មកទល់ពេលនេះកំពូលតារាចម្រៀង តន់ ចន្ទសីម៉ា បានឈរនៅលំដាប់កំពូលដែលខ្លួនចង់បានហើយ ហើយបទចម្រៀងនាងជាច្រើនក៏ទទួលបានការពេញនិយមនិងការគាំទ្រច្រើនពីមហាជនទាំងក្នុងនិងក្រៅប្រទេស ប៉ុន្តែមុននឹងឈានជើងមកដល់សព្វថ្ងៃនេះ ជីវិតនាងក៏ជួបនូវឧបសគ្គជាច្រើនផងដែរ ។  

កញ្ញា តន់ ចន្ទសីម៉ា បានរំលឹកពីប្រវត្តិតស៊ូខ្លះៗរបស់ខ្លួននៅលើវិស័យចម្រៀងនេះឱ្យអ្នកគាំបានដឹង ដោយនាងបានរៀបរាប់នៅលើហ្វេសប៊ុករបស់ខ្លួនថា « ខ្ញុំជឿលើអ្វីដែលខ្ញុំបានប្រឹងប្រែង ខិតខំតស៊ូ មិនបោះបង់ មិនទន់ជ្រាយ អរគុណបងប្អូន និងអ្នកទាំងអស់គ្នាជុំវិញខ្លួនខ្ញុំ សម្រាប់ក្តីស្រឡាញ់ ផ្តល់ឱកាស កម្លាំងចិត្ត ជ្រោមជ្រែង ។ ខ្ញុំជឿថាអ្នកទាំងអស់គ្នា នឹងធ្វើបានសម្រេចនូវក្តីស្រមៃរបស់ខ្លួនក្នុងថ្ងៃណាមួយដូចគ្នា ខ្ញុំផ្តល់កម្លាំងចិត្តឱ្យណា » ។

ក្រៅពីអាជីពចម្រៀង កញ្ញា តន់ ចន្ទសីម៉ា ក៏បានវិឌ្ឍន៍ខ្លួនមួយជំហានទៀតក្លាយទៅជាគ្រូបង្វឹក នៅក្នុងកម្មវិធីប្រលងចម្រៀងរ៉េប « Cambo Rapper »  ថ្វីដ្បិតតែមើលទៅនាងនៅក្មេងខ្ចីបន្តិចក៏ពិតមែន ប៉ុន្តែក្នុងខ្លួននាងពេញដោយសមត្ថភាព និងទេពកោលស្យខាងផ្នែកចម្រៀង រហូតទទួលបានការស្រឡាញ់ និងការគាំទ្រច្រើនពីមហាជន ។

គួររំលឹកផងដែរថា កញ្ញា តន់​ ចន្ទសីម៉ា បានបញ្ចប់ការសិក្សាថ្នាក់បរិញ្ញបត្រនៅក្នុងឆ្នាំ២០២២ បើទោះបីជាមមាញឹកនៅក្នុងការងារសិល្បៈ នាងមិនបានបោះបង់ការសិក្សារបស់ខ្លួនចោលឡើយ ផ្ទុយទៅនាងបានខំប្រឹងប្រែងសិក្សារហូតបានបញ្ចប់ថ្នាក់បរិញ្ញាប័ត្រតាមក្តីស្រមៃ ៕

The post កំពូលតារាចម្រៀង តន់ ចន្ទសីម៉ា រំលឹកពីការតស៊ូនិងលើកទឹកចិត្តប្អូនៗជំនាន់ក្រោយ !   appeared first on .

កាលពីយប់ថ្ងៃទី១០ ខែតុលា ឆ្នាំ២០២៥ កំពូលតារាចម្រៀង តន់ ចាន់សីម៉ា បានប្រកាសលើបណ្តាញសង្គមយ៉ាងដូច្នេះថា «យើងខ្ញុំ សូមប្រកាសថ្កោលទោសយ៉ាងខ្លាំងចំពោះទង្វើរំលោភបំពានរបស់កម្លាំងចម្រុះថៃ
លើបូរណភាពទឹកដី និងអធិបតេយ្យកម្ពុជានិងរំលោភបំពានសិទ្ធិមនុស្សយ៉ាងធ្ងន់ធ្ងរនៅភូមិព្រៃចាន់»។

ដោយរំលោភលើ៖
ទី1 រំលោភលើកិច្ចព្រមព្រៀងឈប់បាញ់
ទី2 រំលោភលើស្មារតីនៃកិច្ចប្រជុំ GBC និង RBC
ទី3 រំលោភលើអនុស្សរណៈនៃការយោគយល់គ្នា ត្រង់ចំណុចទី 2 មាត្រាទី 4 នៃ MOUឆ្នាំ 2000
ទី4 ជាសកម្មភាពរំលោភលើសិទ្ធិមនុស្សនិងច្បាប់មនុស្សធម៌អន្តរជាតិ សិទ្ធិក្នុងការទទួល
លំនៅឋាននិងជីវភាពសមរម្យ

