យោងតាមសាររបស់សម្តេចធិបតី ហ៊ុន ម៉ាណែត នារសៀលថ្ងៃទី៦ ខែឧសភា ឆ្នាំ២០២៤ បានលើកឡើងថា “ខ្ញុំបានឃើញសាររបស់ក្មួយ ជាសំណាង រស្មីសត្យា ជាកូនបង្កើតរបស់វរសេនីយ៍ទោ ជា សំណាង ជាយោធិនដែលបានពលីក្នុងឧបទ្ទវហេតុផ្ទុះគ្រាប់នៅយោធភូមិភាគទី៣ ដោយក្មួយបានស្នើសុំក្របខ័ណ្ឌ ចូលបម្រើក្នុងជួរកងយោធពលខេមរភូមិន្ទដើម្បីបានបន្តវេន្តពីឪពុក។ ខ្ញុំឯកភាពតាមសំណើរបស់ក្មួយប្រុស រស្មីសត្យា»។

សម្តេចធិបតី បានបញ្ជាក់បន្តថា៖« មិនត្រឹមតែសម្រាប់ក្មួយប្រុស រស្មីសត្យា តែម្នាក់ទេ ខ្ញុំនឹងផ្តល់ក្របខ័ណ្ឌជូនដល់សាច់ញាតិបង្កើត របស់យោធិនពលីទាំង ២០នាក់ (អាចជាកូន ជាចៅ ឬជាបងប្អូនបង្កើត និងអាចជាស្រី ឬជាប្រុសក៏បាន) ដើម្បីអាចបានចូលបម្រើក្នុងជួរកងទ័ពបន្តវេនពីឳពុក ឬបងប្អូនរបស់គាត់»។

សូមរំលឹកដែរថា ឧបទ្ទវហេតុផ្ទុះគ្រាប់ នៅយោធភូមិភាគទី៣ ក្នុងខេត្តកំពង់ស្ពឺ កាលពីរសៀលថ្ងៃសៅរ៍ ទី២៧ ខែមេសា ឆ្នាំ២០២៤ ដែលបានបង្កឱ្យយោធិនចំនួន ២០ នាក់ បានពលីជីវិត និងយោធិនមួយចំនួនទៀតបានរបួស នឹងកំពុងសម្រាក់ព្យាបាលនៅមន្ទីពេទ្យ៕

The post សម្តេចធិបតី នឹងផ្តល់ក្របខ័ណ្ឌកងទ័ពដល់សាច់ញាតិបង្កើត របស់យោធិនពលីទាំង ២០នាក់ ក្នុងឧបទ្ទវហេតុផ្ទុះគ្រាប់ appeared first on .

តាម​រយៈ​សេចក្តីសម្រេច​​របស់​ក្រសួង​មុខងារ​សាធារណៈ ដែល​ចុះ​ហត្ថលេខា​ដោយ​ឯកឧត្តម​រដ្ឋមន្ត្រី ព្រុំ សុខា ​​បាន​បញ្ជាក់​ឱ្យ​ដឹង​ថា សិស្ស​មន្ត្រី​ជាន់​ខ្ពស់​ជំនាន់​ទី​១១ ដែល​មាន​៣​ជំនាញ​គឺ រដ្ឋបាលសាធារណៈ, សេដ្ឋកិច្ច និង​ហិរញ្ញវត្ថុ និង​ទំនាក់ទំនងអន្តរជាតិ ​​​​នឹង​ទទួល​បាន​ប្រាក់​បំណាច់មុខងារ​ស្មើ​នឹង​អនុប្រធាននាយកដ្ឋាន ​​ព្រម​ទាំង​​ប្រាក់​បៀវត្ស​មូលដ្ឋាន ​​នឹង​ទទួល​បាន​ចាប់​ពី​ខែ​ឧសភា ឆ្នាំ​២០២២ នេះ​​តទៅ។

ក្រសួង ស្ថាប័ន ដែលសិស្សមន្ត្រីជាន់ខ្ពស់ ចេញទៅបំពេញការងារមានដូចជា៖ ទីស្តីការគណៈរដ្ឋមន្ត្រី, ក្រសួងមហាផ្ទៃ, ក្រសួងការបរទេស និងសហប្រតិបត្តិការអន្តរជាតិ, ក្រសួងសេដ្ឋកិច្ច និងហិរញ្ញវត្ថុ, ក្រសួងកសិកម្ម រុក្ខាប្រមាញ់ និងនេសាទ, ក្រសួងអភិវឌ្ឍន៍ជនបទ, ក្រសួងពាណិជ្ជកម្ម, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, ក្រសួងរ៉ែ និងថាមពល, ក្រសួងផែនការ, ក្រសួងអប់រំ យុវជន និងកីឡា, ក្រសួងសង្គមកិច្ច អតីតយុវជន និងយុវនីតិសម្បទា, ក្រសួងរៀបចំដែនដី នគរូបនីយកម្ម និងសំណង់, ក្រសួងបរិស្ថាន, ក្រសួងយុត្តិធម៌, ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច, ក្រសួងប្រៃសណីយ៍ និងទូរគមនាគមន៍, ក្រសួងសុខាភិបាល, ក្រសួងសាធារណៈការ និងដឹកជញ្ជូន, ក្រសួងវប្បធម៌ និងវិចិត្រសិល្បៈ, ក្រសួងកិច្ចការនារី, ក្រសួងការងារ និងបណ្តុះបណ្តាលវិជ្ជាជីវៈ, ក្រសួងមុខងារសាធារណៈ, អង្គភាពប្រឆាំងអំពើពុករលួយ, ក្រុមប្រឹក្សាអភិវឌ្ឍន៍កម្ពុជា៕

The post សិស្សមន្ត្រីជាន់ខ្ពស់​ ៩០នាក់ ចេញបំពេញការងារតាមក្រសួង ស្ថាប័នរដ្ឋនានា ជាផ្លូវការ appeared first on .