កិច្ចប្រជុំនេះ បានធ្វើឡើងនាទីស្ដីការក្រសួងរៀបចំដែនដី នគរូបនីយកម្ម និងសំណង់ នាថ្ងៃចន្ទ ទី២០ ខែមេសា ឆ្នាំ២០២៦ ក្រោមការដឹកនាំដោយលោក យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន និង លោក ឡោ ដាវុធ រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ បានអញ្ជើញជាសហប្រធានដឹកនាំកិច្ចប្រជុំក្រុមការងាររៀបចំទិន្នន័យហេដ្ឋារចនាសម្ព័ន្ធផ្លូវថ្នល់សម្រាប់ការផលិតផែនទីគោល ដោយមានការចូលរួមពីសំណាក់ថ្នាក់ដឹកនាំក្រសួង និងមន្ត្រីជំនាញពាក់ព័ន្ធផងដែរ។

សូមជម្រាបដែរថា កិច្ចប្រជុំរៀបចំឡើងដើម្បីពិភាក្សាកម្រិតផ្ទៃក្នុងសម្រាប់អ្នកបច្ចេកទេសក្រសួង គឺដើម្បីត្រៀមធ្វើការរួមគ្នាជាមួយក្រសួងដែនដី នគរូបនីយកម្ម និងសំណង់ ដោយយោងទៅតាមសេចក្តីសម្រេច ស្តីពីការបង្កើតក្រុមការងារអន្តរក្រសួង ដើម្បីរៀបចំទិន្នន័យហេដ្ឋារចនាសម្ព័ន្ធផ្លូវថ្នល់សម្រាប់ការផលិតផែនទីគោល៕ អត្ថបទ៖ហ្សាលីន

The post អន្តរក្រសួង បើកកិច្ចប្រជុំរៀបចំទិន្នន័យហេដ្ឋារចនាសម្ព័ន្ធផ្លូវថ្នល់សម្រាប់ការផលិតផែនទីគោល appeared first on .

ក្រសួងរៀបចំដែនដី បានឱ្យដឹងថា សេចក្តីព្រាងផែនការយុទ្ធសាស្ត្រចុះមូលដ្ឋានខេត្តព្រះសីហនុ ជាការរំលីងនូវគោលនយោបាយអាទិភាព និងវិធានគន្លឺះរបស់រាជរដ្ឋាភិបាល គឺទឹក ផ្លូវ ភ្លើង មនុស្ស និងបច្ចេកវិទ្យា ហើយវានឹងក្លាយជាផែនការយុទ្ធសាស្រ្តគម្រូសម្រាប់យកទៅអនុវត្តនៅខេត្តតំបន់ឆ្នេរផ្សេងទៀត។ ការចុះមូលដ្ឋាន គឺត្រូវជួយលើកកម្ពស់ជីវភាពអ្នកមូលដ្ឋាន គិតគូរលើអ្វីដែលមានស្រាប់បង្កើតដង្ហើមសេដ្ឋកិច្ចឱ្យពលរដ្ឋ និងពង្រឹងភាពជាកម្មាភិបាលរបស់មន្ត្រីរាជការ ហើយការចុះមូលដ្ឋាននៅតំបន់ឆ្នេរនេះទៀតសោត គួរផ្តោតលើការតភ្ជាប់ហេដ្ឋារចនាសម្ព័ន្ធ ឡូជិស្ទីក កំពង់ផែអន្តរជាតិពហុបំណង ការអភិវឌ្ឍន៍ផែសហគមន៍នេសាទ និងហេដ្ឋារចនាសម្ព័ន្ធទ្រទ្រង់ចាំបាច់ដូចជា ផ្លូវ ចំណតឡាន បន្ទប់ទឹកជាដើម ការចិញ្ចឹមសត្វ ការដាំដុះដំណាំបន្លែបង្កាដែលឆ្លើយតបតម្រូវការចាំបាច់ និងជំរុញកំណើនសេដ្ឋកិច្ចនៅកម្ពុជា។

ជាមួយគ្នានេះ ឧបនាយករដ្ឋមន្ត្រី សាយ សំអាល់ បានណែនាំឱ្យត្រូវផ្តោតលើវិស័យអប់រំ និងសុខាភិបាល ដូចជាការរៀបចំសាលារៀនឱ្យជាសាលារៀនកម្ពុជា បណ្តុះធនធានមនុស្ស និងរៀបចំលំហសាធារណៈ បង្កលក្ខណៈអោយមនុស្សហាត់ប្រាណ ទទួលទានអាហារគ្រប់គ្រាន់ និងមានជីវជាតិ និងអប់រំផ្សព្វផ្សាយបញ្ចៀសពួកគាត់ពីការទទួលទានអាហារភេសជ្ជៈដែលបង្កជាជំងឺទូទៅ និងជំងឺរ៉ាំរ៉ៃដែលជាការខាតបង់របស់ជាតិ និងប្រជាជន។

The post ឧបនាយករដ្ឋមន្ត្រី សាយ សំអាល់ ដឹកនាំកិច្ចប្រជុំពិគ្រោះយោបល់​លើសេចក្តីព្រាងផែនការយុទ្ធសាស្ត្រចុះមូលដ្ឋានខេត្តព្រះសីហនុ appeared first on .