កំពូលតារាចម្រៀង តន់ ចាន់សីម៉ា ក៏បានប្រកាសសូមអំពាវនាវ ឱ្យសហគមន៍អន្តរជាតិ ថ្កោលទោសទង្វើរំលោភបំពានរបស់ថៃនិងចាត់វិធានការចាំបាច់ ដើម្បីឲ្យប្រទេសនេះបញ្ឈប់ទង្វើឈ្លានពានដែនអធិបតេយ្យភាព បូរណភាពទឹកដីកម្ពុជាយ៉ាងក៏គឃ្លើនបែបនេះតទៅទៀត៕

The post កំពូលតារាចម្រៀង តន់ ចាន់សីម៉ា ប្រកាសថ្កោលទោសចំពោះទង្វើរំលោភបំពានរបស់ថៃ លើបូរណភាពទឹកដី អធិបតេយ្យកម្ពុជា និងសិទ្ធិមនុស្ស នៅព្រៃចាន់ appeared first on .

កញ្ញា តន់ ចន្ទសីម៉ា បានបង្ហាញការយល់ឃើញថា ជនជាតិអាស៊ី ជាពិសេសជនជាតិថៃ និងខ្មែរមានប្រពៃណី គោរពយ៉ាងខ្ពង់ខ្ពស់ចំពោះអង្គព្រះមហាក្សត្រ និងថ្នាក់ដឹកនាំកំពូលរបស់ប្រទេស។ ក្នុងហេតុផលនេះហើយ បានជាថ្នាក់ដឹកនាំកំពូលកម្ពុជា សម្តេចតេជោ ហ៊ុន សែន ប្រធានព្រឹទ្ធសភា និងសម្តេចបវរធិបតី ហ៊ុន ម៉ាណែត នាយករដ្ឋមន្ត្រី តែងតែបានអំពាវនាវជាញឹកញាប់ដល់ប្រជាពលរដ្ឋខ្មែរ កុំយកព្រះឆាយាល័ក្ខណ៍ព្រះមហាក្សត្រ និងរូបថតថ្នាក់ដឹកនាំថៃ ទៅធ្វើសកម្មភាពណាមួយដែលមិនគួរគប្បី និងកុំមានការរើសអើងចំពោះប្រជាជនថៃដែលកំពុងស្នាក់នៅ និងប្រកបមុខរបរនៅកម្ពុជា។

កម្ពុជាទោះបីជាប្រទេសតូច មានប្រជាជនតិច និងសេដ្ឋកិច្ចនៅទន់ខ្សោយ ប៉ុន្តែថ្នាក់ដឹកនាំកម្ពុជាតែងប្រកាន់ខ្ជាប់នូវគោលការណ៍ស្រឡាញ់ សន្តិភាព ការដោះស្រាយបញ្ហាដោយសន្តិវិធី និងចង់បានព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍដោយមិនដែលចាត់ទុកប្រទេសជិតខាងណាមួយជាសត្រូវឡើយ។

ថ្មីៗនេះ ឃ្លីបវីដេអូមួយដែលបង្ហាញរូបថតស្រដៀងនឹងសម្តេចតេជោទៅដាក់តាំងជាផ្ទាំងស៊ីបសម្រាប់ការបាញ់ភ្នាល់យករង្វាន់នៅប្រទេសថៃ។ សម្តេចតេជោ ហ៊ុន សែន ប្រធានព្រឹទ្ធសភា កាលពីថ្ងៃទី៦ ខែតុលា បានចាត់ទុកអ្វីដែលបង្ហាញក្នុងវីដេអូនោះថា ជាទង្វើអសីលធម៌ និងហាមពលរដ្ឋកុំឲ្យយកតម្រាប់តាម៕

The post កំពូលតារាចម្រៀង តន់ ចន្ទសីម៉ា ថ្កោលទោសសកម្មភាពអសីលធម៌ជនជាតិថៃមួយចំនួនយករូបថតថ្នាក់ដឹកនាំជាន់ខ្ពស់កម្ពុជា ធ្វើសកម្មភាពមិនគួរគប្បី ជាអំពើខ្វះភាពថ្លៃថ្នូរក្នុងនាមជាមនុស្សជាតិ appeared first on .

