ការជំរុញបែបនេះធ្វើឡើងនៅចំពោះមុខលោកគ្រូអ្នកគ្រូសិស្សានុសិស្សចំនួនប្រមាណ២ ៣០០នាក់ ក្នុងឱកាសលោកអញ្ជើញចូលរួមជាអធីបតីក្នុងពិធីផ្សព្វផ្សាយយុទ្ធនាការប្រឆាំងព័ត៌មានក្លែងក្លាយជំហានទី២ ដែលរៀបចំឡើងដោយមន្ទីរព័ត៌មាន រាជធានីភ្នំពេញ នាព្រឹកថ្ងៃទី១ ខែមិថុនា ឆ្នាំ២០២៦ នៅវិទ្យាល័យសម្តេច ហ៊ុន សែន ភ្នំពេញថ្មី។

លោកបានបញ្ជាក់ថា វិធីសាស្រ្ត «៣កុំ ១ការពារ» រួមមានទី១ កុំទាន់ជឿ៖ បើឃើញព័ត៌មានប្លែកធ្វើឱ្យរំជើបរំជួល ឬគួរឱ្យខ្លាច ត្រូវគិតសិនកុំអាលវាយតម្លៃថាជាការពិត ខ្លាចជាការប្រឌិតព័ត៌មានដើម្បីទាក់ទាញការចូលមើល(View)។ ទី២ កុំទាន់ចែករំលែក (Share)៖ ត្រូវចំណាយពេល ១៥វិនាទីពិនិត្យប្រភពឱ្យច្បាស់ បើមិនច្បាស់ដាច់ខាតកុំចែករំលែក និងទី៣ កុំប្រហែស៖ ត្រូវការពារលេខកូដសម្ងាត់គណនីរបស់យើងកុំឱ្យអ្នកណាដឹង និងមិនត្រូវចុចលើតំណ (Link)ប្លែកៗ ផ្តេសផ្តាស់ ដែលគ្មានប្រភពច្បាស់លាស់ឡើយ។ ចំណែក១ការពារ៖ គឺត្រូវការពារខ្លួនឯង គ្រួសារ និងសង្គមជាតិ ដោយបង្កើន «អក្ខរកម្មព័ត៌មាន និងប្រព័ន្ធផ្សព្វផ្សាយ»។

អ្នកនាំពាក្យក្រសួងព័ត៌មាន បានគូសបញ្ជាក់ថា៖ «នៅក្នុងការរស់នៅជាមួយពិភពឌីជីថលយុវវ័យបច្ចុប្បន្នកំពុងប្រឈមខ្លាំងនឹងគ្រោះថ្នាក់ចម្បង៣យ៉ាងរួមមាន ទី១. ព័ត៌មានក្លែងក្លាយ៖ មានដូចជាការប្រឌិតរឿង កាត់តរូបភាពបង្កើតភាពវឹកវរក្នុងសង្គម ទី២. ការផ្សាយដើម្បីឆបោកតាមអនឡាញ ដោយជនឆបោកបានផ្ញើលីងបោកប្រាស់ដើម្បីលួចទិន្នន័យ និងគណនី និងទី៣. ការគំរាមកំហែងតាមសម្តីតាមរយៈការប្រើប្រាស់ពាក្យជេរប្រមាថ និងបង្ហោះរូបភាពសើចចំអកអនឡាញ»។

នៅក្នុងឱកាសនោះ លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញ លោកនាយក លោកគ្រូ-អ្នកគ្រូ និងសិស្សានុសិស្ស នៃវិទ្យាល័យសម្តេចហ៊ុន សែនភ្នំពេញថ្មីបានគាំទ្រយ៉ាងពេញទំហឹងចំពោះ «យុទ្ធនាការប្រឆាំងព័ត៌មានក្លែងក្លាយ ជំហានទី២» របស់ក្រសួងព័ត៌មាន ដោយសហការយ៉ាងសកម្ម និងប្តេជ្ញាលុបបំបាត់ព័ត៌មានក្លែងក្លាយតាមរយៈការពង្រឹងស្មារតីត្រិះរិះពិចារណា និងផ្ទៀងផ្ទាត់ឱ្យបានច្បាស់លាស់មុននឹងជឿ ឬចែករំលែក ដើម្បីជៀសវាងហានិភ័យ និងផលវិបាកនានា ដែលបង្កឡើងដោយការផ្សព្វផ្សាយភូតកុហកនៅលើបណ្តាញសង្គម។

យុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយដើម្បីសុវត្ថិភាពព័ត៌មាន» ត្រូវបានប្រកាសដាក់ឱ្យដំណើរការជាផ្លូវការកាលពីថ្ងៃទី១៨ ខែឧសភា ឆ្នាំ២០២៦ នៅវិទ្យាល័យសម្តេច ហ៊ុន សែន ប៊ុន រ៉ានី វត្តភ្នំ ក្រោមអធិបតីភាពលោក នេត្រ ភក្ត្រា រដ្ឋមន្ត្រីក្រសួងព័ត៌មាន។

សូមបញ្ជាក់ថា ការលើកកម្ពស់កម្រិតអក្ខរកម្មព័ត៌មាន និងប្រព័ន្ធផ្សព្វផ្សាយ គឺជាកត្តាលីករដ៏សំខាន់ក្នុងការកសាងភាពធន់ក្នុងស្រទាប់គ្រួសារ និងសហគមន៍កម្ពុជា។ វានឹងជួយពង្រឹងសមត្ថភាពម្ចាស់ការក្នុងការបង្ការ និងទប់ស្កាត់រាល់ហានិភ័យ ព្រមទាំងផលវិបាកនានា ដែលបង្កឡើងដោយការផ្សព្វផ្សាយព័ត៌មានក្លែងក្លាយ ព័ត៌មានបំពុល និងការបំភាន់មតិក្នុងចេតនាទុច្ចរិត៕ អត្ថបទ៖ហ្សាលីន

The post អ្នកនាំពាក្យ ជំរុញឱ្យយុវជនអនុវត្ត «វិធីសាស្រ្ត ៣កុំ ១ការពារ» ដើម្បីទប់ទល់នឹងព័ត៌មានក្លែងក្លាយ appeared first on .

វេទិកាពិភាក្សានេះ នឹងធ្វើឡើងនៅសណ្ឋាគារ Sun & Moon Riverside ក្រោមអធិបតីភាព លោក នេត្រ ភក្ត្រា រដ្ឋមន្ត្រីក្រសួងព័ត៌មាន មានការចូលរួមពីតំណាងស្ថានទូតចិន និងស្ថានទូតនៃបណ្តាប្រទេសអាស៊ានប្រចាំកម្ពុជា មន្ត្រីនាំពាក្យរាជរដ្ឋាភិបាល មន្ត្រីនាំពាក្យគ្រប់ក្រសួង-ស្ថាប័ន មន្ត្រីនាំពាក្យរាជធានី-ខេត្ត ប្រតិបត្តិករក្នុងវិស័យព័ត៌មាន អ្នកសារព័ត៌មាន សមាគមអ្នកសារព័ត៌មាន អ្នកផលិតមាតិកា ភ្ញៀវជាតិ និង អន្តរជាតិមកពីប្រទេសជាសមាជិកមហាអនុតំបន់មេគង្គ រួមមាន កម្ពុជា ចិន ឡាវ វៀតណាម និងមីយ៉ាន់ម៉ា សរុបប្រមាណ ២៥០នាក់។

តាមការរំពឹងទុក វេទិកានេះ នឹងរួមចំណែកដល់ការប្រយុទ្ធប្រឆាំងព័ត៌មានក្លែងក្លាយ ព័ត៌មានក្លែង បន្លំ និងព័ត៌មានភាន់ច្រឡំ ដែលបាននិងកំពុងក្លាយជាក្តីកង្វល់ និងបង្កហានិភ័យខ្ពស់នៅក្នុងតំបន់ និងនៅ លើសកលលោក។ ទន្ទឹមនេះដែរ វេទិកានេះ នឹងរួមចំណែកដល់ការលើកកម្ពស់កិច្ចសហប្រតិបត្តិការរវាង ប្រទេសនិងប្រទេស ក៏ដូចជាការផ្សារភ្ជាប់រវាងប្រជាជននិងប្រជាជននៅក្នុងតំបន់ និងសកលលោក តាមរយៈការកសាងទំនុកចិត្តគ្នាទៅវិញទៅមក យ៉ាងឆាប់រហ័សនៃបច្ចេកវិទ្យាឌីជីថល ការពង្រឹងភាពធន់របស់ប្រជាពលរដ្ឋទៅនឹងការរីកចម្រើន និងការចែករំលែកព័ត៌មានប្រកបដោយទទួលខុសត្រូវខ្ពស់។

