ក្នុងសេចក្តីណែនាំ ដែលចុះហត្ថលេខាដោយរដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន នៅថ្ងៃទី១៣ ខែកុម្ភៈនេះ បានបញ្ជាក់ថា ណែនាំបែបនេះ គឺដើម្បីលើកកម្ពស់ការបង្រៀនភាសាខ្មែរ និងការយល់ដឹងពីវប្បធម៌ និងអរិយធម៌ខ្មែរ ដល់សិស្សានុសិស្ស ដែលមានសញ្ញាតិខ្មែរ ចាប់ពីឆ្នាំសិក្សា ២០២២-២០២៣ នេះតទៅ។
ក្រសួងអប់រំ យុវជន និងកីឡា ក៏ណែនាំ តម្រូវឱ្យសិស្សានុសិស្សដែលមានសញ្ជាតិខ្មែរ ជ្រើសរើសមុខវិជ្ជាភាសាខ្មែរ ជាមុខវិជ្ជាកាតព្វកិច្ច ហើយគ្រឹះស្ថានសិក្សាត្រូវរៀបចំ និងបង្រៀនមុខវិជ្ជាចំណេះដឹងទូទៅស្តីពី វប្បធម៌ និងអរិយធម៌ខ្មែរ ផងដែរ។
ជាមួយគ្នាក្នុងពិធីប្រកាសសមាសភាពក្រុមប្រឹក្សាភិបាលអាណត្តិថ្មី និងប្រគល់បណ្ណសរសើរគ្រូឆ្នើមប្រចាំឆ្នាំ២០២២ ដល់លោកគ្រូ អ្នកគ្រូ បុគ្គលិកអប់រំ នៃសហព័ន្ធសេវាអប់រំនៅកម្ពុជា កាលពីថ្ងៃទី១២ ខែកុម្ភៈ ឯកឧត្តមបណ្ឌិត ហ៊ុន ម៉ាណែត ក៏លើកឡើងដែរថា ការជួយថែរក្សាអត្តសញ្ញាណជាតិខ្មែរតាមរយៈដាក់ការបណ្តុះបណ្តាលភាសាខ្មែរជាភាសាកាតព្វកិច្ច នៅក្នុងគ្រឹះស្ថានអប់រំឯកជន គឺជាកត្តាអាទិភាពចម្បង។

ក្នុងន័យនេះ គឺ ឯកឧត្តមបណ្ឌិត ជំរុញឱ្យមានការរៀនភាសាខ្មែរឱ្យបានជ្រៅជ្រះសម្រាប់សិស្សដែលមានសញ្ជាតិខ្មែរ ព្រមទាំងបញ្ចូលបន្ថែមនូវចំណេះដឹងផ្នែកវប្បធម៌ ប្រពៃណីដ៏ល្អផូរផង់ដែលជាតិខ្មែរយើងតែងបានប្រកាន់រៀងមក ដើម្បីធ្វើយ៉ាងណាឱ្យកូនចៅជំនាន់ក្រោយរបស់យើង អាចរក្សាបានទាំងចំណេះដឹង និងអត្តសញ្ញាណពិតប្រាកដរបស់ខ្លួន៕

The post ក្រសួងអប់រំ កំណត់ឱ្យគ្រឹះស្ថានសិក្សាឯកជន បញ្ចូលមុខវិជ្ជាភាសាខ្មែរ និងមុខវិជ្ជាវប្បធម៌ និងអរិយធម៌ខ្មែរក្នុងកម្មវិធីសិក្សា appeared first on .

លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា ការអភិវឌ្ឍន៍ធនធានមនុស្សគឺជាការវិនិយោគរយៈពេលវែងរបស់សង្គមជាតិ។ទន្ទឹមគ្នានេះ លោកថា ក៏ត្រូវការចូលរួមជាចាំបាច់នូវការការពារថែទាំ និងជ្រោមជ្រែងពីគ្រប់មជ្ឈដ្ឋាន ដើម្បីធានាថា ធនធានមនុស្សដែលផលិតយើងផលិតបានឆ្លើយតបទៅនឹងតម្រូវការនៃការអភិវឌ្ឍសង្គមសេដ្ឋកិច្ច និងការប្រកួតប្រជែងនៅក្នុងតំបន់ និងសាកលលោក។

ទាក់ទិននឹងការលើកឡើងនេះដែរថា ឧកញ៉ា ប៉ិច បូ​ឡែ​ន ប្រធាន​សហព័ន្ធ​សេវា​អប់រំ​នៅ​កម្ពុជា បាន​លើកឡើងថា សហព័ន្ធ​សេវា​អប់រំ​នៅ​កម្ពុជា ដែលមាន​អាយុកាល​ជាង ​ ២​ឆ្នាំនេះ​មានការ​ទទួលស្គាល់​ពី​ក្រសួងមហាផ្ទៃ និង​កំពុងធ្វើការ​ជិតស្និទ្ធ​ជាមួយ​ក្រសួង​អបរំ យុវជន និង​កីឡា និង​ក្រសួង​ការងារ​បណ្តុះបណ្តាល​និង​វិជ្ជាជីវៈ​។​លោក​ ​បញ្ជាក់ថា​ ​បេសកកម្ម​របស់​សហ​ព័ន្ធ​សេវា​អប់រំ​នៅ​កម្ពុជា​គឺ​លើកកម្ពស់​គុណភាព​វិស័យ​អប់រំ​ ជាពិសេស​វិស័យ​ឯកជន​ឱ្យ​កាន់តែ​ប្រសើរឡើង។

គួរបញ្ជាក់ដែថា តាមរយៈសន្និបាត និងសិក្ខាសាលាអប់រំខាងលើនេះ រដ្ឋមន្ត្រីអប់រំកម្ពុជា ក៏បានលើកទឹកចិត្តឱ្យសហព័ន្ធសេវាអប់រំនៅកម្ពុជា និងសមាជិកទាំងអស់បន្តបង្កើនការចូលរួមអភិវឌ្ឍវិស័យអប់រំ ជាមួយរដ្ឋាភិបាល និងក្រសួងអប់រំ តាមរយៈការបង្កើតការវិនិយោគលើការអប់រំឱ្យកាន់តែច្រើន ដើម្បីកសាងប្រព័ន្ធអប់រំឆ្លើយតបទៅនឹងតម្រូវការនៃការអភិវឌ្ឍ របស់កម្ពុជា និងសាកលលោក៕

The post រដ្ឋមន្ត្រីអប់រំ៖ ការអភិវឌ្ឍន៍ធនធានមនុស្ស គឺជាការវិនិយោគលើការអប់រំរយៈពេលវែងរបស់សង្គមជាតិ appeared first on .

នេះបើយោងតាមជំនួបសម្ដែងការគួរសមរវាង អគ្គនាយកក្រុមហ៊ុន Booyoung Group ជាមួយឯកឧត្តម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា កាលថ្ងៃទី២២ ខែមិថុនា ២០២២។

ឆ្លៀតក្នុងឱកាសនេះដែរ លោកអគ្គនាយកក្រុមហ៊ុន Booyoung Group បានលើកឡើងអំពីការបើកគម្រោងសាងសង់អគារសាលារៀន និងសាកលវិទ្យាល័យបណ្តុះបណ្តាលវិជ្ជាជីវៈអន្តរជាតិ ក៏ដូចជាសាលាគិលានុបដ្ឋាយិកាដើម្បីពង្រឹងវិស័យអប់រំនៅកម្ពុជា ក៏ដូចជាបណ្តុះបណ្តាលជំនាញគិលានុបដ្ឋាយិកាក្នុងប្រទេស និងក្រៅប្រទេសផងដែរ។

ជាមួយគ្នានេះដែរ ឯកឧត្តម ហង់ជួន ណារ៉ុន ក្រសួងអប់រំ យុវជន និងកីឡា បាន បង្ហាញការគាំទ្រដល់គម្រោងបើកសាកលវិទ្យាល័យបណ្តុះបណ្តាលវិជ្ជាជីវៈ ជាពិសេសការបើកសាកលវិទ្យាល័យបណ្តុះបណ្តាលជំនាញគិលានុបដ្ឋាយិកា។