ការចូលរួមបរិច្ចាគថវិការបស់ កំពូលតារាចម្រៀង តន់ ចន្ទ័សីម៉ា តបតាមការ ប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា សម្រេចបង្កើត «មូលនិធិកសាង ហេដ្ឋា រចនាសម្ព័ន្ធតាមព្រំដែន» ក្នុងគោលបំណងដើម្បី កៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធ នានា នៅតាមបណ្តោយព្រំដែន ព្រមទាំងបានផ្តល់ឱកាស ឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅ ប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាល នៅក្នុងបុព្វហេតុការពារ និងអភិវឌ្ឍជាតិ ក្នុងស្មារតី មហាសាមគ្គីជាតិខ្មែរ ដើម្បីថែរក្សា សុខ សន្តិភាព អធិបតេយ្យ និងបូរណភាពទឹកដី ក៏ដូចជាការ ជំរុញ ការអភិវឌ្ឍ នៅតាមតំបន់ព្រំដែនឱ្យ បានកាន់តែ រឹងមាំ និងប្រកបដោយចីរភាព។

យោងតាមការជូនដំណឹងរបស់ខុទ្ធកាល័យសម្តេចធិបតី ហ៊ុន ម៉ាណែត នាព្រឹកថ្ងៃទី២៦ ខែសីហា ឆ្នាំ២០២៤ បានឱ្យដឹងថា ការបង្កើតមូលនិធិកសាងហេដ្ឋារចនាសម្ព័ន្ធតាមព្រំដែន ធ្វើឡើងក្នុងគោលបំណងដើម្បីកៀរគរ ថវិកា បន្ថែម សម្រាប់ កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ព្រមទាំងបានផ្តល់ឱកាសឱ្យ ប្រជាពលរដ្ឋ ខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជរដ្ឋាភិបាល នៅក្នុងបុព្វហេតុរួមគ្នាកសាងនិងការពារមាតុភូមិរបស់យើង។

ជាមួយនឹងការជូនដំណឹងនេះ សម្តេចធិបតី ហ៊ុន ម៉ាណែត ក៏បានអំពាវនាវដល់បងប្អូនប្រជាពលរដ្ឋខ្មែរទាំង ក្នុងនិង ក្រៅប្រទេស មេត្តាចូលរួមបរិច្ចាគវិភាគទានឱ្យបានផុលផុសតាមការស្ម័គ្រចិត្តក្នុង «មូលនិធិកសាង ហេដ្ឋារចនាសម្ព័ន្ធ តាមព្រំដែន» សំដៅរួមគ្នាក្នុងធ្លុងមហាសាមគ្គីជាតិខ្មែរដើម្បីថែរក្សាសុខសន្តិភាព អធិបតេយ្យ ភាពជាតិ និងបូរណភាពទឹកដី ក៏ដូចជាការជំរុញការអភិវឌ្ឍតាមតំបន់ព្រំដែនឱ្យបានកាន់តែរឹងមាំ និងប្រកប ដោយ ចីរភាព។

សម្រាប់ការចង់ចូលរួមតាមរយៈសាច់ប្រាក់ គឺចូលរួមតាម លោក សេង ទៀង នាយករងខុទ្ទកាល័យ សម្តេច ធិបតីនាយករដ្ឋមន្ត្រី ទូរស័ព្ទលេខ 012 961 971។ ទីតាំង៖ នៅទីស្តីការគណៈរដ្ឋមន្ត្រី “អគារជាប់ ផ្លូវកម្ពុជា ក្រោម បន្ទប់លេខ ២០៦ ជាន់ទី២” ឬអាចបរិច្ចាគតាមរយៈគណនីធនាគារឈ្មោះ៖ «Foundation for Border Infrastructure Development»៕

The post កំពូលតារាចម្រៀង តន់ ចន្ទ័សីម៉ា តារាចម្រៀងប្រចាំផលិតកម្ម Galaxy Navatra បរិច្ចាគថវិកា ២០លានរៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» appeared first on .

តារាចម្រៀង តន់ ចន្ទសីម៉ា អាចច្រៀងបានគ្រប់ទម្រង់ ចង់បាន សេដ ចង់បាន រ៉េប ចង់បាន Hip Hop ឬចង់បានបែបណា កញ្ញា តន់ ចន្ទសីម៉ា ផ្តល់ជូនហ្វេនហ្វេនបានទាំងអស់ ។ មិនតែប៉ុណ្ណោះក្នុងបទចម្រៀង « ទៅរួចអត់ ? » កញ្ញា តន់ ចន្ទសីម៉ា ថែមទាំងបានបបួលហ្វេនហ្វេនមករាំឱ្យរង្គើឆាកតែម្តង ជាក់ស្តែងតាមរយៈវិដេអូដែលទស្សនិកជនបានឃើញស្រាប់ គឺសំឡេងស្រែកហ៊ោកញ្រ្ជៀវរបស់អ្នកគាំទ្របានផ្តល់ជាកម្លាំងចិត្តយ៉ាងធំធេងចំពោះតារាចម្រៀងរូបនេះ ។