វេទិកានេះ នឹងជួយពង្រឹងតួនាទីដ៏សកម្មរបស់កម្ពុជាក្នុងការចូលរួមជាមួយប្រទេសជាសមាជិកមហា អនុតំបន់មេគង្គ ក៏ដូចប្រទេសផ្សេងៗទៀត ដើម្បីប្រយុទ្ធប្រឆាំងព័ត៌មានក្លែងបន្លំ ព័ត៌មានបំភ្លៃ និងព័ត៌មាន ភាន់ច្រឡំ ជាពិសេសព័ត៌មានក្លែងក្លាយបង្កើតឡើងដោយបញ្ញាសិប្បនិម្មិត ដែលបាននិងកំពុងចរាចរនៅ លើបណ្តាញទំនាក់ទំនងសង្គមនាពេលបច្ចុប្បន្ន។ ខណៈដែលបច្ចេកវិទ្យាមានការរីកចម្រើនយ៉ាងឆាប់រហ័ស ធ្វើឱ្យការទទួលនិងផ្សព្វផ្សាយព័ត៌មានកាន់តែមានភាពងាយស្រួល រហ័ស ប៉ុន្តែវាក៏បង្កហានិភ័យខ្ពស់ ដែល យើងទាំងអស់គ្នា មិនថាតែកម្ពុជា ឬប្រទេសណាមួយឡើយ ចាំបាច់ត្រូវចូលរួមបង្ការ និងប្រយុទ្ធប្រឆាំង ព័ត៌មានក្លែងក្លាយតាមរយៈការផ្សព្វផ្សាយព័ត៌មានពិត៕អត្ថបទ៖ហ្សាលីន

The post ក្រសួងព័ត៌មាន រៀបចំវេទិកាពិភាក្សាមហាអនុតំបន់មេគង្គ សម្រាប់យុទ្ធនាការប្រឆាំងព័ត៌មានក្លែងក្លាយ appeared first on .

គួរឱ្យដឹងថា វគ្គបណ្តុះបណ្តាលនេះបានប្រព្រឹត្តទៅរយៈពេល ៥ថ្ងៃ ក្នុងគោលបំណងពង្រឹងសមត្ថភាពវិជ្ជាជីវៈរបស់អ្នកសារព័ត៌មាន មន្ត្រីព័ត៌មាន និងអ្នកពាក់ព័ន្ធ ដោយផ្តោតលើជំនាញសំខាន់ៗ រួមមាន៖ បច្ចេកទេសសរសេរព័ត៌មាន ការសម្ភាសន៍ និងការប្រមូលព័ត៌មាន ជំនាញថតរូប និងកែសម្រួលវីដេអូ ការផលិតមាតិកាឌីជីថល ការអនុវត្តក្រមសីលធម៌វិជ្ជាជីវៈសារព័ត៌មាន។

គួរបញ្ជាក់ដែរថា ក្នុងចំណោមសិក្ខាកាមសរុប ១០៩នាក់ មានសិក្ខាកាមចំនួន ១០១នាក់ បានបំពេញវគ្គបណ្តុះបណ្តាលដោយជោគជ័យ និងទទួលបានវិញ្ញាបនបត្របញ្ជាក់ការសិក្សា។

នាឱកាសបិទវគ្គបណ្តុះបណ្តាល ឯកឧត្តម ជុំ កុសល បានវាយតម្លៃខ្ពស់ចំពោះការខិតខំប្រឹងប្រែងរបស់ក្រុមការងារ គ្រូបង្គោល និងសិក្ខាកាមទាំងអស់ ព្រមទាំងបានផ្តល់អនុសាសន៍សំខាន់ៗដល់សិក្ខាកាមថា ចំណេះដឹងដែលបានរៀន ត្រូវយកទៅអនុវត្ត ជាក់ស្តែងក្នុងការងារប្រចាំថ្ងៃ។សិក្ខាកាមថ្ងៃនេះ អាចក្លាយជាគ្រូបង្គោល និងជាអ្នកបន្តចែករំលែកចំណេះដឹងដល់អ្នកដទៃនាពេលខាងមុខ។

ឯកឧត្តមបន្តថា អ្នកសារព័ត៌មាន ទោះមានជំនាញ និងបទពិសោធន៍យ៉ាងណាក៏ដោយ បើខ្វះក្រមសីលធម៌  តម្លៃវិជ្ជាជីវៈក៏នឹងបាត់បង់។ អ្នកសារព័ត៌មាន និងអ្នកផលិតមាតិកា មានតួនាទីសំខាន់ក្នុងការផ្តល់ព័ត៌មាន ចំណេះដឹង និងរួមចំណែកផ្លាស់ប្តូរផ្នត់គំនិតសង្គម។

ឯកឧត្តមក៏បានគូសបញ្ជាក់ថា ព័ត៌មានដែលមានគុណភាព និងការផ្សព្វផ្សាយត្រឹមត្រូវ អាចជួយឱ្យសាធារណជនទទួលបានការយល់ដឹងកាន់តែប្រសើរ។

