លោក Steven Cheung នាយកទំនាក់ទំនងសេតវិមាន បានប្រកាសនៅថ្ងៃទី២០ ខែមេសាថា រដ្ឋមន្ត្រីក្រសួងការងារ លោកស្រី Lori Chavez-DeRemer នឹងចាកចេញពីរដ្ឋបាល ដើម្បីទៅកាន់តំណែងក្នុងវិស័យឯកជនជំនួសវិញ។

គួរឲ្យដឹងផងដែរថា ជុំវិញការចាកចេញរបស់លោក Chavez នេះ អនុរដ្ឋមន្ត្រីលោក Keith Sonderling នឹងត្រូវចូលទៅដឹកនាំក្រសួងការងារអាមេរិកបណ្តោះអាសន្ន ខណៈវាមិនទាន់ត្រូវបានគេដឹងច្បាស់នៅឡើយទេថា លោកប្រធានាធិបតីអាមេរិក ដូណាល់ ត្រាំ នឹងតែងតាំងឲ្យអ្នកណា កាន់តំណែងនេះរយៈពេលវែង។

ជម្រាបជូនថា លោកស្រី Chavez-DeRemer ដំបូងឡើយបានទទួលការគាំទ្រពីសមាជិកបក្សប្រជាធិបតេយ្យជាង ១០ នាក់ ក្នុងអំឡុងពេលដំណើរការបញ្ជាក់ការងាររបស់លោកស្រី នៅក្នុងតំណែង ប៉ុន្តែថ្មីៗនេះបានប្រឈមមុខនឹងការអំពាវនាវឲ្យលាលែងពីតំណែងវិញ ដោយសារតែការចោទប្រកាន់ថាលោកស្រី ទីប្រឹក្សា និងសមាជិកគ្រួសាររបស់លោកស្រី តែងតែផ្ញើសារជាអក្សរជាមួយនឹងសំណើផ្ទាល់ខ្លួនផ្សេងៗ ទៅកាន់បុគ្គលិកវ័យក្មេងក្រោមឱវាទជានិច្ច៕​

The post រដ្ឋមន្ត្រីក្រសួងការងារអាមេរិក ប្រកាសលាលែងចេញពីតំណែង ក្រោយមានរឿងអាស្រូវរុំខ្លួន appeared first on .

ជុំវិញជំនួបនាពេលនេះ ឧកញ៉ា តែ តាំងប៉ ថ្លែងប្រាប់សារព័ត៌មានឧកញ៉ាញូស៍ឲ្យដឹងថា គោលបំណងនៃកិច្ចពិភាក្សាដើម្បីស្វែងយល់អំពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេសប្រមាណ ១,៥លាននាក់ បន្ទាប់ពីសមាគមមូលនិធិសម្តេចតេជោ និង​ FASMEC បានចុះ MoU ជាមួយក្រសួងការងារបណ្តុះបណ្តាល​និងវិជ្ជាជីវៈពេលកន្លងទៅ។

លោកឧកញ៉ាលើកឡើងថា ការសិក្សានេះគឺមានជំនាញ ៣៩មុខ ដើម្បីប្រជាជនខ្មែរមានជំនាញច្បាស់លាស់ ព្រោះយើងមិនចង់ជំរុញឲ្យប្រជាជនទៅធ្វើកម្មករគេនោះទេ។ ក្នុងនាមសមាគមមូលនិធិសម្តេចតេជោ ដែលចាប់ដៃជាមួយក្រសួងការងារគឺជាលើកទីមួយដើម្បីជំរុញការបណ្តុះបណ្តាលជំនាញទាំំង ៣៩មុខឲ្យសម្រេចតាមគោលនយោបាយរាជរដ្ឋាភិបាល។

លោកឧកញ៉ាថ្លែងថា «យើងសព្វថ្ងៃនឹងកំពុងជំរុញឲ្យប្រជាជនកែច្នៃផលិតផលចេញពីកសិកម្មដើម្បីកាត់បន្ថយការនាំចូលជំរុញគោលនយោបាយរបស់រាជរដ្ឋាភិបាល។ មួយទៀតយើងចង់ឲ្យប្រជាជនមានជំនាញច្បាស់លាស់ ឧទាហរណ៍ដូចជា ការដំឡើងកង់, ដំឡើងម៉ូតូ, ដំឡើងរថយន្ត គឺបានតែកម្លាំងពលកម្មមួយគត់ តែបើយើងមានជំនាញនោះយើងអាចផលិតផ្នែកណាមួយនៃគ្រឿងបង្គុំនោ»។​

សូមជម្រាបជូនថា  ការបណ្តុះបណ្តាលជំនាញវិជ្ជាជីវៈ និងបច្ចេកទេស នៃកម្មវិធីបណ្តុះបណ្តាលយុវជន១លាន៥សែននាក់ មានគោលបំណងផ្ដល់នូវជំនាញមួយប្រចាំជីវិត ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្នុងសញ្ញាបត្របច្ចេកទេសបណ្តុះបណ្តាលវិជ្ជាជីវៈ ដើម្បីទទួលបានឱកាសការងារ និងមុខរបរដោយខ្លួនឯងប្រកបដោយភាពម្ចាស់ការ មានគុណភាព លទ្ធភាពខ្ពស់ សម្រាប់ផ្គត់ផ្គង់ ព្រមទាំងឆ្លើយតបតាមតម្រូវការទីផ្សារ ប្រកដដោយចីវភាព ភាពធន់ និងបត្យាប័ន៕

The post ឧកញ៉ា តែ តាំងប៉ ដឹកនាំសមាជិកក្រុមប្រឹក្សាភិបាល FASMEC ជួបរដ្ឋមន្រ្តីក្រសួងការងារស្នើសុំអនុសាសន៍សម្រាប់កិច្ចសហប្រតិបត្តិការរវាងក្រសួងនិងសមាគម appeared first on .