ឯកឧត្តម ក៏បានចាត់ទុកថា គម្រោងនេះនឹងជួយលើកកម្ពស់ដល់វិស័យអប់រំនៅកម្ពុជាក្នុងរូបភាពបណ្តុះបណ្តាលជំនាញវិជ្ជាជីវៈដល់សិស្សានុសិស្ស ក៏ដូចជាបង្កើតឱកាសការងារបន្ទាប់ពីបញ្ចប់ការសិក្សា ដោយក្រសួងអប់រំ យុវជន និងកីឡានឹងជួយគាំទ្រគម្រោងនេះឲ្យបានជោគជ័យ៕

The post ក្រុមហ៊ុន Booyoung Group គ្រោងបើកសាកលវិទ្យាល័យបណ្តុះបណ្តាលវិជ្ជាជីវៈអន្តរជាតិនៅកម្ពុជា appeared first on .

ការប្រកាសចូលរៀនថ្នាក់បរិញ្ញាបត្ររបស់អ្នកជំនួញដ៏ល្បីល្បាញនៅកម្ពុជារូបនេះ ស្របពេលដែលលោក ក៏បានប្រកាសផ្ដល់អាហារូបករណ៍ចំនួន ១៥០ កន្លែង ដល់និស្សិតក្រីក្រ ដែលមានបំណងចង់សិក្សាថ្នាក់បរិញ្ញាបត្រដោយសិក្សាជាមួយរួមជំនាន់ជាមួយលោកផងដែរ។ ការប្រកាសចូលរៀនជានិស្សិតឆ្នាំទី១ របស់អ្នកឧកញ៉ា ឡេង ណាវ៉ាត្រា ជាគំរូដ៏ល្អមួយ សម្រាប់ប្អូនៗសិស្សានុសិស្សដែលខកខាន ឬរងផលរំខានដោយសារបញ្ហាកូវីដរាតត្បាតក្នុងសហគមន៍ សូមកុំគិតបោះបង់ការសិក្សាឱ្យសោះ បើមានឱកាសត្រូវតែបន្តចូលរៀន ដើម្បីក្លាយខ្លួនជាធនធានមនុស្ស ដែលសង្គមជាតិត្រូវការជាចាំបាច់។

ក្រៅពីបង្កប់នូវខ្លឹមសារអូសទាញយុវជនទូទាំងប្រទេសកុំឱ្យបោះបង់ការសិក្សា ក្នុងស្ថានភាពដែលរាជរដ្ឋាភិបាលកំពុងតែបង្កលក្ខខណ្ឌងាយស្រួល ដល់ក្រសួងអប់រំ យុវជន និងកីឡា អាចបើកសាលារៀនក្នុងកម្រិតទូទាំងប្រទេសវិញជាបណ្ដើរៗ អ្នកឧកញ៉ា ដែលធ្លាប់មានប្រវត្តិជាពលករនៅប្រទេសកូរ៉េរូបនេះ ក៏ចង់បញ្ជាក់ប្រាប់យុវជនខ្មែរ ដែលកំពុងស្ថិតក្នុងវ័យសិក្សាទូទាំងប្រទេសថា “គ្មានឡើយពាក្យថា ហួសពេល សម្រាប់អ្នកសិក្សា!”។

បែបណាក្ដី អ្នកឧកញ៉ាដែលមានកូន៣នាក់ មានប្រាក់វាល់លាន ទើបតែមានឱកាសចូលរៀនថ្នាក់មហាវិទ្យាល័យរូបនេះ មិនទាន់ដឹងថា លោកជ្រើសមុខជំនាញអ្វី និងចូលរៀននៅសាកលវិទ្យាល័យណាមួយ នៅឡើយនោះទេ។