ឆ្លៀតក្នុងឱកាសនោះ ​ឯកឧត្តមក៏បានលើកទឹកចិត្តឱ្យសិក្ខាកាមទាំងអស់ បន្តពង្រឹងជំនាញ ការស្រាវជ្រាវ ការផ្ទៀងផ្ទាត់ព័ត៌មាន ការប្រើប្រាស់បច្ចេកវិទ្យាថ្មីៗ និងការអនុវត្តក្រមសីលធម៌វិជ្ជាជីវៈ ដើម្បីរួមចំណែកលើកកម្ពស់ប្រព័ន្ធផ្សព្វផ្សាយនៅកម្ពុជា ឱ្យកាន់តែមានភាពជឿជាក់ ទំនួលខុសត្រូវ និងស្តង់ដារខ្ពស់៕

The post អ្នកសារព័ត៌មាន និងមន្ត្រីព័ត៌មានជាង ១០០នាក់ ទទួលបានការបណ្តុះបណ្តាល ស្តីពី «ជំនាញបច្ចេកទេសសារព័ត៌មាន» ដើម្បីពង្រឹង វិជ្ជាជីវៈព័ត៌មាន appeared first on .

ក្នុងខ្លឹមសារលិខិត ឯកឧត្តមរដ្ឋមន្ត្រី សូមជម្រាបជូន ឯកឧត្តម លោកជំទាវ លោក- អ្នកឧកញ៉ា អ្នកឧកញ៉ា ឧកញ៉ា លោក លោកស្រី ម្ចាស់ស្ថានីយទូរទស្សន៍គ្រប់ប្រភេទ ម្ចាស់ប្រព័ន្ធផ្សព្វផ្សាយ និងអ្នកអនុវត្តសកម្មភាពក្នុងវិស័យ​ព័ត៌មាន និងសោតទស្សន៍ទាំងអស់ ជ្រាបថា ក្រសួងព័ត៌មាន បានទទួលស្គាល់ សិទ្ធិផ្ដាច់មុខសម្រាប់ការចាក់ផ្សាយ​បន្តផ្ទាល់ការប្រកួតបាល់ទាត់ពិភពលោកឆ្នាំ២០២៦ (FIFA WORLD CUP 2026) នៅព្រះរាជាណាចក្រកម្ពុជា តាមរយៈទូរទស្សន៍ហង្សមាស HDTV, រស្មីហង្សមាស HDTV និង CAMBODIAN DTH រួចហើយ។

ក្នុងករណីដែលមានការផ្សព្វផ្សាយតាមថ្នាលទូរទស្សន៍គ្រប់ប្រភេទ និងបណ្តាញសង្គមនានា ក្នុងព្រះរាជាណា​ចក្រកម្ពុជា ដែលផ្សាយកម្មវិធី FIFA WORLD CUP 2026 ដោយគ្មានការអនុញ្ញាតពី ម្ចាស់សិទ្ធិស្របតាមច្បាប់​កម្មសិទ្ធិបញ្ញា ក្រសួងព័ត៌មានសូមឱ្យមានការដកចេញដើម្បីជាការគោរពសិទ្ធិ ផ្តាច់មុខរបស់សហគ្រាសផលិតកម្ម រស្មីហង្សមាស វីដេអូ។

ដើម្បីការពារផលប្រយោជន៍ និងសិទ្ធិរបស់ភាគីពាក់ព័ន្ធ ក៏ដូចជាការចូលរួមអនុវត្តច្បាប់ជៀសវាង ការបំពានទៅលើ​សិទ្ធិស្របច្បាប់របស់អ្នកដទៃ ម្ចាស់ស្ថានីយទូរទស្សន៍គ្រប់ប្រភេទ ម្ចាស់ប្រព័ន្ធផ្សព្វផ្សាយ និងអ្នកអនុវត្តសកម្មភាព​ក្នុងវិស័យព័ត៌មាន និងសោតទស្សន៍ទាំងអស់ អាចធ្វើលិខិតតវ៉ាមកក្រសួងព័ត៌មាន ក្នុងរយៈពេល១៥ថ្ងៃ មុនការ​ប្រកួតបាល់ទាត់ FIFA WORLD CUP ឆ្នាំ២០២៦។ ផុតកាលកំណត់នេះ ក្រសួងព័ត៌មាន ពុំទទួលដោះស្រាយ​បញ្ហានេះឡើយ។

សូមជម្រាបថា ការប្រកួតបាល់ទាត់ពិភពលោក ឆ្នាំ២០២៦ (FIFA World Cup 2026) ដែលប្រទេសម៉ិចស៊ីកូ កាណាដា និងសហរដ្ឋអាមេរិក ធ្វើជាសហម្ចាស់ផ្ទះ នឹងចាប់ផ្តើមការប្រកួតពី​ថ្ងៃទី១២ ខែមិថុនា ឆ្នាំ២០២៦ តទៅ៕

The post រដ្ឋមន្ត្រី នេត្រ ភក្ត្រា ចេញលិខិតពីការទទួលស្គាល់សិទ្ធិផ្តាច់មុខ សម្រាប់ផ្សាយបន្តផ្ទាល់ការប្រកួតបាល់ទាត់ FIFA World Cup 2026 នៅកម្ពុជា appeared first on .