ទន្ទឹមគ្នានេះ ក្រសួងរៀបចំដែនដី បានជម្រុញឱ្យប្រជាពលរដ្ឋដែលកំពុងរស់នៅក្នុងអគារអតី​តសណ្ឋាគារសុខមានជ័យ ចូលរួមសហការ និងផ្តល់ឯកសារពាក់ព័ន្ធជូនក្រុមការងារ ដូចខាងក្រោម៖

– អត្តសញ្ញាណបណ្ណមេគ្រួសារ (ច្បាប់ថតចម្លង ១ច្បាប់)

– សៀវភៅគ្រួសារ​ (ច្បាប់ថតចម្លង ១ច្បាប់)

– សៀវភៅស្នាក់នៅ (ច្បាប់ថតចម្លង ១ច្បាប់)

– ឯកសារទិញលក់អចលនវត្ថុ​ (ច្បាប់ថតចម្លង ១ច្បាប់)

– ឯកសារបញ្ជាក់សិទ្ធិកាន់កាប់ (ច្បាប់ថតចម្លង ១ច្បាប់)

– ឯកសារពាក់ព័ន្ធផ្សេងៗ៕

The post ក្រសួងរៀបចំដែនដី នឹងចុះធ្វើអត្តសញ្ញាណកម្មប្រជាពលរដ្ឋរស់នៅក្នុងអគារអតីត សណ្ឋាគារសុខមានជ័យអគារ នៅខណ្ឌ៧មករាយៈពេល ៣ថ្ងៃ ចាប់ពីថ្ងៃទី២៥-២៧ ខែមីនានេះ appeared first on .

គម្រោងផ្ទះនិងដីឡូត៍ ឡេង ណាវ៉ាត្រា ជ្រែមួយរយ និងគម្រោងផ្លូវជាតិលេខ៦អា មានទីតាំងស្ថិតនៅភូមិជ្រែមួយរយ និងភូមិអន្លង់ស្លែង ឃុំសំបួរមាស ស្រុកមុខកំពូល ខេត្តកណ្តាល។ កន្លងមក អ្នកឧកញ៉ា ឡេង ណាវ៉ាត្រា តែងបន្ត ផ្សព្វផ្សាយ សកម្មភាព អតិថិជនមកពិភាក្សាជាមួយក្រុមការងារបុរី ដើម្បីស្វែងរកដំណោះស្រាយជាប្រចាំ។ ទន្ទឹមគ្នានោះបុរីក៏បន្តបង្ហាញឆន្ទៈប្រកាន់ជំហរ ឈរលើគោលការណ៍ដោះស្រាយមិនឲ្យអតិថិជន ខាតបង់អត្ថប្រយោជន៍ឡើយ។

ជាមួយនឹងការសម្រេចបាននូវវឌ្ឍនភាពថ្មីៗក្នុងការដោះស្រាយជូនអតិថិជន, បុរីក៏សូមអរគុណដល់ក្រសួងរៀបចំដែនដីនគរូបនីយកម្ម និងសំណង់ ព្រមទាំងអាជ្ញាធរគ្រប់ជាន់ថ្នាក់ ដែលបានជួយសម្របសម្រួលប្លង់ជូនអតិថិជនបុរីឡេង ណាវ៉ាត្រា ស្របពេលបច្ចុប្បន្នក្រុមការងារបុរីក៏កំពុងតែទាក់ទងអតិថិជន ដើម្បីធ្វើការដោះស្រាយបញ្ចប់ជាបន្តបន្ទាប់។ បុរី ឡេង ណាវ៉ាត្រា ក៏បានបញ្ជាក់ពីការស្វែងរកដំណោះស្រាយជាបន្តបន្ទាប់ ក្រោមការសម្របសម្រួលរបស់ក្រសួងរៀបចំដែនដី អាជ្ញាធរពាក់ព័ន្ធ ដើម្បីបន្ដសកម្មភាពការចាក់ដី ការសាងសង់ និងការប្រគល់ប្លង់ រហូតបញ្ចប់គម្រោងទាំងស្រុង៕

