៊ុន សែន ប្រធានព្រឹទ្ធសភា កាលពីថ្ងៃទី៦ ខែតុលា បានចាត់ទុកអ្វីដែលបង្ហាញក្នុងវីដេអូនោះថា ជាទង្វើអសីលធម៌ និងហាមពលរដ្ឋកុំឲ្យយកតម្រាប់តាម៕

The post កំពូលតារាចម្រៀងឧកញ៉ា ខេមរៈ សិរីមន្ដ ថ្កោលទោសសកម្មភាពអសីលធម៌ជនជាតិថៃមួយចំនួនយករូបថតថ្នាក់ដឹកនាំជាន់ខ្ពស់កម្ពុជា ធ្វើសកម្មភាពមិនគួរគប្បី ជាអំពើខ្វះភាពថ្លៃថ្នូរក្នុងនាមជាមនុស្សជាតិ appeared first on .

ពិធីសម្ពោធកាត់ខ្សែបូកសាងខ្លោងទ្វារមន្ទីរពេទ្យ ឃុំគរ ស្រុក ព្រៃឈរ ឃុំគរ ខេត្ត កំពង់ចាម គឺបានរៀបចំឡើងកាលពីព្រឹកថ្ងៃទី ២២ ខែ មេសា នេះយ៉ាងឱឡារិក ដោយមានវត្តមានថ្នាក់ដឹកនាំ អ្នករៀបចំ ប្អូនៗ និង គ្រូពេទ្យ ជាច្រើនប្រចាំនៅទីនោះ ។    

ជាមួយគ្នានោះកំពូលតារាចម្រៀង ខេមរៈ សិរីមន្ត បានឱ្យដឹងថា « ខ្ញុំបាទនឹងភរិយាពិតជាមានក្តីរំភើបរីករាយខ្លាំង ថ្ងៃនេះខ្ញុំបានចូលរួមកសាងខ្លោងទ្វាមន្ទីរពេទ្យ ឃុំគរ ដែលជាស្រុកកំណើតរបស់ខ្ញុំនៅខេត្ត កំពង់ចាមស្រុកព្រៃឈរ ឃុំ គរ ពិធីកាត់ខ្សែបូរដ៏ឱឡារិក ខ្ញុំពិតជាមានក្តីរំភើបខ្លាំងដែលបានចូលរួមចំណែកកសាងភូមិស្រុករបស់ខ្លួនឯងផ្ទាល់ នៅក្នុងឱកាសនេះខ្ញុំក៏បានជូនថវិកាទៅដល់អាជ្ញាធរមន្ទីរពេទ្យសាលារៀនបឋមសិក្សានិងសាលាវិទ្យាល័យក៏ដូចជាលោកតាលោកយាយដែលបានចូលរួមផងដែរដែលការចំណាយទាំងការកសាងនឹងការចំណាយទាំងអស់នេះសរុបជាថវិការជាង14000000រៀល( ជាង14លានរៀល ) គោរពអរគុណសម្ដេចអគ្គមហាសេនាបតីតេជោហ៊ុនសែនដែលបាននាំសន្តិភាពមកឲ្យ កម្ពុជាគោរពអរគុណសម្ដេចមហាបបរអធិបតីហ៊ុនម៉ាណែតដែលបានបន្តរក្សាសន្តិភាព » ។

បន្ទាប់ពីឃើញទង្វើរ និងសកម្មភាពសប្បុរសធម៌ជួយដល់សង្គម របស់កំពូលតារាចម្រៀង ខេមរៈ សិរីមន្ត បែបនេះ បានធ្វើឱ្យមហាជនទាំងក្នុងនិងក្រៅសិល្បៈ លាន់មាត់សរសើរលោកគ្រប់ៗគ្នា ។ កំពូលតារាចម្រៀង ខេមរៈ សិរីមន្ត បានបន្ថែមថា នៅពេលដែលចូលរួមជួយការងារសង្គមម្តងៗ លោកពិតជារំភើបចិត្តណាស់ លោកសន្យាថា នឹងធ្វើការងារទាំងនេះជាបន្តទៀត ទៅតាមលទ្ធភាពដែលខ្លួនមាន ៕

The post កំពូលតារាចម្រៀង ឧកញ៉ា ខេមរៈ សិរីមន្ត និងភរិយាដឹកដៃគ្នាទៅសម្ពោធកាត់ខ្សែបូខ្លោងទ្វារមន្ទីរពេទ្យនៅស្រុកកំណើតដោយចំណាយថវិការប្រមាណ ១៤ លានរៀល! appeared first on .