លោក​​ទេព អស្នារិទ្ធ អ្នកនាំពាក្យក្រសួងព័ត៌មាន បានបន្តថា សកម្មភាពអសណ្តាប់ធ្នាប់ ដែលរួមមានការដណ្តើមគ្នាថត សម្ភាសន៍ បង្កភាពវឹកវរ ការប្រើប្រាស់សម្តីមិនសមរម្យ និងការរំខានដល់ការងាររបស់អាជ្ញាធរមានសមត្ថកិច្ច បានបង្កើតជារូបភាពអវិជ្ជមាន ធ្វើឱ្យប៉ះពាល់យ៉ាងធ្ងន់ធ្ងរដល់តម្លៃ និងកិត្យានុភាព នៃវិជ្ជាជីវៈសារព័ត៌មានទាំងមូល។

ជាមួយគ្នានេះ​ លោក ទេព អស្នារិទ្ធ អ្នកនាំពាក្យក្រសួងព័ត៌មាន សូមធ្វើការអំពាវនាវចំនួន៤ចំនុច ដល់អ្នកសារព័ត៌មានដូចខាងក្រោម៖១. អ្នកសារព័ត៌មានត្រូវគោរពដែនកំណត់នៃតួនាទី និងភារកិច្ចជាអ្នកសារព័ត៌មានអ្នកសារព័ត៌មានមានតួនាទីជាអ្នកប្រមូល និងផ្សព្វផ្សាយព័ត៌មាន ប៉ុន្តែមិនមែនជាមន្ត្រីនគរបាលយុត្តិធម៌ ឬតុលាការនោះទេ។ ក្នុងករណីមានបទល្មើស គ្រោះថ្នាក់ចរាចរណ៍ ឬហេតុការណ៍ណាមួយ អ្នកសារព័ត៌មានមិនត្រូវធ្វើការវិនិច្ឆ័យ ឬកាត់សេចក្តីលើសាច់រឿងជំនួសសមត្ថកិច្ចឡើយ។មិនត្រូវប្រើតួនាទីជាអ្នកសារព័ត៌មានជ្រៀតជ្រែកក្នុងកិច្ចការរបស់អាជ្ញាធរ ឬសមត្ថកិច្ចជំនាញ ពោលគឺមិនត្រូវអនុវត្តហួសដែននៃតួនាទីសារព័ត៌មានឡើយ។ ការប្រើប្រាស់វេទិកាសារព័ត៌មានដើម្បីចោទប្រកាន់បុគ្គលណាម្នាក់ដោយពុំមានការវិនិច្ឆ័យពីសមត្ថកិច្ច ឬតុលាការត្រឹមត្រូវច្បាស់លាស់គឺជាការរំលោភលើសិទ្ធិបុគ្គល និងជាការអនុវត្តប្រាសចាកពីតួនាទីស្នូលរបស់ខ្លួន និងក្រមសីលធម៌វិជ្ជាជីវៈសារព័ត៌មាន។

២. អ្នកសារព័ត៌មានត្រូវផ្តល់ព័ត៌មានគ្រប់ជ្រុងជ្រោយ និងមានគុណភាព៖

ព័ត៌មានដែលមានគុណភាព គឺជាព័ត៌មានពិត មានភាពច្បាស់លាស់ គ្រប់ជ្រុងជ្រោយ ដោយផ្តល់សំឡេងដល់អ្នកពាក់ព័ន្ធក្នុងសាច់រឿង។ អ្នកសារព័ត៌មានត្រូវរាយការណ៍ទាំងអង្គហេតុ និងអង្គច្បាប់ ដោយជៀសវាងការផ្សាយតែមួយជ្រុងដែលនាំឱ្យមានការភាន់ច្រឡំ និងការបកស្រាយខុសៗគ្នាលើរឿងតែមួយ។ ព័ត៌មានដែលត្រឹមត្រូវ នឹងក្លាយជាបច្ច័យដ៏សំខាន់សម្រាប់ជួយដល់ការអនុវត្តការងាររបស់សមត្ថកិច្ច និងជួយឱ្យសាធារណជនទទួលបានព័ត៌មានពិតប្រាកដ ទុកចិត្តបាន និងលើកកម្ពស់ការយល់ដឹងពីសច្ចភាពសង្គម។