សូមជម្រាបថា ក្រោមការយកចិត្តទុកដាក់ពីថ្នាក់ដឹកនាំក្រសួងរៀបចំដែនដី និងថ្នាក់ដឹកនាំក្រុមហ៊ុន ឡេង ណាវ៉ាត្រា ក្រុមការងារពាក់ព័ន្ធទាំងអស់ បាននិងកំពុងខិតខំប្រឹងប្រែងដោះស្រាយបញ្ហាបណ្ណកម្មសិទ្ធិផ្ទះ-ដី និងបន្តប្រគល់បណ្ណកម្មសិទ្ធិជូន អតិថិជនតាមដំណាក់កាលៗ ដោយបានគេចវេសនោះទេ។ ជាក់ស្តែង កាលពីចុងខែវិច្ឆិកា ឆ្នាំ២០២៥ កន្លងទៅ អតិថិជនបុរី ឡេង ណាវ៉ាត្រា គម្រោងផ្លូវជាតិលេខ ៦អា និងគម្រោងជ្រែមួយរយ បានទទួលបានបណ្ណក ម្មសិទ្ធិដំណាក់កាលទី៣ ចំនួន ២,៤៦៣បណ្ណ៕

The post រដ្ឋមន្រ្តីក្រសួងរៀបចំដែនដី អញ្ជើញចុះពិនិត្យការដ្ឋាន និងវឌ្ឍនភាពនៃការសាងសង់ផ្ទះ និងការចាក់ដីក្នុងបុរី ឡេង ណាវ៉ាត្រា គម្រោងផ្លូវជាតិលេខ៦អា និងគម្រោងជ្រែ ១០០ appeared first on .

ការប្រើប្រាស់បច្ចេកវិទ្យាឌីជីថលនេះ ផ្តល់អត្ថប្រយោជន៍សំខាន់ៗចំនួន ២ គឺ៖ ១.ផ្ទៀងផ្ទាត់បានភ្លាមៗ (Instant Verification) ដោយគ្រាន់តែស្កេន QR Code លោកអ្នកនឹងដឹងភ្លាមថា បណ្ណកម្មសិទ្ធិនោះជា “ឯកសារពិត” ឬ “ក្លែងក្លាយ” ដោយមិនចាំបាច់រង់ចាំយូរ។ ២.សុវត្ថិភាពទិន្នន័យត្រូវបានការពារដោយបច្ចេកវិទ្យា Blockchain ដែលមិនអាចកែបន្លំបានឡើយ។

របៀបផ្ទៀងផ្ទាត់ងាយៗ៖

– បើកកាមេរ៉ាទូរសព្ទដៃស្មាតហ្វូន រួច “ស្កេន” លើ QR Code ក្នុងបណ្ណកម្មសិទ្ធិ។

– ចុចលើតំណភ្ជាប់ដែលបង្ហាញ ដើម្បីចូលទៅកាន់គេហទំព័រ verify.gov.kh។

– “ប្រៀបធៀប” ព័ត៌មានលើអេក្រង់ទូរសព្ទ ជាមួយបណ្ណកម្មសិទ្ធិនៅក្នុងដៃ។

វិញ្ញាបនបត្រសម្គាល់ម្ចាស់អចលនវត្ថុទម្រង់ថ្មី មានភ្ជាប់ជាមួយ QR Code ថ្នាល verify.gov.kh គឺជាសមិទ្ធផលថ្មី​របស់ក្រសួងរៀបចំដែនដី នគរូបនីយកម្ម និងសំណង់ ក្រសួងប្រៃសណីយ៍និងទូរគមនាគមន៍ និងគណៈកម្មាធិការ​រដ្ឋាភិបាលឌីជីថល ដែលបង្ហាញពីវឌ្ឍនភាពដ៏សំខាន់នៃបរិវត្តកម្មឌីជីថលរបស់កម្ពុជា តាមរយៈការផ្តល់សេវា​សាធារណៈឱ្យកាន់តែប្រសើរ ស្របតាមគោលនយោបាយរដ្ឋាភិបាលឌីជីថលកម្ពុជា ២០២២-២០៣៥។

