កំពូលសេដ្ឋីលើលោក

ណែនាំឲ្យស្គាល់សេដ្ឋីមានបំផុតទាំង ៥ នៅម៉ាឡេស៊ី ឈរលើគេគឺអ្នកជំនួញកាត់ចិនវ័យជិត ១០០ ឆ្នាំ

ឧកញ៉ាសំពៅ — Fri, 16 Jul 2021 01:55:14 +0000

Forbes ទើបតែបង្ហាញឈ្មោះមហាសេដ្ឋីលំដាប់កំពូលលើពិភពលោក ហើយក្នុងប្រទេសអាស៊ានក៏មានមហាសេដ្ឋីមានទ្រព្យសម្បត្តិពាន់លានក្នុងបញ្ជីកំពូលសេដ្ឋីមានបំផុតលើលោករបស់ទស្សនាវដ្តី Forbes។

តទៅនេះ ឧកញ៉ាញូស៍សូមណែនាំពីប្រវត្តិត្រួសៗរបស់មហាសេដ្ឋីមានបំផុត ៥ រូបប្រចាំម៉ាឡេស៊ីដូចតទៅ៖

1/ Tan Sri Robert Kuok មានទ្រព្យសម្បត្តិសរុបប្រមាណ ១២,២ ពាន់លានដុល្លារ

ឈរនៅកំពូលតារាងគឺជាមហាសេដ្ឋីវ័យចំណាស់ជាងគេ ពោលគឺលោកមានអាយុ ៩៧ ឆ្នាំហើយ។ អ្នកជំនួញជាប់សែស្រឡាយចិនរូបនេះ ក៏ជាស្ថាបនិកក្រុមហ៊ុនជាច្រើននៅម៉ាឡេស៊ីផងដែរ ដូចជាក្រុមហ៊ុនដឹកទំនិញផ្លូវអាកាស Raya Airways, ក្រុមហ៊ុន Kerry Properties និងសណ្ឋាគារផ្កាយ ៥ Shangri-La Hotesl and Resorts ជាដើម។ ក្រៅពីនេះ លោកក៏ត្រូវបានគេស្គាល់ថាជា ម្ចាស់នាវាថ្លៃបំផុតលើលោកតម្លៃ ៤,៥ ពាន់លានដុល្លារ History Supreme ផងដែរ។

2/ Tan Sri Quek Leng Chan មានទ្រព្យសម្បត្តិសរុបប្រមាណ ៩,៦ ពាន់លានដុល្លារ

មហាសេដ្ឋីវ័យ ៧៩ ឆ្នាំរូបនេះ ជានាយកប្រតិបត្តិក្រុមហ៊ុន Hong Leong Co. ដែលមានជំនួញស្ទើរតែគ្រប់វិស័យ ដូចជា វិស័យហិរញ្ញវត្ថុ ចំណីអាហារ និងអចលនទ្រព្យជាដើម។

3/ Tan Sri Paul Koon Poh Keong & Siblings មានទ្រព្យសម្បត្តិសរុបប្រមាណ ៦.៤ ពាន់លានដុល្លារ

ក្នុងឆ្នាំ ១៩៨៦ Koon និងបងប្អូនប្រុស ៤ នាក់ផ្សេងទៀតបានបង្កើតក្រុមហ៊ុនផលិត និងចែកចាយអាលុយមីញ៉ូម ដែលមានឈ្មោះថា Press Metal Aluminium Holdings Bhd ហើយ៣៥ ឆ្នាំបន្ទាប់ ក្រុមហ៊ុនមួយនេះក្លាយជាក្រុមហ៊ុនផលិតអាលុយមីញ៉ូមធំបំផុតនៅអាស៊ីអាគ្នេយ៍។

4/ Tan Sri Ananda Krishnan មានទ្រព្យសម្បត្តិសរុបប្រមាណ ៥,៨ ពាន់លានដុល្លារ

លោកគឺជាមហាសេដ្ឋីដែលរកស៊ីចេញពីចំណុចសូន្យ ហើយបច្ចុប្បន្នគឺជា នាយកប្រតិបត្តិក្រុមហ៊ុន Usaha Tegas Group Holdings។ ប្រភពចំណូលរបស់លោកគឺ បានមកពីក្រុមហ៊ុនទូរគមនាគមន៍ Maxis ក្រុមហ៊ុនប្រព័ន្ធផ្សព្វផ្សាយ Astro Malaysia Holdings និងក្រុមហ៊ុនផ្ដល់សេវាកម្មផ្នែកអណ្ដូងប្រេង Bumi Armada។