៣. ការរាយការណ៍ព័ត៌មានត្រូវគោរពសិទ្ធិបុគ្គល និងសេចក្តីថ្លៃថ្នូរអ្នកដទៃ៖

ការរាយការណ៍ព័ត៌មានមិនត្រូវរំលោភលើសិទ្ធិឯកជនភាព សេចក្តីថ្លៃថ្នូរ និងកិត្តិយសរបស់បុគ្គលឡើយ។ ការដេញជម្រៀតគ្នាដើម្បីសម្ភាសន៍ ឬការប្រើសម្តីបង្ខិតបង្ខំចំពោះប្រភពព័ត៌មាន ដែលមិនទាន់ផ្តល់ការអនុញ្ញាតឱ្យសម្ភាសន៍ នៅតាមទីសាធារណៈ គឺជាទង្វើមិនសមរម្យ ធ្វើឱ្យបាត់បង់តម្លៃសីលធម៌សង្គម ប៉ះពាល់ដល់សណ្តាប់ធ្នាប់សាធារណៈ។

៤. ការរាយការណ៍ព័ត៌មានភ្ជាប់ការទទួលខុសត្រូវ និងករណីយកិច្ចចំពោះសង្គម៖

អ្នកសារព័ត៌មានត្រូវចងចាំថា រាល់ការផ្សាយរបស់ខ្លួនមានឥទ្ធិពលដល់ការរស់នៅសុខសាន្តរបស់ប្រជាពលរដ្ឋ។ ដូច្នេះ អ្នកសារព័ត៌មានមានករណីយកិច្ចធានាការប្រកាន់ខ្ជាប់នូវស្មារតីទទួលខុសត្រូវខ្ពស់ ជៀសវាងការធ្វើសកម្មភាពហួសតួនាទី ដែលអាចបង្កការរំខានដល់ការរស់នៅដោយប្រក្រតីរបស់ប្រជាពលរដ្ឋទូទៅ ឬរារាំងដល់ការងាររបស់អាជ្ញាធរដែលត្រូវបំពេញភារកិច្ច។

ជាថ្មីម្តងទៀត អ្នកនាំពាក្យក្រសួងព័ត៌មានសង្ឃឹមថា អ្នកសារព័ត៌មាននឹងយកចិត្តទុកដាក់ខ្ពស់លើការកែលម្អឥរិយាបថ និងពង្រឹងការអនុវត្តការងារឱ្យស្របតាមនិយាមវិជ្ជាជីវៈ និងធម្មនុញ្ញវិជ្ជាជីវៈសារព័ត៌មាន ដើម្បីលើកកម្ពស់គុណតម្លៃសារព័ត៌មាន និងថែរក្សាសណ្តាប់ធ្នាប់សង្គមឱ្យបានល្អប្រសើរ៕ អត្ថបទ៖ហ្សាលីន

The post អ្នកនាំពាក្យក្រសួងព័ត៌មាន អំពាវនាវឱ្យអ្នកសារព័ត៌មានអនុវត្តន៍ ៤ចំណុច ដើម្បីប្រកាន់ខ្ជាប់វិជ្ជាជីវៈ appeared first on .

ពិធីអបអរសាទរខួបលើកទី៣៣ ទិវាសេរីភាពសារព័ត៌មានពិភពលោក ឆ្នាំ២០២៦ ក្រោមប្រធានបទ “ការកសាង​អនាគតមួយ ប្រកបដោយ​សន្តិភាព” មានការចូលរួមពី ឯកអគ្គរដ្ឋទូត និងតំណាងស្ថានទូតបរទេស និងអង្គការ​យូណេស្កូ​ប្រចាំនៅកម្ពុជា ថ្នាក់ដឹកនាំក្រសួងព័ត៌មាន និងអ្នកសារព័ត៌មានជាតិ និងអន្តរជាតិជាច្រើនរូប។

សម្តេចធិបតី ហ៊ុន ម៉ាណែត នាយករដ្ឋមន្ត្រី ក៏បានផ្ញើសារថា៖ «អបអរសាទរ​ ខួបទី៣៣ ទិវាសេរីភាពសារព័ត៌មានពិភពលោក ក្រោមប្រធានបទ «ការកសាងអនាគតមួយ ប្រកបដោយសន្តិភាព» ប្រធានបទនេះ បានរំលឹកឱ្យយើងដឹងថា សន្តិភាពមិនអាចកើតមានបាន ដោយចៃដន្យឡើយ។

សន្តិភាពត្រូវការព័ត៌មានដែលគួរឱ្យទុកចិត្ត ត្រូវការការសន្ទនាប្រកបដោយការគោរពគ្នា ត្រូវការការចូលរួមពី​សាធារណជន និងត្រូវការប្រព័ន្ធផ្សព្វផ្សាយដែលឈរលើគោលការណ៍ សុចរិតភាព និងវិជ្ជាជីវៈ និងការទទួល​ខុសត្រូវ»៕

រូបថត៖ ខឹម សុវណ្ណារ៉ា

The post ឯកឧត្តម នេត្រ ភក្ត្រា អញ្ជើញជាអធិបតីពិធីអបអរសាទរខួបលើកទី៣៣ ទិវាសេរីភាពសារព័ត៌មានពិភពលោក appeared first on .