គួរបញ្ជាក់ថា អាហារូបករណ៍ទាំង ១៥០ កន្លែង ដែលផ្ដល់ជូនដល់ប្អូនៗនិស្សិតក្រីក្រទូទាំងប្រទេស ដែលអ្នកឧកញ៉ា ឡេង ណាវ៉ាត្រា ផ្ដល់ជូនឱ្យពួកគាត់បន្តរៀននៅតាមសាកលវិទ្យាល័យក្នុងប្រទេសកម្ពុជា ពួកគេក៏នឹងទទួលបានឱកាសធ្វើការងារក្នុងក្រុមហ៊ុនរបស់លោកផ្ទាល់ថែមទៀតផង។ ក្នុងនោះពួកគេនឹងអាចទទួលបានប្រាក់ខែចន្លោះពី 300 ដុល្លារ ទៅ 4000 ដុល្លារ ផ្អែកទៅតាមសមត្ថភាព ចំណេះ ជំនាញ របស់ពួកគេជាក់ស្ដែង។

សម្រាប់ប្អូនៗសិស្សានុសិស្ស ដែលទើបបញ្ចប់ថ្នាក់បាក់ឌុប ចង់ដាក់ពាក្យស្នើរសុំអាហារូបករណ៍នេះ អ្នកឧកញ៉ា នឹងចុះវាយតម្លៃដោយផ្ទាល់ ចំពោះបងប្អូនដែលមានជីវភាពខ្វះខាតពិតប្រាកដ។ សម្រាប់ជំនាញដែលត្រូវរៀនមានដូចជា៖ វិស្វករ សំណង់ អគ្គិសនី គណនេយ្យ ទីផ្សារ គ្រប់គ្រង និងព័ត៌មានវិទ្យា៕

The post អ្នកឧកញ៉ា ឡេង ណាវ៉ាត្រា បោះបង់ការសិក្សា២០ឆ្នាំ ទើបមានឱកាសចូលរៀនថ្នាក់មហាវិទ្យាល័យឆ្នាំនេះ appeared first on .

អាហារូបករណ៍ទាំង ១៥០ កន្លែង ដែលដល់និស្សិតក្រីក្រទាំងនោះ ពួកគាត់នឹងទទួលបានការចែករំលែកបទពិសោធន៍ផ្ទាល់ពីអ្នកឧកញ៉ា ជាពិសេសពួកគេនឹងមានឱកាស បានធ្វើការងារក្នុងក្រុមហ៊ុនរបស់លោក ដោយទទួលបានប្រាក់ខែចន្លោះពី 300 ដុល្លារ ទៅ 4000 ដុល្លារ ហើយត្រូវមើលទៅតាមសមត្ថភាពរបស់ពួកគេថែមទៀតផង។

អ្នកឧកញ៉ា ដែលមានប្រវត្តិចេញពីពលករតស៊ូធ្វើការនៅប្រទេសកូរ៉េខាងត្បូងរូបនេះ បានបញ្ជាក់ថា លោកផ្តល់អាហារូបករណ៍នេះ អ្នកឧកញ៉ា នឹងចុះវាយតម្លៃដោយផ្ទាល់ ចំពោះបងប្អូនដែលមានជីវភាពខ្វះខាតពិតប្រាកដ។ សម្រាប់ជំនាញដែលត្រូវរៀនមានដូចជា៖ វិស្វករ សំណង់ អគ្គិសនី គណនេយ្យ ទីផ្សារ គ្រប់គ្រង ព័ត៌មានវិទ្យា។

នេះ គឺជាដំណឹងដ៍ល្អមួយសម្រាប់សិស្សានុសិស្សដែលកំពុងតែសិក្សាថ្នាក់បាក់ឌុបទូទាំងប្រទេស ស្របពេលដែលរាជរដ្ឋាភិបាលកម្ពុជាប្រកាសបើកសាលារៀនជាបណ្ដើរៗ។ អ្វីដែល អ្នកឧកញ៉ា ឡេង ណាវ៉ាត្រា ចង់ឃើញមកវិញ គឺប្អូនៗនិស្សិតអាហារូបករណ៍ទាំងនោះ ត្រូវខិតខំប្រឹងប្រែងសិក្សា ក្លាយជាធនធានមនុស្សដ៏ល្អ ជាពិសេសយកចំណេះដឹង និងជំនាញទាំងនោះ មកជួយអភិវឌ្ឍន៍ប្រទេសជាតិយើងឱ្យកាន់តែរីកចម្រើន៕

The post អ្នក​ឧកញ៉ា ឡេង ណាវ៉ាត្រា ផ្ដល់​អាហារូបករណ៍​ដល់​និស្សិតក្រីក្រចំនួន ១៥០នាក់ រៀនចប់មានការងារស្រាប់ប្រាក់ខែ 300$-4000$ appeared first on .