សូមជម្រាបផងដែរថា គម្រោងជួយគាំទ្រស្ត្រីក្នុងវិស័យថែរក្សាសម្ផស្ស និងសហគ្រិនភាព នេះគឺធ្វើឡើង តាមរយៈការរៀបចំកម្មវិធី បណ្តុះបណ្តាលកម្រិតសញ្ញាបត្រជាន់ខ្ពស់បច្ចេកទេស ជំនាញព្យាបាល និងថែរក្សាស្បែកមុខ រយះពេល២ឆ្នាំ។

ឧកញ៉ា តែ ប៉រហុង អនុប្រធានក្រុមហ៊ុន TTP GROUP Co., Ltd. មានសេចក្តីសោមនស្សរីករាយជាខ្លាំង និងជម្រាបជូនពីគោលបំណងនៃការចុះអនុស្សរណៈនៃការយោគយល់គ្នា (MoU) នេះគឺដើម្បីជួយគាំទ្រស្ត្រីក្នុងវិស័យថែរក្សាសម្ផស្ស និងសហគ្រិនភាព ផ្ដល់ឱកាសការងារ និងមុខរបរដល់ស្រ្តីកម្ពុជា ដែលមានបំណង ឬចំណាប់អារម្មណ៍ ក្នុងការចាប់យកអាជីព និងចាប់ផ្តើមអាជីវកម្មជាអ្នកជំនាញព្យាបាល និងថែរក្សា ស្បែកមុខតាមបែបស្តង់ដារជប៉ុន។

សិស្ស និងនិស្សិតនឹងធានាបាននូវគុណភាពនៃការបណ្តុះបណ្តាល ដែលការបង្រៀនដោយអ្នកឯកទេសមកពីប្រទេលជប៉ុនផ្ទាល់ មានបទពិសោធច្រើនឆ្នាំ លើវិស័យថែរក្សាសម្ផស្ស ព្រមទាំងមានការបញ្ចូលនូវកម្មវិធីបណ្តុះបណ្តាលជំនាញទន់ និងសហគ្រិនភាពទៅក្នុងកម្មវិធីបណ្តុះបណ្តាលជំនាញការព្យាបាល និង ថែរក្សាសម្ផស្សនេះ ដើម្បីឱ្យសិស្ស និងនិស្សិតដែលបានបញ្ចប់ការ សិក្សាអាចបង្កើតមុខរបរដោយខ្លួនឯងបាន ឬបន្តការងារជាមួយវិស័យថែរក្សាសម្ផស្សប្រកបដោយជំនាញ វិជ្ជាជីវៈ ត្រឹមត្រូវ ច្បាស់លាស់ និងតាមស្តង់ដារអន្តរជាតិ។

ឧកញ៉ា តែ ប៉រហុង សង្ឃឹមយ៉ាងម៉ុតមាំថា គម្រោងនេះ នឹងក្លាយជាផ្នែកមួយ នៃការអភិវឌ្ឍន៍ធនធានមនុស្ស បង្កើនអត្រាកម្មភាពនិងសហគ្រិនភាពរបស់ស្ត្រី លើជំនាញព្យាបាលនិងថែរក្សាសម្ផស្សនៅកម្ពុជា ព្រមទាំង ជួយបង្កើនកិច្ចសហប្រតិបត្តិការរវាង កម្ពុជា និងជប៉ុន ដើម្បីជាឱកាសសម្រាប់គម្រោងអភិវឌ្ឍន៍ផ្សេងៗទៀតនាពេលអនាគតផងដែរ។

ឆ្លៀតក្នុងឱកាសនេះ លោកឧកញ៉ា បានបន្ថែមទៀតថា ក្រុមហ៊ុនបុត្រសម្ព័ន្ធថ្មី របស់TTP Group Co., Ltd. គឺក្រុមហ៊ុន Purifix Co., Ltd. ដែលជាក្រុមហ៊ុនផ្គត់ផ្គង់ផលិតផល Collagen ផលិតនៅប្រទេសជប៉ុន នឹងមកដល់ក្នុងពេលឆាប់ៗនេះ៕

The post ពិធីចុះហត្ថលេខាលើអនុស្សារណៈនៃការយោគយល់ និងប្រកាសបើកស្តីពី “ការអនុវត្តគម្រោងជួយគាំទ្រស្ត្រីក្នុងវិស័យថែរក្សាសម្ផស្ស និងសហគ្រិនភាព” appeared first on .