តាមរយៈអនុក្រឹត្យលេខ ៣៤៣ អនក្រ.តត បានសម្រេចតែងតាំង និងប្រគល់ភារកិច្ចជូនមន្ត្រីរាជការចំនួន ០២ រូប ជាប្រធានមន្ទីរព័ត៌មាន នៃក្រសួងព័ត៌មាន ដូចមានរាយនាមខាងក្រោម៖

១.លោក ពៅ សុខន អត្តលេខ ១៦៨២១០០១៩៣ ឋានន្តរស័ក្តិវរមន្ត្រី ថ្នាក់លេខ ២ នៃក្របខ័ណ្ឌមន្ត្រីគ្រប់គ្រង​រដ្ឋបាល ជាប្រធានមន្ទីរព័ត៌មានខេត្តតាកែវ។

២.លោក ដាំ ឃុនពិសី អត្តលេខ ១៨៦២០០០២០៧ ឋានន្តរស័ក្តិក្រមការដើមខ្សែ ថ្នាក់លេខ ៣ នៃក្របខ័ណ្ឌ​មន្ត្រីក្រមការ ប្រគល់ភារកិច្ចឱ្យបំពេញមុខងារ ជាប្រធានមន្ទីរព័ត៌មានខេត្តស្វាយរៀង។

The post សម្តេចធិបតី ហ៊ុន ម៉ាណែត ចេញអនុក្រឹត្យតែងតាំងប្រធានមន្ទីរព័ត៌មាន ២រូប នៅខេត្តតាកែវ និងខេត្តស្វាយរៀង appeared first on .

ក្រសួងព័ត៌មានបានបន្ថែមថា ដើម្បីរំលឹកដល់គុណូបការៈ និងវីរភាពរបស់អ្នកសារព័ត៌មានដែលបានបាត់បង់ជីវិតក្នុងការបំពេញវិជ្ជាជីវៈសារព័ត៌មានអំឡុងពេលសង្គ្រាម ក្រសួងព័ត៌មាននឹងរៀបចំពិធីគោរពវិញ្ញាណក្ខន្ធអ្នកសារព័ត៌មាន នៅព្រឹកថ្ងៃទី៣ ខែឧសភា ឆ្នាំ២០២៦ នៅស្តូបខាងមុខស្ថានទូតបារាំង៕

The post ក្រសួងព័ត៌មាន៖ ពិធីជួបជុំរវាងសម្តេចធិបតីនាយករដ្ឋមន្ត្រី ជាមួយអ្នកសារព័ត៌មានត្រូវបានផ្អាកសម្រាប់ឆ្នាំ២០២៦ appeared first on .

ក្នុងឱកាសនោះ រដ្ឋមន្ត្រីក្រសួងព័ត៌មាន លោក នេត្រ ភក្ត្រា បានថ្លែងថា នៅក្នុងសតវត្សរ៍ទី២១ សង្គ្រាមមិនតែងតែប្រើអាវុធទេ ប៉ុន្តែពេលខ្លះប្រើ «ព័ត៌មាន ជាឧបករណ៍ ហើយការប្រកួតប្រជែងរវាងប្រទេសមិនមែនកើតឡើងតែតាមវិស័យសេដ្ឋកិច្ច ឬយោធាទេ ប៉ុន្តែក៏កើតឡើងក្នុងលំហព័ត៌មានផងដែរ។ ប្រទេសដែលអាចការពារការពិតរបស់ខ្លួនបាន គឺជាប្រទេសដែលអាចការពារកិត្តិយស និងផលប្រយោជន៍របស់ខ្លួនបាន។ លោកបញ្ជាក់ថា ព័ត៌មានក្លែងក្លាយ មិនមែនគ្រាន់តែជាព័ត៌មានមិនត្រឹមត្រូវទេ ប៉ុន្តែជាបញ្ហាប្រឈមផ្នែកសន្តិសុខ ព័ត៌មាន ដែលអាចប៉ះពាល់ដល់ទំនុកចិត្តសង្គម ប៉ះពាល់ដល់សេដ្ឋកិច្ច និងប៉ះពាល់ដល់រូបភាពជាតិ។ 