អនុស្សរណៈយោគយល់គ្នានេះ ក្រុមហ៊ុន ព្រី​នស៍ នឹង​ផ្តល់​ថ្លៃ​សិក្សា​ពេញលេញ​ជាមួយនិង​ប្រាក់ឧបត្ថម្ភ​ដល់​និស្សិត​ដែល​បានជ្រើសរើស​ចំនួន ៤០០​នាក់ ដើម្បី​បន្ត​ការសិក្សា​ថ្នាក់​បរិញ្ញាបត្រ​ផ្នែក​វិទ្យាសាស្ត្រ​របស់​ពួកគេ​ក្នុង​សាកលវិទ្យាល័យ​ល្បីៗ​នៅ​កម្ពុជា ដោយ​រួមមាន សាកលវិទ្យាល័យ​ភូមិន្ទ​ភ្នំពេញ សាកលវិទ្យាល័យ​ជាតិ​គ្រប់គ្រង និង​វិទ្យាស្ថាន​បច្ចេកវិទ្យា​កម្ពុជា​។ សរុបមក​ ព្រី​នស៍ នឹង​ផ្តល់​ថវិកា​ជាង ២​លាន​ដុល្លារ​សហរដ្ឋអាមេរិក​ក្នុង​រយៈពេល ៧​ឆ្នាំ​។

ជាមួយគ្នានេះ ក្រុមហ៊ុន ព្រី​នស៍ គ្រុប នឹងធ្វើ​ការ​ជាមួយ​ក្រសួង​អប់រំ​យុវជន និង​កីឡា ដើម្បី​ធានាបាន​ថា​ និស្សិត​ទទួលបាន​ការគាំទ្រ​ផ្នែក​ហិរញ្ញវត្ថុ ការបណ្តុះបណ្តាល ការណែនាំ​បង្ហាត់បង្ហាញ និង​ឱកាស​ការងារ​ ដើម្បី​ជំរុញ​ដល់​ការសិក្សា​ក្នុង​វិស័យ​ចំនួន​បី​៖ ការអភិវឌ្ឍ​ប្រកបដោយ​ចីរភាព​នៃ​វិស័យ​អចលនទ្រព្យ ការជំរុញ​នៃ​ការរួមបញ្ចូល​ហិរញ្ញវត្ថុ និង​សេដ្ឋកិច្ច​ឌីជីថល​នៅក្នុង​វិស័យ​ធនាគារ​និង​ហិរញ្ញវត្ថុ ព្រមទាំង​ការលើកកម្ពស់​ស្តង់ដារ​បដិសណ្ឋារកិច្ច​លំដាប់​ពិភពលោក ដើម្បី​បំពេញតម្រូវការ​មូលធន​នៃ​ធនធានមនុស្ស​ នាពេល​អនាគត​សម្រាប់​សេដ្ឋកិច្ច​ក្នុង​តំបន់​។​

គួរបញ្ជាក់​ថា​ព្រី​នស៍ ហូល​ឌី​ង គ្រុប (Prince Holding Group) គឺជា​សម្ព័ន្ធ​ក្រុមហ៊ុន​ពហុ​ផលិតផល​ដ​ដ៏​ធំ​មួយ​នៅ​កម្ពុជា​ ដែលមាន​អង្គភាព​ជាច្រើន​ធ្វើការ​ផ្តោតលើវិស័យ​ស្នូល​ចំនួន ៣ គឺ​ការអភិវឌ្ឍ​វិស័យ​អចលនទ្រព្យ សេវា​ហិរញ្ញវត្ថុ និង​សេវា​អតិថិជន​៕​