សូមជម្រាបថា គិតត្រឹមខែមករា ឆ្នាំ២០២៦ ប្រព័ន្ធនេះបានដាក់ដំណើរការនៅមន្ទីររៀបចំដែនដី នគរូបនីយកម្ម និងសំណង់ រាជធានី-ខេត្ត ចំនួន១៣ រួមមាន៖ ខេត្តកែប ខេត្តឧត្តរមានជ័យ ខេត្តប៉ៃលិន ខេត្តក្រចេះ ខេត្តរតនគីរី ខេត្តកំពង់ចាម ខេត្តត្បូងឃ្មុំ ខេត្តកំពង់ធំ ខេត្តសៀមរាប រាជធានីភ្នំពេញ ខេត្តកោះកុង ខេត្តព្រះសីហនុ និងខេត្តបន្ទាយ​មានជ័យ និងបានបោះពុម្ពវិញ្ញាបនបត្រសម្គាល់ម្ចាស់អចលនវត្ថុដែលមាន QR Code Verify បានចំនួនប្រមាណ ៨៦,៣៨៨ បណ្ណ៕

The post ក្រសួងរៀបចំដែនដី ចេញវិញ្ញាបនបត្រសម្គាល់ម្ចាស់អចលនវត្ថុទម្រង់ថ្មី មានភ្ជាប់ជាមួយ QR Code របស់ថ្នាល verify.gov.kh ដែលធានាបាននូវភាពងាយស្រួល ឆាប់រហ័ស និងសុវត្ថិភាពទិន្នន័យខ្ពស់ appeared first on .

វគ្គបណ្តុះបណ្តាលនេះ រៀបចំឡើងក្នុងគោលបំណងផ្សព្វផ្សាយឱ្យកាន់តែទូលាយ និងជំរុញការប្រើប្រាស់នូវសេវាសាធារណៈតាមប្រព័ន្ធឌីជីថលនៅក្នុងវិស័យធានាគារនិងហិរញ្ញវត្ថុសំដៅលើកកម្ពស់ប្រសិទ្ធភាព តម្លាភាព និងភាពត្រឹមត្រូវក្នុងការធ្វើប្រតិបត្តិការផ្សងៗ ជាពិសេសរក្សាបាននូវជំនឿទុកចិត្តរបស់អតិថិជនក៏ដូចជាសាធារណៈមកលើវិស័យហិរញ្ញវត្ថុនៅកម្ពុជា។

ក្នុងឱកាសនោះ លោកជំទាវប្រធានក្រុមប្រឹក្សាភិបាលសមាគម ក៏បានចូលរួមថ្លែងសុន្ទរកថាស្វាគមន៍ព្រមទាំងបានលើកឡើងពីអត្ថប្រយោជន៍និងសារៈសំខាន់នៃការប្រើប្រាស់សេវាសាធារណៈតាមប្រព័ន្ធឌីជីថលរបស់ក្រសួង ដ.ន.ស នៅក្នុងវិស័យធនាគារ និងហិរញ្ញវត្ថុនៅកម្ពុជា ជាពិសេសក្នុងដំណើរការផ្ទៀងផ្ទាត់កម្មសិទ្ធិប្លង់ ព័ត៌មានសុរិយោដី ការផ្ទេរកម្មសិទ្ធិ ក៏ដូចជាការចុះបញ្ជីហ៊ីប៉ូតែក និងលក្ខខណ្ឌនីតិវិធីផ្សេងៗ។

លោកជំទាវបានមានប្រសាសន៍ថា តាមរយៈសេវាសាធារណៈតាមប្រព័ន្ធឌីជីថលរបស់ក្រសួង ដ.ន.ស រួមមាន សេវាសូរិយោដីនិងសំណង់តាមប្រពន្ធអេឡិចត្រូនិច សេវាហ៊ីប៉ូតែក និងបញ្ចាំ ក៏ដូចជាសេវាផ្សេងៗទៀត នឹងចូលរួមចំណែកកាត់បន្ថយពេលវេលាក្នុងការធ្វើប្រតិបត្តិការផ្សេងៗរបស់មន្ត្រីក្នុងវិស័យហិរញ្ញវត្ថុ ជាពិសេសពង្រឹងភាពត្រឹមត្រូវ ជំរុញប្រសិទ្ធភាពការងារ កាត់បន្ថយថ្លៃដើមនិងហានិភ័យក្នុងការផ្ទៀងផ្ទាត់ព័ត៌មានសុរិយោដីរបស់អតិថិជន ក៏ដូចជាចូលរួមលើកម្ពស់តម្លាភាពក្នុងការវាយតម្លៃហានិភ័យឥណទានក្នុងវិស័យធនាគារនិងហិរញ្ញវត្ថុ។