5/ Tan Sri Dato’ Sri Dr Teh Hong Piow មានទ្រព្យសម្បត្តិសរុបប្រមាណ ៥,៥ ពាន់លានដុល្លារ

បុគ្គលមានបំផុតចុងក្រោយនៅបញ្ជីនេះ គឺ Tan Sri Dato’ Sri Dr Teh Hong Piow ដែលជាស្ថាបនិកធនាគារ Public Bank Bhd កាលពីឆ្នាំ ១៩៦៦ និងបានកាន់តំណែងជានាយកប្រតិបត្តិ រហូតដល់ឆ្នាំ ២០១៩ ទើបប្រកាសចុះចេញពីតំណែង។

លោកក៏ជាបុគ្គលមួយរូបក្នុងចំណោមបុគ្គល ៣ រូបដែលអនុញ្ញាតឲ្យមានសិទ្ធកាន់កាប់ភាគហ៊ុនលើសពី ១០% សម្រាប់ស្ថាប័នហិរញ្ញវត្ថុក្នុងស្រុកទៀតផង៕

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ប្រភព: Asiatatler

The post ណែនាំឲ្យស្គាល់សេដ្ឋីមានបំផុតទាំង ៥ នៅម៉ាឡេស៊ី ឈរលើគេគឺអ្នកជំនួញកាត់ចិនវ័យជិត ១០០ ឆ្នាំ appeared first on .

វៀតណាមមិនធម្មតាទេ មានកំពូលសេដ្ឋីមានបំផុតលើលោក ៦ រូបក្នុងបញ្ជីទស្សនាវដ្តី Forbes

ឧកញ៉ាសម្រែ — Wed, 07 Jul 2021 01:27:44 +0000

ទស្សនាវដ្ដី Forbes ជានិច្ចកាលតែងធ្វើការផ្សាយពីបុគ្គលល្បីៗ និងមានឥទ្ធិពលខ្លាំងលើលោកដូចជា មហាសេដ្ឋីលំដាប់ពិភពលោក Jeff Bezos ស្ថាបនិកក្រុមហ៊ុនពាណិជ្ជកម្មអេឡិចត្រូនិច Amazon ជាដើម។

កាលពីពេលថ្មីៗនេះ Forbes ក៏បានទម្លាយនូវបញ្ជីឈ្មោះមហាសេដ្ឋីប្រចាំឆ្នាំ ២០២១ ក្នុងនោះក៏មានមហាសេដ្ឋីជនជាតិវៀតណាមដល់ទៅ ៦ រូប សុទ្ធតែអ្នកជំនួញក្តោបក្តាប់ជំនួញធំៗនៅក្នុងប្រទេសវៀតណាម។ ឧកញាញូត៍នឹងធ្វើការរៀបរាប់ត្រួសៗអំពីបុគ្គលទាំង ៦ រូបដូចខាងក្រោម៖

1/ Pham Nhat Vuong គឺជាស្ថាបនិកក្រុមហ៊ុន Vingroup ឈរនៅលេខរៀង ២៧០ ក្នុងចំណោមមហាសេដ្ឋីមានបំផុតសរុប២ ៦៧៤ នាក់ទូទាំងពិភពលោក។ មិនត្រឹមតែប៉ុណ្ណោះ លោករក្សាឈ្មោះក្នុងបញ្ជីមួយនេះបានរហូតដល់ទៅ ៨ ឆ្នាំហើយ ដែលវាជារឿងកម្រសម្រាប់មហាសេដ្ឋីនៅអាស៊ីអាចធ្វើបាន។ បុរសវ័យ ៥២ ឆ្នាំជាបុគ្គលមានទ្រព្យច្រើនបំផុតប្រចាំប្រទេសវៀតណាម ៨,៧ ពាន់លានដុល្លារ ច្រើនជាងឆ្នាំទៅ ២៣៣ លានដុល្លារ។

2/ Nguyen Thi Phuong Thao វ័យ ៥០ ឆ្នាំជាស្រ្តីតែម្នាក់ក្នុងចំណោមមហាសេដ្ឋីទាំង ៦ រូបរបស់វៀតណាម។ លោកស្រីបានឈរឈ្មោះក្នុងបញ្ជីនេះបាន ៥ លើករួចមកហើយ។ លោកស្រីជានាយកប្រតិបត្តិក្រុមហ៊ុនអាកាសចរណ៍ VietJet Air និងជាអនុប្រធានធនាគារ HDBank ផងដែរ ខណៈទ្រព្យសម្បត្តិរបស់អ្នកស្រីគឺស្ថិតក្នុងទំហំ ២,៧ ពាន់លានដុល្លារ និងឈរនៅលេខរៀង ១ ១៤៨ ទូទាំងពិភពលោក។