កញ្ញា តន់ ចន្ទសីម៉ា បាននិយាយទៅកាន់អ្នកគាំទ្ររបស់ខ្លួនថា សូមពុកម៉ែបងប្អូន រីករាយទស្សនា សន្ដាប់ កម្សាន្តនូវចម្រៀងមួយបទទៀត ពីAlbum Black-Red បទ “ទៅរួចអត់?” ដោយក្ដីរីករាយ» ។

មិនទាន់អស់ទេ កញ្ញា តន់ ចន្ទសីម៉ា នៅមានបទចម្រៀងថ្មីៗជាច្រើនទៀតដើម្បីជូនជាកាដូសម្រាប់អ្នកគាំទ្រនៅក្នុងអាល់ប៊ុមចម្រៀង Black-Red ដូច្នេះកុំភ្លេចរងចាំទស្សនាទាំងអស់គ្នា ៕

The post បទ « ទៅរួចអត់ ? » ក្នុងAlbum Black-Red របស់កំពូលតារាចំរៀង តន់ ចន្ទសីម៉ា កំពុងតែ ហ្វែន ហ្វែន ធ្វើត្រាប់តាមកាន់ច្រើនឡើងៗលើTikTok appeared first on .

កញ្ញា តន់ ច័ន្ទសីម៉ា មិនត្រឹមតែផ្លាស់ប្តូរទាំងស្ទាយតុបតែងខ្លួន និងស្ទាយច្រៀងនៅក្នុងបទចម្រៀង « Unlucky Day »ប៉ុណ្ណោះទេ នាងថែមទាំងបានធ្វើឱ្យអ្នកគាំទ្រស្លុងអារម្មណ៍ទៅតាមអត្ថន័យនៃបទចម្រៀងនេះផងដែរ ទាំងក្បាច់រាំ ទាំងទឹកមុខ កញ្ញា តន់ ចន្ទសីម៉ា ទទួលបានការសរសើរខ្លាំងពីសំណាក់ទស្សនិកជន បន្ទាប់ពីបានទស្សនាបទចម្រៀងនេះរួច ។

ក្នុងអាល់ប៊ុមចម្រៀង Black-Red បានបង្ហាញឱ្យឃើញថា កំពូលតារាចម្រៀង តន់ ចន្ទសីម៉ា កាន់តែខ្លាំងពីមួយថ្ងៃទៅមួយថ្ងៃ ដែលពិបាកនិងរកគូប្រដូចបាន ថ្វីដ្បិតតែបទ « Unlucky Day » ធ្លាប់បានចេញប៉ុន្មានខែមុនមកហើយក្តី តែរសជាតិថ្មីនៅក្នុងអាល់ប៊ុមចម្រៀង Black-Red កាន់តែបង្ហាញឱ្យឃើញថា កញ្ញា តន់ ចន្ទសីម៉ា ពិតជាខ្លាំងមិនធម្មតា មិនថារសជាតិ សេដ ខូចចិត្ត តែនាងអាចធ្វើឱ្យអ្នកជុំវិញខ្លួនសប្បាយជាមួយបទចម្រៀងនេះ ជាក់ស្តែងតតាមរយៈវិដេអូនៃបទចម្រៀង «Unlucky Day » ដែលមហាជនបានឃើញស្រាប់។

កញ្ញា តន់ ចន្ទសីម៉ា ក៏នឹងត្រៀមចេញបទចម្រៀងថ្មីៗជាបន្តបន្ទាប់ទៀត ដើម្បីតម្រូវទីផ្សារបច្ចុប្បន្ន ជាក់ស្តែងរាល់បទចម្រៀងរបស់នាងបានចេញលើបណ្តាញសង្គម ហ្វេសប៊ុក និងយូធូប ម្តងៗ គឺសន្ទុះនៃការគាំទ្រខ្លាំងមិនធម្មតាទេ និងមានអ្នកចូលមើលរាប់លានដងត្រឹមតែរយៈពេលខ្លី។

តាមរយៈស្នាដៃថ្មីរបស់កំពូលតារាចម្រៀង តន់ ចន្ទសីម៉ា គឺបានធ្វើឱ្យមហាជនជាច្រើនពេញចិត្ត និងលាន់មាត់សរសើរមិនដាច់ពីមាត់ ជាពិសេស ការតុបតែងខ្លួន ការតុបតែងឆាក ប្លង់ និងការកាត់តជាដើម… គឺពិតជាប្លែក និង គួរឱ្យចាប់អារម្មណ៍ណាស់។ កុំភ្លេចរងចាំស្នាដៃថ្មីរបស់កំពូលតារាចម្រៀង តន់ ចន្ទសីម៉ា ជាបន្តទៀត នៅក្នុងបទចម្រៀងថ្មីៗពីអាល់ប៊ុក Black-Red៕

The post សេតក្នុងក្លឹប ជាមួយកំពូលតារាចម្រៀង តន់ ចន្ទសីម៉ា បទ« Unlucky Day » ក្នុងអាប៊ុម Black-Red appeared first on .