គួរបញ្ជាក់ដែរថា វគ្គបណ្តុះបណ្តាលនេះប្រព្រឹត្តិទៅក្រោមអធិបតីភាពរបស់ លោកជំទាវ សេង សុមេត្តា រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ និង លោកជំទាវ ឌិត នីតា ប្រធានក្រុមប្រឹក្សាភិបាល សមាគមមីក្រូហិរញ្ញវត្ថុកម្ពុជា ព្រមទាំងមានការអញ្ជើញចូលរួមពីមន្ត្រីក្រសួង ថ្នាក់ដឹកនាំសមាគមទាំងពីរ និងតំណាងគ្រឹះស្ថានធនាគារនិងហិរញ្ញវត្ថុប្រមាណជាង ៣០០ នាក់ផងដែរ៕

The post សមាគមមីក្រូហិរញ្ញវត្ថុកម្ពុជា សហការជាមួយនឹង ក្រសួងរៀបចំដែនដី សមាគមធនាគារកម្ពុជា រៀបចំបើកវគ្គបណ្តុះបណ្តាល ស្តីពី  «ការប្រើប្រាស់សេវាសាធារណៈតាមប្រព័ន្ធឌីជីថល» appeared first on .

ក្រសួងមុខងារសាធារណៈ បានគូសបញ្ជាក់ថា សេចក្តីព្រាងអនុក្រឹត្យ ដែលពិភាក្សានាពេលនេះ បានឆ្លងកាត់​ការពិភាក្សាយ៉ាងហ្មត់ចត់ ទាំងការប្រមូលធាតុចូល និងមតិយោបល់ជាច្រើនលើក ទាំងក្នុងកម្រិតបច្ចេកទេស និងកម្រិតអន្តរក្រសួង ដើម្បីធានាឱ្យការរៀបចំមុខងារ និងរចនាសម្ព័ន្ធក្រសួងរៀបចំដែនដី នគរូបនីយកម្ម និងសំណង់ កាន់តែមានភាពច្បាស់លាស់ មានសង្គតិភាព និងមានប្រសិទ្ធភាពខ្ពស់ ស្របតាមអភិក្រម «ពង្រឹង ជាជាងពង្រីក» និង «រៀបចំផ្ទះឱ្យរៀបរយ»។

កិច្ចប្រជុំបានពិនិត្យផ្ទៀងផ្ទាត់យ៉ាងលម្អិត ទៅលើការប្រើប្រាស់ខ្លឹមសាររួម នៅក្នុងសេចក្តីព្រាង និងបានពិភាក្សា​ផ្តល់មតិយោបល់ធាតុចូលយ៉ាងច្រើនផុលផុស ពីអង្គប្រជុំ ក្នុងការរៀបចំរចនាសម្ព័ន្ធអង្គភាពចំណុះស្ថាប័ន និងការរៀបចំកំណត់ ពិពណ៌នាមុខតំណែង ដែលមានភាពប្រទាក់ក្រឡាគ្នាឱ្យមានសង្គតិភាព ឯកភាពគ្នា និងស្ថិតក្នុងជវភាពតួអង្គតែមួយ និងស្របតាមអភិក្រមរបស់ សម្តេចមហាបវរធិបតី «រៀបចំផ្ទះ ឱ្យរៀបរយ» និង «ពង្រឹង ជាជាងពង្រីក»៕

The post ថ្នាក់ដឹកនាំអន្តរក្រសួង បើកកិច្ចប្រជុំពិនិត្យពិភាក្សាលើការកែសម្រួលរចនាសម្ព័ន្ធថ្មី នៃក្រសួងរៀបចំដែនដី appeared first on .

ក្នុងឱកាសអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំ២០២៥ និងទិសដៅការងារបន្ត​របស់ក្រសួងរៀបចំដែនដី នគរូបនីយកម្ម និងសំណង់ នាទីស្តីការក្រសួង នាល្ងាចថ្ងៃទី១ ខែធ្នូ ឆ្នាំ២០២៥ ឯកឧត្តម​ឧបនាយករដ្ឋមន្ត្រី សាយ សំអាល់ បានមានប្រសាសន៍ណែនាំពីទិសដៅ​ការងារបន្តដែលក្រសួងត្រូវបន្ត​យកចិត្ត​ទុកដាក់ រួមមានដូចខាងក្រោម៖

១. ធានាដំណើរការស្ថាប័ន ដោយរក្សាសាមគ្គីភាពផ្ទៃក្នុង ធ្វើការជាប្រព័ន្ធ សមូហភាពដឹកនាំ បុគ្គលទទួលខុសត្រូវ។

២. គិតគូរ និងផ្តល់ឱកាសដល់មន្ត្រី បង្កលក្ខណៈងាយស្រួលឱ្យគាត់អាចបំពេញការងារបាន លើកតម្កើងអ្នកដែល​ខំប្រឹងប្រែងធ្វើការ។