The post ទឹកប្រាក់ ២​លាន​ដុល្លារ​ អ្នកឧកញ៉ា ចេន ហ្សុី ប្រកាស ផ្តល់អាហារូបករណ៍ដល់និស្សិត៤០០នាក់សិក្សាថ្នាក់បរិញ្ញាបត្រ នៅសាកលវិទ្យាល័យល្បីៗនៅកម្ពុជា appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោក រស់ សុវាចា អ្នកនាំពាក្យ ក្រសួងប់រំ យុវជន និងកីឡា បានបញ្ជាក់ថា៖ “ជារួម ការបើកសាលារៀនឡើងវិញនាពេលណាមួយខាងមុខនេះ ផ្តោតលើគោលការសុវត្ថិភាពសុខភាព ស្របនឹងវិធានការសុខាភិបាលដើម្បីលើកម្ពស់គន្លងជីវិតថ្មីក្នុងវិស័យអប់រំ ហើយក្រសួងអប់រំ យុវជន និងកីឡានឹងជម្រាបជូនសាធារណជននាពេលក្រោយស្តីពីព័ត៌មានពាក់ព័ន្ធនឹងការបើកសាលារៀនឡើងវិញ និងទិដ្ឋភាពពាក់ព័ន្ធ”។

ចំណែក លោក ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជាបានលើកឡើងថា វិស័យឯកជននៅមិនទាន់បានស្នើសុំទៅក្រសួងឱ្យដំណើរការសាលាឡើងវិញនៅឡើយទេ ពីព្រោះនៅមិនទាន់បានបិទបញ្ចប់ ព្រឹត្តិការណ៍ ២០កម្ភៈនៅឡើយ។

លោក បានបន្តថា៖ “ថ្វីត្បិតតែចំនួនឆ្លងមានការធ្លាក់ចុះ និងបានធូរស្រាលមែន តែចំនួនអ្នកឆ្លងនៅមានការព្រួយបារម្ភនៅឡើយ។ បើសាលាបើកវាប៉ះពាល់ដល់និស្សិត និងសិស្សព្រោះសាលាជាកន្លែងប្រមូលផ្តុំ។ តែបើទោះបីជា ព្រឹត្តិការណ៍ ២០កុម្ភៈ​ មិនទាន់ចប់ក៏ដោយ ប្រសិនបើក្រសួងអប់រំអនុញ្ញាតឱ្យយើងបើក យើងនឹងបើកភ្លាម”៕

The post លោក ហេង វ៉ាន់ដា៖ បើទោះបីព្រឹត្តិការណ៍ ២០កុម្ភៈ​ មិនទាន់ចប់ក៏ដោយ ប្រសិនបើក្រសួងអប់រំអនុញ្ញាតឱ្យយើងបើក យើងនឹងបើកភ្លាម appeared first on .

យ៉ាងណាមិញ ក្រសួងអប់រំ យុវជន និងកីឡា ក៏មិនបានបញ្ជាក់ច្បាស់ថា លោកគ្រូ ម៉ៃ ថុនា ចូលរួមកម្មវិធីអ្វី ហើយកាលពីថ្ងៃណាដែរ។ គួរបញ្ជាក់ផងដែរថា កាលពីថ្ងៃទី១៣ មីនា ២០២១ ក្រសួងអប់រំ យុវជន និងកីឡា ក៏ទើបតែចេញសេចក្ដីណែនាំ ស្ដីពីការរក្សាសុវត្ថិភាពក្នុងការធ្វើដំណើររបស់បុគ្គលិកអប់រំគ្រប់លំដាប់ថ្នាក់ រួចមកហើយផងដែរ៕

The post ក្រសួងអប់រំបន្ទោសចំៗឈ្មោះ គ្រូបង្រៀនមួយរូបនៅតាកែវព្រោះ​ចូលរួមកម្មវិធីកុះករទីបំផុតមានអ្នកកូវីដទៅដែរ appeared first on .