3/Tran Dinh Long នៃក្រុមហ៊ុន Hoa Phat Group បានបង្ហាញមុខក្នុងបញ្ជីមហាសេដ្ឋីជុំវិញពិភពលោកជាលើកទី ២ ខណៈលើកតំបូងគឺ កាលពីឆ្នាំ ២០១៨ រីឯទំហំទ្រព្យសម្បត្តិរបស់លោកវិញគឺ ២,៤ ពាន់លានដុល្លារ។

4/Ho Hung Anh ដែលជាម្ចាស់គ្រប់គ្រងក្រុមហ៊ុន Techcombank បានបង្ហាញខ្លួនជាលើកទី ៣ ខណៈទំហំទ្រព្យសម្បត្តិរបស់អ្នកជំនួញវ័យ ៥០ ឆ្នាំគឺមាន ១,៧ ពាន់លានដុល្លារសម្រាប់ឆ្នាំនេះ។

5/Tran Ba Duong បានរក្សាតំណែងនៅក្នុងបញ្ជីមួយនេះ បានរយៈពេល ៣ ឆ្នាំហើយពោលគឺតាំងពីឆ្នាំ ២០១៨ ខណៈទំហំទ្រព្យសម្បត្តិរបស់ស្ថាបនិកក្រុមហ៊ុនផលិតរថយន្តTruong Hai Auto Corporation ហៅកាត់ THACO មាន ១,៦ ពាន់លានដុល្លារ។

6/Nguyen Dang Quang ដែលជាម្ចាស់ក្រុមហ៊ុន Masan Group បានលេចវត្តមានសារជាថ្មី ក្រោយបបាត់ឈ្មោះកាលពីឆ្នាំមុន ខណៈទំហំទ្រព្យសម្បត្តិរបស់លោកគឺមាន ១,២ ពាន់លានដុល្លារ។

បញ្ជាក់ដែរថា សម្រាប់នាមមហាសេដ្ឋីមានបំផុតលើពិភពលោកគឺនៅបន្តគ្រប់គ្រងដោយលោក Jeff Bezos ស្ថាបនិកក្រុមហ៊ុន Amazon រយៈពេល ៤ ឆ្នាំផ្ទួនៗ ដោយបច្ចុប្បន្នលោកមានទំហំទ្រព្យសម្បត្តិ ១៧៧ ពាន់លានដុល្លារ ខណៈទឹកប្រាក់ប្រមាណ ៦៤ ពាន់លានដុល្លារត្រូវបានកើនឡើងជារៀងរាល់ឆ្នាំ ដោយសារកំណើនភាគហ៊ុនក្រុមហ៊ុន Amazon ៕

ប្រភព: Hanoitimes

The post វៀតណាមមិនធម្មតាទេ មានកំពូលសេដ្ឋីមានបំផុតលើលោក ៦ រូបក្នុងបញ្ជីទស្សនាវដ្តី Forbes appeared first on .

កំពូលសេដ្ឋីលើលោក

ណែនាំ​ឲ្យ​ស្គាល់សេដ្ឋីមាន​បំផុត​​ទាំង ៥ នៅ​ម៉ាឡេស៊ី ឈរ​លើ​គេ​គឺ​អ្នកជំនួញកាត់ចិន​វ័យជិត ១០០ ឆ្នាំ​

វៀតណាម​មិន​ធម្មតាទេ មាន​កំពូល​សេដ្ឋី​មាន​បំផុត​លើលោក​ ៦ រូប​ក្នុង​បញ្ជី​ទស្សនាវដ្តី Forbes

ណែនាំឲ្យស្គាល់សេដ្ឋីមានបំផុតទាំង ៥ នៅម៉ាឡេស៊ី ឈរលើគេគឺអ្នកជំនួញកាត់ចិនវ័យជិត ១០០ ឆ្នាំ

វៀតណាមមិនធម្មតាទេ មានកំពូលសេដ្ឋីមានបំផុតលើលោក ៦ រូបក្នុងបញ្ជីទស្សនាវដ្តី Forbes