៣. ការងារសុរិយោដី៖ ជំរុញច្បាប់គ្រប់គ្រង​ការវាស់វែង​និងការផលិត​ផែនទី ព្រោះក្រសួងនឹងក្លាយជាអង្គភាព​ដែលត្រូវ​រៀបចំផែនទីផ្លូវការសម្រាប់ប្រើប្រាស់នៅក្នុងព្រះរាជាណាចក្រកម្ពុជា។

៤. តំបន់បឹងទន្លេសាប៖ ជំរុញការធ្វើវារីវប្បកម្ម និងគិតគូរអ្វីដែលត្រូវធ្វើទៅមុខទៀត ក្រៅពីស្រូវនិងដំណាំ​ដទៃ​ទៀត។

៥. តំបន់បេតិកភណ្ឌពិភពលោកអង្គរ៖ ជាប្រភពចំណូលកម្ពុជា ដូច្នេះត្រូវរក្សាមរតកដូនតាផង និងធានាថា​ប្រជាជន​​នៅ​អង្គរទទួលបានប្រយោជន៍ពីអង្គរ និងហៅខ្លួនឯងថាអ្នកស្រុកអង្គរ ហើយចូលរួមថែរក្សាការពារអង្គរ។

៦. ការងាររៀបចំដែនដី៖ ជំរុញការរៀបចំប្លង់គោលប្រើប្រាស់ដី និងផែនការនៃការប្រើប្រាស់ដី នៅទូទាំងប្រទេស ដែលជាមុខងារចម្បងក្នុងការរៀបចំដែន​ដី ហើយផ្អែកលើមូលដ្ឋាននេះ អភិបាលរាជធានី-ខេត្ត នឹងអាចឯករាជ្យ​ម្ចាស់ការដឹកនាំរៀបចំ ដើម្បីការរីកចម្រើនសេដ្ឋកិច្ចនៅរាជធានី-ខេត្តរបស់ខ្លួន ដោយក្រសួងនឹងគាំទ្រ​ផ្នែកបច្ចេក​ទេស​បន្ថែម។

៧. ការរៀបចំក្រុង និងទីប្រជុំជន៖ ផ្តោតលើការរៀបចំភូមិឋានក្សេមក្សាន្ត ទ្រនំសុភមង្គល ភូមិ ឃុំ សង្កាត់មាន​សុវត្ថិភាពឱ្យទីក្រុងជាទីក្រុងស្រួលរស់នៅ។

៨. ការងារលំនៅឋាន៖ មិនមែនផ្តោតតែលើផ្ទះ និងស្ថាបត្យកម្មប៉ុណ្ណោះទេ តែជាកន្លែងបណ្តុះនូវទំនាក់ទំនង ឥរិយាបថល្អប្រពៃ​ ប្រពៃណី ទំនៀមទម្លាប់ល្អ​ សិល្បៈ និងវិទ្យាសាស្ត្រ ក្នុងសង្គមជាតិ។

៩. គោលនយោបាយសម្បទានដើម្បីសង្គមនិងសេដ្ឋកិច្ច៖ ប្រែក្លាយពីគម្រោង​សម្បទានដីសង្គមកិច្ច ទៅជា​គោលនយោបាយសម្បទាន​ដើម្បីសង្គមកិច្ចនិងសេដ្ឋកិច្ច ដោយជំរុញការវិនិយោគ​លើហេដ្ឋារចនាសម្ព័ន្ធ​និងផ្តល់​សេវា​ចាំបាច់ ដើម្បីលើកកម្ពស់កម្រិតជីវភាពប្រជាជន។

១០. ការងារសំណង់៖ ផ្តោតលើគុណភាព សុវត្ថិភាព និងសោភណភាព ដែលសំណង់មិនមែនគ្រាន់តែ​ផ្តោតលើ​សំណង់​អគារ តែជាវិស័យដើម្បីធានានូវការផ្តល់ការងារធ្វើ ចំណូល និងកំណើន​និងដំណើរការសេដ្ឋកិច្ច​រួមរបស់​កម្ពុជា។

១១. បន្តការអប់រំ​ផ្សព្វផ្សាយអំពីសកម្មភាព និងការងារក្នុងវិស័យរៀបចំដែនដី នគរូបនីយកម្ម និងសំណង់ដើម្បី​ជំរុញ​ការចូលរួម។

១២. ការងារមូលដ្ឋាន៖ គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) គួរផ្តោតលើ​សហគមន៍ ដោយមានកិច្ចសហការជាមួយដៃគូអភិវឌ្ឍនានា។