ក្នុងឱកាសនោះដែរ លោក ហួត ហាក់ រដ្ឋមន្ត្រីក្រសួងទេសចរណ៍ ក៏បានគូសរំលេចឡើងនូវយុទ្ធនាការសំខាន់ៗមួយចំនួនទៀត សម្រាប់ឆ្នាំ ២០២៦ ដែលក្រសួងទេសចរណ៍ បានដាក់ចេញរួមមាន៖ ១). យុទ្ធនាការទស្សនាកម្ពុជានៅរដូវកាលបៃតង (Green Season) ពីខែឧសភា ដល់ ខែតុលា, ២). គម្រោងសាកល្បងលើកលែងទិដ្ឋាការសម្រាប់ពលរដ្ឋចិនរយៈពេល ៤ខែ ពីថ្ងៃទី១៥ ខែមិថុនា ដល់ថ្ងៃទី១៥ ខែតុលា ឆ្នាំ២០២៦ (ពោលគឺក្នុងអំឡុងពេលនៃរដូវកាលបៃតង), ៣). យុទ្ធនាការរដូវកាលសាមគ្គីភាព (Solidarity Season) និងទី៤). ការជំរុញកិច្ចសហប្រតិបត្តិការកាន់តែស៊ីជម្រៅជាមួយប្រព័ន្ធផ្សព្វផ្សាយបណ្តាញសារព័ត៌មានកម្ពុជា ក៏ដូចជាសារព័ត៌មានបរទេសនឹងពិតជាចូលរួមផ្សព្វផ្សាយទេសចរណ៍កម្ពុជា ឱ្យបានកាន់តែទូលំទូលាយ ដើម្បីរក្សាឧត្តមភាពប្រកួតប្រជែងខ្ពស់ជាងមុន និងរក្សាកេរ្តិ៍ឈ្មោះកម្ពុជា ជាគោលដៅទេសចរណ៍សុវត្ថិភាព ផ្តល់ភាពកក់ក្តៅ ស្អាត និងបៃតង (Cambodia is a safe, warm, clean and green destination) ព្រមទាំងសំដៅបង្កើនទំនុកចិត្តពីភ្ញៀវទេសចរជាតិ និងពិសេសពីភ្ញៀវទេសចរអន្តរជាតិមកលេងកម្សាន្តនៅកម្ពុជាឱ្យកាន់តែច្រើនឡើងថែមទៀត៕

The post ក្រសួងព័ត៌មាន និងក្រសួងទេសចរណ៍ រួមគ្នាធ្វើពិធីផ្សព្វផ្សាយក្រោមប្រធានបទ « ស្ថានភាពទេសចរណ៍កម្ពុជា នៅក្នុងបរិបទតំបន់ និងពិភពលោកដែលមានភាពមិនប្រាកដប្រជានិងប្រែប្រួលឆាប់រហ័ស» appeared first on .

យោងតាមសេចក្តីប្រកាសរបស់ក្រសួងព័ត៌មាន បានចាត់វិធានការចំនួន៣ ដើម្បីអនុវត្តការសន្សំសំចៃថាមពលអគ្គិសនី៖

១. ប្រើប្រាស់ថាមពលអគ្គិសនីដោយសន្សំសំចៃ និងកាត់បន្ថយការប្រើប្រាស់ ក្នុងករណីមិនចាំបាច់ ២. កាត់បន្ថយការប្រើប្រាស់ថាមពលអគ្គិសនី នៅទីតាំងដែលមានពន្លឺគ្រប់គ្រាន់ពីខាងក ៣. ត្រួតពិនិត្យចរន្តអគ្គិសនីឡើងវិញមុនចាកចេញពីការិយាល័យ ដើម្បីធានាថាសម្ភារៈបរិក្ខារនានា ដូចជាអំពូលភ្លើង ម៉ាស៊ីនត្រជាក់ ឧបករណ៍អេឡិចត្រូនិចទាំងអស់ដែលពុំមានតម្រូវការចាំបាច់ ក្នុងការប្រើប្រាស់ជាប្រចាំត្រូវបិទ និងផ្តាច់ចរន្តអគ្គិសនី។

ទន្ទឹមគ្នានេះក្រសួង សូមលើកទឹកចិត្តដល់មន្ត្រីទាំងអស់ ចូលរួមអនុវត្តការសន្សំសំចៃ និងកាត់បន្ថយការប្រើប្រាស់ ថាមពលអគ្គិសនីឱ្យអស់ពីលទ្ធភាព៕

The post ក្រសួងព័ត៌មាន ​ឱ្យមន្ត្រីទាំងអស់ចូលរួមសន្សំសំចៃថាមពលអគ្គិសនី នៅក្នុងក្រសួងព័ត៌មាន appeared first on .