១៣. ការងារជាមួយវិស័យឯកជន៖ ត្រូវងាក​មកគិតគូរបន្ថែមលើឧស្សាហកម្មប្រាក់កម្ចី ក្នុងអត្រាការប្រាក់ប្រកួត​ប្រជែង ដើម្បីប្រែសង្គមនិងសេដ្ឋកិច្ច។

១៤. ឧស្សាហកម្មតុបតែងលម្អ៖ ជាការងារត្រូវធ្វើនិងថែរក្សានូវដង្ហើមសេដ្ឋកិច្ច។

ឯកឧត្តម​ឧបនាយករដ្ឋមន្ត្រី សាយ សំអាល់ បានគូសបញ្ជាក់ផងដែរថា ក្រៅពីសមិទ្ធផលដែលសម្រេចបាន​នាពេលកន្លងមក ការងារបន្ទាប់ដែល​ក្រសួងរៀបចំដែនដី នគរូបនីយកម្ម និងសំណង់ ត្រូវងាកមកគិតគូរគឺ​ការរៀប​ចំក្រុង និងទីប្រជុំជនឱ្យបានច្រើន និងការងារអាទិភាពផ្សេងទៀតដូចខាងលើ ដើម្បីចូលរួមកសាងកម្ពុជា​ឱ្យមាន​ខឿនសេដ្ឋកិច្ច​និងខឿនការពារជាតិរឹងមាំ ខ្លួនទីពឹងខ្លួន និងឯករាជ្យម្ចាស់ការ ខណៈស្ថានភាពពិភពលោក​ប្រែប្រួលឥតឈប់ឈរ៕

The post ឧបនាយករដ្ឋមន្ត្រី សាយ សំអាល់ ប្រកាសដាក់ចេញទិសដៅការងារបន្ត ១៤ចំណុច ដែលក្រសួងរៀបចំដែនដី ត្រូវយកចិត្តទុកដាក់ appeared first on .

ក្នុងកម្មវិធីសន្និបាតបូកសរុបលទ្ធផលការងារឆ្នាំ២០២៥ និងទិសដៅការងារបន្តឆ្នាំ២០២៦ របស់ក្រសួងរៀបចំ​ដែនដី នគរូបនីយកម្ម និងសំណង់ កាលព្រឹកថ្ងៃទី១ ខែធ្នូ ឆ្នាំ២០២៥ នៅទីស្តីការក្រសួង, ឯកឧត្តម ថេង ច័ន្ទសង្វារ រដ្ឋលេខាធិការ បានបញ្ជាក់ក្នុងរបាយការណ៍សង្ខេបថា សម្រាប់ការងារចំណូលក្នុងឆ្នាំ២០២៥ ក្រសួង​រៀបចំដែនដី បានប្រមូល​ចំណូល​ចូលថវិកាជាតិ​សរុបចំនួន ៧២៤ ២១៩ ២១១ ៤៨៩រៀល (ជាង ១៨១លាន​ដុល្លារ) កើនឡើង ១០,០៦% បើធៀបនឹងឆ្នាំ២០២៤ ក្នុងនោះ ចំណូលរបស់រដ្ឋបាលកណ្តាលចំនួន ៣៩ ៦៣៣ ៥៨៥ ១៤៤​រៀល និងចំណូលរបស់មន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានី ខេត្ត ចំនួន ៦៨៤ ៥៨៥ ៦២៦ ៣៤៥​រៀល (ពន្ធប្រថាប់ត្រាប្រមូលដោយ​អគ្គនាយកដ្ឋានពន្ធដារ​ចំនួន ៥១២ ០៣៩ ០៣៥ ០០០​រៀល)។

សូមជម្រាបថា ក្នុងពិធីបើកសន្និបាតបូកសរុបលទ្ធផលការងារឆ្នាំ២០២៥ ខាងលើនេះដែរ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានគូសបញ្ជាក់ផងដែរថា ទន្ទឹមនឹង​ទទួលបានសមិទ្ធផលដ៏ត្រចះត្រចង់សម្រាប់សង្គមជាតិទាំងមូល លោកសូមសំណូមពរឱ្យអង្គសន្និបាត​គិតគូរពី​ការ​ផ្លាស់ប្តូរនូវផ្នត់គំនិត និងរបៀបរបបនៃការគិតគូរលើវិស័យរៀបចំដែនដី នគរូបនីយកម្ម និងសំណង់ ដើម្បីឧត្តម​ប្រយោជន៍ជាតិមាតុភូមិ និងប្រជាជនកម្ពុជា៕

The post ក្រសួងរៀបចំដែនដី ប្រមូលចំណូលចូលថវិកាជាតិ បានជាង ១៨១លានដុល្លារ ក្នុងឆ្នាំ២០២៥ កើនឡើង ១០% appeared first on .

កម្មវិធីតាំងពិព័រណ៍នេះ មានគោលបំណងផ្សព្វផ្សាយ និងលើកស្ទួយផលិតផលសំណង់ សម្ភារៈសំណង់ និងបរិក្ខារសំណង់ក្នុងស្រុក ការសិក្សាស្រាវជ្រាវនិងការអភិវឌ្ឍបច្ចេកទេសនិងបច្ចេកវិទ្យាថ្មីៗ រួមទាំងលើកកម្ពស់​ទីផ្សារនិងការអភិវឌ្ឍឧស្សាហកម្មសំណង់ ឧស្សាហកម្មអចលនទ្រព្យ ឧស្សាហកម្មធនាគារ ឧស្សាហកម្ម​តុបតែងលំអរ ដែលមានការចូលរួមសហការតាំងពិព័រណ៍ដោយភាគីពាក់ព័ន្ធជាច្រើនដូចជាក្រុមហ៊ុនសាងសង់ ក្រុមហ៊ុនសិក្សាគម្រោងប្លង់ ក្រុមហ៊ុនត្រួតពិនិត្យនិងបញ្ជាក់សំណង់ ក្រុមហ៊ុនផលិត ផ្គត់ផ្គង់ និងចែកចាយ​ផលិតផលសំណង់ សម្ភារៈសំណង់ បរិក្ខារសំណង់ ឧបករណ៍និងគ្រឿងចក្រសំណង់ សមាគមអ្នកសាងសង់កម្ពុជា សមាគមអ្នកអភិវឌ្ឍលំនៅឋាននៅកម្ពុជា សមាគមអ្នកអភិវឌ្ឍនិងវាយតំលៃអចលនវត្ថុ ធនាគារ គ្រឹះស្ថានមីក្រូ​ហិរញ្ញវត្ថុ ក្រុមហ៊ុនធានារ៉ាប់រង គណៈវិស្វករកម្ពុជា គណៈស្ថាបត្យករកម្ពុជា និងគ្រឹះស្ថានឧត្តមសិក្សាក្នុង​វិស័យសំណង់ និងដៃគូជាច្រើនផ្សេងទៀត។

ក្នុងរយៈពេលជិត២ទសវត្យរ៍នេះ វិស័យសំណង់ បានក្លាយជាកម្លាំងចលករមួយដែល​ជំរុញកំណើនសេដ្ឋកិច្ចជាតិ​កម្ពុជា ក្នុងអត្រាប្រមាណ១០%នៃផលិតផលជាតិសរុប។ ជាក់ស្ដែងនៅក្នុងឆ្នាំ២០២៥ វិស័យសំណង់បាន​ទាក់ទាញ​ការវិនិយោគប្រមាណ ៧ពាន់លានដុល្លារអាមេរិក (កើនឡើងប្រមាណ៧២% បើធៀបនឹងរយៈពេល​ដូចគ្នាក្នុងឆ្នាំ២០២៤) ដែលជាការឆ្លុះបញ្ជាំងអំពីចលនាងើបឡើងវិញយ៉ាងស្វាហាប់ និងបង្ហាញភាពធន់នឹងវិបត្តិ​ទោះស្ថិតក្នុងស្ថានភាពសេដ្ឋកិច្ចពិភពលោកកំពុងប្រែប្រួលក៏ដោយ។

សូមជម្រាបថា ការតាំងពិព័រណ៍ឧស្សាហកម្មសំណង់-ផលិតភាពកម្ពុជា លោកអ្នកអាចអញ្ជើញចូលរួម​ទស្សនា​ដោយ​សេរី​និងមិនគិតថ្លៃ ចាប់ពីថ្ងៃ២៩ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២៥ ពីម៉ោង ១០:០០នាទីព្រឹក ដល់ម៉ោង ៧:០០នាទីល្ងាច នៅក្នុងបរិវេណក្រសួងរៀបចំដែនដី នគរូបនីយកម្ម និងសំណង់ ស្ថិតនៅដីឡូត៍លេខ២០០៥ ផ្លូវលេខ៣០៧ សង្កាត់ឃ្មួញ ខណ្ឌសែនសុខ រាជធានីភ្នំពេញ៕

The post ក្រសួងរៀបចំដែនដី រៀបចំកម្មវិធីពិព័រណ៍ឧស្សាហកម្មសំណង់-ផលិតភាពកម្ពុជា រយៈពេល៣ថ្ងៃ ចាប់ពីថ្ងៃទី២៩ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២៥ appeared first on .